المساعد الشخصي الرقمي

مشاهدة النسخة كاملة : قصيدة لمحبي الفتك


نعيمي.خيماوي
7 - 10 - 2008, 07:41 PM
جاني خبر منه فوادي تفطرا.....استندرن تزمط على النيساني
ذيه التويوتا يالخوي يامعثرا.....هندل وقيره غرته بالثاني
منه تلوم صاحبك لو هو برا.....ترجع يمين تعادله يافلاني
وان ييت بتحمل بها تعمد ورى.....او تستحي او تاذي البتاني
الناس تتطور وانتا لي ورا.......كنك بصير وتتبع العمياني
فور بوينت فايف تراه قوة موتره......والا الفتك فور بوينت ايت حصاني
محروز يالنيساني يومه يذكرا.....كنه زعيم ويحكم الاوطاني
كل المواتر تتبع الي يامرا.......والا السلق للجاريات تعاني
وتخاف يحكمها بظلم مفترى......لكن حكمه عدل(ن) وميزاني
هاتوا سلق نيسان وانا بحفره.....وهاتوا استندر وطيحو الميداني
عندي انا تفجير شاهين احمرا......فرخ(ن) وسبقه يسلب الاذهاني
والشعر ماهو مخلف كما ترى.....لكنه السلهام يوم(ن) ياني
ارتب الاقوال بين الاسطرا.....مستقبس الشاعر الدهماني
انحن بدو نقطع رمول مقفرا.....مانركب الي اكسله تعباني
يومن يغرز واجب انك تحفرا......وحاول يمين يسار بالسكاني
وان طاح في قصين حول بمبرا......ماصممه للسيح والودياني
والا الفتك كنه على الثرى.....يماري روسه السيتاني
مكيفن قدام والثاني ورا......ابدع ترى في صنعه الياباني
مرحوم يازايد على بالي طرى......في جنة الفردوس يارحماني
مساند المسعود يلي ينطرى......في بوظبي متوكل النيساني
عنده وكاله لمبيعه والشرى.....تسعه وسبعين لين الاني
كاين قديم ومن عقب تطورا......واصبح يماري الرنج فالازماني
لريوسه حطو تراهم سنسرا......وتثبيت سرعه داخل السكاني
ثلاجته تبرد شرا الفليزرا......وبلوتوث وسبيكرن مجاني
يطير بالعرقوب يومه يظهرا.......ويفز فزات الذي باحساني
يوصل ولاتوصل معاه ستاندرا......وعندي على ذلك شهود اعياني
في اربع وتسعين طاح انجكترا.......وجانا فتك في الفيننا واثناني
يومن ترش اثنين نارن قد ورا......ومن التواير غيمة الدخاني
قالو من البترول لايع يفقرا.......قلت السعاده تنشرى باثماني
قالو يحر وقلت قول مزورا......قيد الحراره تحسبه خرباني
خذلك فتك ياخي وخل المسخره........لاوارد امريكي ولا بريطاني
لاصممه شارون وياهتلرا......والي انكتب معروف من العنواني

للللللللللمحبين ااااااااااااااااااااااالفتك vtc4800/4500
رمساويهـ قمر
7 - 10 - 2008, 07:53 PM
يـآا ويل حـآالي ع الفتكـ ..

صدق خطيـــر ..

تسلم أخوي ع القصيدهـ النايس ..
نعيمي.خيماوي
7 - 10 - 2008, 07:58 PM
مشكوررررررررةيا رمساويه قمر
حمودي 17
7 - 10 - 2008, 09:17 PM
مشكـــــور على القصــيده ..

ولــكن ..

// لا قالـوا النسيـان يمشي بغندرا .. حنـا نقول ان الكلوزر سيـد النيسـاني // ..

// خابرك يا راعي الفتك ما تقدرا .. يا ويـل حالي يوم يعشــــقه بالثــــــاني // ..

.. الكلوزر وبس ..
سلا الروح
7 - 10 - 2008, 10:57 PM
السلام عليكم ورحمة الله وبركاته


لاااااااااااااااااااااااااااااااااااااااا ماشي عقب الفتك


خذ لك فتك وخل عنك المصخره ,,,,,,,,,,,,,,,,,,,,,,

مشكور اخويه على القصيده الغااااااااااااااااويه
أسيرة الشوق
8 - 10 - 2008, 07:57 PM
يا خوي خلك من النيسان و الفتك
وش لك تعور راسك بمسخرة
بي ام دبليو وبس بس يوصلك
تنسى الفتك اللي أشوفه مصغرة


bmw
نعيمي.خيماوي
6 - 4 - 2011, 10:18 PM
يا خوي خلك من النيسان و الفتك
وش لك تعور راسك بمسخرة
بي ام دبليو وبس بس يوصلك
تنسى الفتك اللي أشوفه مصغرة


bmw


لا لالالا
الفتك غير ( رئيس السيارات الفورويل):sm136:
شكرا ع المرور
ولد رااك
8 - 4 - 2011, 05:42 PM
يا خوي خلك من النيسان و الفتك
وش لك تعور راسك بمسخرة
بي ام دبليو وبس بس يوصلك
تنسى الفتك اللي أشوفه مصغرة


bmw

لا لا شو بي ام دبليو خسي الفتك لا غيره ولا بعده لا بي ام ولا ستاندر يلا يلا سير انت ويا البي ام دبليو مالك هع
نعيمي.خيماوي
9 - 4 - 2011, 01:22 AM
لا لا شو بي ام دبليو خسي الفتك لا غيره ولا بعده لا بي ام ولا ستاندر يلا يلا سير انت ويا البي ام دبليو مالك هع

ولد راك شكرا ع المرور.
ووراعية البي ام انثي وليست ذكر
:sm288:
ولد رااك
9 - 4 - 2011, 09:27 PM
اوه السموحه عاد


:shy:
ميمي فلاحيه
13 - 4 - 2011, 01:14 PM
وانا اقول لا فتك ولا غيرها اللامبورجيني ما غيرهاا خخخخخخخخخ سوالف ,, صح لسانك
نعيمي.خيماوي
17 - 4 - 2011, 04:20 PM
وانا اقول لا فتك ولا غيرها اللامبورجيني ما غيرهاا خخخخخخخخخ سوالف ,, صح لسانك

خخخ النيسان حتي عن اللامبرجيني راح