في حادثة هي الأولى من نوعها..مجهول يهشم شاشة الرادار الثابت والرمس نت تستنكر الحادثة

[رسالة]

في حادثة هي الأولى من نوعها..مجهول يهشم شاشة الرادار الثابت والرمس نت تستنكر الحادثة


http://www.alrams.net/up/uploads/images/alrams-0c00e413f6.jpg


الرمس.نت / رسالة / تصوير: RAKBOY783



في واقعة تُعد الأولى من نوعها، أقدم شخص مجهول الهوية حتى اللحظة على تهشيم وتحطيم الواجهة الأمامية ( الشاشة الزجاجية ) للرادار الثابت على شارع فيصل برأس الخيمة مقابل جامعة الإتحاد - سابقاً-، دون معرفة سبب قيامه بهذا الفعل .


ومن جانبه، استنكر الرمس.نت الحادثة واصفاً إياها بالدخيلة على المجتمع الإماراتي المحافظ على عاداته وتقاليده في الحفاظ على الممتلكات العامة وصيانتها .


ولمزيدٍ من المعلومات سيتم التواصل مع المسئولين لمعرفة حيثيات الحادثة على أن نوافيكم بكل جديد .


http://www.alrams.net/up/uploads/images/alrams-2efc6cecb5.jpg


http://www.alrams.net/up/uploads/images/alrams-5311bef44d.jpg


http://www.alrams.net/up/uploads/images/alrams-ab5ca0c431.jpg


http://www.alrams.net/up/uploads/images/alrams-7f906e3d2e.jpg

[alrahbi20]

شكراً اخوي ع الخبر

[عواسيه]

الله يعطيه الصحه والعافيه

[غلاRAK]

لا حول ولا قوة الا بالله


تســـلم اخــــوي ع الخــــبر

[بو حمدان]

لكل فعل ........ ردة فعل
في انتظار التفاصيل

[الفراشهـ]

خخخخ احسن .. عقبال رادارات الي عندنا

[PAPAYA]

الحين من متى الرادار متهشم من كمن يوم والحين لاحظوا
إنزين يغيرونه ويفتكون

[^نــمــورة^]

الظاهر منقرص من هالرادار دوم يزخة
خخخخ
بس لا لا عيب ميصير هالحركات
شكرا على الخبر

[وناسة راك]

شو العقل في هالناس المتخلفين الدولة تصرف وغيرنا يكسر شو هالحال؟؟؟؟؟؟؟؟؟؟؟؟؟؟؟؟؟؟؟؟؟؟

[بواحمد الظهوري]

الله المستعان .........

[wild alrams]

زيين يسووووي

[أنيقة]

جاهل!! ان شاء الله يعرفونه ويزخونه.. شو استفاد لما خرب ممتلكات الدولة؟؟ إذا كان وافد فهذي مصيبة.. وإذا كان مواطن فالمصيبة أعظم!!!!!

[lito]

ما يستاهل الرادار

[حلو الاطباعي]

الله المستعان
يبذلوا الصندوق والأمور طيبه بإذن الله

[رمساويه يديده]

والله مانقول غير الله يعين شبابنا على المخالفات اللي اتيهم من الرادرات لصراحه مبالغين وايد فالاسعار

بس هذا التصرف ابد مب حلو

يعطيكم العافيه عالخبر

[سفير جلفار]

الله المستعان

جي يتحسبه مكان لرجم الشيطان !!

[ماستر بيكر]

عجيبه متى وكيف وشقا تجرأ الشارع مفتوح ليل نهار يعني لو بشارع الامارات بتنبلع عاد في داخل الاماره عيني عينك يا هو قلبه قوي لوووول انا والعياذ بالله من قولة انا انصح بوضع كاميرا مراقبه بحجم صغير بداخل الرادار او فوقه لمنع اقتراب اي شخص بس الصراحه شي شوارع اي حد يقدر يسوي شرات اللي سووه بهالرادار يعني لازم الحيطه قبل كل شي في صفارات انذار وفي كاميرات هذا للحفاظ على ممتلكات الدوله وربي يحفظ دارنا من كل شر

[الحساس]

شكل إلي هشم أو كسر شاشة الرادار مريض نفسي وأسم المرض " لا " للرادارات
بس الحمد لله فكنا من الرادار
عنابو محد يقدر يتنفس شوي كل مكان رادار والمخالفه ب 700 درهم وفوق
دخيلكم هذا مب ظلم يستاهلو إلي يصير فيهم

[بوهيا]

جزيل الشكر والعرفان ومزيد من تحطم الرادارات في الدولة واحب اشكر الاخوان لانهم بصراحة ذبحونا بالمخلافات

[miss cheerful]

لا توجد نار من غير حطب ،،

بانتظار التفاصيل ،،

[مهيري وافتخر]

احسن خخخخ

[j500sl]

المفروض يتعاقب .. بس بعد الحكومة تسوي دراسة .. شو الأسباب

[الشاعر..]

شكرا علي الخبر,,,,

[غصن الورد]

ما يلامون من القهر عيل الرادار مانع الحودث الحين هل كثر خايفين على أرواح الناس بالعكس الناس اهلكت من المخالفات تنعطى المعاشات باليمين وتسلب بالشمال
والناس تعبانه اول رادار مخشوش والحين مبرز به فى كل درب شو ها الامر هو والحين قناص ع الكتف والشوارع مرقعه بسميت وكل حفرة طول لذراع خلى يون صوب الشارع فى السيح صوب شعبية الضباط ويشوفون

[فتى عوافى]

الحبيب شكله كان معصب من كثر ما زاخنه وطلع حرته فيه بس الشارع كلها كاميرا ممكن يعيدوا الشريط وراح يبين منو الفاعل

[!! الــعــنــيــد !!]

يعجبني
زيييين سوو


خل يعدلون شوارع الإمارة بالأول
بعديييين يفكرون يحطوون رادارات

تسلمووو ع الخبر

[alrams]

قال صيفنا والرادار بعده مداوم قال نأجزه يومين يرتاح ههههه

[قصه العزلان]

والله انه رجل خلهم يتادبون نشتري سيارات ونتدفع مخالفات أكثر عن جيمتها يزاه الله خير واللي مايعيبه هذا التصرف يدق رأسه بالطوفه

[κąşρεя]

هههههههههههههههههههه ’’ انا شفت يوم ايصووروونه بس ما ادري انه متكسر و ملعوون ابووو خامسه

[maryoom.com]

ههههههههههههه

شكله كل اشوي يصوره اخر شي عصب وكسره خخخ

يعطيك العافية

تحياتي ^^

[الدبلوماسي VIP]

إلحينه دورو رادار يزخ. اللي يكسر الرادارات

[maryoom.com]

هههههههههههه

شكله كل اشوي يصوره عصب وكسره خخخخ

يعطيك العافية

تحياتي ^^

[بن سعيد]

تصرف غير مسؤول

الله يهديهم

[البزي]

الصراحه هذا الفعل مشين

الله يهديه الي شوى هذا الفعل

[شباصة منقصة]

اويــــــــه

احترااام القوانيـن يعــني الشخص يحترم ديــنه ...كيـف؟؟؟

طــاعة اولي الامر منكـم ...يعني هذا شي لازم نتقيد به

و اللي يخاف ربـه ما بيتعــدى ع قوانين بلادة

و هذا الرادار لمصلحـته و يخافون عليه

بس سؤال ... راك بوي هو الي مصور بس ليش موب هو الي حاط الموضوع !!!

[alfujeary]

عادي ياجماعه

فايدة الرادار الثاني مال اسبوع بيصلحون هذا الرادار

[ولد الغيل]

ثاانكس ع الخبر

[%غمـــازة%]

بينمســك بينمســـــــك

:/ لا تحاول


سلمت عالخبـــــر .. ..

[UAE_ALRAMS]

كانه مضروب بمسجبه ؟؟

احسن لانه صادني مره خخخ

بس هده السلوك غير صحيح والله المستعان

[خالد الشحي]

شـكــ وبارك الله فيك ـــرا لك ... لك مني أجمل تحية .

[أسرار]

انزين خلاص ترى سوو تنزيلات على المخالفات ...خخخخخخ

[abunauf2001]

زين ريحنا من الرادار وبلاويه ما وراه غير الخسر

[brhooom]

هههههههههه


مشكووور

[broly]

الله يعطيه العافية ماقصر صراحة

[فتى بوظبي]

اللـــــــــــــه المستعان ليش عاد كسره أكيد في سبب ولا أكيد إنه واحد فاضي مالقا له شغله ثانيه إلا الرادار

[إمـرأه لا تُنسـى]

شكله ضاربنه بالمسجبة ههههه


من بعيد مصوب عليه ههههه

شر البلية ما يضحك

[روح بغداد]

يمكن جمل كسرة وله ثور هايج إشدرانا?:-p

[TOY STORY]

شغالين التحريات الحين في جمع المعلومات .. ياينهن أمر أسبوع وتظهرونه ولا كلكم نقل السجون ... خخخخ الله يعينهم

[الظـــي]

ماشاء الله عليه اللي مكسرنه
قوي اكيد كان يفكر مليون مره
اي حزه كاسرنه ... هههه اكيد الفير
ماشي اوادم ماعلييه بيزخوونه^^

تسلم اخوووي ع الخبر

[ولد بلاد]

ثلاث رادرات في راس الخيمه


ومايسلمون من الشباب

[الاسطووره]

زعلاااااان زين انزين الرادار خذ اجازه هلك يمكن من كثر مايصور
الحينه الشباب مستانسين

[خيماويهـS]

ههه وحليله الرادار مع انه زخني منه وامس مريت عداله بس ما انتبهت
ومع هذا غلطان اللي سوا هالشي
وشكرا ع الخبر

[ولد راك]

تسلم على الخبر الروعة

[LoOonely_Girl]

صدقه بس انزين من يمطووووون بيزات الناس حشى من زين الرواتب احينه

والكيمرات اليديده اللي فوق تنحط هاي يبالها قناص عاد ههههههههههه

[بو غايه]

تخفيضات ونسبه خمسين بالميه وما قصروا شيوخنا وسوا لنا خصم للمخالفات ليش هذا التخريب وبعدين وين دور الكاميرات الذي في راس الخيمه بكبرها

[شمس الامارااات]

اكيد الرادار لاعن خيره كل يوم هع

[خيماوي27]

الله يستر

مشكور ع الخبر ياخوي

[فريجاك]

خبر مفرح بس رادار واحد ..

وضعت القوانين ليتم كسرها ..

الله يهديه غلط اللي سواه .. ^^

يسلموو عـ االخبر ..

[الدنيا لحظه]

شكله متعقد من رادارات

[غاية المنى]

لاحول ولاقوة إلا بالله ..

الله المستعااان

[عـــبـــادى VIP]

و آللّہ انها مشكله تحير لكن يا جماعه انا اشووووف ان اللي سواه زين و مب زين . زين لانه رحم الناس الثانيين اللي ما ينتبهوون للرادارات يعني يزخك الرادار وانت تسوق 101 شو ذنبهم هذيلا اللي يرمس بالتلفوووون واللي يطالع الشارع الثاني واللي واللي ومب زين لانه اعتدى على املاك الدولة بس صدقوني هذا يمكن يكووون انسان مريض نفسي او زايده عليه مخالفات الرادار ومب عارف شو بيسوي او شي من هذا والسموحة ..

[Eng.Khaled]

خخخخ هذا يباله ينزخ وينربط عند الرادار عبرة

[ولهانه w]

ليش هالتصرف والله عيب

[الشامسي 2010]

يستاهلوون وكمل جميلك بالباقي ....

[ابداع بوظبي]

ههههههههه شكله وايد حلو وهو مكسر

[admire]

خخخ شكله خلااص عصب من كثرة رادرااات >> عنده حاله نفسية مسموح
تسلم على الخبر ..~

[نور النجوم]

لا حول ولا قوة الا بالله


تســـلم اخــــوي ع الخــــبر

[omkhalid]

لا حول ولا قوة الا بالله


تســـلم اخــــوي ع الخــــبر

[!! الــعــنــيــد !!]

عقبال ما يضربون الرادار المتحررك
بالـ مسجبــه .. من بعييد

لووووووول

يسوي خيير بعد