المساعد الشخصي الرقمي

مشاهدة النسخة كاملة : دائرة الأشغال .. ممكن أساسركم !!


TOY STORY
28 - 6 - 2010, 10:00 AM
السلام عليكم ...
مابصدع براسكم .. رساله مختصره لأبعد الحدود ومغلفه بالرجاء والشحاته .. ياليت حد من العمام مشرفين أدارة الأشغال ( القسم الصحي ) يمر مرور الكرام على منطقة الظيت الجنوبي ويعاين المكان الموبوء بأشجار الغويف الضاره اللي يشهد الله أنها عافده علينا في البيوت ويعطي أمره السامي للعمال المبجلين بأزالتها وسحلها من وجه الأرض .. ونا جدام الحاضرين مستعد أسوي للعمال الأشاوس ماغيرهم عزيمه ولهم الولمه يبغون عزيمة ريوق ولا غدا جزاء وشكورا بهذا العمل الشجاع وهذه العزيمه الدئوبه .. بس دخيلهم يفكونا من هالأشجار الضاره بيئياً وشكلياً ومعنوياً وصحياً ( ثبت علمياً أنها تشفط المياه الجوفيه شفاط لين تخلي البقعه طين ) .. ومن غير الحشرات الضاره المعششه فيها ومن غير شوجها المشخط مواترنا تشخيط ...
فكلي رجاء من الجهات المسؤوله سرعة التفاعل بالإزاله منعاً لتفاقم المشكله وتعاظمها .. وبعدين أنقول .. صعب ومانروم الغويف أستوا عص ماينقطع ..ودخيلكم .. أن شفتو الموضوع ماله حل وماشي وقت وغيرك حاجز قبلك ردو علينا خبر ونا مستعد أأجر كرين ومتبرع لأجل عين الفريج وسحله وقصه وفك العالم من شره لكن الخوف أقطع كيابل وبيبات الأوادم .. فشو الحل .

http://www.alrams.net/up/uploads/images/alrams-7a1ff79843.jpg
سفير جلفار
28 - 6 - 2010, 10:24 PM
ان شاء الله احد المسؤلين يشوف موضوعك

من يشوفون اقتراحك بتأجير الكرين بفلوسك بستانسون وبقولون ماشي وقت هههههههههه
إمـرأه لا تُنسـى
29 - 6 - 2010, 01:21 PM
الله يكون في عونكم .. حبيت ارفع الموضوع .. يمكن احد يشوف الموضوع .. : )
كيفي وحداوي
29 - 6 - 2010, 01:37 PM
الله يكون في عونكم
TOY STORY
1 - 7 - 2010, 06:07 AM
مشكورين عمامي على المرور والتفاعل ..
قول حد مر ووايج على المكان وقال جلمة أبشر .. الحال على ماهو والمعاناه تزيد .. والله كريم .. شكلي يالسفير بتناوله الشيول وبنتفهن تنتيف مع الكيابل .
7rkaat
2 - 7 - 2010, 12:45 AM
جيه آخوي هذا شي عادي آنت بعدك مب شايف شي روح وشوف الاماكن الثانيه
شباصة منقصة
2 - 7 - 2010, 03:23 PM
الله يـــكون بالعوووون


ان شاء الله تنحل اموركم
TOY STORY
3 - 7 - 2010, 09:35 PM
.. خذتها وهي قصيره .. سرتلهم يوم الخميس وقلت أمري لله .. أن ماطاعك الزمن ولا طيعه .. المهم دخلت على صاحبنا الموظف المختص وجابلته ..

_ أأمر يفندم .. طال عمرك عندي الغويف واصل حده وياليت مخاوين شما يقربون ويقصونه وينظفون البقعه
_ أديني نمرة تيلفونك وأن شاء الله بالأريب العاجل يعدو عليك .. قتله يالله هالكثر اللسته طويله .
_ يابيه هيه مكينه وحده لراس الخيمه كلها ولازم تستنا .. هوه كده .. قتله عيل مالي غير الصبر . ويعيني الله جان مكينه وحده تحش غويف راس الخيمه كلها !!
اشغال
6 - 7 - 2010, 03:20 AM
اخوي سير عند كرم مابقصر معاك
TOY STORY
6 - 7 - 2010, 05:02 PM
اخوي سير عند كرم مابقصر معاك

.. أشغال .. شكلك الجندي المجهول اللي تصخر لخدمة الشعب .. حبيبي دخيلك دزلي رقم السيد كرم على الخاص وبتواصل معاه وبتكون خدمتني خدمة العمر .. ولو حد من الطيبين عنده رقم كرم ياريت ماينسى المطراش وبكون شاكر له :sm164::heart:
الخيماوي vip
6 - 7 - 2010, 07:01 PM
شـكــ وبارك الله فيك ـــرا لك ... لك مني أجمل تحية .