سؤال يطرح نفسه

[عاشق الاصفر]

السلام عليكم ورحمة الله وبركاته


سؤال يطرح نفسه؟

كيف تنظم وقتك في رمضان ؟؟
يعني ماذا ستفعل او تفعلين في شهر رمضان يعني من بعد صلاة الفجر حتى طلوعه في اليووم الثاني ؟؟

بسهل الموضوع لكم ...
الاوقات بالترتيب..؟
الصبح(بعد الفجر ) .............
الظهر .............
العصر ............
المغرب (بعد الفطور ).....................
العشاء (بعد التروايح )..................


انا قدمت على اجازة في شهر رمضان وان شاء الله يوافقون عليها
وفكرت شو راح يكون يومي في هذا الشهر الفضيل ..تبون اتعرفون شو هو تفكيري
اول شي بشووف ردوودكم ؟؟ وبعدين بتعرفوون ..:sm142:

[عاشقة القمم]

والله أنا بعدني ما رتبت أموري ، خاصة إني هاي أول سنة أكون قاعدة برمضان في البيت ..
بس رح أكتب الأساسيات ... أوكيك



الصبح(بعد الفجر ) : أكيد بعد الفجر بقرأ قرآن ، وبعدين إذا ما كنت نايمة بليل ، رح أنام شوي ، وبعدين بنش عسب أساعد أمي ( خاصة إذا كانت تسوي هريس أو خبز رقاق للفريد ) ، وبعدين بيأذن الظهر .

الظهر : بصلي الظهر ومن بعدها بقرأ قرآن ، وبعدين بروح أسوي الحلويات ( كيك ، آيس كريم ، كرميلا ، جلي ، مهلبية ) .

العصر : بصلي العصر وبقرأ قرآن ، وبعدين بشغل التلفزيون وبشوف أي برامج حلوهـ ، يعني ذيك السنوات كنت أشوف برنامج لمحمد لعريفي ، وألحين بنشوف متى رح يظهر برنامج نبيل العوضي وغيرهـ ، المهم بعدين بسير المطبع عسب أجهز الوعية واللصحون لين ما يقون باقي للأذان ساعة إلا ربع ، ومن بعدها بنجب الفطور ( طبعاً بالبداية للجيران والأهل ) وبعدين إلنا .

المغرب (بعد الفطور ) : ( اللهم لك صمت وعلى رزقك أفطرت ) أروح أصلي وبعدين نشغل التلفزيون ونشوف الكاميرا الخفية ، وعقب أدق لربيعتي ونتواعد الساعة كم نطلع المسيد ، وأروح المسيد قبل الأذان وإلا أول ما يأذن بالضبط ، أصلي ركعتين وأتم أقرأ قرآن .

العشاء (بعد التروايح ) : أرد من المسيد ، وحبايبي يكونون مجتمعين في البيت ( خواتي وعيالهم وخواليني ) ، نتم ضرب سواآآآلف ، وضرب أكل ، ومن بعدها أكلم ربيعاتي بالتيلفون .


طبعاً مستحيل يومي يكون ع جيه ، بس أنا إختصرت أيامي الرمضانية ذيج السنة ، عسب ما أدخل الموضوع وأظهر بدون رد .



السموحة منك أخوي
تقبل مروري :
((( إماراتية لين الموووت )))

[Sweet Heart]

الصبح(بعد الفجر ) ............. اقرى لي كمن جزء وانام
الظهر ............. كله قراءة القرآن
العصر ............ اقرأ جزء وبعدها اروح المطبخ اشوف شو يبو غيره وقبل الفطور اقرى شوي
المغرب (بعد الفطور ).....................اروح امشي ع البحر " احلى وقت اتمشى فيه بعد الفطور في رمضان"
العشاء (بعد التروايح ).................. اشوف الشباب يلعبون طايره وغيره او نسوي قعدات مع الاهل





الصراحه اخوي اول شهر رمضت فيه برع البيت

كرهت عمري , حسيت بفرق كبيييييييييييييييييير

والله الجامعه حارمتني ارمض ويا اهلي في البيت

لكن الحمده لله على الاقل انا في البيت الثاني يوم ارجع من الجامعه

الاقي اخوي افطر معاه , لكن الفطور مع الوالده والوالد والاخوان كلهم غير

تسلم اخوي ع الموضوع

[قد الحب]

تسلم اخوي عاشق الاصفر على الطرح المميز وانت عاد تقدر تاخذ اجازه لكن نحن جامعه وين نروم هع


الصبح(بعد الفجر ) طبعا انا اصلي الفجر وارد ارقد وبنش من 9 لان عندي دوام
الظهر >>>>بعد دوام
العصر >>>>برد السكن اساعد ربعي في الطبخ
المغرب (بعد الفطور )ارقد لين ما ايأذن
العشاء (بعد التروايح )اشوف التلفزيون واقعد ع النت اشوف اذا عندي واجب اوي شي وبعدين نسهر لين 3 وجيه

يالله ردينا وانت عاد ماخذ اجازه شو بتسوي فيهاااااا

[عاشق الاصفر]

مشكووورين على المرووووور ... الله يسااعد كل واحد منكم ... علشاان يسوي الي مخخط له في رمضاان انشاء الله

[ساحرة القلوب]

الصبح(بعد الفجر ) بالنسبة لي أنا مختلف أن غيري أنا بس وبس أذاكر دروسي الصبح ما أحب أذاكر العصر
الظهر أرد من مدرسة الرقد
العصر أحيانا أيلس ع النت و أحيانا أجهر ويا ماما الأكل و أحيانا أقرأ القرأن و أحيانا أشوف التلفزيون
المغرب (بعد الفطور ). أكيد الشوف الفريج و حقق علينا
العشاء (بعد التروايح ).الرقد I love sleeping