ماذا تفعل اذا رايت امك تبكي

[حلو الاطباعي]

السلام عليكم ورحمة الله وبركاته


كل انسان تطغى عليه ظروف الحياة:aa_Sanson:...
والانسان ليس خالي من المشاعر..بل يوجد في قلبه الكثير من الاحاسيس..
اخواني واخواتي..عندما تسقط دموعكم فتاخذكم والدتكم بالاحضان منذ الصغر...
هل رأيتها تبكي؟؟:aa_Sanson:
فما شعوورك عندما ترى والدتك الذي تعبت عليك من الصغر للكبر وهي تبكي؟؟:aa_Sanson:
فهل تخفف عن آلامها ويمكن انت مصدر احزانها؟؟
ام تبتعد لتبكي بحرقه عما يختلج في صدرك؟؟
ام توقف امامها حائرا خاضعا لهذا الامر..

[القـــالكبيرـلب]

مشكور أخوي حلو الأطباعي على الموضوع القيم
بحور وانهار العالم ممكن ان تجف ولكن دموع الأم من المستحيل ان تجف على فقدان عزيز على قلبها
اللهم في هذه الساعه المباركة ان تحمي والدتي وجميع أمهات المسلمين

لي رجعه للموضوع على خير

ربي يحفظك من كل شر

[حلو الاطباعي]

شاكر لج مرورج العطر يالقلب الكبير
واتمنى من الله ان يحفظلج الوالدة
ويحفظ امهات اعضاء المنتدى خااااااااصه وامهات المسلمين عااااامه
ويطول بعمرهم وبعمركم يارب

والموضوع يستاهل اكثر من رد واحد
ويستاهل كل الاعضاء يشاركون فيه

دمتم بود وصحة وسعادة

[* خياله*]

ابصراحه يوم اشوف ماماتي تصيح اهديها واذا شفتها تبجي وايد تغمضي وابجي وياها
واشربها ماي لان دمعة امي عندي تساوي نصــ عمري
..,{تسلم عـ الطرحــ ..,}

[راكيه]

لو اشوف الوالده تبكي اروح لها واخفف عنها

يمكن دموعي تنزل ما اقدر اشوفها وهي تبكي بموت

يسلمو

[القـــالكبيرـلب]

شاكر لج مرورج العطر يالقلب الكبير
واتمنى من الله ان يحفظلج الوالدة
ويحفظ امهات اعضاء المنتدى خااااااااصه وامهات المسلمين عااااامه
ويطول بعمرهم وبعمركم يارب

والموضوع يستاهل اكثر من رد واحد
ويستاهل كل الاعضاء يشاركون فيه

دمتم بود وصحة وسعادة

هههههههه

سلمت اخوي حلو الأطباعي على الرد ,,, بس يا خوي انا ما تحولت
ملفي الشخصي مذكور فيه الجنس ذكر مب أنثى
الله يسامحك شاككتني بحالي ,,,,,,

صدقت الموضوع يحتاج الردود الطيبه من الكل ,,,,,,

[الأميرة الحسناء]

تسلم على الموضوع عن الام
الام نهر مايجف مهماعطى لن ينشف فيوم الام عطاء جميل واحساس مثمر في حياة
الابناء وهيه صرح شامخ مهما عملنا لن نوفيها حقها علينا
واذا رايت امي تبكي امامي لن اتمالك نفسي احاول ان اخفف عنها واسالها عن سبب مضايقتها وانزال دموعها
واقف معها وقفه لاحسسها اني معها واواسيها واسالها عن السبب..
وفي الختام ...
اتمني من كل شخص ان لايهمل والدته
ويرضيها لانه رضاها من رضى الله سبحانه
شكرا جزيلا اخوي حلو الاطباعي على اهتمامك بشعور الامهات
دمت بخير وسلامه ..

[همسة الوجدان]

يسلمو حلو الاطباع عالــ السوال

اكيد راح احزن لو شفت امي تبجي
راح امسح دموعها
راح احاول اعرف شو الي خلها تبجي راح اسالها لانه لما الواحد يفضفض بلي في قلبه يرتاح
راح اتم عندها يوم تبجي وما راح اخليها وراح احسسها اني احس فيها و بحزنها
راح احاول قد ما اقدر عليه اني اخفف من حزنها يعني اني اسليها او اونسها
وراح افهمها انه ما في شي في الدنيا يساوي دموع عينها الغاليه
وراح اقولها لو شو ما واجهتنا مصاعب في احياة لازم انكون اقوياء و مو تنزل دمعتنا على اي سبب صغير

[حلو الاطباعي]

شكرا خياله + راكيه + الاميرة الحسناء على المرور العطر
واسمحلي يالقلب الكبير مانتبهت
لكن اتمنى من الله ان تكونوا من الراضيين والمرضيين
كم تسوى كلمه (الله يرضى عليك)
فالحمد لله على هذا الحال وكل حال
حبوبكم الصغيرون
حلو الاطباعي

[حلو الاطباعي]

الله يارب يخليلكم امهاتكم
ويطول باعمارهم يارب
ويديم على امهات احبائي الاعضاء الصحة والعافيه
ويوفقكم لكل خير
وماتشوفون امهاتكم الا بصحة وسعادة ويبعد عنهم الاحزان والهموم والبكاء

[▌║ℳř Ŏบị ~♛]

بسم الله الرحمن الرحيم

اخوي حلو الاطباعي تسلم على الموضوع المهم والرائع
وحبيت احط بصمتي فيهـ
..

طبعا الام هي نبض الحياه والحنان
والله تسوى الدنيا وبما فيهاإأآ ولو نسوي نسوي مابنوفيها
..

شكثر مرت علي لحظات وانا اعاتب عمري واصيح احس اني مقصر بحقها
ومهما سويت مابوفي قدرها والي سوته عشانا وافكر باشياء كثيره عسب اخليها راضيه علي
وتكون مستانسه بحياتها ربي يطول بعمرها فديتها امي
..

الصراحـــــه مرت علي مواقف كثيره شفت امي تصيح ومتضايجه لانها تنظلم
وانا وايد جريب من امي شرات الربع والاحبه ربي يخليها لي احس فيها واعرف شو لي يضايجها
..

من اشوفها ما اتمالك نفسي وتنزل دموعي ع خدي
اسير سيده عندها وابوسها ع راسها واحضنها واحط راسها ع صدري
واهدي فيها واخفف عنها وهي تشكيلي واسمعها واحاول اساعدها
..

الصراحـــــه يوم اشوف الامهات بهاي الحاله قلبي يتقطع وعيني تدمع
الصراحـــــــه بها الزمن الام وايد تنظلم اما من عيالها او من ريلها حسبي الله عليهم ويهديهم
..


ارد واكرر خافوا الله بامهاتكم واكسبوا رضاهم .. ان الجنة تحت اقدام الامهات
لاتندمون بعدين يوم تفقدونها راجعوا نفسكم وجددوا علاقتكم فيها
حتى لو غلطت بحقكم تحملوها وراضوها
..


يزاك الله خير اخويه وطول الله بعمار امهاتكم

بحفظ الرحمن

[الأميرة الحسناء]

هههههههه

سلمت اخوي حلو الأطباعي على الرد ,,, بس يا خوي انا ما تحولت
ملفي الشخصي مذكور فيه الجنس ذكر مب أنثى
الله يسامحك شاككتني بحالي ,,,,,,

صدقت الموضوع يحتاج الردود الطيبه من الكل ,,,,,,




القلب الكبير

والله ضحكت وانامافيني ضحكه كنت مضاايجه

واااايد ومبوزه لكن قريت كلامك لحلو الاطباعي خلاك مؤنث وانت رجل
بسيطه حلو الاطباعي حبوب وطيب دومه فكاهي الله يسعدكم واسمحولي دشيت الموضوع عرض شكلي هع ...

[bnota.rak]

اول شي الموضوع طرررر .. خخخ

والله لو جفت امي اتصيح اسير اسألها او ساعات استحي منها واحس ان ما فيني حييل اني اروح اسألها وسااعات اخاف تنهد فيني ههه ..بس والله انا آخر شي اقول الها ماما بلاج اتصيحين تخبرني :) ويسلمو ع الموضوع ..

[طاوؤس]

لو اشوف الوالده تبكي اروح لها واخفف عنها

و ابكي معاها..

[حصة الفلاسي]

أخاف عليها . احضنها و احفف عنهاا و اصيح وياها .

الله يحفظ امهاتكم إن شاء الله

[حلو الاطباعي]

الله يبعد امهاتكم جميعا عن الاحزان والبكاء
واتمنى واطلب من الله ان يوفقني واياكم لارضاء الوالدين
وشاكر لكم مروركم احبائي وتواصلكم ▌║Ḿř ẄίΪ ~★ + مشرفتي الاميرة الحسناء + bnota.rak + طاووس + حصة الفلاسي

دمتم جميعا بود وصحة وسعادة
واتمنى من كل الاعضاء انهم يشاركوني

[حلو الاطباعي]

الله يخليلكم امهاتكم يارب
ويديم عليهم وعليكم الصحة والسعادة والعافيه
ويطول بعمر اهاليكم
دمتم بود وصحة وسعادة
حبوبكم
حلو الاطباعي

[السامعيه]

اكييييد بروح اخفف عنها الا واشوفها تبكي .... وبصراحه الايزعلها امسح فيه الارض خخخ

[صوت راك]

موضوع حلو وكنت أفكر اطرحه : المهم

بعض الشباب و البنات للأسف ما يعرفون قدر الام و كيف الام تعبت وياهم و ربتهم , فتشوفهم مو مهتمين فيها مع انها كانت تحاتيهم و لا زالت تحاتيهم حتى يكبرون.

المشكلة ان بعض الشباب و البنات من تروح الام تنصحهم بشي , يعصبون عليها و يعتقدون ان الام توقف عقبة فطريقهم , مع ان الام تبي مصلحتهم , و لو قعدو يفكرون بكلامها شوي بيشوفون ان الام صح .

بالنسبة للي يشتكون ان امهم تصرفاتها مب حلوة او ما شابه ذلك , اصبرو عليها , و ادعو في الصلاة انها تهتدي , لان اصادف امهات , اقول يا ربي هاي منو يتحملها , الله يعين ريلها و عيالها . بس لا تعلي صوتك عليها , و هاي بتم امك اللي ربت و تعبت . ترى محد بيحس بتعب الام غير بناتها من يكبرون و يعرسون و يصير عندهم عيال , فيا شباب لا تقولو هلكتيتا محد ربى غيرج ( هاي الكلمة حرااااااام تنقال للام )

و يا بنات ساعدو أمهاتكم في البيت , ادري بتقولون الخدامة الخ , بس حاولي تسألين امج كل يوم اذا محتاجة شي .

و الله يهدي الجميع و شكرا على طرح هذا الموضوع الرائع

[كويتي]

اما بالنسبة لي انا
فإذا شفت الوالدة العزيزة تنزل منها دمعة ولو واحدة فقط ....
اقوم الدنيا وأقعدها وأقلب البيت فوق تحت ... اليــــن اعرف شنو المضايقها
وآخذ حقها وردلها بسمتها وادعيلها
دمعة الأم غالية علي وايد
جزاكم الله خير يالربع على المواضيع القيمة
ودمتم بحفظ الرحمن

[حلو الاطباعي]

دخووول قوي للسامعيه... لا الله يخليج لاتمسحيهم بالارض ....خخخخ
درب درب
ماشاء الله
الله يخليلج الوالدة ويحفظها لكم ويطول بعمرها وعمر امهات المسلمين جميعا

دمتم بود وصحة وسعادة

[شباصة منقصة]

آآآآآآآآآآخ اتــمنى اموت و لا اشوف دمعه امي ع خدها

طــبعا اهديــها و احاول قــد ما اقدر اخــفف عنهـا

و دمعتهـا غاليهـ ع قــلبي و لازم ما اسير عنها حزتها الا و هي تضحك

الله يـــبعــد عنهم الهم و الضيــج و المــرض و الســقــم

الله يــــحفظ لنا امهاتنا و امهات المسلميـن

[الديمه]

تسلم ع الموضوع
بصراحه كنت متحمل اشوف الدمعه نازله من عيونها اتخبل
وروح لها واتم حاظنتها ومسح دمعتها واواسيها ومتركها لغاية متضحك
الله يرحمها يارب منسوى من دون ام

[السامعيه]

دخووول قوي للسامعيه... لا الله يخليج لاتمسحيهم بالارض ....خخخخ
درب درب
ماشاء الله
الله يخليلج الوالدة ويحفظها لكم ويطول بعمرها وعمر امهات المسلمين جميعا

دمتم بود وصحة وسعادة


آآآآآآآآآآآآآآآآآآآآآآمين ...... زين خلاص مابمسح فيهم الارض :aa_kaaak: ... بس :aa_mo6reqa:

الله يخلي امهاتنا ولايحرمنا منهن ....

[حلو الاطباعي]

شكرا لمروركم عالموضوع اللي المفروض الكل يشارك فيه
مع العلم ان في بعض الاحيان نخن بانفسنا نقسى على اهالينا
الله يهدي الجميع يارب
ونطلب رضا رب العباد ورضا الوالدين
شكرا شباصه منقصة + الديمه + السامعيه
ربي يوفق الجميع يارب