10 رادارات ثابتة جديدة في رأس الخيمة

[غـريب الـدار]

10 رادارات ثابتة جديدة في رأس الخيمة



رأس الخيمة - سائد الخالدي:



كشف العقيد ناصر سالم مردد مدير إدارة المرور والترخيص في رأس الخيمة، النقاب عن استقدام الإدارة مؤخراً لعشرة أجهزة رادار ثابتة يجري حالياً العمل على تركيبها في عدد من شوارع الإمارة التي تشهد تكرار وقوع الحوادث المرورية عليها .



وأشار في تصريح خاص ل”الخليج” إلى أن استقدام هذه الأجهزة الجديدة التي ستضاف لأجهزة الرادار الحالية الموزعة في شوارع رأس الخيمة، يأتي تماشياً مع استراتيجية وزارة الداخلية الرامية إلى ضمان إلتزام السائقين بالسرعات القانونية المحددة، بما يحافظ على سلامتهم وسلامة غيرهم من مستخدمي الطرق وعلى الممتلكات الخاصة والعامة، ويقلل من وقوع الحوادث المرورية بمختلف أنواعها، وصولاً لأعلى معايير السلامة على طرقاتنا، مضيفاً أن الأجهزة الجديدة البالغ عددها 10 أجهزة جميعها رادارات ثابتة يتم تركيبها حالياً في بعض الطرقات الحيوية بالإمارة على أن يتم تشغيلها بعد الانتهاء من تركيبها .



وأوضح أنه تم اختيار أماكن تركيب هذه الرادارات في الشوارع التي يتكرر وقوع الحوادث المرورية عليها، لإجبار السائقين على تخفيف سرعاتهم والقيادة وفقاً للسرعات القانونية المحددة وفقاً لقدرة الشارع وحركة السيارات عليه، وأعداد مستخدميه، وغيرها من الاعتبارات الأخرى، لافتاً إلى أنه سيتم في المستقبل الاستغناء عن الرادارات المتحركة في شوارع وطرقات رأس الخيمة والاستعاضة عنها بالرادارات الثابتة، تأكيداً للجمهور بأن الهدف من وضع وتركيب الرادارات في المقام الأول هو الحفاظ على سلامتهم وعلى ممتلكاتهم والحيلولة دون تعرضهم للحوادث المرورية .

[Bo 3@bdallah]

يالله عقبال ما يزرعون عند كل بيت رادار بعد ...

حنا ناقصين بالمتحرك ويزيدون لنا الثابت ..!؟

خل يصلحون الشوارع قبل عقب خل يحطون بين كل شبه عشرين رادار مب واحد محد بيعاتبهم ..

[شباصة منقصة]

البارحـهـ كآن واحــد بشارع المنتصــر

<<<الله يكــون بعــونــكم عآد ع المخالفات

ربي يحفظكــم


http://www.alrams.net/up2/uploads/images/alrams.net-8a175d52f0.jpg (http://www.alrams.net/up2/uploads/images/alrams.net-8a175d52f0.jpg)

[قلب الشفوق]

يبالنا حصاله نكتب عليها حصالة الرادار عشان نجدد السياره نقدم لهم الاوراق المطلوبه ومن ضمنهم الحصالة تحويشة العمر خلال سنه

[نقطة حبر]

من كثر وايد الشوارع مرتبه والله شي يسد النفس

انا وياك اخوي قايد الغزلان بالأول يصلحون الشوارع قبل عقب يسون الرادارات

وتسلم اخوي غريب الدار عالخبر

[حلو الاطباعي]

هدفنا حياتكم لا مخالفتكم.... يعني صدقني
خليهم يحطون 30 رادار ثابت مكانه معروف
ولا يدسون رادار متحرك تقول عفريت بكل مكان

يلا ماعلينا ... الله المستعان

[درر]

هيه صدق والله

شوفوا شارع النخيل جنه سكه الحديد
مال القطار

والشوارع امرقعه والا حفر بين شبر والثاني

عافانا الله بس يعرفون ياخذون البيزات ... ما يطلعون ويعدلون الشارع...

[وصلاوي]

هدفنا حياتكم لا مخالفتكم.... يعني صدقني
خليهم يحطون 30 رادار ثابت مكانه معروف
ولا يدسون رادار متحرك تقول عفريت بكل مكان

يلا ماعلينا ... الله المستعان


يعني صدقني...زههه
عجبي ردك

[حرم الشحي]

انزيين اخبرووا امااكنهم؟؟؟؟

[البركان الاسود]

انا ما يهمني ردار متحرك او ثابت ودي اسرع خلهم يخلفوني لانه الشارع ما تسرع عليه اكثر من مئه لانه مكسر واذا سرعة تنجلب بيك السيارة............
يا من بهواه اشتغل ..........وغره طول الامل
الموت يتي بغتتان...........والقير صندوق العمل.

[ام الولد]

عيبني رايك قايد الغزلان
بس ما كأن السالفه استوت حصاد بيزات
مثل الباركنات بيزات ,مضطر توقف 5دقايق صده رده خالفوك وادفع بيزات, مثل مستشفى صقر الشرطي ماصدق سياره وقفت شوي مكان غلط طبعا مخالفو وبيزات وين انوقف اذا مامحطين باركنات في بعض الأماكن ومضطرين نوقف! وزادوا الطين بله من رادارات متحركه لثاااابته عشان ازيد الزحمه علينا ..وشوارعنا متى تفكرون بتصليحها !مب ترقيعها بسميت نقصد تصليحهااااااا لآن ملينا من الأنزلاقات والحفر بالأمطار.... وسلامتكم.

[شيخ الرمس]

اظن تصليح الشوارع اللي عفا عليها الزمن أولي من الرادردارات يا سعادة العقيد

[بنت الجير]

زين يسوون موب حرام الشباب يلي يموتون بسبت السرعه الزايده يمكن يخفون على أعمارهم شوي

ترى أهلهم هم يلي يتعذبون وراهم الله يحفظهم...ويرحم موتاهم...

الله يعينكم ع المخالفات ...وألآ وأخيرا يبون سلامتكم وسلامتنا...

[hind55]

الله يعينا على دفع المخالفات

[ابرار برفيومز]

انا ما يهمني ردار متحرك او ثابت ودي اسرع خلهم يخلفوني لانه الشارع ما تسرع عليه اكثر من مئه لانه مكسر واذا سرعة تنجلب بيك السيارة............
يا من بهواه اشتغل ..........وغره طول الامل
الموت يتي بغتتان...........والقير صندوق العمل

عجبني هاا الرد ...

عاد الحينة السااهر ملعوزنااا

كل اشوي وقفو حد في شاؤع .. ليسن ملكية .ليش الاصطاب خربان ..ليش ليش ليش ... يباالهم وقت الين ماايملوون ويتعودون على اهالي راك ..لانه اكتريتهم من بوظبي >>

[Eng.Khaled]

الله اعلم بالنوايا ، ولكن مايبدولي هي انها بهدف الربح لا التوعية!
ليش؟ يت على الردارات يعني!
وين الرقابه عن اللي يمشون بدور ارقام ؟
وين الرقابه عن سايقين التكاسي اللي بيذبحون الشعب؟
وين الرقابة عن الشاحنات اللي مخبقه شوارعنا تخبيق؟
نعم نحتاج من يضبط سرعات المتهورين، ولكننا بحاجة في نفس الوقت لمن يسلط الضوء على المصخره اللي صايره من اصحاب التكاسي والشاحنات!

[RAKBOY783]

الله المستعان

[الشفق الأحمر]

أتمنى يركبوا رادار في الشارع من دوار الطويين إلى شارع المطار

[ولد راك]

اذا على قولتكم ما في شوارع وفيه حوادث


وين بعد اذا عدلوه

راح تزيد الحوادث


بالتوفيق

[ƒεïз Ř@Ҝ]

هي والله صدق خل يشوفون صرفه لشوارعهم ولشاحناتهم أول ،،
والحفر إللي ماليه الشوارع

[اهلاوي20]

الله اعلم بالنوايا ، ولكن مايبدولي هي انها بهدف الربح لا التوعية!
ليش؟ يت على الردارات يعني!
وين الرقابه عن اللي يمشون بدور ارقام ؟
وين الرقابه عن سايقين التكاسي اللي بيذبحون الشعب؟
وين الرقابة عن الشاحنات اللي مخبقه شوارعنا تخبيق؟
نعم نحتاج من يضبط سرعات المتهورين، ولكننا بحاجة في نفس الوقت لمن يسلط الضوء على المصخره اللي صايره من اصحاب التكاسي والشاحنات!


اشكرك
الصراحه كفيت ووفيت
الشاحنات والتكاسي والشوارع

[شقاوي راااك]

ماشاء الله عليهم بيرفعون اقتصاد رااإك خخخخ يكن يصلحون الشوارع بفلوس الرادارات بِــ??سّ واّللـّـہّ كل اللي يعرفوني من برع راك يتمضخرون ع شوارعنا جنه تدليك مب شارع أول مره اشوف شارع معضل عنبووه كل هأي الحوادث وبعد مب قادرين يحطون شارع خاص للشاحنأت ربيعي من برع راك يقول أول مره اشووف خمسين ألف شاحنه ف المدينة شةة ها القانون خخخخ بِــ??سّ ما علي بدوس لين ما انقع عندي فيتاره سكان يمين خخخ الرنج منزل أمشي فيه أربعين بِــ??سّ خخخخخ بِــ??سّ ما أقول غير كل ما جئت بِــ??سّ ترخي تعذبني هزة الفنيه قام المقلوب النظر عنها ولا ‏?‏???هـ?ـيـہ بجنيه ترفع الرأس بين الجموس والنياسين القويه لها هيبه فـِْ???ـِْ?? وسط القزوز ترعب أهل المساكن والفلل الشعبة من خطفت كتوؤوف قالو ‏??شـــــــــــوـوـوـو هذا غزووو ولا احتلال للشعبيه طالب من الله يشتر علي ولا انزخ لأن فيها محاكم وأوراق رسميه خخخخخ واّللـّـہّ اني شاعر. شعاري : كيف ما أكون ‏?‏???????? يشبهني الاخرون

[شقاوي راااك]

وربي ‏??شـــــــــــوـوـوـو هأي الحكومة بِــ??سّ تحب تأخذ مأتعطي إذا حد يدل فرع موسيقى الشرطه اللي ف خران دخيلة يصور ويحط الصور ف المنتدى واّللـّـہّ حاطين حدإيد مب رافعين العلم أونه ايرث خخخخ الباركنأت كلها رمل كثيف تقول عوافي بألله عليكم منظر مركز شرطه دائرة الكهرباء مإمقصرين كسروو القار وحفرؤو وعقب الرمل صففوه ع القار ونص الفريج قار والباجي قرقره ‏????‎?‏?‏?‏?‏?‏?‏?‏?‏?‏?‏?‏?‏?خ'ـَلآصّ نحن ف 2011
‏????‎?‏?‏?‏?‏?‏?‏?‏?‏?‏?‏?‏?‏?خ'ـَلآصّ ماتم مكان مافيه قار إلا ها الفريج مامحشوب واّللـّـہّ ملينا كل يوم نغسل السيارت خمس دقائق كله غبار. ويـْْ?ـْْن الحكومه دخيلهم خلهم يوصلون الكلام للكبار ملينا من الشكاوي لوتبون صور خلوو حد يصور إلخران ورا موسيقئ الشرطه فريجنا قبل يعدلون القرقره الحين من خمس سنوات نحن نعاني وماشئ فائده أتمنئ الكلام يوصل للمسؤلين

[زهرة رااك]

اول يصلحون الشوارع بعدين يفكرون بالرادارات عفانا الله مب شارع كلها متكسره وحفر سياييرنا كلها تكسرت من فوق ها يزيدون الرادارات بس ترمس منو لاحياة لمن تنادي

يسلمووو عالخبر

[غلاRAK]

الله المستعان

بس اعتقد بيحطون واحد في شارع فليه

[سلطان البلوشي]

الشوارع. معظمها في الامارة غير صالحه فكيف يتم تركيب الردارات

معطم الحوادث مم سوء التخطيط في الشوارع مثل اليوتريم الي جنب الوكالات والاستيشن كم حالة وفاة.

صارت بهاي الاماكن. ولكن لم تتحرك الادارة العامة للشرطه " المرور" في ازالة اليوتريم كفاية حوادث وارواح

ناس في هاي الاماكن .. وناقصين رادارات بعد اول شيء نعدل الشوارع و التخطيط لها ..