ممكن الكل يدخل ؟

[هامور صـ غ ـير]

السلام عليكم ورحمه الله وبركاته


اخواني عندي اقتراحين وابغي اشوف ردكم عليهم


الاقتراح الاول :


عقب ما نكتب موضوع ونخلص ونبغي نرجع للصفحه الرئيسيه فالقسم .. أنا عن نفسي اسوي back بس يوم أوصل الصفحه ما يطلع الموضوع لازم نسوي refresh .
سوال : مب لو المنتدى يسوي refresh بروحه يوم نضغط على back احسن ؟



الاقتراح الثاني :


في البيع والشراء كل شي وله قسم خاص فيه
بس وين( قسم بيع ارقام الهواتف المتحركه ) و ( قسم بيع ارقام السيارات ) ؟


الحين ارقام الهواتف وارقام السيارات تنعرض في ( مجلس البيع والشراء )


سوال : مب لو موجود قسم خاص لارقام الهواتف وقسم خاص لارقام السيارات بيكون احسن ؟
انتظر منكم الرد



(هدفنا كأعضاء هو تطوير المنتدى فأرجو النظر في الموضوع )


والسموحه

[z_ed]

بالنسبة للاقتراح الأول مافهمته ..


بس الاقتراح الثاني ..

أنا أقول مايحتاي .. لأن مجلس البيع والشراء أحس انه مافيه حركه
و ..
لما تزيد الاقسام يكون المنتدى يعني .... ماعرف اوصفه .. ^^


هاي وجهة نظري بس .. ^^

[صغيرونه راك]

هامور هيه صدقت
ياريت ينفذونه
^^*

[الأميرة الحسناء]

هو صح كلامك بس راح يحصل
ضغط وااايد على المنتدى هو بروح الحين بطيء

[Bo 3@bdallah]

السلام عليكم ورحمه الله وبركاته


اخواني عندي اقتراحين وابغي اشوف ردكم عليهم

الاقتراح الاول :

عقب ما نكتب موضوع ونخلص ونبغي نرجع للصفحه الرئيسيه فالقسم .. أنا عن نفسي اسوي back بس يوم أوصل الصفحه ما يطلع الموضوع لازم نسوي refresh .
سوال : مب لو المنتدى يسوي refresh بروحه يوم نضغط على back احسن ؟


الاقتراح الثاني :

في البيع والشراء كل شي وله قسم خاص فيه
بس وين( قسم بيع ارقام الهواتف المتحركه ) و ( قسم بيع ارقام السيارات ) ؟

الحين ارقام الهواتف وارقام السيارات تنعرض في ( مجلس البيع والشراء )

سوال : مب لو موجود قسم خاص لارقام الهواتف وقسم خاص لارقام السيارات بيكون احسن ؟
انتظر منكم الرد


(هدفنا كأعضاء هو تطوير المنتدى فأرجو النظر في الموضوع )



والسموحه




صبآآآآآح الخيييير ..
أولا احب اشكرك على إقتراحاتك التي تدل على اهتمام في تطوير مجالس الرمس نت ..

نتحدق بخصوص الإقتراح الأول:
راح نرفع الموضوع للدعم الفني ونشوف هل يوجد هاك لتحديث الصفحه تلقائي أم لا , واتمنى يكون موجود لأن بالفعل راح يفيدنـا ..


اما الإقتراح الثاني:
أحب اذكر فقط بأن موقع الرمس نت أصبح موقع أخباري بالدرجه الأولى وهذا لايمنع ان تطرح المواضيع التجاريه في المنتدى ولكن انا من رأيي بأن لا نكثر في عدد الاقسام والمجالس مما يشتت الزائر أو العضو خصوصا بأن هذه المجالس لايوجد بها نشاط كباقي المجالس.
ويبقى إقتراحك عالعين والراس
وأيضا راح نتحدث فيها ونرفع الموضوع للإدارة الكريمة
ونبحث عن النتائج

وشكرا لك مره أخرى عزيزي
واتمنى دائما من الاعضاء الكرام بكتابة أي ملاحظه أو اقتراح او استفسار مما يسهم في ترقية المنتدى

ليبقى شعارنا:
الرمس نت
رؤية عالمية .. بهوية إماراتية


قايد الغزلان
مراقب عام