حادث حنون الغربيه (صور)

[حنون الغربيه]

السلام عليكم ورحمة الله وبركاته



اول شي اشكر ربي على سلامتى ...


بتاريخ 22\10\2010 يوم الجمعه الساعه الثامنه صباحا كنت ظاهر من الدوام ورايح البيت

ونا ظاهر قلت أوقف أريح لي أشوي لاكن طنشت الموضوع دام أني وصلت نص الطريج أكمل

ونا بطريج غفلت وما سمعت الا نقعه وبعدين ما أذكر أي شي وفقدت الوعي ثلاث أيام

ورابع يوم نشيت فتحت عيوني ما لقيت ألا شرطي عندي والقيد بريلي شو السالفه ياناس

مشتبهين فيك الشرطه أنك متعاطي ومسوي حادث كيف وليش لانه اول يوم سئلوني ونا

فاقد الوعي من يابك المستشفى قلت لهم بطياره ونا مش بوعيي..


وأشكر كل من زارني بلمستشفى أو بلبيت أو اتصل بي تلفون يتحمد لي بسلامه

وأحمد الله على سلامتي...


http://www.alrams.net/up2/uploads/images/alrams.net-2e6869ca9a.jpg

http://www.alrams.net/up2/uploads/images/alrams.net-cc7bd56ed2.jpg

http://www.alrams.net/up2/uploads/images/alrams.net-7cedc1cd7a.jpg

http://www.alrams.net/up2/uploads/images/alrams.net-c2dc91b88f.jpg

http://www.alrams.net/up2/uploads/images/alrams.net-d2e4f79a34.jpg

http://www.alrams.net/up2/uploads/images/alrams.net-3483398ea0.jpg

http://www.alrams.net/up2/uploads/images/alrams.net-b69839006f.jpg

http://www.alrams.net/up2/uploads/images/alrams.net-614c589b05.jpg

http://www.alrams.net/up2/uploads/images/alrams.net-96367711bb.jpg



وهذي الصورة ونا بلمستشفى والحمدلله قمت بسلامة بعد العملية....



أخوكم حنون الغربيه أدعولي أقوم بسلامه...

[عيون اليتم]

الحمد لله

الله يحفظك

ياناس انتبهوا هذا شارع فيه ارواح ناس

ربي يشافيم اخوي

[حشـآشة يووفـي]

الحمدالله على سلامتك ...
ان شاء الله تقوم بصحه وسلامه ...

فالحديد ولا فيك ياخوي .... ماتشوف شر ...

الله يكافينا شر الحوادث ..

[حنون الغربيه]

الله يسلمكم من الشر ياربي...

[الأميره الناعسه]

لا حول ولا قوة إلا بالله العلي العظيم

*_*!!

انت اتسوق وترقد ><..! هذي مصيبه ..

الحمدلله ع سلاامتك اخويه وان شاء الله أول مره واخر مره ..

ومثل ماقالو بالحديد ولا فيك ..!

بس ضحكت ع القيد خخخ مخدرات مره وحده ><! بتحليل بسيط بيعرفون هالشي..

الموهم ان شاء الله يكون درس للكل .. إلي يحس عمره تعباان وفيه رقاد ما يسوق ..

يأذي عمره وخلق الله .. !

والحمدلله ع السلامه .. !

[حنون الغربيه]

الله يسلمج أختي..

والحمدلله ظهرت التحاليل وما ظهر شي وحصلت البرائه...

[RAKBOY783]

الحمدلله ع سلامتك اخوي

[فتى الوعود]

سلامات اخوي ما تشوف شر

[بنت دبي66]

الحمد لله عالسلامه يا حنون الغربيه وماتشوف شر ان شاء الله

[رذاذ عبدالله]

حمدا لله ع سلامتكـ،،
شكرا لنقل الحادث،
دمت بخيـــر،،

[ام محمد من راك]

الحمدلله عسلامتك هذا اهم شي^____^
يالله كله اجر وتكفير ذنوب

ماتدري وين الخيره يايتنك من عقب هالشي

فالحديد ولا فيك يا خوي

قول الحمدلله بس

[Ro7 RAK]

يالله شو استوا بالموتر !! تكنسل o_o

اهم شي سلامتك والموتر يولي ..

والحمد لله انك طلعت سالم والله يشفيك

[نغمة حب]

اففففف حادث قوي الحمد لله على سلامتك اجر وعافيه بالحديد ولا بالروح

[نغمة حب]

قبل كم سنة ولد خالتي الله يرحمه اتوفى ابحادث سياره على طريق دبي- ابوظبي - من فتره شفته بالنوم اخبرني اني اخبر امه انه بحاجه تقرا القران على روحه رحمة الله عليه

[الخيماوي vip]

الحمد لله عالسلامة

[نبع القصيد]

الحمد لله على سلامتك أخووي وما تشوف شر

اجر وعافيه ان شاء الله

[الريم الشمالي]

الحمدالله على سلامتك ...
ان شاء الله تقوم بصحه وسلامه

[hind55]

الحمد الله على السلامة

[دمعة غلا]

الحمدلله على سلامتك اخوي ،،،

الصراحة الحادث وااايد قوي ،،،

زين انها يت سليمة ،،،

[moon2090]

الحمدالله على سلامتك ...
ان شاء الله تقوم بصحه وسلامه ...

فالحديد ولا فيك ياخوي .... ماتشوف شر ...

الله يكافينا شر الحوادث ..

[شباصة منقصة]

لا حول و لا قوة الا بالله

الحـــادث فضيـــــع *.*

الحمـدلله ع ســلامتك

و مآ تشوف شـــر

>< ...اوووه الحمدلله يوم طلعت برآءه

بالحــديــد و لا فيــك يآ اخوي

اتحمــل مـرة ثانيهـ و اذا فيك رقآد

اشبع رقآد و عقب اطلع

اسلامتكم اهم من كل شي

[حنون الغربيه]

الله يسلمكم ويبعد عنكم الشر ياربي...

[الكتووومة]

حمد الله عالسلامه
زين الله سلمك من هالحادث الي يشوف الومتر يقول راعيه ‏.........

[حنون الغربيه]

ربي يسلمكم ويبعد عنكم الشر يا رب..

[وجهة نظر فقط]

الحمدالله ع سلامتك لاتكررها مره ثانيه

[حنون الغربيه]

لالا يلكتومه بعيد الشر بس بصراحه فلبداية وصلت رمسات لاهلي أني متوفي بعيد الشر عني وعنكم يارب...

[شهد]

الحمدالله على السلامه اخوي

وزين انه في الحديد ولا فيك

والله يقومك بالسلامه

[حنون الغربيه]

انا ما فكر بلحديد أنا احمد ربي وشكره أني وعيت من يديد على هذي الدنيا

الحديد يتعوض بس الروح اذا راحت ما تتعوض الحمدلله يوم يات ع الكسر

بريلي اليمين واليسار وكتفي اليمين والقفص الصدري والفقره 4567 بلعمود الفقري

وعندي عمليه تاريخ 1\12 انشالله بس اقوم مشافى معافى...

[uae777]

الحمد لله على سلامتك

[**عيون المها**]

الحمد الله :) ربي حفظك

[سلطان البلوشي]

الحمد لله على سلامتك اخوي

[ام محمد من راك]

انا ما فكر بلحديد أنا احمد ربي وشكره أني وعيت من يديد على هذي الدنيا

الحديد يتعوض بس الروح اذا راحت ما تتعوض الحمدلله يوم يات ع الكسر

بريلي اليمين واليسار وكتفي اليمين والقفص الصدري والفقره 4567 بلعمود الفقري

وعندي عمليه تاريخ 1\12 انشالله بس اقوم مشافى معافى...
شفت كيف ربك يحبك؟؟!!!!

يا بختك وانته ربك يحبك وحافظنك

العباد كلهم يحسدون العبد الي ربه يحبه وانته طلعت واحد من العبيد الي ربهم يحبهم

والله لو حد غيرك جانه فقبره

بسم الله عليك

اهم شي انك تاخذ العظة من ورى هالحادث

ماتدري يمكن ربك بغى يراويك عظيم قدرته فيك وانته مب منتبه

راجع امورك الدنيوية والدينية

والله يسهلك ويوفقك فالدارين ياخوي

بس والله الي يشوف صور الحادث يقول راعيه مستحيل يعيش

عالعموم الله يتمم علاجك واتقوم من العملية اليايه بأتم صحة وعافية ^___^

[بنت راك 80]

الحمدالله على سلامتك ...
ان شاء الله تقوم بصحه وسلامه ...

[حنون الغربيه]

مشكوره أختي أم محمد وربي يعطيج الصحه والعافيه...

[* خياله*]

وي!
توني اشوف السالفه
وابوي السياره اكيد تكنسلت<<بعيد الشر
الحمدالله ع سلآمتك وماتشوف شر
وشكل الحديد يخووف < الكلبجات ويا ويهي خخ

[الشفق الأحمر]

الحمد لله على السلامة

[*مسك الإمارات*]

الحمدالله على سلامتك ...
ان شاء الله تقوم بصحه وسلامه ...:3jeeb:

[السعاده فرح]

الحمدالله على سلامتك ...
ان شاء الله تقوم بصحه وسلامه ...