سواقه الحريم

[قد الحب]

السلام عليكم ورحمه الله وبركاته

كل عاااام وانتم بخير وينعاد علينا وعليكم بصحه وعافيه

حابه اتكلم عن موضوع احس يعني موجود ومنتشر بها الزمن

سواقه الحريم ليش الشبااااب دوووم يطنزون على سواقه الحريم يعني اذا مثلا كانت وحده تسوق وببطئ سبو سب وقالو اكيد حرمه او مثلا غلطت بشي خلو الحرمه سواقتها ولا تسوى واستوت غبيه وحاله
يعني اكيد صادفتو شرات هالمواقف ويا اخوانكم

يابنات شو انسوي بالشباااب دوم يتسهينون فينا
شو رايكم انتووو

اتمنى القى تفاعل يعني ليش الشبااب دوم يستهينون بسواقه الحريم؟؟!

ودووم يطنزون؟!

اختكم
قد الحب

[فضائي]

بصراحة بصراحة .. ومن اللي صار لي كل الحوادث اللي صارت لي سببها ....
سواقة البنات أو الشياب ..
يعني مرة كنت بروح فيها أنا و اللي وياه و السبب وحدة كانت على طريق أم القيوين - رأس الخيمة القديم , و نزلت من الشارع و قطعت الشارع للشارع الثاني فجأة و أنا على سرعة .. و الحمد لله ما صار لي شي , بس ربيعي راح المستشفى .. و غيرها و غيرها
فخت درس إذا كان قدامي حرمة و لا شيبة و لا تكسي ابطل عيوني زين
و هذا اللي عندي ..
طبعا وايدين بيزعلون من هالرمسة .. لكن أكيد في ثانين عدهم كلام غير



و السموحة :aa_car:

[ام خماس]

والله سؤالج حق الشباب صح وانا ما اعرف بشو ارد عليج

ومشكوووووووووووووووووووووورة ع الموضوع الحلو

[عاشق الرمس]

الصراحة فيه بعض الحريم مب كلهم الله يهديهم ما يعرفون يسوقون والله يعني شوي

وانت على الشارع وحده تلف عليك مرة وحده وفيه بعض الحريم ما شاء الله عليهم سواقتهم

احسن عن الرياييل.

الله يحفظ الجميع ان شاء الله ومشكورة اختي قد الحب ع الموضوع يعطيج العافية والسموحة منج

[أسيرة الشوق]

السواقه فن و مهارة سواء للرجل أو المرأة تحتاج الجرأة و الإنتباه..

أحيانا يكون الطرف الآخر سواء شاب أو فتاة غير منتبهين فيؤدي إلى وقوع الحوادث..

تسلمين أختي قد الحب ع الموضوع..

[رمساوي4]

أعتقد أكثر الحوادث حاليا من النساء...

[آلقوآت آلمسلحة (يزاع)]

آلمهآرة في آلسوآقه مآلهآ خص في جنس

مرات تشوف حريم يسوقن أوكي والعكس

ومرات شباب ما يعرفون بعد

ويمكن الحرمة تسوق ببطء لأنهآ تخآف آلسرعة او الزحمة او لأنهآ مبتدئة

وآنآ عن نفسي آحترم كل حد يسوق << حرام نعيب على الناس على قولة الوالد

لووول << صدج لآزم نحترك كل الناس

[Her Highness]

احس مايخصه بنت ولا ولد


السواقه تعتمد ع المهاره فالتحكم بالسياره والتركيز بنفس الوقت


وهالشي يختلف من شخص لأخر ماخصه حريم ولا رياييل


يسلمووو ع الموضوع

[الشاكي83]

انا اشوف الحريم الخوافات ما يعرفن يتصرفن اثناء السواقه اذا تفاجؤوا باي شي

[L A W Y E R]

خيبهـ طحتوآ فينـآ أشوف ،،لول

ع الأقل نحن مآ انمووت بسبـة حوآدث هـع ،،

أغلب الي يموتون بسبة الحوآدث الشباب ،،

شي طبيعي بيكون فيه حريم بس أقل بوآيد لو قآرنآهم بالشبآب !!

و بالنهآيه مثل مآ قآلوآ السوآقة مـآ يخصهـآ حرمة و لآ ريآل ،،

و شكراً^^

[~{ليش آناآ}~]

هههههههه

لا صدق يعني المراه اذا بسوق شوي شوي هاي خوافه

واذا بتسوق بسرعه هاي دفاشه(((( اقصد)))) اسوي عمرها توب في السولقه وهي من اهناك ولا شي

بس خلي المراه تدعم قطوه بس شووفها شو بسوي

بنقول ..............
اللهم لا شماته

بس الله يحفظ كل من يسوق

تحياتي لكم

[قد الحب]

تسلمون ع المرور الطيب بس انا قصدت ان الشبااب وايد يطنزون على سواقه البنات بس جيه قصدت

[المحترم]

بصراحة البنت من طبعها الخوف والتردد..... لكن ما يمنع انه الحرمة اتسوق والله انه وايداااات حريفات بالسواقة ما شاء الله عليهم......


وتشكرين للموضوع

[بنت عمان]

http://abeermahmoud.jeeran.com/103-besmillah.gif
موضووووع رااائع وجدا حساس وخاصه لنا نحن البنات صح والله ليش دوم نحن الي يطنزون علينا انا عن نفسي اسوق والحمدلله بلافخر احسن من سواقة بعض الناااااااااااس:aa_kashra::sm109: مشكلة الي يغلطون ويوم شافو البنت الي تسوق خلو الغلط عليها :sm148: وبعدين فيه شباب سواقتهم اخيب من سواقت البنات فالمفروض ان الوصف مايعمم على البنات :aa_mo6reqa::sm166: اممممممم لازم نشوف حل :aa_car::sm105:

[قد الحب]

تسلموووووووون ع المرور الطيب