[. شاركينـــــا بأسمـــاء أحسـن الـ . ] [الأرشيف]

مشاهدة النسخة كاملة : [. شاركينـــــا بأسمـــاء أحسـن الـ . ]

Galaxy

24 - 12 - 2007, 04:05 PM

بسم الله الرحمن الرحيم

السلام عليكم ورحمة الله وبركاته

فــي موضوعـــي هــذا حبيت احط لكــم عن أحسن الصوالين اللي عنــدنا في اللبـــــــلاد ..

وكــل صالون بــشو يتميــز ...

واتمنـــى كـل وحده تدخل وتقوللنا شــو أحسن الصوالين اللي سارت لها يعني اتقول شو أحســن شي يسوونه عندهم ... ..ان شاء الله فهمتونــــــي ...

في البــدايه بقوللكم عن تجاربـي الشخصيـة ...

×.في رأس الخيمه .×

صالـون ايفـــــاري .. مكياجهــم مقبــول مكيجتني وحده لبنانيه .. تسريحاتهم روعــه الصــراحه واكثر شي عيبني عندهم تسريحاتهم .. أسعارهـم حلوه ..

صالـون H2o .. صبغــاتهم وقصاتهم حلـوه .. وحف الويه اوكيه عندهم .. اسعارهم مقبوله ..

صالون ريفيــرا .. البدكيـر والمنكيــر ممتــاز عنــدعم وسوالف التنظيـف بعد .. ويستشورولج شعرج اوكيييييه ..
وصبغاتهم وقصاتهم فناااااانه... أسعارهم حلــوه .

مركز الفا للتجميـل .. الحــــــف عنـــدهم واااااايد اوكيه .. ويمدحون الحمام المغربي عندهم ..
واللي تسوي لج وحده شاطره ومحتـرمه .. ودووم يسون لج خصم اذا وصلتي الـ100 درهم .

صالون فلــورا للتجميل .. تنظيف البشــره والحف أحسن شي عنــدهم دوم اسير هالصالون .. وأسعارهم وااااااااايد اوكيه وحتى للعيد ما ترفع السعر وايد .. يمكــن 5 دراهم زياده بسس ..

صالون بتر فلاي ... شي وحده لبنانيه اتمكيج حلووو .. وتساريحهم اوكيه ...أما اسعارهم مقبوله .

صالــون غدير للحنــاء ... حنااااهم وايد حلــو بس كله نفس اللنقش ما تغيره خخخ كل ما اسير اتسوي لي نفسه . بــس الــصراحه وااااايد حلــو ... لكن أسعارها مرتفعـه شوي ..

صالون رشنــا للحنــاء ... حناهم بعــد وايد حلوو .. بس وايد ياخذون على شي ما يستاهل ..

صالون مغربــي للحنــاء ... اوكيه هذا بعــد .. اسعارهم مرتفعـه .

صالون جورجي للحنــاء .. وايــد حلو .. لكن بعـد اسعارهم مرتفعه ..

×.الشارقـه.×

مركز الروعـــــه للتجميــل .. خبيرات التجميـل لبني وهيستي . مكياجهـم ما عليه كلاام الصــراحه . وأسعارهم اوكيه يمكن اللحين رفعــوها الله واعلم ..
وحتى الباقيين اللي يشتغلون في الصالون مكيااجهم وايد حلوو انا جربت عند السوريه اللي اسمها مهــا مره وايد حلوو ..
وتسريحاتهم حلوووووه ..وحتى التنظيف عندهم فناااان .. وأسعارهم واااااايد اوكيه مقبوله ...

×. دبــي.×

صالون عمروو ... واااايد حلو .. مكياااجهم رووووعه وتسريحااتهم وايد حلوه ..

صالون مشكبار .. مكياجهم روووووعه وتسريحاتهم نفس اللشي ..

وجربــت عند خبيــرات التجميــل ...

شمس .. مكيااجها وايد حلووو وتساريحها بعــد حلوه .. تقـدر تيج الصاله لو طلبتيها ...

هيفــاء صفـر .. مكياجها ما علييه كلاااام وايد حلــوه .. بس انتي اللي تروحيلها...

هــذا اللي اتذكره حاليــــــاً ...

واتنمــــى أشوف تفـــــــاعل منكن يا بنـــــات .. :)

لــي عوده أن شأأاء الله اذا حصلــت تفاااعل

اختــــكم

لحظــــة شوق .

عصفورة الرحمن

16 - 1 - 2008, 07:18 PM

صالون المراسيم في الشارجة حناهم وااااايد روووعة

وسمعت عن صالون القمر في دبي بعد يحنون حلو . .

Galaxy

20 - 1 - 2008, 12:15 AM

تسلمين عصفــورة الرحمن عالمـــرور ...

لحظـة شوق.

soso

17 - 2 - 2008, 07:56 PM

مشكووورة اختي على هاي الموضوع

بس تتوقعين احلى واروع صالون شو .؟

عشان اروح ......هناك

&&البارونهـ الخيماويهـ&&

20 - 2 - 2008, 11:55 PM

Galaxy

22 - 2 - 2008, 01:04 AM

مشكووورة اختي على هاي الموضوع

بس تتوقعين احلى واروع صالون شو .؟

عشان اروح ......هناك

العفــو عزيزتـــــي ...

امم وايد صوااااليين ... وكل صالون يتميز بشـيء ..

فما ما اروم اقولج شو ااحلى واروع صالون ..

بـس انا احب مركز الروعه .. لانه تسارييحهم حلوه ومكياجهم ما عليه كلاام ..

نورتــــي الموضوع حبيبتـــــــي وثانكيوو عالمــرور ..

l.لحظـة شوق.l

Galaxy

22 - 2 - 2008, 01:18 AM

تسلمين غاليتي عالموضوع النايس...

عرس أختي الصغيره جريب وقالوا بييبون هيفاء صراحه ماجفت مكياجها بس وايديين يقولون حلو...

في رأس الخيمه صالون عصمت وايد أوكيه مكياجهم حلو وتساريحهم بس أنا أحب أسوي دايما فير

لأنهم يتقنونه صح وصالون سندس الحمام المغربي عندهم أوكيه بعد...

مشكبار رحته ف عرسي مكياجهم وتساريحهم حلوه بس عن الحنه صالون ليلى فالمعيريض

حناهم حلو بس فالعيد أوف شرات صالون عصمت الأسعار مسكته ومنى شامبيه لوتعرفونها حناها

بعد حلو...

:
:

العفــو عزيزتــي ...

تقصدين هيفاء صفـر .. اذا هي.. انا بعــد أقولج حلوو هههه ,,

تقريبا كل الصوالين جيه في الاعيااد ... يرفعون الاسعااااااار .. وشي صوالين يرفعون الاسعااااار يزياده ..

نورتـــــي الموووضوع والله .. ويا هــــــــــلا فيج :sm167:

Crystαl

7 - 4 - 2008, 12:03 AM

شكرااااااااااااااااااااااااااا

Galaxy

8 - 4 - 2008, 02:59 AM

عفــــــــــوا حبيبتــي ^_^ ........

قد الحب

3 - 5 - 2008, 06:34 PM

انا الصراحه احب صالون ريفيرا للتسريحات والميكب
واحب جورجي للحنا حناهم يعجبني
واحب صالون شاميه للحف الصراحه حفهم اوكيه
وصالون سندس للقص قصهم اوكيه

مشكووره اختي على الموضوع...

جروح

1 - 6 - 2008, 12:08 AM

يا الصيف ويت الاعرااس

بصراحه انا مليت من صواللين الحنا اللي عندنا والله كله كوبي بست اوفف ابا شي غير

اما عن الباجي مب مشكله يعني تنظيف وتشقير وحمام مغربي,,,

بس المكياج احب اتعامل ويا بنات البلاد وبس وحجزت وخلصت

قد الحب

1 - 6 - 2008, 03:30 AM

صدقتي ياجروح يا الصيف والاعراس انا للحين ماحجزت عند حد كلهم بيزي الله يعين بس واذا عن الحنا صدقج ملينا من جورجي وغدير وريما وليلي نبا شي يديد

baby g!rl

1 - 6 - 2008, 05:01 PM

مشكوورة خيتو ع الوصف ..:fantk:

Galaxy

9 - 6 - 2008, 04:17 PM

انا الصراحه احب صالون ريفيرا للتسريحات والميكب
واحب جورجي للحنا حناهم يعجبني
واحب صالون شاميه للحف الصراحه حفهم اوكيه
وصالون سندس للقص قصهم اوكيه

مشكووره اختي على الموضوع...

العفــو حبوبه ... ونورتي الصفحـه بمرووورج .. ^_^

وان شاء الله يستفيدوون منج االبنااااااات..

Galaxy

9 - 6 - 2008, 04:21 PM

[جــروج ]

صدقتي والله حناهم كله كوبي بييست ..

بس بسألج .. منو من بنات اللبلاد اللي تتعاملين وياهم ويضبطوولج الميك اب ..؟

Galaxy

9 - 6 - 2008, 04:22 PM

مشكوورة خيتو ع الوصف ..:fantk:

العفــــــو حبيبتــــــي ... ^_^

ومروووووورج هو اللي :yjanan:

xuanlu425

22 - 7 - 2008, 07:22 AM

Very good, hoped that writes a better article, here aoc gold (http://www.ageofconanmall.com) want to propose that some my view, hoped the author holds reader's point of view, take them as the starting point, found the new breach, stood looks at the question in Age of Conan gold (http://www.gamelee.com/age-of-conan-gold-1256.html) standpoint, like this will have is better, more real ffxi gil (http://www.gil-ffxi.com).

مراسل محبوب

17 - 8 - 2008, 09:10 PM

مشكور

patchena

17 - 10 - 2008, 01:47 AM

انا حاليا احسن صالون رحته ايفاري كله اوكي والتشقير يظبطونه والميك آب والتسريحات وكل شئ وطبعا تخصص لبنانيات

Galaxy

26 - 10 - 2008, 05:30 PM

.
.

Hi

وانا بعـد جربت ايفاري وعجبنـي ..

تسلمين حبوبه عالمشــاركه الحاــوه ^^

Galaxy

مون مون

17 - 11 - 2008, 10:00 AM

,, طرح مميز ,,
بارك الله فيكم
\
،،
//
،،
\\\
ننتظر المزيد منكـ بمساهماتكـ القيمة

أميرة الحلوات

29 - 12 - 2008, 04:56 PM

بسم الله الرحمن الرحيم
صالون مورا ف دبي

((مكياجهم وااايد حلووو- حتى التسريحه ))
حتى ينفع حق للعرايس فنان
السموحه هذا اللي عرفته
^_^!!

كشيخة المزايين

17 - 1 - 2009, 10:26 PM

عافان الله اونه الصوالين :اختى جمعها الصالونات

Galaxy

18 - 1 - 2009, 08:00 PM

;
;
;
\

يعطيكم العافيه حبايبي ,,,
ومشكورين عالمرور ,,

كشيخة المزايين ,,

صوالين ولا صالونات كله واحد ,, ونفس اللشي

وحبوبه ما عندج اسلوب احلى عن هالاسلوب ؟؟؟ اممم شكلج ياهل يالله ما عليه :)

;
;
Galaxy

كشيخة المزايين

19 - 1 - 2009, 07:49 PM

اسمحيلي الي ردت ع موضوعج وحده من ربعي لانها داشه بنكي مو انا والسموحه

وعلى فكره مب يااهل ^^

فريدة

4 - 2 - 2009, 09:04 AM

صالون ليلى بالحناء وايد روعة برأيي الخاص

موت و ميلآد

28 - 3 - 2009, 04:46 PM

الموضوع جديم لكن مثبت اتوقع اقدر ازيدكم
قص شعر بروفشنل وصبغ واسعار معقوله أبجر فالشارقه
سيري وانتي مطمنه بس مسكر بالجمعه

بدكير مانكير تبس اند توز عالبحيره في مركز الفردان
عقبه نادي الاظافر في الكرستال بلازا
المرتبه الثالثه عندي مووايل للاظافر

حف انواع ..؟
الحنا >>>>>>> رشنا (طاهره وببيتا)في عيمان النعيميه
حمام مغربي مركز إيمار ام القيوين عند (فاطمه) وايد أمان ونظييف
مساج >>>> جربت واحة جمال بعد في عيمان

ميكب كل حد وذوقه ولازم كل وحده بروحها اتجرب اتشوف شو اللي يناسبها
بافان فرع صحارى عند (سرور)
ومورا في جميرا ميكب العادي مب الاسبشل حتى الشعر عندهم شفت كذا حد
انا عن نفسي ماجربت وايد احط ميكب
بس المكان اللي صدق كان وااااااااو عند مادونا في المرابع العربيه
ّوالسوالم بلكي شي مره اتجربوا ّ

بنــ البحر ــت

19 - 4 - 2009, 12:00 AM

هلا وغلا لفتني الموضوع واللحين الصيف قرب وانتو عارفين موسم الأعراس ...
انااريد اتمكيج عند مواطنه ...لأنه المواطنات احس انه شغلهم بضمير مو أي كلام ..ياليت لو احد يعرف حد يعدل من رأس الخيمه ضرووووري بس يكون حلو مو مهم السعر بس اريد مكياج راقي وذوق.....بليييييييز

أصدآء

19 - 4 - 2009, 01:08 AM

مكياج عواطف المناعي فن صراحه وتشتغل بضمير..

بنــ البحر ــت

19 - 4 - 2009, 01:50 PM

مساء الخير ....
شمس الوداع شكرا للرد بس اتمنى لو اعرف احد ثاني انا سمعت عنها بس مو كل مرة تضبط...ماعرف يمكن مرات احس انه عادي مافي شي بس ياليت لو تعطوني أكثر...والمعذرة عزيزتي...

العنـ رآك ـيده

19 - 4 - 2009, 03:24 PM

امممممممممممممممـ][~

انآ سمعت عن عوآطف المنآعي ..اللي من الجولـآن بس ولـآ مرهـ جربت ويآهآ..

اللي امجربتنهآاااا }ْ~

وحـدهـ فلسطينيه اسمهآاا فآتن اذآ اتعرفينهآاا .. ومكيآاااجهآاااا رؤؤؤؤؤؤؤؤؤعه..
وتشتغــل بضمير .. يعني مو أي وحده تلعب فويهآ وخــلآص..
الصرآااحه مآعليهآ كــلآمـ ..

الشحييه

24 - 5 - 2009, 12:34 AM

مشكوووووووووووووره اختي علمعلووومات هاذي...

بسألج شووورايج بتعديل فاتن....وعطيني احلا صالون يعدل لوسمحتي:269da74c10::269da74c10:

مشكووووووووره غناتي علموضوع

Guess

29 - 6 - 2009, 12:22 AM

بصرآحة مشكبآر حلو تعديلهم في دبي. .
بس مآعرف أسعآرها وين ظآربه هالأيآم. .

لكن في خبيرة تجميل إمارآتية شغلها صدق فن وكلآسيك وذوق ويديد. .
اسمهآ بدرية السويدي من الشآرجة. .

ملاك المشاعر@

29 - 6 - 2009, 12:36 AM

صالـون ايفـــــاري .. مكياجهــم مقبــول مكيجتني وحده لبنانيه .. تسريحاتهم روعــه الصــراحه واكثر شي عيبني عندهم تسريحاتهم .. أسعارهـم حلوه ..

أنا بعد يعجبني ها الصالون ويعجبني حناء ديزاين في شارع القواسم بعد ما عليه كلام
ويعجبني h2o

RAKBOY783

29 - 6 - 2009, 01:49 AM

ان احسن صالون عندي الراقي في المعيريض خخخخخخخخخخخخخخخخخخخخخخخخخخخ
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

غرشوب

1 - 7 - 2009, 10:42 AM

مراحب في براس الخيمة صالون بيبلوس في الظيت روعة مكياجهم وخصوصا عند وحدة اسمها نور وتسريحاتهم حلوه

احلى بنوته

27 - 7 - 2009, 03:46 PM

تسلمين حبيبتي ع ها الموضوع وانا بعد اشكر صالون بيبلوس في راس الخيمة بصراحه مكياجهم روعه وتساريحهم
واسعارهم وايد حلوه ومكياج الخبيره عزة مطر مكياجة روعه
واسحاره حلوه

بنت الميرrak

4 - 8 - 2009, 09:06 AM

انا بصراحه صوالين راس الخيمه تعيبني لكن لاسعااااااار مبالغ فيها وانا قارنت بينها وبين صوالين الشارجه فرق بين السما والارض.....وبخصوص الميكب انا جربت عند وحده اسمها ايمان الزرعوني فالشارجه بصراااااااحه عجيييب مكياجها والتسريحات روعه ...اتسويلج الميكب ويا التسريحه 700 لويت لج, والعروس حتى لو وييييين كانت هي اتروح اسعارها ثابته 3500 وماشاء الله عليها قمة الذوق.

حور راك

4 - 8 - 2009, 04:32 PM

مكياج( عزه مطر )حلووووووووووو اهي من الجولان

وفيه بعد وحده اسمهاااااااا ( موزه الشحي)بعد اهي من الجولان ومكيااااااااااجهااااا حلو وسعرهااااااا هم حلوه واناااااااا

امجربته الشهر اللي طاااااااف

اميرة الورد

7 - 8 - 2009, 01:01 AM

ثانكس حبي على الموضوع ...

اميرة الورد

7 - 8 - 2009, 01:03 AM

وبصراحه شي وحده ف راك مكياجها طرر (واسمها سعاد )

ليدي الحبسيC

24 - 8 - 2009, 02:38 AM

ثــــــــــــــــــــــــــــــــٌآنكـــــــــــــــــــــــ ــــــــــــــــــــــُس

^ــــ^

10 - 12 - 2009, 04:19 AM

صالون بيبلوس ف راس الخيمه

مكياجهم و تسريحاتهم وااايد حلوه

تشتغل فيه وحده لبنانيه اسمها نور

تسوي مكياج رووووعه

نمراوية

10 - 12 - 2009, 05:50 AM

الصراحة اتعودت على صالون ريفيرا
وماعرف اغيرة
لاني ما احب اتنقل في الصوالين
وقليل جدا اروح الصالونات وتسلمين على الموضوع

http://www.redcodevb.com/smiles/smiles/39/www.hh50.com-Photos-Images-Expressions-Forums-0955.gif

وينه حنانك

27 - 12 - 2009, 10:20 AM

في دبي

الحناء والواكس والحف والحلاوه والحمام المغربي باختصار كل شي ما عدا المكيب والتسريحه..السشوار اوكي وحمام الزيت بعد
صالون فلور وجراند فلورا(نفس الصالون بس عندهم فرعين)

الميكب والشعر
مورا
عمرو
ليندا خليفه
ايمان ومنى ( اييون البيت وشغلهم نظيف واللي تبي بعطيها رقمهم) وايد ما شاء الله يحجزون عندهم

الشعر
ايمي(معروفه وايد ومافي حد يسوي تسريحه شراتها)يحجزونها العرايس اكثر شي

المانيكير والباديكير
ترانيم
انبار

المساج تنظيف البشره وشوكليت باث وميلك باث..سوالف دلع بس اسعارهم شوي غاليه ولكن انصح كل عروس تحجز عندهم ..عندهم باكيجات للعروس والمعرس بعد..عندهم سكشن للرياييل ؟؟
كليوبترا سبا

الغيث2008

26 - 6 - 2010, 11:57 AM

السلام عليكم ورحمة الله وبركاته

صالون الياقوت الرجالي يمدحوه

ظهورية وافتخر

27 - 6 - 2010, 12:02 AM

الصراحه انا يعجبني صالون h20
وشكرا ع الطرح

alreemuae

11 - 7 - 2010, 09:08 PM

مممممم صالون مكياجهم بالخيال و تساريحهم و لا اروع
<<<< >>>>><<<<<<<<<<>>>><<<<<
صالوؤون بيبلوس

فالظيت الجنوبي

* خياله*

12 - 7 - 2010, 05:46 PM

بصراااااحه واايد عندنا صالونات ف راك
بس ف صالونين حلوين h20
و بيبلوس

دلوعة بمزاجي

15 - 7 - 2010, 10:17 PM

وبصراحه شي وحده ف راك مكياجها طرر (واسمها سعاد )

اختي ممكن تعطيني رقمها او طرشيه لي ع الخاص وهل اتي البيوت ولا لا واسعارها كم يعني مناسبة ولا لا؟؟

روح راك7

12 - 8 - 2010, 03:02 AM

مشكوره اختي
وصالون سلطانة بعد حناهم وايد حلو

a7la fa6amy

4 - 9 - 2010, 12:53 AM

صالون H2o انا دخلته الصراحه تسريحاتهم حلوه و قصاتهم

بنوته السيح

14 - 9 - 2010, 08:57 PM

صالون ديزااااااين وصالون عذاري حناااااااهم حلو واااااايد

ومكياج h2o وتسريحاااتهم بعد حلوة

ومشكووووورة الغلا ع الطرح

ميمي فلاحيه

29 - 9 - 2010, 07:40 AM

موضوع وايد حلو تسلمين

بائعة الكبريت

7 - 1 - 2011, 02:16 AM

صالون جوهرة القصر بعجمان بعد الفيشل والصبغه رووووعة والهيلات والقص وايد حلو واسعارهم مناسبةوفي بعد عندهم كريمات واعشاب حلوة للشعر

ميمي الصغيرونه

10 - 9 - 2013, 10:54 AM

صالونات عجمان
مركز واحة الجمال
- الفيشل جداً روعه
- الحمام المغربي ممتاز وعلى يد خبيرات
- الشمع ينظف الجسم

صالون فايزة + صالون أماسي
- حناهم اكثر من روعه .. واسعارهم جدا مناسبة

صالون قرة العين
- حناهم حلووو وثجيل ينفع حق عرايس .. بس اسعارهم مبااااالغ فيهاااا

صالون عروشي
- اجمل واروع صالون للاعراس والمناسبات من ناحيه المكياج و التسريحات

صالون نـــوف
- تسريحاتهم روووعه ، بس مكياجهم لعشاق المكياج الثجيل .. واسعارهم متوسطه

صالون أحلام العمر
- قصاتهم + تسريحاتهم جنااااااااان ،، ومكياجهم روووعه ( بس مشكله الماكييره أحلام ان مكياجها الخفيف يشابه الثجيل )

صالون رغدان
- صالون متخصص في الحواجب وصبغ الحواجب

صالون حريم السلطان
- استشوارهم وااااااااااايد حلووو يسوون لج من الخاطررر مب أي كلام

/

/

صالونات الشارجه

صالون سكـــــر
- الاستشوار حلو
- السيراميك رااائع
- الصبغاااات ما تندمين عليها
- كيراتين المعالج بدون امونيا (طبيعي)

بنوته الشحوح

7 - 5 - 2014, 11:41 PM

بنات ممكن كل وحدهه تكتب كل خبيرة تجميل مع الاسعار عشان نعرف
يسلو ع الطرح ..