مصلى العيد.. مكان ضاق برواده!!

[دبلوماسي الرمس]

بسم الله الرحمن الرحيم

السلام عليكم ورحمة الله وبركاته..

أود أن أطرح لكم قضية هامة في نظري ، وأريد منكم ابداء رايكم في فيها..

قضية مصلى العيد..
لقد اصبح المصلى لا يتسع لعدد المصلين ما شاء الله ، فهو يغطي ما يقارب من خمس مناطق
( الرمس - الرحبة - المهابيب - القيشة)
والعدد في تزايد وكذلك المواقف الخاصة بالسيارات فلا ترى لك مكان تركن فيه السيارة وقت يوم العيد مما يسبب ازدحاما ...فالى اين مصلى العيد..؟؟

تساؤل مشروع أطرحه ، وهو لماذا لا تستغل مناطق شاسعة في المنطقة بدلاً من المصلى الحالي
انتظر أفكاركم..

هذه قضية جالت في خاطري، فحبيت ان اطرحها متمنيا منكم ابداء رايكم فيه اخاصة وأن العيد قرب وبتشوفوا المعاناة فيها عدل...

تحياتي...دبلوماسي الرمس

[ولد الطنيجي]

السلام عليكم ورحمة الله وبركاتة

اخوي دبلوماسي الرمس الموضوع حساس وحلو صراحة بس المشكلة ان المكان وين ، المصلى صار مايتسع اكثر من الممكن هذا حدة .

نتمنا الحل والله لان والله صادق في كلامك نحن نحس في المعاناة إلى انت تعانيها نحن بعد والله ما انحصل مكان في العيد المجال الوحيد ان مصلى العيد يتغير مكانة من وسط الرمس ، او ان كل من القيشة والمهابيب يبنون لهم مصلى في منطقتهم عشان نحن نرتاح وانحصل مكان انصلي فية واتقل الزحمة .

بس السموحة ((( اذن من طين واذن من عجين ))) من يسمع يا دبلوماسي الرمس .أهل الرمس مب مثل أول صارت النفوس متغيرة حسد وغيرة ونميمة . والله ايعينا من الياي .

والسموحة

[خطى إنسان]

يصـــراحة موقع مصـــلى العيد الحالــــي تعودنــا علــيه من صغــرنا ,, ومكــانه في وســـط الرمس وترى النــــاس مدبره عمــــرها في الباركنات

وأرض الله واســعة ... وصـــلاة العيــــد كلها ساعتين وتخلص ... وأهم شي فرحـــة العيــــد

[عاشقة الحرف]

بصراحه ....
انا ما اسير المصلى خير شر ....
عسبة الزحمة ......
لاعت جدي من الزحمة بس الله يعين ,,,,
ومشكور يا خوي دبلوماسي على موضوعك ....
وانشاء الله
تحصلون اذن صاغيه تسمع لكم ....

[بن سعيد]

انحذف ردي وراح اعيد واكتبه

انا اقترحت لو المصلى القديم يخلونه كله للرياييل ويهدون اليدار اللي بينهم

والحريم يسوون لهم واحد يديد في المساحه اللي جدام الروضه القديمه اللي اهي مدرسة القلعه للبنات

انا اشوف هالمساحه من سنين على هالحال ولو يستفيدون منها يكون احسن

هذي وجهة نظري واتوقع انها بتخفف الزحمه

واتمنى انكم تشاركوني وجهة نظري وتناقشونها

[Smily]

http://www.up07.com/up6/uploads/6ed2595e85.jpg (http://www.up07.com/up6)

الله يعين بصراحه


بن سعيد اقتراحك حلو بس منو بيسمعه؟!



http://www.up07.com/up6/uploads/e2b4378256.jpg (http://www.up07.com/up6)

[So different]

وعليكم السلام والرحمه

أشكرك أخوي ع طرح هالقضيه المهمه

وأحس بتكون بادره طيبه لو أهل الرمس القريبين من المصلى يسيرون مشياَ على الأقدام ويفسحون المجال لسيارات المناطق البعيده :)

المصلى بوسط الرمس يعني الشخص لو يمشي بيوصل بخمس دقايق أو 10 بالكثير وما فيها تعب .. وأخوانا اللي بييون من المناطق الأبعد بيحصلون أماكن يبركنون فيها سياراتهم :)

ولو يغيرون المكان ويخلونه عند مدرسة القلعه بعد بيكون أفضل لأن المساحه أكبر ولو يسوون باركنات للسيايير بيكون أرتب

بالنسبه لاقتراح أخوي ولد الطنيحي تطبيقه مجدي وبيحل المشكله بس بعد أحس وجودهم بيزيد الفرحه خاصه لما نشوف ربعنا من هالمناطق ونحصل مجال نبارك الهم

وبالنسبه لاقتراح أخوي بن سعيد اقتراح حلو بس بينفع يكون النساء بجهه والرياييل بجهه يعني بيي امام ثاني والا كيف الفكره؟؟

[بوح]

السلام عليكم ورحمة الله

طبعاً هذا هو العيد .. وصل وراح ..

ولو جينا للمشكلة الرئيسية راح نلاقيها مواقف السيارات وليست مساحة مصلى العيد بحد ذاته ..

فلو كانت المساحة اللي أمام مدرسة القلعة هي مواقف للسيارات راح يكون أفضل ..

ولا اعتقد بأنها مسافة طويلة إلى المصلى ..

أما داخل المصلى فنرى العجب العجاب ..

الحريم والبنات طق سوالف والخطيب باح صوته .. ونصهم مايصلون لأنه المكان مغبر ..

والرجال نفس الشي إذا الخطيب يخطب والبعض نايميين حتى يطلعون صوت وهم نايميين ..

شنو هالمظاهر !!! والله إنها مظاهر أصبحت تخجل .. فلقد ضاع أجرهم بالنوم والحش ..

[بنوتة الرمس]

صدقت يا دبلوماسي الرمس

ويعطيك لف عافية على الطرح الجميل

[:: ماجد ::]

تسلم اخوي على هذا الطرح الجميل

بخصوص تعليقي



بوسعيد
انحذف ردي وراح اعيد واكتبه

انا اقترحت لو المصلى القديم يخلونه كله للرياييل ويهدون اليدار اللي بينهم

والحريم يسوون لهم واحد يديد في المساحه اللي جدام الروضه القديمه اللي اهي مدرسة القلعه للبنات

انا اشوف هالمساحه من سنين على هالحال ولو يستفيدون منها يكون احسن

هذي وجهة نظري واتوقع انها بتخفف الزحمه

واتمنى انكم تشاركوني وجهة نظري وتناقشونها
والله فكرة حلوة

بس المشكلة
الحين الريال رايح يصلي ومودي الأهل وياه
وقول مثلا ساكن بمنطقة بعيدة

فهل يعقل انه ويدي الحريم صوب المدرسة عقب هوه يروح المصلى

وغالبا يكون صعب يطلع سيارته من الزحمة

فالحريم وين بيسون يتريونه لانه بتكون هاذيك المنطقة (المصلى حاليا) زحمة كبيرة

وبيزداد عدد المرتادين بسبب وجود اماكن زيادة

لان البعض مايسير يصلي بسبب المكان الي مايكفي

______________________________



بوح

السلام عليكم ورحمة الله

طبعاً هذا هو العيد .. وصل وراح ..

ولو جينا للمشكلة الرئيسية راح نلاقيها مواقف السيارات وليست مساحة مصلى العيد بحد ذاته ..

فلو كانت المساحة اللي أمام مدرسة القلعة هي مواقف للسيارات راح يكون أفضل ..

ولا اعتقد بأنها مسافة طويلة إلى المصلى ..

أما داخل المصلى فنرى العجب العجاب ..

الحريم والبنات طق سوالف والخطيب باح صوته .. ونصهم مايصلون لأنه المكان مغبر ..

والرجال نفس الشي إذا الخطيب يخطب والبعض نايميين حتى يطلعون صوت وهم نايميين ..

شنو هالمظاهر !!! والله إنها مظاهر أصبحت تخجل .. فلقد ضاع أجرهم بالنوم والحش ..
بخصوص المواقف صدقتي صراحة

لاني جفت صوب المصلى سيارة طايحة من جدام داخل بالوعة
بسبب الوقوف في مكان غلط صوب مدخل الرجال

لان موااقف مااااشي

وزحمة

هذا تعليقي

وشكرا دبلوماسي الرمس على هذا الطرح الجميل

[رسولـ المحبهـ]

لالا على كيفكم انتوا كلواحد عطا فكره

شوفوا مالكم شغل بمعيدنا

ههههههههههه

امزح

لا انا سمعت ان رح يلغون المصلى و يحولونه روضه

ورح يتم استبدال المصلى بالمدرسه المقابله له

هذا والله اعلم بس هذى اللي وصلني

ويعطيك العافيه على الموضوع صراحه مهم جدا"

[شرباك]

الصراحة وااااااااااايد صغيرة
المفروض يجلون مدرسة القلعة وعبدالرحمن بن عوف ويسوووووون المصلى

[JetaimeO]

أنا أجوف لو يسوون مصلى صوب ضاية عسب تاخذ أهل الرحبة والمهابيب والقيشة أحسن


تسلم أخوي عالموضوع

[Bo 3@bdallah]

ممممم

لاتستعيلووون

حسب ما عرفناا
انه مصلى الرمس الحالي سيلغي

ويتم بناءه مجداا
في المدرستين
عبدالرحمن بن عوف
ومدرسة القلعه
لأنه طلاب مدرسة عبدالرحمن بن عوف سو ينتقلون الى المدرسه اليديده
وطالبات مدرسة القلعه انتقلوا الى مدرسة الافق ..
ف بيتم مسح المنطقـــه ..
وبينبني المصلي الجديد

بس متى


اتريووو سنين وبنين
عيال عيالكم بيلحقون عليه ,,