أين الأخلاق يا ياسر مطر..

[JetaimeO]

السلام عليكم ورحمة الله وبركاته

اللي يجوف مباراة الشباب والوحدة أكيد جاف طرد اللاعب ياسر مطر شقيق اسماعيل مطر..

اللاعب سوا فاول على اللاعب أولادي وهو ساير جاف إيد أولادي وداسة وسوى عمره بريء لكن الحكم كان قريب وجاف اللاعب وهو يدوس ريل اللاعب فبدل البطاقة الصفرا للبطاقة الحمرا..

المفروض يكون قدوة لأخوه اسماعيل صاحب الأخلاق العالية لكن الظاهر ياسر ماراح يتعلم من تصرفاته ..

للعلم هذي مب المرة الأولى اللي ينطرد فيها اللاعب ترا اللاعب مشهور بالطرد ولو كان اللاعب دوم أساسي جان شفنا الرقم القياسي للطرد من نصيبه ..

المفروض اللاعب يتوقف على الأقل 3 مباريات ..

ولو ماصدر عليه قرار الإيقاف فعلى الدنيا السلام..

والإختلاف لا يفسد للود قضية ..

والسموحة

JetaimeO

[عاشق الرمس]

انته كل مواضيعك تبغي تسوي فيها مشاكل

مب انته اللي تحكم على لاعب باخلاقه

الله يهديك ان شاء الله

[قلم رصاص]

أخوي .. أولا مب أنته اللي تحكم على الناس بأخلاقهم ..
ثانيا .. انته جابل فريقك .. وبسألك شو سالفة الخسائر المتتالية .. !!!!

خلك بعيد عن هااي المواضيع أحسن لك ..

[JetaimeO]

انته كل مواضيعك تبغي تسوي فيها مشاكل

مب انته اللي تحكم على لاعب باخلاقه

الله يهديك ان شاء الله


ياخي أنا أتكلم عن آخر المواضيع الساخنة والمثيرة والمهمة اللي تستاهل الواحد يتكلم عنها ومن حقي هالشي ..

وأنا أصلا متى حكمت على اللاعب ..

ولا لأني حطيت الخبر يعني حكمت عليه بأخلاقه ..

اللاعب معروف عنه إنه وايد ينطرد ونت أصلا تتكلم عن هالشي وعارف هالشي ولعبه دوم فيه احتكاك قوي ويؤدي نفسه للطرد دايما بإثارة المشاكل في الملعب ..

وأخوي أنا تكلمت عن الموضوع فلو عندك شي عني شخصيا تقدر تتكلم في الخاص مب هني..

والموضوع أنا وضعته للتكلم عن اللاعب والواقعة مب علي وعلى مواضيعي..

[JetaimeO]

أخوي .. أولا مب أنته اللي تحكم على الناس بأخلاقهم ..
ثانيا .. انته جابل فريقك .. وبسألك شو سالفة الخسائر المتتالية .. !!!!

خلك بعيد عن هااي المواضيع أحسن لك ..


أنا ماحكمت على اللاعب ولو تبي تجوف راي الجمهور عن اللاعب سير تفصح المنتديات ..

وعن الخساير أنا مرتاح من فريقي رغم الخساير بس مجرد سوء طالع وراح ينتهي إن شاء الله مع تصحيح المدرب..

وليش أكون بعيد عن هالمواضيع وهالمواضيع يبالها نقاش خاصة في حال لاعبينا ودخولهم لعصر الإحتراف وهالتصرفات موجودة ..

[حور و نور]

أنا مع الأخ جيتمو ان كان الأخ هذي دايماً تصرفاته في الملعب
أنا اشوف انه ما يستحق انه يلعب لأن اللاعب أول شيء يحطه في اعتباره الاخلاق وما شاء الله على أخوه اسماعيل مطر لازم يتخذه قدوه له .
اخواني بعدوا عن الحساسيه الزايده وخلكم واقعين أكثر .فعلاً اخونا ما قال شيء فيه تحيز أو غيره . هو خبرنا بواقعه صارت اليوم . ودوم مواضيعه واقعيه والسموحه منكم :sm125::sm125:

[jet fuel]

المفروض اللاعب يتوقف على الأقل 3 مباريات ..

ولو ماصدر عليه قرار الإيقاف فعلى الدنيا السلام..

الظاهر أن الاخ JetaimeO حاقد بشكل كبير على الوحدة لدرجة كبير ويدور على
أي غلطة ليعمل منها قضية الموسم ويثير جماهير النادي

نعم ياسر لاعب خشن مثله مثل عيال عباس في الأهلي لكن
الفاول ما يستاهل كرت وأيضا الدوسه على يد الإيراني واضح أو مؤثر و يا ما تصير مثل ها الحركات و يعديها الحكام خصوصا في الدوريات القوية

[JetaimeO]

المفروض اللاعب يتوقف على الأقل 3 مباريات ..

ولو ماصدر عليه قرار الإيقاف فعلى الدنيا السلام..

الظاهر أن الاخ jetaimeo حاقد بشكل كبير على الوحدة لدرجة كبير ويدور على
أي غلطة ليعمل منها قضية الموسم ويثير جماهير النادي

نعم ياسر لاعب خشن مثله مثل عيال عباس في الأهلي لكن
الفاول ما يستاهل كرت وأيضا الدوسه على يد الإيراني واضح أو مؤثر و يا ما تصير مثل ها الحركات و يعديها الحكام خصوصا في الدوريات القوية

الظاهر العاطفة تلعب دور كبير..

ياخي شو بكسب من حقدي أو حبي لنادي الوحدة ..

فكر في الكلام اللي تقوله ..

أنا وشلي بالحقد يا ريال..

وشكرا

[جروح]

13 مباراه يتوقف احسن صح ’,’,’,’,’,’,’,’



المهم لو سوا هالحركه يستاهل الايقااف 3مباراياات وغرامه

[أصدآء]

اللاعب غلط وفعلا حركته ما كان لها داعي..س خذ جزاءه وانطرد..
عموما تسلم أخويه ع الموضوع..
وبالتوفيييق للعناآبي في المباريات القادمه..

[~{ليش آناآ}~]

ياسر اسماعيل انطرد وخلاص بسسب الغلطه

بس اخلاق ومب اخلاق نحن شو لنا دخل فيها؟؟؟؟؟؟؟؟


تحياتي لكم

[عاشق سمعه]

انا أؤيد اخ جتمو بالكلام اللي قاله ياسر مطر مو بس يتوقف 3 مباريات الا ينشطب من الفريق لاعب ماعنده شئ يضيفه واخلاقه خايسه وشايف عمره على شو ما ادري
اسماعيل اخوه افضل لاعب في الامارات ما شاف عمره شراته ...
اخوي قلم رصاص واخوي عاشق الرمس ابتعدو عن الحساسية والتعصب الكروي كل واحد فيك مترصد لثاني يتريا يكتب موضوع عشان يرد ويشهر بالعضو الثاني ..

[P_S_R24]

اللاعب دام انه انطرد في المباراة مستحيل يتوقف , لانه خلاص خذ جزاه

الايقاف يحصل اذا الحكم ما شاف اللي صار في الملعب و بعدين لجنة المسابقات اكتشفت هذا الشي عن طريق الفيديو

بس في هاي الحالة خلاص اللاعب ما يتوقف

بعدين إذا السالفة سالفة أخلاق ,, شوف أخلاق لعيبة الاهلي أول بعدين تكلم عن عن أخلاق بقية اللاعبين.ولا مال الاهلي على راسهم ريشة و معصومين عن الخطأ
أوكي ياسر غلط و نال جزاه و انطرد ,, شو اللي صار يعني

[رمساوي4]

شو فيهم لاعبينا؟؟؟؟؟؟؟؟؟؟

[Bo 3@bdallah]

نقع البكس بين جمهور الاهلي والوحده

خلونا نبتعد عن المواضيع الحساسه
اخوي جتيمو كونك كمشرف انصحك لوجه الله ابتعد عن هالمواضيع ..

يعطيك العافيه على طرح كل ماهو جديد في عالم الكره

تحياتي لك

[AD.870]

جتيمووو شرايك عهالحركه بتوقف اللاعب موسمين

ويتغرم 200ألف

ولا يشطب من الاتحاد احسن بعد

لوووول


جهز عمرك انت بس حق الدوام يكون احسن>>>>>>خخخ

[مرايم]

ههههههههههههه والله حاله

يسلمو اخوي جتيمو عالخبر

وماظنتي قال شي غلط عشان الكل يضايق ها شي وصار واقع يعني والكل كان يرمس حتى فالجرايد يعني لا تحطو حرتكم فريال ............

[slk]

اولا انتو شلكم في هاذي السوالف يتوقف 4 مباريات ولا7 انتو شو فو اللقطه عدل عقب قررو لجنة التحكيم موجوده ولجنه التحكيم اهي الي تحكم على الاعب وشكرا.............