تسجيل الدخول

مشاهدة النسخة كاملة : تخيل اخوك/ ــج يتعاطى المخدرات ؟؟


soso
11 - 11 - 2008, 07:51 PM
السلام عليكم ورحمة الله وبركاتة


شحالكم

عساكم طيبين

موضوعي اليوم يتكلم عن المخدرات بكافه اشكالها

تخيل اييك اربيعك ويقولك فلان انا بخبرك بسر ني واثق فيك وحلفتك ماتخبر احد

تقوله تم وسرك في بير

وتستمع له وانت مبطل اذنوك عدل انزين

فيقولك انا يافلان اتعاطى المخدرات

امممم تخيل اخوك يقولك هالشي مب بس اربيعك


هيروين

حشيش

افيون

اي نوع من المخدرات


كيف راح تتصرف ؟؟ راح اتقوله ؟؟

بفتضحه يدام الكل عقب ماوثق فيك ؟؟

بتعلم عليه عسب يحجزونه في الحجر الصحي ؟؟


لاحظ ان حياته بدت تدمر جدام عينك

خسر وظيفه

استوى عصبي

اخلاقه زفت

خسر وقته

ماله

صحته

ويمكن حيااااته !!


وانت الحين بين نارين

فأخوك محلفنك ماترمس حد عن هالشي

وانت تشوفه يضيع جدامك وماتروم تسكت


زين شو الحل ؟؟ كيف راح تتصرف

ايضا انتي يالفتاه كيف بتتصرفين لو عرفتي ان اخوج او ابوج يتعاطى المخدرات ؟؟؟


وسلمتم

م/ن
RaDaR
11 - 11 - 2008, 08:29 PM
كيف راح تتصرف ؟؟ راح اتقوله ؟؟

اول شي اكيد راح تدمع عيوني وبقعد اسمعه للنهايه

وبقعد اسأله متى سويت ولش واسأله لها بدايه لكن مالها نهايه

بفتضحه يدام الكل عقب ماوثق فيك ؟؟

عقب بخليه وبروح البيت وبجمع الكبير والصغير معادى الوالده وبقول لهم جي جي جي جي جي

وكلنا نتفق ونشوف حل للموضوع

بتعلم عليه عسب يحجزونه في الحجر الصحي ؟؟

على حسب الاتفاق , يمكن نتفق انا نكلمه وهو يقتنع ونخبر الشرطه عشان يحققو وياه ويطلع براءه

وعقبها ندخله الحجز الصحي عشان يتعالج

واذا رفض انه يتعاون معانا راح اشله وبفره في الحجز

مع هذي الاجابه بعدني مب قادر اتخيل ان اخوي اييني ويقول لي جي جي جي جي

يسلمو ع الموضوع
عاشقة القمم
13 - 11 - 2008, 02:52 AM
بمسك سكين وبدخلها في بطنه >>> خخخخخ مو شريره أنا

ممممم بحاول أني أساعدهـ وأخليه يودر هالشي ، بس كيف ما عرف ،
بسأل بسوي لين ما أوصل لحد ، وعن سالفت محلفني ، لا بويه لازم بيعرفون دام الأعراض قامت تظهر له ... فلازم أدارك الموقف وأساعدهـ ...
soso
23 - 11 - 2008, 08:43 PM
هههه ضحكتيني اماراتية لين الموت ..

المهيييييييييمـ


تسلمين



RaDaR (http://www.alrams.net/forum/member.php?u=2619) / اماراتيه لين الموت


ع الرد الرائع ..^^
فضائي
23 - 11 - 2008, 08:57 PM
لا قدر الله
بقوله لازم القانون ياخد مجراه
هاه :sm102: هاه اخبر عليك و لا لأ
و بعدين بقوله لازم تسمع التعليمات اللي عندي عشان تطلع من هالورطة
Her Highness
23 - 11 - 2008, 11:05 PM
امممممممم مااعتقد اني بخبر حد لان اعز انسانه عندي( امي ) ماتهون علي اخليها تحاتي وتفكر


لان قلب الام مايتحمل واكيد مثل هالموقف بيضايجها واااايد


اكيد هو يا عندي لاني قريبه منه وبيحصل الحل عندي وانه نادم ع اللي سواه وحس بغلطته


واول خطوه بنسويها نروح المركز ويقول اللي عنده وكيف وصل لهالشي والاشخاص اللي دلوه ع هالطريج


وعقب بوديه عسب يتعالج و بخبر الكل انه مسافر بشغل او للدراسه لين ماتتحسن حالته



وبخبر ابوي او خالي بعد ماتنحل السالفه او ع الاقل تتحسن حالته


لان فهالمواقف تنفع حكمه وحزم الرياييل
فاقد انسان
25 - 11 - 2008, 12:23 AM
موضووووووووووووووع صعب للغااااااايه.............
أول شي بسويه بتقرب من أخوي أكثر من قبل يعني بحاااول أعطي أهتماااامي له بقد مااا أقدر لو أخسر أشيااااء على حساب هااا الشي!
وبحاااول أخليه يعتبرني شخص أتكون العلااقه اللي بينا شرااااات الحبااايب وأكثر بمعنى أن نكون قلبين بجسد وااااحد؟
والمهم أبعد أهلي عن الموضوع وخصووصن الوالد والوالده لأن صعب أخليهم يعيشو هاااي المصيبه!
ونشالله مع مروور الوقت بيتخلص من هااا الشي...............؟

شكراً على الموضوووووووووووووووعِ
سري للغاية
26 - 11 - 2008, 03:01 AM
زين شو الحل ؟؟ كيف راح تتصرف

السلام عليكم ورحمه الله وبركاته


شكرا لكي اخت سوسو

لطرحج للموضوع الكبير والجميل
في بادء الموضوع سيصبح تصرفي انني

أشـد علـى يـديه وأشكـره علـى ثقتـه فينـي قبـل كـل شـئ

فبعد ذلك أبـدأ بتقويـة الـوازع الدينـي لديـه

و أبـدأ معـه رحلـة العـلاج وبسريـة تامـة

وأخبـره بأنـه مريـض ويحتـاج إلـى العـلاج مثـل أي مريـض يذهـب للمستشفـى

و أبـدأ بإعـادة الثقـة بنفسـه لكـي يعـود للمجتمـع

لان المدمن ليس من السهل التعامل معى شخصه

الى اذا كان نادما

ولو استمر بالعلاج فأني سأحمد الله على ذلك

ولكن لو لم يتمسك بالعلاج فأن بذلك الوقت

سأدخله رغما" عنه الى احدي المصحات التي يكون فيها الاقامه اجباريه للعلاج

سري للغاية
الزعابي77
26 - 11 - 2008, 10:15 AM
الصراحه هب قادر اتخيل
خيماوي عسل
28 - 11 - 2008, 03:11 PM
بدوس في بطنه وبظربه ظرب لين ما يمت هههههههههههههههههههههههه


يسلموووووووووووووا على الموضوع