زحـمـة الـعـيـد

[بو حـمـد]

بسم الله الرحمن الرحيم


بمناسبة قرب حلول عيد الاضحى المبارك


احب ابارك للجميع واقول لهم


كل عام والجميع بخير وصحة وعافية


اعادنا الله عليه باليمن والبركات


ندخل لموضوعنا :sm136:


الموضوع يتكلم عن زحمة العيد


خلال السنوات اللي طافت كنت أؤجل اغراض


العيد لاخر يوم قبل العيد وتبون الصدق ما احصل


اللي خاطري فيه يعني مثلا كنت ادور نعال معين (كرمكم الله)


بس يكون الموديل مخلص او حتى الاغراض الثانية


بس من اخر عيدين الصراحة كنت قبل العيد بفترة مخلص


ومفتك من زحمة الاسواق سبحان الله راحة نفسية


لا يضاهيها شي


يعني الحين كل هالعالم اللي تارسة الاسواق


ما حصلو فرصة يخلصون اغراضهم غير قبل العيد


بيوم (مب جني كنت منهم :sm121: )


المهم يا جماعة افصحوا ما في جعبتكم


وهاتو ما عندكم من مناقشات ومداولات


والاسئلة كالتالي :


ليش ما تخلصون قبل العيد بفترة ؟


هل التسوق قبل العيد مباشرة له طابع خاص ؟


مواقف محرجة تعرضتوا ها اثناء هالفترة ؟


بالعادة متى تخلصون كل تجهيزاتكم ؟



وفي النهاية تقبلوا مني خالص الود والاحترام


اخوكم / بو حـمـد

[غصن الورد]

العيد مب من لبس اليديد العيد من خاف من يوم الوعيد

رحم الله أيام زمان وماضينا هذاك فيه العيد الحقيقى

ياحلاة اللباس فيه له زهوة رونق فيه فرحة بأنتظار العيد بلهفة وشغف كانت الناس تعيد كم عيد فى لباس واحد ولكن له بهجة فى داخل النفوس تتواصل فيه الزيارات ويدوم فيه الفرح أسبوع كل يوم يتجدد بحلاوته الآن كل شئ زاد وكثر وتنوع وغلا سعرة ولكن لا نشعر به لانه كل يوم بجديد وتغير
كان العيد فى الماضى له عبق ورائحة عطرة من مصلى العيد لحد البيوت والألفة من كبير وصغير ما بين سكيك مشيا على الأقدام نشاهد الصغير والكبير بالملابس الزاهية الألوان
أما الآن حد العيد من الصبح لغاية آذان الظهر وأنتهى , كل شئ تغير
ولكل شخص وجهة نظر تختلف

والله المستعان


ليش ما تخلصون قبل العيد بفترة ؟
البعض يتكاسل أو ينتظر أشياء يديده تنزل


هل التسوق قبل العيد مباشرة له طابع خاص ؟

طبعا لا من الأفضل أن يكون بوقت تكون فيه الأسواق خاليه من الأزدحام والشراء براحة



مواقف محرجة تعرضتوا ها اثناء هالفترة ؟

كثيره مثل أزدحام وكثرة الخلطه اللى له واللى ماله

بالعادة متى تخلصون كل تجهيزاتكم ؟

بفترة زمنيه طويله

شكرا على موضوعك وطرحك الراقى بو حمد

[طفله بإح ـسآسي]

هلـآ فيك أخوي [ بو حمد ] ..

وأنت بصحهـ وسلـآمهـ . .




ليش ما تخلصون قبل العيد بفترة ؟


بالنسبآلي أنآ عآدي أكون مخلصه قبل آلعيد بأسبوع تقريبا لـأن آصلـآ من قبل آلعيد بشهر تشوف آلزحمه فالـأسوآق وأكرهـ ش عند الزحمه




هل التسوق قبل العيد مباشرة له طابع خاص ؟

لـآ مآ له طآبع خآص بس في نآس يكونون متعودين ع هالشي




مواقف محرجة تعرضتوا ها اثناء هالفترة ؟

عني أنآ لين آلحينه لـآ آلحمدلله




بالعادة متى تخلصون كل تجهيزاتكم ؟

قبل آلعيد بأسبوع تقريباً

تسلم ع طرحك للموضوع أخوي ولـآ تحرمنآ من يديدك . .

[طفله بإح ـسآسي]

هلـآ فيك أخوي [ بو حمد ] ..

وأنت بصحهـ وسلـآمهـ . .




ليش ما تخلصون قبل العيد بفترة ؟


بالنسبآلي أنآ عآدي أكون مخلصه قبل آلعيد بأسبوع تقريبا لـأن آصلـآ من قبل آلعيد بشهر تشوف آلزحمه فالـأسوآق وأكرهـ ش عند الزحمه




هل التسوق قبل العيد مباشرة له طابع خاص ؟

لـآ مآ له طآبع خآص بس في نآس يكونون متعودين ع هالشي




مواقف محرجة تعرضتوا ها اثناء هالفترة ؟

عني أنآ لين آلحينه لـآ آلحمدلله




بالعادة متى تخلصون كل تجهيزاتكم ؟

قبل آلعيد بأسبوع تقريباً

تسلم ع طرحك للموضوع أخوي ولـآ تحرمنآ من يديدك . .

[دمعة ساجدة لله]

مشكور اخوي ع الطرح الطيب
انا اوافقك الراي العيد سبحان الله له زحمة معينة وتشوف الناس مثل النمل
منتشرين انا ولله الحمد من الناس اللي يخلص قبل العيد بفتره كل مستلزماته
الا اذا جد شي ضروري وكان في غرض بسيط ما حصلته اسعى اني احصله بس انتقي الوقت المبكر
يعني قبل لا ادش بدوخة الزحمة
بس بصراحة في اشياء تكون في السوق التجار والعمال ما ينزلوها الا قبل العيد بشي بسيط
عشان جي تشوف الناس تأخراغراضها وطبعا هالموديلات تكون احلى وهني يكون الاستغلال في
الاسعار تباها شلها ما تباها
خلها غيرك بيشلها لانها ايام عيد هذا رايي والسموحه ومشكور مرة ثانيه ع الطرح الطيب

[الدنيا لحظه]

انا كنت من هل النوع كنت طول الشهر مقعده يوم اشوف العيد باقي يومين ركضات اشتري كنت علي بالي قبل العيد بيومين نزلون تشكيله جديده ههه

بس الحمدالله من العيد الي طاف خلصت اموري...قبل اليوم العيد ماطلعت ..افتكيت من الزحمه..وهل العيد حمدالله اموري بس من باجر نبتدي سوالف الحريم صالونات وخلاص


للعلم فقط

انا قبل العيد فتره اسبوعين او ثلاث شفت نعال الله يكرمكم قالي 130 بس ماشريته رحتله امسات ضارب ضربه بسعر طبعا عارف انه عيد والناس جي ولا جي بتشتري

هذي فائده انه واحد يشتري قبل العيد فتره ..:)

[وجهة نظر فقط]

شكرا لك أخي العزيز بوحمد ما قصرت على طرح الموضوع
لدي مداخله بسيطه تتعلق بفاتورة الحساب أريد أن أنبهه أخواني
الى الانتباه من عدم أضافة أو تكرار حساب المشتريات عند الدفع
حيث تتكرر مثل تلك الامور ام للزحمه أو لاخطاء غير مقصوده كل ما على
الاخوه المشترين التأكد من صحة الفاتوره ولا بد من الاحتفاظ بالفاتوره وعند
الرجوع للمنزل مقارنتها بالاسعار المكتوبه على المشتريات كما انبه اخواني لا بد
من وجود السعر على كل قطعه تم شرائها حتى يكون الحساب صحيح
وعيد أضحي سعيد للجميع

[ام محمد من راك]

ليش ما تخلصون قبل العيد بفترة ؟
نحن بالعادة انكون امخلصين,,اقصد خواتي والوالدة معنه روحاتي للسوق نادرة ,,الحينه تلقاهم بالسوق والبارحة,,ماشاء الله الوالدة اتقسم البنات كل هنتين ارواحهم طلعه,,عني نفسي قبل العيد بفترة طووويلة آخذلي مخاويير واعقهم فالخياط الي جريب بيتنا وبس,,العيد ولا غير العيد احسه نفس الشي ,,لأني ارقد وما انش الا العصر ^____^قبل يوم كنا يهال غير واحينه غير من جذا ماحس بمتعة بالمشترى ,,لذا مختصر جوابي هو اني اشتري قبل العيد



هل التسوق قبل العيد مباشرة له طابع خاص ؟
ميخصه,,بس يقولولك اشيا يديدة تنزل وخواتي من هالنوع الي يتريا آخر الايام عسب يشوفون الي نازل يديد,,عن نفسي آخذ الشي الحلو والي مقتنعه فيه مب شرط يكون عالموضه+انه هناك بعض الامور البسيطة الي ننساها مثل الوقي ولا الاكسسوارات



مواقف محرجة تعرضتوا ها اثناء هالفترة ؟
ماشي مواقف محرجة بمعنى الاحراج الحقيقي,,بس اكثرية المواقف اتكون ويا الحريم الي جدامي او حذالي اتلاقي وايدات يتخرطفن بالعبي ولا الي تزلق في بعض المحلات من السيراميك والخايس فالموضوع انه كل من تزلق وحدة انا اكون فالويه فيا إما انها تمسك ايدي ولا اتير عباتي ,,اشمعنى انا بالذات مادري :sm102:والكل ملاحظ هالشي يقولولي دوووم اتي فويهج ,,واكثر من مرة صارت اني اكون ارمس الوالدة ولا اختي و اتحسبهم وراي عقب اكتشف انهم طالعات من المحل بدون ما يرمسون ,,واتم قافطة بالذات اذا شي عوايل فالمحل ,,وشي مرة ماكان حد عندي غير الهندي مال القطع ,,قالي مافي نفر كلو رووه!!!!!!ويوم صديت ورى اكتشف فعلاً انهم امروحين بدوون ما يقولون ,,وايد سخيفة هالحركة



بالعادة متى تخلصون كل تجهيزاتكم ؟
عن نفسي قتلك قبل العيد بفترة واذا بروح السوق هالايام بروح عشان زبوناتي وخواتي مرة عن مرتين وبالمرة آخذ مكملات الطلة البهية^_____^

[wld-_-dubai]

بسم الله نبدأاول شي نبدأ بتجهيز الاشياء الي يبالها فتره عشان تخلص خيطتها من وقت مثلالفساتين و المخور والعبايهومن ناحيه البدل الجاهزه احسن شي قبل العيد بكم يوم ينزلون اشياء ايديدهوبدل اليهال بعد كولكشن العيد يكون غير فاحسن شي على الاقل قبل العيد تقريبا باسوعاما وانتو الكرامه النعال وجواتي اليهال بعد وي البدل عشان نطقم %والتسوق قبل العيد مباشره ليه فرحه غير تحس بالعيدولازم لاخر يوم نحن بالسوق الا مرجعين شي ولا ناسين شي لااااااااااااااااااااااااااااااااااااازمتقبلو تحياتي

[بو حـمـد]

العيد مب من لبس اليديد العيد من خاف من يوم الوعيد



بالفعل اختي الكريمة

شاكر لج مرورج وتعليقج عالموضوع

[بو حـمـد]

هلـآ فيك أخوي [ بو حمد ] ..



وأنت بصحهـ وسلـآمهـ . .








هلا فيج ومرحبا بج اختي الكريمة

شاكر مرورج العطر

[بو حـمـد]

مشكور اخوي ع الطرح الطيب


العفو اختي الفاضلة

اسعدني مرورك عالموضوع

[بو حـمـد]

انا كنت من هل النوع كنت طول الشهر مقعده يوم اشوف العيد باقي يومين ركضات اشتري كنت علي بالي قبل العيد بيومين نزلون تشكيله جديده ههه
..

الحال من بعضه وما اشبه اليوم بالبارحة

شكرا على مرورج وتعليقج اختي الكريمة

[بو حـمـد]

شكرا لك أخي العزيز بوحمد ما قصرت على طرح الموضوع


العفو اخي العزيز

شاكر لك مرورك وتعليقك

[بو حـمـد]

^_____^

ما شا الله عليج سردتي المواقف سرد

حتى شكيت انج انتي اللي كاتبه الموضوع مب انا :i like it:

شاكر مرورج اختي الفاضلة وردج المفصل :sm120:

[بو حـمـد]

تقبلو تحياتي


شكرا اخي الفاضل على مرورك وردك

[MiNoOo 87]

الله حيييييييييو أخويه ،،

هيه والله صدددددددقك ،، أيام قبل كنت ما أحصل فرصه و أتشرى للعيد قبل بوقت ،، لإني كنت فالجامعه و دراسه وجيه ،،

يوم خلصت ،،

من العيد اللي طاف ،، و أنا أتجهز حق العيد قبل بفتره ،، لإني أعرف الأيام اللي قبل العيد زحمه موت ما نروم نشتري اللي نبيه براحتنا ،، عشان جيه نخلص من وقت و ناخذ اللي فخاطرنا وايد أبرك هعهع ،،

يعطيك العافيه أخويه ،،

نترقب يديدك فها القسم دوم ويانا ،، ربي يحفظك .


كل عام و إنتوا بخير مقدما :)

[●.♥مٌـ،ـحـ،ـروم♥.●]

مب جنا تعودناا زحمه في كل مكان خاصة في ايام اجازات .. الخميس والجمعه والسبت ..~
بعد كم سنه اشكالنا بنفصل حق عيدين ورى بعض وكنه عايشين ايام الحرب ههههه









الله يعطيك الصحه والعافيه بو حمد
الموضوع جميل والاجمل اخوي بوحمد

يعلني ما اذوق حزنك في يوم ..~

لاتحرمنا من يديدك يالامير.~.


تحياتي و احترآمي لشخصك الذوق

[بو حـمـد]

الله حيييييييييو أخويه ،،






يعطيك العافيه أخويه ،،


نترقب يديدك فها القسم دوم ويانا ،، ربي يحفظك .




كل عام و إنتوا بخير مقدما :)



الله يحييج اختي ويعطيج الف عافية

وانتي بخير وصحة وعافية ومشكورة عالمرور

[بو حـمـد]

مب جنا تعودناا زحمه في كل مكان خاصة في ايام اجازات .. الخميس والجمعه والسبت ..~
بعد كم سنه اشكالنا بنفصل حق عيدين ورى بعض وكنه عايشين ايام الحرب ههههه









الله يعطيك الصحه والعافيه بو حمد
الموضوع جميل والاجمل اخوي بوحمد

يعلني ما اذوق حزنك في يوم ..~

لاتحرمنا من يديدك يالامير.~.


تحياتي و احترآمي لشخصك الذوق

شاكر لك اخي الكريم على مرورك وردك الراقي

الصراحة انت :sm136:

[الأميره الناعسه]

قبل كل عيد اسمع أبويه يقول

عيـد بأية حال عـدت يا عيـد
بـما مضى أم بأمر فيك تـجديد

بس هالعيد ماله طعم موليه لأنه الوالد الله يحفظه بالحج .. وأقول لحجاجنا

حجاً مبرور، وذنباً مغفور، وسعياً مشكور ان شاء الله .
.

ليش ما تخلصون قبل العيد بفترة ؟

عني انا ما أحب أخلص أغراضي إلا قبل العيد بأسبوع أو يومين *_* ما ادري ليش عكس خواتي كلهم .. حتى مرات اقول ما با شي ><..!


هل التسوق قبل العيد مباشرة له طابع خاص ؟

لا ما له طابع خاص ولا شياته زحمه وتعب ولوعه جبد ههههههههههههههههه ومرات مخلصه الأشياء وخاصه لو الي سايريين وياه طحنه وما يحب يتأخر .. مثلاً عندج ساعتين اتخلصين .. يعني تحديد الوقت شي مهم عنده ..


مواقف محرجة تعرضتوا ها اثناء هالفترة ؟





امم انا ما اشوف من بعيد واتغشى .. واخويه الله يهديه وايد حركي .. يعني مرات لاصق فيني ما يخليني اتحرك مثل الناس ومرات ادوره وما احصله .. ونا متعوده امشي حذاه عكس ابويه جدام والحقه يالله اوصل له .. الموهم صديت يميني يساري ما اشوف غيري انا بالمحل وطلعت *_* وجفت واحد جدام لابس شرات اخويه وغتره وعقال وحاله ونا وراه بعدني ما وصلت صوبه .. واشويه الا الموبايل يرن اخويه.. يقولي ها انتي وين خلصتي؟ ما اشوفج اقوله وراك .. يقولي يا المهرومه ردي انا بالمحل صوب الرياييل .. الحمدلله ما قفطت ورديت ريوس .. !





بالعادة متى تخلصون كل تجهيزاتكم ؟





ف الحقيقه الصغاريه اتكون الوالده مخلصه أمورهم تقريبا قبل شهر وقبل العيد تاخذ لهم الشوزات وجيه .. بس أنا قبل العيد بيومين او يوم اكون مخلصه أموري.. أخلص اخر وحده بس الفجر اكون مرتزه قبل الكل هههههههههه!

تسلم اخويه ع الطرح وان شاء الله انشوف يديدك دوم ^^!

وكل عام وانتوا بخييرمقدماً ..

[alreemuae]

ليش ما تخلصون قبل العيد بفترة ؟

امبلـآآآ نخلص قبل العيد بشهررين بعد :p بس طبعا مب اشياءنآ كامله يعنـــــي مثلـآآآآآ ناقصنا اكسسوارات و شيله و غيرررررررررها ...إلخ

هل التسوق قبل العيد مباشرة له طابع خاص ؟

هيـي


مواقف محرجة تعرضتوا ها اثناء هالفترة ؟

لـآآآ الحمدلله :)


بالعادة متى تخلصون كل تجهيزاتكم ؟
قبل العيد بشهررررررين
وشكراا

[ام احمد]

فرحة العيد للأطفال وأنا عيالي ليوم العيد بعدهم يبغون يشترون للعيد تخيلوا....مشاريهم تصل الى ما بعد العيد...:aa_kashra:


كل عام وأنتم بخير