عيب يا خالد درويش !!

[JetaimeO]

بعد انتهاء المباراة وخروج لاعبي الوصـل الى الباص - قـام بعض من جماهير الشعب بالقاء بعض الكلمات والسب على خالد درويش بسبب الحركة اللي فعلها وحاول تسجيل الهدف ولم يرجع الكرة ( وانتوا تعرفون الجمهور من جميع الفئات وممكن يعمل اي شيئ ) .. ولكن خالد درويش لم يتمالك اعصابه فرد عليهم بالمثل بالسب والشتم - وجرى اليهم محاولا على الاعتداء والضرب على جمهور الشعب واشتبك معهم وحدث ماحدث ... ولكنه اذى نفسه خالد درويش بحصوله على بعض الضربات من الجماهير ..



انت لاعب ياخالد اين الاخلاق الرياضية -


الجمهور يبقى جمهور ومن جميع الفئات ..


التعليق لكم



م/ن


وللعلم وصلني أنه قد تم أذاعة الخبر على إذاعة أبوظبي من مراسل الإذاعة في المباراة ..

يعني السالفة صحيحة 100% للإخوان اللي يبون المصدر

[JetaimeO]

الصراحة اللاعب لازم يكون قدوة لباقي اللاعبين خصوصا إنه ماخذ أفضل لاعب قبل موسمين لكن الأخلاق ماتت هالأيام ..

الكورة فوز وتعادل وخسارة والبطولة تنشيطية فما أظن في داعي لهالتصرفات ..

والسموحة

[رمساوي4]

يا جماعه قلت في موضوع سابق إنه فيه لاعبين ما يستحقون أن يكونون لاعبين في ملاعبنا...

[قلم رصاص]

وين مصدرك ياأخوي ..
والله يمكن السالفة كلها جذب ..
ليش تحبون ترمسون عن الناس ..
الله يهديك إن شاء الله ..

[JetaimeO]

وين مصدرك ياأخوي ..
والله يمكن السالفة كلها جذب ..
ليش تحبون ترمسون عن الناس ..
الله يهديك إن شاء الله ..


ألحين يلست تتكلم عن المصدر ..

ليش وين هالسؤال في قضية فيصل خليل..

هذا يدل على حقد وحسد بعض الناس على النادي الأهلي واللاعب فيصل خليل

وعن المصدر سير اطالع المنتديات عن الموضوع وأنا حبيت أخليكم في الصورة لا حد يتكلم باجر بالموضوع وتقولون شو السالفة أول مرة تسمعون بالسالفة ..

والسموحة ..

[عاشق الرمس]

الله يهديك يا جتيمو

ليش تحب تثير البلبله بين الاعضاء في المنتدى هذا وانته مشرف

الله يهديك ان شاء الله وجابل فريقك الاهلي احسن لك لانه مبارياته الاخيرة كلها خسارة

وانت تعرف ليش الخساير

[JetaimeO]

الله يهديك يا جتيمو

ليش تحب تثير البلبله بين الاعضاء في المنتدى هذا وانته مشرف

الله يهديك ان شاء الله وجابل فريقك الاهلي احسن لك لانه مبارياته الاخيرة كلها خسارة

وانت تعرف ليش الخساير

ليش متى وضع العضو في الصورة ونقل آخر الأخبار صار لإثارة البلبلة في المنتدى ..

أنا مشرف عسب جي أنقل آخر الأخبار شرات ما تسوي إنت في قسمك ..

ولا لأنك وصلاوي ماتحب أي شي مب زين يتعلق بفريقك..

خل عنك العاطفة ترا الصح صح والغلط غلط وهالغلط شافه جمهور الفريقين ..

وعن فريقي أنا مرتاح منه رغم الخساير لأنه يلعب صح اللهم الحظ ماشي وهالشي طبيعي..

فلا تحاتي الخساير لفريقي..

[patchena]

يا جماعة الخير هدو اعصابكم وبالنهايه هذا لعب وفيه الفايز والخسران وماله داعي هذا كله وين الروح الرياضيه ههههههه لكم من اجمل تحيه

[~{ليش آناآ}~]

هههههههههه

الحين صار اخلاق وما اخلاق ياجتيمو على خالد درويش

بس لما صارت سالفة فيصل خليل قلت مظلوم....... وقلت وقلت ...ومدري شو

الحين السالفه صارت سالفة اخلاق

والله حاله

تحياتي لكم

[JetaimeO]

هههههههههه

الحين صار اخلاق وما اخلاق ياجتيمو على خالد درويش

بس لما صارت سالفة فيصل خليل قلت مظلوم....... وقلت وقلت ...ومدري شو

الحين السالفه صارت سالفة اخلاق

والله حاله

تحياتي لكم



في فرق بين السالفة يوم الجمهور يجوف اللاعب يسوي الغلط ويعاند ويوم اللاعب الناس تتكلم عنه بسبة الجرايد وهي مب عارفة شو السالفة بالضبط ..

وللعلم فيصل موجود وأمس كان فمباراة النصر لكن موقوف إداريا من النادي

[~{ليش آناآ}~]

في فرق بين السالفة يوم الجمهور يجوف اللاعب يسوي الغلط ويعاند ويوم اللاعب الناس تتكلم عنه بسبة الجرايد وهي مب عارفة شو السالفة بالضبط ..

وللعلم فيصل موجود وأمس كان فمباراة النصر لكن موقوف إداريا من النادي


ههههههههه
لو مب عارفه السالفه جان طنشت موضوعك اصلا....

وشوف اخوي سوا كان عن طريق الجمهور ولا عن طريق الجرايد ...
ترا السالفه نفس الشي
تتكلم على قولة بالاخلاق....

واذا انك بضارب كل شخص يعارضك لا اتحط مواضيع اتيب الجدل بين الاشخاص..
وها مب راي انا بس...

تحيااااااااتي

[بن سعيد]

اذكروا الله يا جماعة الخير

تراها رياضه وشباب

خذوها بروح رياضيه

ههههههههههههههه

[JetaimeO]

ههههههههه
لو مب عارفه السالفه جان طنشت موضوعك اصلا....

وشوف اخوي سوا كان عن طريق الجمهور ولا عن طريق الجرايد ...
ترا السالفه نفس الشي
تتكلم على قولة بالاخلاق....

واذا انك بضارب كل شخص يعارضك لا اتحط مواضيع اتيب الجدل بين الاشخاص..
وها مب راي انا بس...

تحيااااااااتي



مابي أخلي الموضوع شرات المسنجر ..

المشكلة إن الكل متعصب لناديه بس شوفي الحيادي رده هو اللي يتاخذ أما الباقين تلاحظين إنه الكل يدافع عن ناديه بدون حيادية ..:aa_Doh:

عن فيصل ترا السالفة مامعروفة بالضبط للحين والشارع العام كل يوم يطلع إشاعات أما خالد درويش الكل جافه ..:sm103:

وليش ما أحط المواضيع دام الأعضاء يهتمون ويتفاعلون بالموضوع :sm136:

المشكلة في التفكير السلبي والاحيادية ..

[~{ليش آناآ}~]

مابي أخلي الموضوع شرات المسنجر ..

المشكلة إن الكل متعصب لناديه بس شوفي الحيادي رده هو اللي يتاخذ أما الباقين تلاحظين إنه الكل يدافع عن ناديه بدون حيادية ..:aa_doh:

عن فيصل ترا السالفة مامعروفة بالضبط للحين والشارع العام كل يوم يطلع إشاعات أما خالد درويش الكل جافه ..:sm103:

وليش ما أحط المواضيع دام الأعضاء يهتمون ويتفاعلون بالموضوع :sm136:

المشكلة في التفكير السلبي والاحيادية ..


شوف يا خوي الغلط غلط لناديه ولا غيره

وانا ما قلت انا خالد ما غلط او شي ما شابه
بالعكس اذا كان غلطان يستاهل العقوبه

لكن انت شوف شو سويت بلاعبك فيصل
مع انه كل شي واضح
ولا اتقول لعب
ها ما يبين شي تراه

ههه
الله المستعان

وبالنسبة للمواضيع
حط مواضيعك الخاصه محد قال شي لانك المشرف
بس لا اتيب الجدل.....

تحيااااااتي

[القلم الساخر]

الأخ Jetaime0

للأسف بأنك مشرف في قسم مهم و تنسى أو تتناسى الإتيان بالمصدر و تترك للشائعات أو التناقلات بين هذا و ذاك وتوصله إلينا

لكنني سأناقشك في موضوعك هذا ..

في البداية أخي أعتبر انا عضو من أعضاء موقع الرمس و أنت مشرف فيها إذا انا كعضو تماديت في إستهزائي بك في ردودي ماذا انت فاعل ؟

أكيد بتمسح كل ردودي و سوف تقوم بتعديلها و لربما تشكيني للإدارة , أليس كذلك ؟؟

إذا انت استخدمت معاي القوة و صلاحياتك معي و لم تقل هذا عضو و انت مشرف و بدل ان ترشدني الى الصواب تستخدم صلاحياتك معي ... أفتستحق الإشراف أم ماذا ؟؟

أخي الكريم : اللاعب العالمي زين الدين زيدان .. لاعب منتخب فرنسا ان لم تكن تعرفه او خانتك الذاكره طرد في أهم مباراة في العالم في سنة 2006 في كأس العالم بسبب إعتداءة على اللاعب الإيطالي مترازي لأنه لم يتحمل تلفظات اللاعب الإيطالي إليه و هو اللاعب العالمي المحترف ..

في بعض الحالات يخرج اللاعب من صوابه و هذا يعتبر من عوارض الغضب و الانسان القوي من يستطيع كضم غيضه

فالاعب ايضا انسان يحس و يشعر و ربما يتأثر أكثر من الجمهور نفسه . اتمنى اخي ان تحاول لعب الكرة لتتعلم الاحساس و الشعور في حالة الفوز و الخساره و من ثم تبدي أرائك نحو اللاعبين لانني من خلال قراءة ردودك لم تعجبني و تبين لي بأن نظرتك الكروية محدوده جدا فلربما انت من المشاهدين فقط و ليس من الممارسين ايضا

و أسف لو ازعجتك بردي لكنني مع الحق دائما

و كل تقديري لك يا مشرفنا

[JetaimeO]

الأخ jetaime0

للأسف بأنك مشرف في قسم مهم و تنسى أو تتناسى الإتيان بالمصدر و تترك للشائعات أو التناقلات بين هذا و ذاك وتوصله إلينا

لكنني سأناقشك في موضوعك هذا ..

في البداية أخي أعتبر انا عضو من أعضاء موقع الرمس و أنت مشرف فيها إذا انا كعضو تماديت في إستهزائي بك في ردودي ماذا انت فاعل ؟

أكيد بتمسح كل ردودي و سوف تقوم بتعديلها و لربما تشكيني للإدارة , أليس كذلك ؟؟

إذا انت استخدمت معاي القوة و صلاحياتك معي و لم تقل هذا عضو و انت مشرف و بدل ان ترشدني الى الصواب تستخدم صلاحياتك معي ... أفتستحق الإشراف أم ماذا ؟؟

أخي الكريم : اللاعب العالمي زين الدين زيدان .. لاعب منتخب فرنسا ان لم تكن تعرفه او خانتك الذاكره طرد في أهم مباراة في العالم في سنة 2006 في كأس العالم بسبب إعتداءة على اللاعب الإيطالي مترازي لأنه لم يتحمل تلفظات اللاعب الإيطالي إليه و هو اللاعب العالمي المحترف ..

في بعض الحالات يخرج اللاعب من صوابه و هذا يعتبر من عوارض الغضب و الانسان القوي من يستطيع كضم غيضه

فالاعب ايضا انسان يحس و يشعر و ربما يتأثر أكثر من الجمهور نفسه . اتمنى اخي ان تحاول لعب الكرة لتتعلم الاحساس و الشعور في حالة الفوز و الخساره و من ثم تبدي أرائك نحو اللاعبين لانني من خلال قراءة ردودك لم تعجبني و تبين لي بأن نظرتك الكروية محدوده جدا فلربما انت من المشاهدين فقط و ليس من الممارسين ايضا

و أسف لو ازعجتك بردي لكنني مع الحق دائما

و كل تقديري لك يا مشرفنا

الظاهر إنك يديد معانا فأهلا بك أولا في المنتدى ..

حبيبي أنا ما أعتبر نفسي مشرف وأتعامل مع الأعضاء كعضو نفسهم اللهم أهتم فقسمي بكتابة المواضيع ومراقبة كل ماهو في قسمي ..

أولا أنا كمشرف مب مجبر إني أحطي مصدر إذا كان الخبر منتشر في المنتديات .. وهالخبر منتشر في المنتديات ..

ومنتدانا مب منتدى رياضي يعني كل موضوع ولازم مصدر ..

نحن الأعضاء والمشرفين نحن نطلع من شكلنا الفعلي في المنتدى كمشرفين أثناء الردود فبتلاحظ في معظم المواضيع كل مشرف يغلط عالثاني لمجرد السوالف ونحن كلنا نعرف بعض مب لأني مشرف لازم أكون رزين فكتاباتي دوم يعني ..

وليش نكون دوم راصين على أنفسنا ومانكون ريلاكس مع الكل..

يعني ليش أقعد أنزل موضوع تعبان على كتابته بمصدر أو بدون مصدر وآخر شي الردود تسلم أخوي عالموضوع وشكرا و...

عسب جي منتدانا بشكل عام وقسمي بشكل خاص تقدر تاخذ حريتك بس بحدود المعقول مب يعني تزودها ..
وأبي أسالك شو اللي خلاك تقول أنا أستخدم صلاحيتي في مصلحتي ..
ياخي الصح صح والغلط غلط مهما كان مشرف أو عضو ..
وأنا أصلا ما أعدل أو أمسح الردود إلا بأمر من مدير الموقع أو إذا في شي مايحتاي أرجع فيه للمدير يعني مثلا سب أو تكرار مواضيع وماشابه ..
وغريب أمرك في موضوع الصلاحيات والقوة ليش منو أنا :aa_Doh: وشو اللي خلاك تقول هالكلام مدري


وعن الحادثة أنا أعرف ردود الأفعال من جانب اللاعبين وماني بصغير عسب ما أعرف هالأمور بس هل الموضوع مب عاجبنك ولا شو ..

اللاعب أخطا وزيدان أخطا لكن زيدان تعاقب حتى فمكانته ونجوميته ومع اعتزاله فليش تعترض على اللاعب ..

وأنا كتبت الخبر كخبر منقول حتى يعني مو من تأليفي ..

إن شاء الله نجوف تفاعلك بما يفيد المنتدى والظاهر إنك وصلاوي يديد غيور والسموحة..

[بحر الثواني]

نفس كلام اخوي رمساوي 4
فيه لاعبين ما يستحقون أن يكونون لاعبين في ملاعبنا...

[عاشق سمعه]

اذيتونا ويا فيصل خليل محد استوى الا فيصل خليل الموضوع خاص بخالد درويش شو يخص فيصل خليل ..
اخ جتمو اخ قلم رصاص ماقال شي قال وين المصدر ممكن اتحط المصدر ..
انته سويت لنا سالفه فيصل وفيصل جنه فيصل هداف المنتخب الاول واذ هو ما لعب وياهم هجومنا عقيم ...
خله يعزلونه ويفكونا من سوالفه ..

[slk]

لوسالفه فيصل خليل اشاعة ليش بالله استبعدووه عن المنتخب عشان الخلاف الي حصل له بينه وبين النادي ههههه

[JetaimeO]

كيف اللاعب مايلعب في النادي تبونه يلعب في المنتخب ..

الله يهديكم ..

يغلق الموضوع لخروجه عن مغزى الموضوع وتحوله لموضوع آخر مع العلم بأن الموضوع أصلا مضى له فترة من الزمن ولاداعي للتكلم به في الوقت الحالي ..