بنتي وضمور الدماغ...الرجاء الدخول

[صدى الحرمان]

السلام عليكم ورحمة الله وبركاته

لو سمحتوا اخواني وخواتي الأعضاء بغيت اسألكم عن مكان متخصص في الدولة(حكومي أو خاص) يعالج حالات ضمور الدماغ لأن بنتي وحليلها عندها ها الحالة ومن فتره صابتها تشنجات بسم الله عليها ... والله انها تكسر الخاطر ..........

وانا راجيه من الله ثم منكم تدلوني على اي مركز او مستشفى في الدولة يعالج مثل ها الحالة.....

الله يخليكم لا تنسووون ردو علي بسرررررررررررعة
وعسى الله يشفيهاااا ويخفف عنها وعن أمة محمد أجمعيييييييين


(هذا سبب غيبتي الطويلة عن المنتدى وعدم المشاركة فيه)

إختكم صدى الحرمان

[soso]

الله يشفي بنتج ويخفف عنها ..

خاطري اساعدج بس والله ما اعرف بس بسأل حد من اهلنا يمكن يعرفووووون !!

والسموح لو ما عرفو وان شاء الله حد يسااآاعدج ..}~

[soso]

حد من اهلي قال ان تروحين مستشفى صقر ويمكن بفيدونج وبخبرونج وان شاء الله ما بقصرون وياج ..}~

[صدى الحرمان]

soso والله اشتقتلج

هي تتعالج الحين افمستشفى صقر بس والله من كثر مشاكله صرت أخاف وأنا أبغي مكان غير مستشفى صقر...

مشكورة ع الرد ويزاج الله ألف خير

[مختفي]

شكرا ثانكس

[جريحة زماني]

الله يعاافيهاا ان شاء الله ويخليهاا لج واسمحيلي اناا ودي اسااعدج بس ماعرف لهاا السوواااالف >.< ؟؟

[العتيبي]

الله يعينها و يشفيها ..

أختي لو تسألين في مستشفى زايد أو مستشفى خليفه

أكيد عندهم علاج .. و أن شاء الله بنسأل و بنخبرج

و كان الله في عونكم و الله يشفيها ان شاء الله

العتيبي

[Bo 3@bdallah]

ما عليها شر ان شاء الله ..
والله يعافيها ويشفيها ويخفف عنها ..

بس انتي زرتي مستشفى زايد العسكري ..!!؟

بسأل لج هاليومين وبرد لج ان شاء الله ..
ولا تحاتين اختي كل داء له دواء وعلاج ..
وان شاء الله حالة بنتج بسيطه وعلاجها بسيط ..

[جروح]

الله يشفيها ياارب

اختي سيري شوفي المستشفى الامريكي في دبي

ومستشفى خليفه في بوظبي

سيري وشوفي لاتهملين بنتج

اللهم اشفي بنت صدى الحرماان ياارب

[مجلسي عامر]

الله يعافيها يا رب

[Her Highness]

فديت روحها الله يعافيها ان شاء الله


عن المستشفيات المتخصصه بالضبط ماعرف بس نصيحتي روحي المستشفى الامريكي فدبي


وان شاء الله بتلاقين عندهم العلاج المناسب ..


والاحسن انج تروحين اكثر من مستشفى وماتعتمدين ع راي مستشفى او دكتور واحد


لان يمكن شي خطأ فالتشخيص ..


وحاولي تسرعين فعالج بنتج ولاتبطين عليها ..

[soso]

صدى الحرمان طمينَّا شحال بنتج الحين ^^ ان شاء الله بخير وبصحه وعافيه..}~

[صدى الحرمان]

يزاكم الله ألف خير وأشكركم الصراحة ع ردودكم اللي تبشر بالخير

حد خبرني سافري للصين وحد خبرني تايلاند بس أنا امعينة من الله خير وبتريا اخوي قايد الغزلان يسأل والحمدلله الضمور اللي افبنتي بسيط جداً وهي تفهم بس بشكل بطيئ بس نطق للحين ماشي بس أنا ابغيها اتكون ابمستوى اليهال اللي وياها بنفس العمر..

الحمدلله على كل حال وربي يبعد عنكم الأمراض..


تسلموووون اخواني وخواتي وربي يعطيكم العافية

[Bo 3@bdallah]

عوده مجدده اختي ,,

بعد ما بحثت في اكثر من محرك بحث
ما شاء الله يمدحون عياده مختصه لها المرض ووايد ناس يتعالجون عندهم وحصلوا على افضل النتايج

انا بعطيج اسم المركز وتقدرين تتواصلين معاهم وبحاول اييب لج رقم المركز للعلم المركز في السعوديه ويقولون الدكاتره اللي فيه مأخوذين من عيادة دكتور وائل في مصر وهذا الدكتور معروف عن هالمرض بعد

بس المسافه اقصر في السعوديه والدكاتره يمدحونهم ,,

اسمه مركز مناير للعلاج الطبيبي في منطقة حائل بالسعوديه

لي عوده اخرى بتفاصيل اكثر
والله يشافي بنتج ان شاء الله

[عاشقة القمم]

ربي يحفظها من كل شي
ربي يبعد عنها الشر يارب
ربي يشافيها ويعافيها

والله أنا حاليا ما عندي أي فكرهـ
بس إنشاء الله رح أسألج

[مرايم]

ربي يعافيها ويحفظها من كل شر

مممممممممم سيري مستشفى خليفه فبوووظبي وسالي عن الدكتووور وسيم فتح الله ... والله اعلم سمعت انه شاطر

[صدى الحرمان]

تسلمووووووووووووووون وأشكركم من كل قلبي