المساعد الشخصي الرقمي

مشاهدة النسخة كاملة : عاااااجل: ميتســـو يقــــدم استقالتــــــــــه


JetaimeO
21 - 9 - 2008, 09:45 PM
عاااااجل :

ميتسو يقدم استقالته لاتحاد الكرة واتحاد الكرة يقبل بالإستقالة

وفي احتمال تعيين المدرب المواطن جمعة ربيع مدربا للمنتخب بمساعدة دومينك الفرنسي
JetaimeO
21 - 9 - 2008, 09:53 PM
في وجهة نظري أنها إقالة وليست استقالة كما أعلن

وأعتقد أنها خسارة كبيرة
ART
21 - 9 - 2008, 10:29 PM
مهما كانت الاسباب
ان شاء الله يكون فيها الخير

وشكرا لك اخي على الخبر
راشد
21 - 9 - 2008, 10:50 PM
خسارة كبيرة للكرة الإماراتية
قلم رصاص
22 - 9 - 2008, 12:34 AM
ليش خسارة يا راشد
الامارات ما توقف على مدرب

وبيني وبينك .. اشوف القرار صايب لانه ميتسو هاي الفترة مب في وضعه الطبيعي وهو معروف انه يتنقل بين فترة وفترة

البركة في ابن البلاد جمعة ربيع
Bo 3@bdallah
22 - 9 - 2008, 12:37 AM
انترس جيبه ملايين شو يبا بعد ..
البركه فولد لبلاد .. والى الامام يا منتخبنا ..
بو ناصر
22 - 9 - 2008, 12:39 AM
يا ريال بمدرب مثل ميتسو ولا بدون مدرب.

ما بيفلحوااااااااااااااااااااااااااااااا

هذيلا مو مال لعب ، هذيلا بس دلع وقصات شعر!!

السيناريو كالتالي..

استلام المدرب المواطن وبعدها بيفشل وراح يقولون المدرب المواطن فاشل..

وانتهت الحكاية..

والفال في كأس العالم 2246
جروح
22 - 9 - 2008, 01:00 AM
نحن اللي خسرنا ميتسوو بصراحه

لعيبتنا الخساره اتكون منهم هب من برونو اللي عليه يسوويه وزياااده بس اللعيبه $$$$$$$$$ وافهم يا فهيم
قلم رصاص
22 - 9 - 2008, 01:09 AM
يا ريال بمدرب مثل ميتسو ولا بدون مدرب.

ما بيفلحوااااااااااااااااااااااااااااااا

هذيلا مو مال لعب ، هذيلا بس دلع وقصات شعر!!

السيناريو كالتالي..

استلام المدرب المواطن وبعدها بيفشل وراح يقولون المدرب المواطن فاشل..

وانتهت الحكاية..

والفال في كأس العالم 2246


كلام منطقي 100 %:sm164:
العتيبي
22 - 9 - 2008, 01:24 AM
بصراحه إذا أقالوه فهذي خسارة لنا .. ميتسو قال في أخر تصريح له

أنه ما يمتلك لعيبه كثر مثل المنتخبات الكبيره .. و أنه ما يقدر يدش في عقب اللاعب علشان يخليه يلعب و أييب أهداف

يعني صدق .. فرص كثيرة يتنا ... و ضيعوها اللعيبه ليش نعلق شماعة الخساره على المدرب يعني تبون المدرب يدخل الملعب و يشوت عن اللاعب و لا كيف يعني ..؟؟

الخطه .. بنقول فيه بعض الأخطاء بس نفس الشي .. لعيبة الإمارات ما عندهم نفس طويل للقتال و شخصيتهم ضعيفه جدام المنتخبات الثانيه .. ما عندهم روح القتال في الملعب .

و بعدين منو قال نحن بنصعد ... لا حد يقول متشاؤم و غيره

بس بصراحه انا ضد صعود اي منتخب فاشل الى كأس العالم .. و منتخبنا فاشل .. نحن نسينا كيف صعدنا لهذا الدور ..؟؟

يعني نحرم .. كوريا الجنوبيه و اليابان و السعوديه و إيران و أستراليا .. و نضيف بعد قطر و البحرين و نصعد نحن

لا بوي .. المدرب مب بس هو السبب و كان المفروض انهم يتركونه و يحاسبونه على أخطائه .. على الاقل بيكون عندنا أستقرار .. مب يقيلونه و عقب أييبون مدرب مواطن يحاول يلملم الباقي

عقلية الاحتراف .. غير موجوده .. يتعلمون اشويه من اندية ما غيروا مدربينها بال 10 سنين و فوق يمكن .. مع انهم مب كل سنه اييبون بطوله بس شو بنقول

على الدنيا السلام يا منتخبنا .. و مشكور يا ميتسو و يا إسماعيل و يا جمهور الامارات على كأس الخليج و الحينه بنرقد 30 سنه بعد و عقب بناخذ كأس الخليج الثانيه .. و الكره تدور

العتيبي
جروح
22 - 9 - 2008, 01:27 AM
في هذي المرحله الصعبه من التصفياات (خسارتين ورا بعض اشك ان بنتأهل :( ) نحتاااج لمدرب ملم بالمنتخب امثااال المدرب الشرجااوي جمعه ربيع مدرب المهماات الصعبه
العتيبي
22 - 9 - 2008, 01:31 AM
و تراه إذا استقال .. فهو بيدفع بعض المستحقات الي عليه لانه موقع مع الأتحاد لغاية 2010

العتيبي
راشد
22 - 9 - 2008, 01:33 AM
ليش خسارة يا راشد
الامارات ما توقف على مدرب

وبيني وبينك .. اشوف القرار صايب لانه ميتسو هاي الفترة مب في وضعه الطبيعي وهو معروف انه يتنقل بين فترة وفترة

البركة في ابن البلاد جمعة ربيع

صح إن الإمارات ما بتوقف على مدرب ..

بس هذا المدرب سوا إلي ماسواه غيره .. صح ولا لا ؟

المشكله يوم الواحد تطلعله سلبيات .. يمسكونها عليه و ينسون إيجابياته ..

العيب إلي عندنا في المنتخب هو فاللعيبه مب في المدرب ..
راشد
22 - 9 - 2008, 01:35 AM
بصراحه إذا أقالوه فهذي خسارة لنا .. ميتسو قال في أخر تصريح له

أنه ما يمتلك لعيبه كثر مثل المنتخبات الكبيره .. و أنه ما يقدر يدش في عقب اللاعب علشان يخليه يلعب و أييب أهداف

يعني صدق .. فرص كثيرة يتنا ... و ضيعوها اللعيبه ليش نعلق شماعة الخساره على المدرب يعني تبون المدرب يدخل الملعب و يشوت عن اللاعب و لا كيف يعني ..؟؟

الخطه .. بنقول فيه بعض الأخطاء بس نفس الشي .. لعيبة الإمارات ما عندهم نفس طويل للقتال و شخصيتهم ضعيفه جدام المنتخبات الثانيه .. ما عندهم روح القتال في الملعب .

و بعدين منو قال نحن بنصعد ... لا حد يقول متشاؤم و غيره

بس بصراحه انا ضد صعود اي منتخب فاشل الى كأس العالم .. و منتخبنا فاشل .. نحن نسينا كيف صعدنا لهذا الدور ..؟؟

يعني نحرم .. كوريا الجنوبيه و اليابان و السعوديه و إيران و أستراليا .. و نضيف بعد قطر و البحرين و نصعد نحن

لا بوي .. المدرب مب بس هو السبب و كان المفروض انهم يتركونه و يحاسبونه على أخطائه .. على الاقل بيكون عندنا أستقرار .. مب يقيلونه و عقب أييبون مدرب مواطن يحاول يلملم الباقي

عقلية الاحتراف .. غير موجوده .. يتعلمون اشويه من اندية ما غيروا مدربينها بال 10 سنين و فوق يمكن .. مع انهم مب كل سنه اييبون بطوله بس شو بنقول

على الدنيا السلام يا منتخبنا .. و مشكور يا ميتسو و يا إسماعيل و يا جمهور الامارات على كأس الخليج و الحينه بنرقد 30 سنه بعد و عقب بناخذ كأس الخليج الثانيه .. و الكره تدور

العتيبي



عجبني ردك يالعتيبي ..
راشد
22 - 9 - 2008, 01:37 AM
و تراه إذا استقال .. فهو بيدفع بعض المستحقات الي عليه لانه موقع مع الأتحاد لغاية 2010

العتيبي


ما بيدفع شويه .. واااااايد .. و البيووروو ..

بس مب هو إلي بيدفعها .. المنتخب إلي بيروحه ميتسو بيدفع عنه ... ==> ( السعودية )
ابن الإمارات
22 - 9 - 2008, 01:47 AM
لا تعليق سوى " انتظروا ميتسو مع المنتخب السعودي "
قلم رصاص
22 - 9 - 2008, 02:06 AM
راشد
انا معاك انه ميتسو ما قصر وياب لنا كأس الخليج ..
بس من عقبها شو سوى ..

كأس اسيا قال استعداد لكأس العالم ..

المبارايات الودية نخسرها و قال ما تهم لأنه الرسميات غير ..

خسرنا أول مباراتين وقال الخطأ من اللاعبين وعندهم نقص في التركيز الذهني..

يعني بالمختصر المفيد .. مل من منتخب الامارات .. وهذي عوايده ..

بس خلاص ميتسو رحل ,, والله فكنا منه :aa_fire:

http://i188.photobucket.com/albums/z201/mjk-007/71e728428245450aceef5aef6d8ab736.gif
patchena
22 - 9 - 2008, 02:23 AM
ميتسو وميتسو حشرتونا ترا وبعدين عقب شو استقال عقب ما انترس جيبه مثل ما قال اخوي قايد الغزلان كلامه منطقي الصراحه
Mr.LiNuX
22 - 9 - 2008, 04:36 AM
شوف اخووي ميتسو اصلا من اول كان واضح مايبا المنتخب والظاهر كان مجبور بس لازم يحاسبونه قبل لايروح لانه شبع بيزات وهالبيزات مو حرام تروح عالفاضي يعني لازم يكون في محاسبة لانه دمر المنتخب وعقب يودرهم ليش يعني فالتوه الدنيا

بس الشره مو عليه الشره على اتحاد الكرة اللي احسهم باردين ومايسوون اي شي تجاه هالشغلات الماصخه من المدربين يراوونهم العين الحمره بسنا دلع للاجانب لين ماتبطرو عليهم وماسوولهم سالفه شو السالفه لعبة هذا كاس عالم مو حيالله

وخذلك هذي بعد جمعه ربيع بياهل المنتخب للمونديال والله السالفه خربطيشن بخربطيشن قال جمعه ربيع قال

ثانكس
عاشق سمعه
22 - 9 - 2008, 12:02 PM
رجعنا للفشل مرة ثانية ...
لعبية منتخبنا مب لعيبة دولين هاذيل بس مال دوري اهني وبس ...

كل واحد يستلم لي ملايين وهم كرة ما يعرفون يلعبونها عافان الله ...
سلا الروح
22 - 9 - 2008, 01:50 PM
السلام عليكم ورحمة الله وبركاته



لا تعليق الصراحه شفت ردودكم واكتفيت
الصقر الاماراتي
22 - 9 - 2008, 01:58 PM
والله ميتسو سوى الى سواه يعني مدام اللعيبه ما يحافظون على الأقوال الى ايوبونها شو بسوى بعد ويا راشد اتخيل عمرك مكانه شو بتسوى بهاي الحاله ؟؟؟؟ والله القدر قدر الله ,,, الله ما كاتب لينا الفوز في أول مباراتين شو انسوي انا لله وانا اليه راجعون وصراحه غمضني لكن شو انسوي قدم استقالته وانتهت السالفه ...
والله يوفق منتخبنا في المباريات اليايه ويوفق مدربنا الجديد .
JetaimeO
22 - 9 - 2008, 02:53 PM
للعلم دومينيك وجمعة ربيع قدموا اعتذراهم للمنتخب يعني ماراح يدربون المنتخب الفاشل بلعيبته
الصقر الاماراتي
22 - 9 - 2008, 02:56 PM
لا حول ولا قوة الا بالله خلاص اتمشكلنا احين .. المنتخب من دون مدرب والله حاله .
JetaimeO
22 - 9 - 2008, 03:25 PM
مدير الأتحاد مرشح مدرب الأهلي هيسك ومدرب العين شايفر ومدرب الشباب سيريزيو
الصقر الاماراتي
22 - 9 - 2008, 03:31 PM
أنا ارشح صراحة هيسك بأنه يكون المدرب ..

صراحة يحطي التشكيله عدل ما شاء الله عليه .

مشكور ع الأخبار .
العتيبي
23 - 9 - 2008, 01:36 AM
انا أستغرب من ردودكم بأن ميتسو شبع من البيزات ..

ليش اللعيبه ما شبعوا من البيزات بعد ..؟؟ ما حصلوا بيوت و فلوس و سيايير .. و لا لهم الحق هم انهم ياخذون البيزات و المدرب ماله الحق ...؟؟

و الله حاله من حالهم ... و لا قبل و لا مدرب ياب لمنتخب الامارات كأس الخليج حتى على ايام الجيل الذهبي ..

يجب الانصاف في هذي الامور أيضا

العتيبي