شقيقتك تصارحك بأنها تعيش قصـة حب فماذا تفـعل ؟؟؟

[كــلام الــملوك لا يــعاد]

شقيقتك تصارحك ا نها تعيش قصة حب .ماذا تفعل ؟؟
الموضوع عبارة عن موقف لو وضعت فيه ماذا ستكون ردت فعلك ؟
تخيل انه في يوم من الايام صارحتك شقيقتك وقالت لك :
انها تعيش قصة حب و اعجاب مع شاب ماذا ستكون ردت فعلك
هل ستثور وتوسعها ضربا وربما مزقت جسدها ؟
ام انك ستتفهم الموقف وتكتم غيضك وتبحث عن الهدف من هذه العلاقة ؟
ام ستعمل على التفريق بينهما بأي وسيله وتبدأ في فرض طوق امني
وحصار رهيب حول شقيتك ؟
وهل ستخبر جميع افراد الاسرة ام ستتكتم على الموضوع و تحله بمفردك ؟
ماذا ستفعل بالضبط ؟ هذا السؤال ليس موجه للرجل فقط
بل لك انتِ ايضاً اختي بما ان الموضوع يخصك وانت جزء منه ماذا في نظرك على الرجل ان يفعل في هذه الحاله؟
وياليت الكل يجاوب بكل صراحة

[rak-storm]

لا تعلييييييق ... لساني انربط

[بنوته كيوت]

أشكرك .. على كل مواضيعك المميزه ...
أخوي مابيسوي شيء بس كف يمين .. وكف يسار .. وكمن رفسه ........ههههههههههههههههههه
وطوق أمني ومصادرة جميع الأملاك ( المبايل الكمبيوتر ، والسياره ، وروحي الدوام بالتكسي) هههه و
جلب بوليسي جدام الباب
بسم الله علي من الحب أعيش مكرمه ولا أحب وأنذل....هههه
مجتمعنا مايسمح بها الشيء مستحيل اي أخ يقبل بها الشيء على أخته ..

تقبل مروري ... ودمت بود خيو..
بنوته كيوت..

[الطنيجيه]

بقولك اخوي سالفه صارت لوحده من ربيعاتي يعني هي حبت واحد و الولد كان يتواصل وياها

و نحنه كنه ننصحها انها يا تودر العلاقه و ما تكمل او انها تصارح حد من اهلها و هي سارت و خبرت اخوها الكبير

بصراحه انا حسيت انه بيضربها او شي بس الريال تصرف بعقلانيه و كتم الموضوع و قال لها لو الريال يباج بسنة الله و رسوله انا

موافق و بنعرف اكثر من الريال و طبعا رمس الريال و عرف عنه و اخر شي ما اعرف شو صار بس يه عند اخته و قال لها انسي

الموضوع و اتمنى ما تعيدين هالحركه الهدف من هالسالفه اني هب افضح البنت او شي بس الهدف منه انه المفروض الكل ياخذ

عبره انه العصبيه هب حل لأي مشكله و فعلا البنت عقب ها السالفه ابتعدت من كل شي و ردت تعيش حياتها مثل اول و احسن

من اول بعد لأنها عرفت انه ألي كان يصير غلط و الحمدالله ربي يوفقها هي و اخوها

و انا عن نفسي احس الواحد يتصرف بعقلانيه اول و عقب لو شاف ماشي فايده يقدر يتخذ وسائل ثانيه لأنه فالأخر العصبيه هب

حل لي مشكله فالحياة و السموحه

تسلم اخوي على مواضيعك المميزه

تقبل مروري .. اختكم الطنيجيه ..

[مهروه]

سلاااااااااااااام
انا الحمد لله ما انحطيت بهل الموقف بس لو في يوم حسيت ان لي مشاعر اتجاه حد في الجامعه او الشغل و كانت نيته شريفه ليش لا ،،،، اقول على ان اكون متأكده تماما من الشخص الي انا احبه مستعد ان يتقدملي و تكون خطوه ثانيه بعد القبول و مو بضروري تكون قصة حب عنيفه او اخوج يصيدج عشان تقولين جذي اكيد بيلعن شكلج ( سوري ) حتى لو كانت نية الطرفين سليمه .... ما ابي اطول عليكم بس حلا العلاقة بين الأخ و اخته تكون صداقة و اخوه ...
و مشكوره على الموضوع ........... ادري تحمست بزياده خخخخخخخ ......

[سلمى]

طبعا هذا يعتمد على شخصية الأخ

اذا كان ملتزم وواعي ومثقف بيتفهم الموضوع

وبيحاول يكسب ثقة اخته ولو انه من داخلها بيموت من القهر

وأكييد بيقدم لها النصيحة المثمرة ,,

أما اذا كان الأخ مغازلجي وماله هم الا مطاردة البنات

فثقوا انه بيقطعها تقطيع ,,

ليش ؟؟؟

لانه بيتم يتخيل الي هو يسويه ويا بنات الناس

وبيتخيل اخته تسوي نفس الشي ,,

وأنا مع موقف مصارحة البنت لأخوها ,,

[الزهره]

أفضل شي الحب بعد الزواج تظمنين ان هالشخص لج
و الحرام بيتم حرام ونحنا بزمن قل فيه الحب
والي يقول يحبج وكلمج بمجرد أنج تقطعينه بسير عند غيرج ليش تعذبين عمرج وتقللين من قدرج وقدر أهلج

[السامعيه]

يوم تتزوج الي تحبه بعدين تخبر اهلها،، على شو مستعجله؟؟؟؟؟ ههههههههه

[maryam.m]

السلام عليكم ورحمة الله وبركاته

اول شي اشكـرك اخوي ع الموضوع

وثآنيا .. بقولك قصــه صارت لوحده اعرفها معرففففه يعنى وجريبه منا ..


اول .. شي هي كانت اتكلم واحد في المسن لمده تقريبا 3 اشـهر " وكآنا نحن ننصحها وجي بس ماشي فايده "

وهي اكبر خواتها .. وعندها اخو اكبر منها .المهم خبرته انه هالشخص ناوي يخطبها وهي كانت اترمسه وجي يعنى ..

وطبعا الولد اتفهم الموضوع .. كلم الولد وخطبها

وازوجــها .. والحين ما شاء الله تبارك الرحمــن . حامل . عايشين بسعآده =) !!


يعنى المفروض الاخ اذا عرف او البنت اذا خبرت الاخ .. لازم يفكرون ويتصرفون بعقل قبل لا يسوون شي يندمون عليه ..

=)


ســـلام

[alreemuae]

( بقرصها - بضربها - بعطيها طرااااااااق ) بس بدون فظااااااايح



شكرا ع التغطيهـ

[alfujeary]

أكيد بعصب واذا ما مسكت نفسي يمكن اني اضربها بس هذا غلط

لاني لو نازعتها او ضربتها يمكن اتعاندني يمكن اكشفها في البيت فتنعدم الثقه بينها وبيني وبين اهل البيت


بسمع منها كل شي وبشوف الشخص هذا كيف هل جاااااااااااااد هل لعوب وببين لها ان هذا الشخص كذاب او لا

واذا جاد حياه الله وانا برتب موضوع الخطبه

واذا كان صايع باخذ اجراءاتي معاه اجراءات بيني وبينه بسسسسسسسسسسسسسسسسس وبحاول افهم الاخت وانصحها

[الغاويه]

شـكــ وبارك الله فيك ـــرا لك ... لك مني أجمل تحية .


انا لو اخوي حرام ماراح يتعب نفسه ولا يعور ايديه بس للاسف :sm78: ذبح ع طول ههههههههههههههههههههههههههههه

[نحوله]

يعطيك العافيه ل طرحك ها الموضوع ..

امم . . انا عن نفسي .. لو عرفت اختي اترمس ولا لها علاقه مع واحد .. اول شي بكلمها .. بقول لها الريال منو وكيف عرفتيه وكل شي بتفهم الموضوع .. عقب بكلم الريال بشوفه كيف هو .. هل هو صدق يبا اختي ولا بس يتسلى ..
وبكون وياه واضحه بقول له اذا تبا اختي تعال اخطبها واذا ماتباها لو شفت رقمك مره ثانيه ماتلوم الا نفسك ..

وجان على اختي بسمعها لين ماتخلص كلامها .. اذا شفتها تباه ومتعلقه فيه بحاول انصحها واوعيها واقول لها شو واقعنا الحالي .
واذا مافادت بها النصحيه .( نبدا بالشر هع ).وبهددها باني بخبر اهلي لو ماودرته( لو طلع الريال هب زين ) ..
وبس ..^^.