زيادة اسعار البترول بعد عيد الفطر

[سلطان البلوشي]

السلام عليكم ورحمة الله وبركاته

زيادة سعر البترول بعد عيد الفطر 20 فلس


الخبر من القلف نيوزhttp://gulfnews.com/business/oil-gas...r-eid-1.671232 (http://gulfnews.com/business/oil-gas/uae-petrol-prices-to-rise-for-third-time-in-a-year-after-eid-1.671232)

هاي الزيادة الثالثه لسعر البترول في خلال سنة واحده

إن شاء الله مايرفعون سعر الغاز الحين واصل 95 درهم السلندر المتوسط

الله المستعااان

[حلاوة الحب]

لا حول ولا قوة إلا بالله

شو بستفيدون وراء ما يزيدون البترول

[الأميرة الحسناء]

والله حرام عليهم كل مره هالزياده وين يبون يوصلون
كل شي مرتفع والمستهلك يعاني الله المستعان مافي احساس
الله يكون في عون اللي دخله ضعيف والله شي ماينسكت عنه
وتسلم اخوي ع الخبر ...

[دلوعة بمزاجي]

لا حول ولا قوة الا بالله
الله المستعان

[abaaady]

هذا والأمارات منتجه للبترول كيف عيل لو تستورد

[حلو الاطباعي]

مابقول غير حسبي الله ونعم الوكيل
ولمتى ؟؟؟ ولوين؟؟؟
وبعدين؟؟؟كل مرة زيادة تمهيديه؟؟؟
ياخي ارحمونا خلي رب العالمين يرحمكم برحمته
كل يوم انادي ومحد يسمعني
فكل مكان صدى صوتي بس للاسف هو اللي يرد علي
لاحول ولا قوة الا بالله العلي العظيم

يارب عبدك يسالك ويناديك بهالشهر الفضيل انك ترحمنا برحمتك (يالله بالستر)

[بنت راك 83]

يعني شو نسوي نصب ماي ف سيايريينا مثلا شو هالحاله عنبو مايشبعون من هالزياده شو نسوي ليكون يتحرون كل واحد ف بيته بير نفط ونحن ماندري عني انا ماداوم وعندي سياره من وين بيييب بيزات البترول اذا الي عندي يكيفي حق مصروف طول الشهر مانطلع مانقضي حوايجنا والا نيلس فالبيت مانسوي شي تحركوا يا شباب سوو شي خلو الشيوخ يتحركوووووووووووووون شوي

[سلطان البلوشي]

هاي احلى عيديه

[PAPAYA]

حسبي الله ونعم الوكيل
حسبي الله ونعم الوكيل
حسبي اله ونعم الوكيل
الله على الظالم
الله ياخذ الحق منهم دنيا وآخره

[بوعواش]

السلام عليكم ..


لا حول ولا قوة إلا بالله


والله خبر يعور القلب كنت أعتبرة أشاعة والليوم مب مصدق لكن أغلب الإشاعات صارت حقيقة للأسف نحن أكثر أمارة تضرر من ورى هالزيادة لأن أغلب شبابنا يشتغلون في الإمارات الماجورة يسيرون كل يوم ويرجعون في نفس اليوم الرادار كان ماخذ نصيب الأسد من الراتب والاسعار في العالي واليوم بترول دولة تعتبر من الدول المنافسة بالعلم في تصدير النفط وفيها اكبر مخزون بترول بالمنطقة وأشوف زيادة الرواتب مافادتنا بشي مثل رش الرماد بالعيون لان الزيادة رجع لصاحبها مع أنه في ناس ترسل إلهم شيكات بترول لحد البيت وأنت ياللي أسمك مواطن خلك تضرب الكف بالكف


والله جاب الله خذ الله علية العوض ..

[rara]

حسبي الله ونعم الوكيل

[راكيه]

أكيد خبر يعور القلب ويعور الراس بعد

شرات ما بيزيدون سعر البترول خي يزيدون رواتبنا

[الشاعر..]

ويقولون دوله الامارات شعبها مدلل خله اييون ويشوفون الدلال اللي عايشينه الله المستعان

[فتى عوافى]

فى الاتحاد قوة وفى التفرقة الضعف لو اجتمعنا وحطينا يد بيد وسوينا مظاهرة ضد الزيادة ونتوقف يومين وما نصب بترول فى سياراتنا راح ينزلوا سعر البترول بسب الاضراب ولكن لا حياة لمن تنادى

[alrahbi20]

الله يعينا والله كل شهر يزيدون

[ميثاء عيسي]

حرااااااااااااااااااااااااااااااام كل يوم زيادة بس عاد مصخوها

رواتبنا كالها تسير علي البترووووول

[Alqassab]

الحمد لله رب العالمين

[فتى الرمس]

الدوله تستورد البترول للعلم

[weldhabs]

لا حول ولا قوة إلا بالله

[قلبي الامارات]

لا حول ولا قوه إلا بالله

حسبنا الله ونعم الوكيل

ما شيء فايده من الكلام والمسوولين لا فيهم احساس ولا يخافون الله

الشكوى لغير الله مذله

[شباصة منقصة]

لا حول و لا قوة الا بالله الله المســــتعان تســـلـم اخــوي ع الخبــــــرربي يعطيــك الصحه و العافيه

[بواحمد الظهوري]

ليش الزعل خلكم ريلاكس ...
حاسبين عيديتكم احلى شي والحمد الله الخير وايد .... ونحن عارفين السيناريو بزيدو البترول وبعدين السلع و....... يتبع ...
شكلهم خسرانين وبيعوضوا الخساره فينا ...
ايقولك المثل ( الشكوى لغير الله مذله ).....