أيهمـا اولـى..(المسـاجد أم المحـلات؟!!..)

[بنــ زايد ـت]

السلام عليكم ورحمة الله وبركاته ..



معروف عندنا وعند كل الدول المسلمة أنه بيوت الله لها الاولوية فكل شي..(المساحة/الاهتمام الزايد..إلخ)


لكن اللي شفته من عدم اهتمام ولا مبالاة فبيت الله ينفي هالشي..



أمس كنت وياالاهل فعيمان بمنطقة المصانع(السوق وهالسوالف)
وأذن علينا المغرب فقررنا ندخل المصلى عسب نصلي..لكن من دخلناه ماعرفنا وين مكان الصلاة من الحمام(عزكم الله) من مكان الوضوء..لأنه كلهم داخلين فبعض..والمساحه ما تكفي لاكثر من 10 حريم..!!!!!
ما بقدر اوصف لكم المكان بالضبط لكن اللي اقدر اقوله انه ماااا ينفع يكون مسيد..


والله العظيم يوم تدخل المحلات تحسها انظف من النظافه..لكن بيت الله محد معطنه ادنااااة اهتمام..



ياترى ليش..؟؟
مو المفروض يكون المسيد اكبر اونظف...






اترك لكم حرية الإدلاء بآرائكم..لانه موضوع يلامس قلب كل غيورعلى مساجد الله..

[عاشق الاصفر]

بسم الله الرحمن الرحيم
اولاا مشكووورة اختي .... على طرحج لهالموضوع ... انا من وجهة نظري .. ان اولااا ... مكان هذا المصلى .. في الصنااعية .. يعني .. محد يمر عليه من المسؤولين .. او الجهة المختصة .. علشان جييه محد مهتم ... المفروض .. حد ينبهم لهذا الموضوع .. صدق المفروض بيت الله يكون انظف مكاان ... ... ..
الجهات المختصة ما يمروون ... مثل هالمناطق ... كان ما فيه مسلمين هناك .. ومحتاجين مكان للصلاة ... مو بس في هالمكان اختي الي محتاج مسيد واسع وكبير ونظيف في واايد امااكن غير هذا المكاان ..بس مثل ما قلت .. العيون مسكره عنها .. الله المستعاان .. مثل ما قلت علينا التنبيه لمثل هالمواضيع ....

[قلب الوحدة]

هي والله بنت زايد معاج حق فهذا الشيء
ما ادري شو اقول ولا أٌأقول غير لا حول ولا
قوة إلا بالله العلي العظيم نحن ما قاعدين
انطالب بزيادة المسايد بدون اهتمام شو الفايدة
ولي وين بنوصلعاد يالله يالربع شدو الحيل وزيدوا الردود
يمكن ها حجة لك لا عليك .... ابدي رايك وما رح تخسر

[الشاكي83]

لا حول ولا قوة الابالله شوفوا وين وصلنا لاهمال المسايد الي يذكر فيها اسم الله

[دلووعة أمونة]

لا حول ولا قوة الابالله

[soso]

صدقت والله إختي ..
طلعت الأسواق أنظف من المسيد ..}~

والله ع الأقل يحطون ريال ينظف المكان و يوسع المكان للحريف لأن البنات بعد لهم مكانه بها الدنيا ..}~
تسلمين ع الموضوع

[جروح]

تدرين انا رحت العمره فالباااص نزلنا استراحات للصلاه والله عيب عيب عيب عيب وحرااام انقول انها في الاامارات والله عفانالله هذي بيت الله جي وصخ مابتصورون كيف كانت الوصاااخه والله والله لوعه جبد والاستراحه في بوظبي اظن في السلع بس شوووو وصخه وصخه وصخه .وفي السعوديه بعد استرااحات وصخه عفانالله حطو حد ينظف ولو ها بيت الله وبتكسبون الاجر فيه بس شو انقووول

فلوووسهم حق الفناادق والخربطااان