المسيره

[قد الحب]

شحالكم يا اعضاء المنتدى من زمان كنت حابه اكتب هالموضوع بس انشغلت بالدراسه المهم هو شوي جديم شوي مو وايد بس بكتبه وبشوف رايكم

طبعا قبل فتره طلعت مسيره بمناسبه عيد الاتحاد والكل كان مستانس بس انا اللي استغربت فيه ان بنات وايد كانو طالعين بالمسيره يعني انا كنت رايحه بيت احد من الاهل وشفت بنات طالعين بالمسيره ومزينين وحاله يعني انا انصدمت وماتوقعت هالشي بس والله ما اعرف اذا هم من بنات مدينتي ولا بس والله شكلهم مو حلو من بين الشباب طالعين ونحن عندنا منقود البنت تظهر في مثل هالامور لان كلها للشباب بس والله ما اعرف هل هذا زمنا اليديد وكل شي صار عادي يمكن باجر بنشوف العجب عيل نحن


شو رايكم انتوو؟؟؟!


اختكم قد الحب

[ساحرة القلوب]

أنا عن نفسي طلعت بالمسيرة بس مب يعني نزلت من سيارة يعني كنت اطلع الشباب بالنافذه إلي بسيارة و اصورهم يالله يالله إذا فتحت نافذة سياره أيي لي طرقات من أخوي عيل كيف بكون حالي إذا نزلت من سيارة أكيد بحصل خزيران قوة من أخوي
يسلمووو أخوي ع موضوع

[patchena]

انا بعد رحت المسيره بس طماشه من الدريشه مال السياره لكن اللي تقولين عنه صدق منقود عند العرب كيف البنت تظهر وتشارك ويا الشباب !!! كارثه صراحه فضيحه

اشكر فنج على الموضوع تقبلي مروري عسوله كوكتيل

[حورية متدينة]

البنات بطبعها يوم يكون شباب موجودين تتغطي وتبتعد عن هذه الاماكن ماادري شو اعلق على هذا الشي و مااتوقع هديلا البنات من ديرتنا ابدا وما اصدغ

[رمساويهـ قمر]

دام البنت طالعه من البيت ووياها ريال من اهلها عادي ما في شي مب منقود دام ولي امرها ابوها ولا اخوها الللي مودنهاا ..

وطبعا الوحده اذا كانت محترمه عمرها بالمسيره ما فيها شي ..

[بحر الثواني]

رايي من راي رمساويه قمر ما فيها شي دامها طالعه مع حد من اهلها

[عاشقة القمم]

صراحهـ أنا مستحيييييييييييل أهلي يخلونا أنسير المسيرهـ
بس أحس ما فيها شي لو السيارة مضروبهـ بمخفي وأكون داخل
أما أني أنزل من بين الشباب >> مستحيييييييل
وماعرف كيف أهلهم راضين ع هذا الشي
ما أتخيل عمري واقفه وبيني كلهم شباب >> وين تبا هاااي



ما نقول غير الله يستر ع الجميع

[مزووحي]

يمكن هذين البنات الي طلعو ناسين عمارهن

من الفرحه خخخخخخخخخخخخخ يالله

شو بسون يعني الله كريم وشكرا على الموضوع

[الأميره الناعسه]

جاان زيين اسووق سيااره وههههههه خخ

أذكر بالجااامعه كاانوا يوزعوون أورااق إنه في يوم خااص مسيره حق الحرييم و بيكوون عليهاا رقابه من الشرطه وما عرف شنوو >> يعني ما عندي ليسن ولا شياته ما يااني فضوول أقرا التعميم >_< بس بعد لو كاانت فيه مسيره وجييه ايخسي يخلووني اطلع ما شي شغله شنوو ..

المووهم إلي طالع من بيتهم ويا أهله ما فيهاا شي بس إلي طالعيين هييك والدرب الله يستر عليهم ..

وتشكراات خيتوو ع الطرح ,.. !!

[~{ليش آناآ}~]

تسلمين حبوبه ع الموضوع

هههه
مدري شو اقول
يعني منقود في المسيره البنت تطلع
بس عادي في الاماكن العامه يعني.. القريه او الكورنيش او السوق
ترا نفس الشي...
والله دنيا

واذا انتي ما عندج وطنيه يعني غيرج عنده وطنيه

بس قد الحب تقصد طالعين المسيره مب طالعين من السياره

وها راي

[ناصر خميس]

الله يستر ع الجميع ويهدي البنات......

[قد الحب]

تسلمون ع المداخله الطيبه

اخت ليش انا يعني شو يخص المسيره والسوق يعني شوفي كيف زحمه الشباب يوم المسيره وبعدين الوحده بطلع وطنيتها جيه لازم يعني تظهر ترى نحن الصراحه تربينا على ان مثل هالامور خاصه للشباب مثل الحين اذا البنت راحت ملعب للكره كيف نظره الشباب لهااا ترى بعض من الشباب ينظر للبنت اللي طلعت المسيره شرات ما راحت الملعب في اماكن تكون خاصه بس للشبااب وخاصه بمجتمعناا بس للاسف الحين صاير العكس باجر البنات هم اللي بيطلعون المسيره والشباب هم اللي يقعدون في البيت

القريه السوق او اي مكان ثاني هذا امر طبيعي يعني متداول عليه بمجتمعنا بس مثل المسيره وغيرها هاي امور شاذه الصراحه

انا مو قاعده الوم اي احد اذا طلع البعض يطلع والاهل راضين بس والله لو تقارونو قبل 7 سنوات او اقل شوي البنت كانت غير والله غير بس البنات هالاياام اطورو وحالتهم حاله
وكله بيقولون شو يعني واهلنا راضين

عالعمووم تسلمووون وان شاء دوم اشوف ردور شرات جيه

[~{ليش آناآ}~]

تسلمون ع المداخله الطيبه

اخت ليش انا يعني شو يخص المسيره والسوق يعني شوفي كيف زحمه الشباب يوم المسيره وبعدين الوحده بطلع وطنيتها جيه لازم يعني تظهر ترى نحن الصراحه تربينا على ان مثل هالامور خاصه للشباب مثل الحين اذا البنت راحت ملعب للكره كيف نظره الشباب لهااا ترى بعض من الشباب ينظر للبنت اللي طلعت المسيره شرات ما راحت الملعب في اماكن تكون خاصه بس للشبااب وخاصه بمجتمعناا بس للاسف الحين صاير العكس باجر البنات هم اللي بيطلعون المسيره والشباب هم اللي يقعدون في البيت

القريه السوق او اي مكان ثاني هذا امر طبيعي يعني متداول عليه بمجتمعنا بس مثل المسيره وغيرها هاي امور شاذه الصراحه

انا مو قاعده الوم اي احد اذا طلع البعض يطلع والاهل راضين بس والله لو تقارونو قبل 7 سنوات او اقل شوي البنت كانت غير والله غير بس البنات هالاياام اطورو وحالتهم حاله
وكله بيقولون شو يعني واهلنا راضين

عالعمووم تسلمووون وان شاء دوم اشوف ردور شرات جيه

اختي ليش القريه او السوق ماشي ريايل كلهم بنات
على فكره اللي اهناك اخس عن اللي ف المسيره((( يعني فرق بسييييط بس)))

بس صدقج بنات ها الزمن اقوياء

واسمحيلي ع المداخله

[الأميره الناعسه]

اختي ليش القريه او السوق ماشي ريايل كلهم بنات
على فكره اللي اهناك اخس عن اللي ف المسيره((( يعني فرق بسييييط بس)))

بس صدقج بنات ها الزمن اقوياء

واسمحيلي ع المداخله

اسمحي لي أختي أنا ما اسمي هذي قووه ؟؟؟ هذي قله حياا .. عمر البنت ما طلعت قوتها بهذي السوالف ..؟؟ القووه إلي لازم ترمسوون عنهاا محافظتهاا ع أخلاااقها وديينهاا سواء جداام أهلها ولا ورااهم ..

والسمووحهـ .. !!

[حور و نور]

جزيتي الجنه حبوبتي قد الحب على موضوعج الحلو وااااااااااااااااايد
انا اشوف البنات اللي ردوا على الموضوع بنات في 15 أو 16 أو20
أعتقد هذي أعمارهم اللي قالوا أنه لابأس أطلع ما دام أهلي راضيين أذا أهلكم راضيين
كيف انتي ترضين على نفسج تطلعين بمثل ها المسيرات اللي كلها شباب عيب
البنت المسلمه تحافظ على نفسه.
قلتوا السوق المول القريه العالميه وغيرها من أماكن عامه تسوقيه أو ترفيهيه أنت مجبره تروحين تقضين شغلج فيها وهي عامه قلنا شو عامه .
بالنسبه للوطنيه ما تطلع ألا مع مسيرة الشباب قولوا لا أله ألا الله
عندكم المدرسه الجمعيه الخاصه بالبنات وغيرها من الأماكن اللي تقدرون تعبرون فيها عن الوطنيه .
وفعلاً منقود (عيب ) عندنا البنت تطلع في ها المسيرات الخاصه بالشباب والله يهديكم خواتي.
مشكوره مره ثانيه قد الحب على مواضيعج الغيوره على بنات (( رمسنا الحبيبه ))

[غرور ميثانه]

رايي من راي البنات ما فيها شي دامها طالعه مع حد من اهلها وشي مخفي بالسيارة ومع اعتقد اخوانا ما ايخافون علينا

[قد الحب]

اخت ليش انا اعتقد ان حور ونور كفت و وفت بالتوضيح

غرور ميثاني<<<انا اقصد البنات اللي بروحهم يروحون مسيرات بدون لا رقيب ولا حسيب

[رمساويهـ قمر]

حور ونور ولا غيرها ..
دام الوحده طالعه ويا ريال من بيتهم شو قله حيا .. اسمحيلي اسكتج ع هالكلمه ..
المسيره مر لها شهر الحين وانتوا الحين يالسين تتناقشون ..
والله اللي بتظهر كيفها لعمرها لا انتي ولا غيرج بردونها ..
انا ظاهره هي ظااهره ظاهره ويا منوو ؟؟! روحي ولا ويا راعي الدكان؟
تراني ظاهره ويا حد من اهلي اخوي وابوي وامي كلهم يدرون ..
يوم اهلي ما قالوا لي لا اتسيرين يدرون اني بسير محتشمه حافظه عمري انتي بتيين اتقولين قله حياا ..

ادري انج ما اتقولينها لي بس انتي جمعتينها قلتي (أنا ما اسمي هذي قووه ؟ هذي قله حياا)..

وبعد اقولج ادريبج ما بترضين هالكلمه لج .. وانا ما ارضاها لا لي ولا لحد من الرمس مصطلب عمره ..



والسموحه ..

[omkhalid]

رايي من راي رمساويه قمر ما فيها شي دامها طالعه مع حد من اهلها

[patchena]

ياعيني عليج يا رمساويه قمر هذا العشم فيج عجيب ردج صراحته وانا اؤيد رايج


عسل كوكتيل

[قد الحب]

تسلمون ع المرور

انا ما تكلمت عن البنات اللي طلعو ويا اخواااااااانهم انا تكلمت عن البنات اللي طلعو رواحهم ويسقوون سياير>>>اقرووووووو عدل

اخت رمساويه قمر<<< انا ما تكلمت عن الناس اللي يطلعوووون ويا اخوانهم وركبو معاااااهم انا رمست عن البنااااااااااااااااااااااااااااااات اللي ركبو بروحهم السياير وبوسط سياير كلها شباب واعتقد ها ما يسمحها فيها لا دينا ولا عاداتنا ولا تقاليدنا يمكن انتي صغيره وماتفهمين هالشي لكن هالشي ينافي عادات وتقالدينا مافي اي احد من الاهل يرضي ان بنته بتسوق سياره وبتمشي بمسيره كلها شباب والسالفه مو سالفه وبعدين معروفه سوالف الشباب من تشخيط وحاله ومو حلوه البنت تطلع وتشوف هالمناظر هاي بنت لازم تحترم نفسها لو البنت طالعه لشغل معين او ماشابه فهذا امر للضروره لكن بنت طالعه بروحها بمسيره ومختلط مع الشباب فهذا حرام حرام حرام لان هذا فيه اختلاط ومافيه هدف لها المسيره وارجع واقول ان الموضوع يخص البنات اللي طالعين بروحهم

والسموحه...

[بحر الثواني]

تسلمون ع المرور

انا ما تكلمت عن البنات اللي طلعو ويا اخواااااااانهم انا تكلمت عن البنات اللي طلعو رواحهم ويسقوون سياير>>>اقرووووووو عدل

اخت رمساويه قمر<<<انا ما تكلمت عن الناس اللي يطلعوووون ويا اخوانهم وركبو معاااااهم انا رمست عن البنااااااااااااااااااااااااااااااات اللي ركبو بروحهم السياير وبوسط سياير كلها شباب واعتقد ها ما يسمحها فيها لا دينا ولا عاداتنا ولا تقاليدنا يمكن انتي صغيره وماتفهمين هالشي لكن هالشي ينافي عاداتنا وتقالدينا مافي اي احد من الاهل يرضي ان بنته بتسوق سياره وبتمشي بمسيره كلها شباب والسالفه مو سالفه وبعدين معروفه سوالف الشباب من تشخيط وحاله ومو حلوه البنت تطلع وتشوف هالمناظر هاي بنت لازم تحترم نفسها لو البنت طالعه لشغل معين او ماشابه فهذا امر للضروره لكن بنت طالعه بروحها بمسيره ومختطلع مع الشباب فهذا حرام حرام حرام لان هذا فيه اختلاط ومافيه هدف لها المسيره وارجع واقول ان الموضوع يخص البنات اللي طالعين بروحهم

والسموحه

قد الحب .. اختي مستحيل وحده الحين بتروح مسيره في منطقتهم وضامنه انه محد بشوفها من اهلهاا .. يعني ترى المسيره باديه من الرمس يعني هي مثلا من الرمس تدري انه محد بعرفها لا ااهلها ولا ربعها؟؟ لا طبعا

وانتي الحين يوم شفتي الكل ضدج قلتي تقصدين البنات اللي ظاهرين ارواحهم ..

الموضوع يوم ينكتب ينكتب من البدايه صح ..

[رمساويهـ قمر]

قد الحب ..

الردود اللي فوقج تراهم ويا كلامي..
بدايه ..كنتي تقصدين كل البنات اللي سايرين المسيره .. لا قلتي روحهم ولا قلتي ويا اخوانهم ..
عقب ما شفتي الكل ضدج قلتي البنات اللي ظاهرين روحهم ..
دام ما تبين اتسيرين المسيره ايلسي فبيتكم .. محد قالج غصب اتسيرين ..
والبنات اللي سايرين روحهم يعني عدهم لياسنهم , ارفين مصلحتهم ..

[قد الحب]

يا حليلح بس
بس انا باسالج انتي كم عمرج ؟؟

الموضوع مفهوم اني اقصد فيه البنات اللي طلعو بسيايرهم روحهم مب لازم اكتب هالشي حرفيا لان اي واحد يفهم هالكلام اللي انا كتبته ولو ما كتبت هالشي حرفيا يعني مستحيل اي شخص يحتج لو ان اخت طلعت مع اخوها بالعكس كل الاحترام لها لا تقوليني كلام انا ما قلته ... ولو ما فهمتي كلامي من البدايه القصد واضح بالرد اللي ردتيته لغرور ميثاني...

ولعلمج بس مب اي وحده عندها ليسن كبيره وعاقله وفاهمه مع احترامي ...
ولو الكل وقف معاج مب معناه اني انا غلط انا كلامي صح وهالكلام اللي انا قلته مب من عقلي من ديني وعاداتي وتقاليدي وثقافتي ومجتمعي وبئتي اللي انا تربيت فيها ... والحمدلله .

انا موضوعي هذا مب محاضره انا اتكلمت بهالموضوع من غيرتي لبنات بلادي ...

السموحه على صراحتي بس احيانا تكون الصراحه جارحه

[حور و نور]

لااله الا الله شو قلت انا انتو في سن المراهقه وما تعرفون شو الصح من الغلط وقد الحب ما بغت لكم الا كل خير (نصيحه) وشو ما قلتي حبيبتي رمساويه قمر
ها النصيحه بي يوم وبتذكيرنها اذا الحين البنت عادي تطلع بمسيره وغيره من المواقف الخاصه بالريايل مع موافقة أهلها بتي الأيام وبتطلع بروحها مثل ما شفنا من البعض واعتقد هذا اللي كانت اختنا قد الحب تقصده
وبعدين حبيبتي هذي أراء وما فيها شيء لو سمعنا لارائكم . وسمعتوا ارائنا


وهذي رايي من رايي اختي قد الحب منقود وعيب ها التصرف ان البنت تشارك في مسيره خاصه بالشباب حتى لو كانت السياره مخفي . وانا اقول بعد وحتى لو كانوا اهلها راضين .انا وغيري الغيورات على دينهم ما نرضى بها التصرف .




ملاحظه : الاسلوب الحسن والطيب في الردود له دور كبير في ..................


والله يهدي الكل

[الصغيرونهـ ~]

اخواتي شكلكم عطيتوا الموضوع اكبر عن حجمه بس اسمحيلي اختي قد الحب أنا من فتره قريت الموضوع وانتي كنتي متكلمه عن الكل ما حددتي فئه معينه,, وبعدين نفس ما قالت اختي رمساويه قمر اللي عدهم سيايير ولياسن تراهم كبار منهم المدرسات والامهات والبنات طالعين المسيره وعارفين مصلحتهم يعني طالعين وهم محترمين انفسهم ..

اتمنى من الادارة اغلاق الموضوع ,, لانه بسبب خلافات بين الاعضاء ..

قد الحب + حور ونور= نفس العضو

[حور و نور]

منو قال أختي الصغيرونه نفس العضو
شو ها الكلام يعني كل شخص عنده وجهة نظر متشابه قلتوا نفس العضو
لا يا اخت وبعدين نحن قلنا وجهة نظر وهي بنفس الوقت نصيحه
بس انا ما بقول غير مثل ما قال نبي الأمه صلى الله عليه وسلم :
(اللهم بلغت اللهم فاشهد )
وفي النهايه كتأكيد
قد الحب + حو و نور = عضوين منفصلين كل واحد له وجهة نظرخاصه به.
وشلي فكرة انا نحن عضو واحد أوكيه حبوبه .

[~{ليش آناآ}~]

هههههههه

استغفر الله

بس صدق يعني البنات اللي عندهم لياسن مب بنات يعني
يعني.............

وعلى فكره البنت عادي اتروح الشغل ويكون فيه اختلاط
بس في المسيره اكبر حرام وعيب صح

ع الاقل ف المسيره دااااااااااخل السياره مب برع
واللي ف الشغل عادي يختلطون مع الشباب...... زملاء شغل ... صح ؟؟؟؟؟؟؟؟؟؟؟؟؟؟

كل بنت وحشمتها... يا بنت الناس

اختي انتي لا تجمعين كل بنات اللي عندهم لياسن
ويا بنت الناس اذا هلج مب واثقين فيج وما يروضون تطلعين برع لا اطلعين برع البيت

والسموحه ع المداخله

[بشموخي قاهرتنهم]

السموحه قد الحب ....
الصراحه انا رايي مخالف لرايج ولراي حور ونور ...
انتي الصراحه ما حددتي من البدايه انا اول ما قريته فهمت مثل ما فهم غيري ...
سوري الصراحه غلطي فحقنا انا وحده مني طلعت المسيرة بس مب طالعه عشان مثل ما تقصدون ...(.......................) شو قصدج انتي وحور ونور نحن يعني فاصخين الحيا ولا شوووو ... اعتقد نحن ويا اهلنا ... مب ويااااا ........
نحن طالعين ومحترمين عمارنا .. على فكره مب كل وحده ( منخشه ) فبيتها يعني شريفة مكه ...والسموحه

أختج راك والعالم وراك

[الصغيرونهـ ~]

تم التعديل من قبل الإدارة

[بو ناصر]

اخواتي الكريمات..

لأول مرة اتدخل في موضوع بقسم الحوار والمناقشة لأن الموضوع خرج عن حدود الحوار إلى الشجار..

يرجى أن تكون الردود في المضمون وليست تهجماً على أي عضو كان..

كما اتمنى عدم التشكيك بأن شخصاً ما يستخدم أكثر من عضوية في المنتدى وإلا سيتم تحذير العضو كاتب الموضوع..

"الاختلاف في الرأي لا يفسد للود قضية"

[قد الحب]

اخواني>>> انا قلت كل اللي عندي وبراحتكم وقولو اللي بتقولنه وبراحتكم انا وضحت المعني وشو اقصد يمكن ما كتبت في البدايه بس نيتي لكتابه الموضوع كانت هي البنات اللي بروحهم يطلعون

اخت الصغيرونه نقدر نقول والله بحر الثواني+رمساويه قمر نفس العضو لان يكتبون نفس وجهه الراي اكيد لا

ماتقدرين تحكمين واصلا مايهمني لو حطيتي هالشي في بالج انتي اللي بتفكرين مو انا

[خواطر]

أأحس ما فيها شيء تعبر عن وطنهاا وفرحتهااا ...

وفي السياارة بس بتكوون ما بتزل ..

[Her Highness]

برايي مااشوف ان فيها شي لو وحده ظهرت المسيره سواء


كانت هي تسوق ولا اخوها او ابوها ..


نفرض ان البنت ابوها متوفي وماعندها اخوان كبار وفخاطرها ولو لمره تعيش جو المسيره


وهي تسوق وامها واخوانها وياها


شو فيها من العيب والحرام والمنقود الحين ؟؟؟؟


ترا امها وياها ومااعتقد حد يعرف مصلحه عياله قد الام


ومااشوف فيها اختلاط البنت يالسه فسيارتها وكافيه خيرها شرها


هذا رايي والسمووووحه

[قد الحب]

تسلمين اختي ام دحماني

كل ام لازم بتحامي عن بناتها لكن الابو لا

صدق ان الزمن تغير والناس لاتعرف شو عادتها وتقاليدها ولا تخاف من ربها

[Bo 3@bdallah]

ياجماعه استهدوا بالله .. الحوار اخذ وعطاء
البنت طرحت الموضوع وفي تبادل الاراء وضحت لكم اكثر بانها تقصد البنت اللي تطلع بروحهـــا او من غير علم اهلهـــا .. (بشكل عام البنت المرتبشه فالمسيره) >> ابا اوضح لكم اللي فبالها~

اتمنى من الجميع احترام اراء الغير ..
الاختلاف فالرأي لا يفسد للود قضيه
وتأكدو قبل لاتقرون الموضوع شوفوا الموضوع في اي قسم
يعني بتلقون ناس تتقبل ارائكم وناس بتعارضكم
ولكن انكم تخرجون من صلب الموضوع هذا غلط ..
اتمنى من مشرف القسم ان يتابع هذا الموضوع

ويزاكم الله خير ..

[ملكه الحب]

ياعيني عليج يا رمساويه قمر هذا العشم فيج عجيب ردج صراحته وانا اؤيد رايج


عسل كوكتيل
الحين هاا الرد تشوفينه زين الله يهديكم والله انتو اعتقد انكم يهال ماتعرفون تردون ع المواضيع..

[patchena]

انا ما اقول غير الله يسامحج يا قد الحب لأنج نزلتي موضوع الكل صار يضارب فيه مب فاهمين مشكلتهم وملكة الحب اذا نحن ما نعرف نرد ونحن يهال انزين انتي الكبيره وانتي اللي ردي خلينا الرد حقج والسموحه

[قد الحب]

تسلمين اختي عسل كوكتيل انا والله ماحطيت الموضوع عشان نضارب عليه انا حطيته عشان نتناقش فيه ونبين الصح من الغلط ونشوف اراء الناس

اخ قايد تسلم على التوضيح الصراحه حبيت اشوف رايك بالموضوع

او بالاحرى حبيت اشوف راي احد الاخوه الشباب لان كل اللي رد بنات يعني شو رايك اخي الشاب ان اختك تطلع مسيره من بين شباب

على فكره لاحظت عدد كبير من الشباب دخل الموضوع وما علق عليه

[patchena]

انا اشوف رد الشباب احسن من رد البنات اللي يعلقون زياده عن اللزوم

[~{ليش آناآ}~]

ياجماعه استهدوا بالله .. الحوار اخذ وعطاء
البنت طرحت الموضوع وفي تبادل الاراء وضحت لكم اكثر بانها تقصد البنت اللي تطلع بروحهـــا او من غير علم اهلهـــا .. (بشكل عام البنت المرتبشه فالمسيره) >> ابا اوضح لكم اللي فبالها~

اتمنى من الجميع احترام اراء الغير ..
الاختلاف فالرأي لا يفسد للود قضيه
وتأكدو قبل لاتقرون الموضوع شوفوا الموضوع في اي قسم
يعني بتلقون ناس تتقبل ارائكم وناس بتعارضكم
ولكن انكم تخرجون من صلب الموضوع هذا غلط ..
اتمنى من مشرف القسم ان يتابع هذا الموضوع

ويزاكم الله خير ..
تسلم اخوي ع ردك

بس انت لو قريت الموضوع من اول للاخر بتعرف شو كانت تقصد في البدايه

بس لما عرفت عمرها مب قد الموضوع خلفت السالفه

بس شوف مواضيعه اللي كانت تكتبها ميه بالميه صح

وكلنا نتناقش فيها بكل هدوء

بس هي اذا مب قد الموضوع اللي تكتبه لا تكتب مواضيع مب قدها

واسموحلي ع المداخله

[ساحرة القلوب]

غربيه من زمان مخلص مسيره ..
خييييييبه كل هاي ضرابه بسبت شيء تافه مجرد بنت راحت مسيرة بروحها صرااح كليتون بنيه بس أختي قد الحب أنا يوم طلعت مسيرة ما شفت بنت نزلت من السيارة كلهم يالسين بالسياره حالهم من حالج وإذا شفت بنت نزلت من سيارة يمكن كان سوء تفاهم منج وإذا كان من نوع إلي تعتقدينهاااا فأحسن شيء قولي الله يسترهاااا ويعقلهاااا ..لأني أحس الموضوع ما يحتاج كل هاي الضرابه مجرد بنت مب بنات عيل بالكارفور شو ناقصينهم مجموع من بنات ليش ما سرتي تحطين موضوع عنهم و اطلعين عيوب و سلبيات بنات العرب
همسه[ نصيحه أحسن لكم تغلقون الموضوع ] و سموحه

[عاشق سمعه]

عسل كوكتيل ( الحين بذمتج تشوفين رد (رمساويه قمر رد محترم يعني الواحد يرمس باسلوب عدل مع الغير مو بهالاسلووب) اسمحيلي يعني ..

[قد الحب]

اخت ليش انا قل خيرا او اصمت
اذا عندج كلام يخص الموضوع اتمنى انج تقولينه لكن ما عندج شي يخص اتمنى انج تسكتين وانا هذا قصدي وما قصدت غيره...

قول الرسول صلى الله عليه وسلم( من رأى منكم منكرا فليغيره يبده فأن لم يستطع فا بلسانه فان لم يستطع فابقلبه وذلك اضعف الايمان)

انا شفت هالشي غلط ومن غيرتي لبنات بلادي انا حبيت انصحكم بهالشي وحاولت اني انصح بكلامي لكن الظاهر ان مافي حد يسمع وبخلي هالشي بقلبي وانا سويت اللي علي والسموحه من الكل اللي ما فهم شو معنى كلامي نحن عايشين بزمن مو لازم نقول ان الغلط غلط لان الكل يرضي بالغلط ويبي يسويه ولا يجوز لنا انقول ان هالشي غلط

الله يهدكم ويهدينا جمعيا

سبحانك اللهم وبحمدك اشهد ان لا اله الا انت استغفرك واتوب اليك

اتمنى غلق الموضوع فقط...

[الأميره الناعسه]

أوويه أوويه اوويه .. لا إلــه إلا الله .. محمد رسول الله ..

شنوو فيكم استهدووا بالله ..

لو تضااربوون ع القصف إلي صار بغزه بنقوول شي يستاهل ..


لكن ع شي صاار وانتهى أووانه عيب الصراحهـ .. عافان الله يسوون من الحبه قبه .. بلاااوي ..


المووهم انتهى الموضووع و كلن قال راايه و خلاااص ..

يعني كل واحد وحده منكم عطت رايها و ما يحتااي كل دقيقه وساعه تضاربوون عشاانه لأنه رايكم بتم ما بيتغيير ..

يلا يلا في موااضيع حواار يديده و طرطووريشن يلا انتقلووا هذاك الصووب ^_^ ..!!

اشووفكم ع خيير ^^

[صاحبة السمو]

مافيها شي البنت تطلع المسيرة.....ليش حلال عالشباب وحرام عالبنات
مثل ماهي بلادهم تراها بعد بلادنا....وبالعكس حلو انا الشباب والبنات يكون عندهم وطنية........وانتي تقصدين البنات الي يروحون المسيرة مب الي ينزلون في الشارع....انا الصراحة ماشفت بنات نازلين في الشارع....وانا كنت رايحة المسيرة ومستانسة بالعكس كان احلى يووووووم .....والبنت الي محترمة عمرها غصب عنهم الشباب بيحترمونها..

[عاشق سمعه]

كل البنات اللي ابدو برأيهم ان البنت عادي اتروح المسيرة هذيل جهلاء في الدين والاخلاق والعادات والتقاليد ...
لان هذه الامور دخيلة على مجتمعنا لان نحن ابناء الرمس ما اتعودنا على هالخرابيط اللي انتو يالسين اتأيدونها ...
اخت قد الحب موضوعها وااااضح وصريح لكن انتو يا بنات هالزمن الحرام سويتوه حلال ..

[القلم الساخر]

السلام عليكم و الرحمه

يمكن جئت متأخرا , و ربما لم أكن أريد أن أعلق على الموضوع

في البداية فرحة الوطن تتجسد عن الشباب بعمل مسيرة للتعبير عن أنفسهم و بتنظيم من قبل الجهات المختصه .

سأتكلم عن عدة نقاط و سأوضحها بمفهومي و رأيي و أتمنى من الجميع تقبله :

1- في البداية الفتاة التي تخرج مع أهلها يجب ان تحافظ على حشمتها و هدوئها .. و ان تراعي هذا الشي و بأنها لربما تكون فتنه للشباب المتواجدين في المسيرة

حتى لو كانت مع اهلها .. فبعض الفتيات تجدها مع أبيها او أمها و نراها تخرج من السيارة و تصيح و تفعل الحركات و برضى أهلها فهل نعتبر هذا بأنها حشمه ؟؟

المسألة الأولى و القضية ليست مع من خرجت , بنفسها أم مع أهلها

لربما كانت هناك إمرأة تريد ان تفرح أبنائها و لم يكن الزوج موجودا حينها .. فهل هذا يعني بأنها غير جيده

أنا من رأيي لا أمانع بخروج الفتيات في المسيرة لكن يجب ان تحافظ على حشمتها و هدوئها و تكتفي في النظر و الدخول في أجواء الفرحه و يحب أنها تخرج مع أحد أفراد عائلتها لكي لا ينظر إليها المجتمع بنظرة غير جيدة

بالنهاية أختي (( قد الحب )) أرادت بأن تبين بأن بعض الفتيات من الذين يقومون بأعمال و أفعال غير جيدة تعود اليهن بسوء و يظهرن جانب سيئ من فتيات الامارات .

أسف على الإطالة و هذه فقط وجهة نظر

شكرا

[:: الجراح ::]

أخت (( قد الحب )) .. ع ما أظن الكل عاارف بالمنتدى أنج أخت عندج أسلوب قووي بالمناقشــة والحوار ..

مــا شــاء الله علييج .. وموضوعج اليووم مفهووم وواضح ..

وأنــا ما أبي أتكلم عن الموضوع .. لكن شي ناس لا تقدر ولا تحترم ولا تعرف ترد ع المواضييع ..

وهـاأي وجهة نظر .. والسموحه ..

[بحر الثواني]

اتمنى من الاداره اغلاق الموضوع..

[Bo 3@bdallah]

اللي عنده مداخلات فالموضوع يتفظل
وليش الموضوع ينغلق يعني المواضيع الهادفه واللي ماعيبتكم تبون تغلقونها
القلم الساخر وضح لنـــا واضاف لكن النقاط
اتمنى ان تعم لكم الفائده
ويزاج الله خير اختي قد الحب وفقتي في كتابة الموضوع
وماعليج لو ان شاء الله الكل كان ضدج هذا دليل على حسن اختيار الموضوع
واللي رد على الموضوع تراهم في سن 12 __ 17 تقريبـــا .. الله يهديهم ..

[قد الحب]

يسلم لي كل من رد ع الموضوع كنت حابه اشوف ناس كبار في العقل والحمدلله شفتهم

تسلم لي قايد على ردك تسلم اخوي عاشق وتسلم الجراح وتسلمين اختي صاحبه السمو والاميره الناعسه ويسلم اخوي القلم الساخر


هاي اراء ويعني مارح يضرني شي لو محد وقف وياي

[~{ليش آناآ}~]

اخت ليش انا قل خيرا او اصمت
اذا عندج كلام يخص الموضوع اتمنى انج تقولينه لكن ما عندج شي يخص اتمنى انج تسكتين وانا هذا قصدي وما قصدت غيره...

قول الرسول صلى الله عليه وسلم( من رأى منكم منكرا فليغيره يبده فأن لم يستطع فا بلسانه فان لم يستطع فابقلبه وذلك اضعف الايمان)

انا شفت هالشي غلط ومن غيرتي لبنات بلادي انا حبيت انصحكم بهالشي وحاولت اني انصح بكلامي لكن الظاهر ان مافي حد يسمع وبخلي هالشي بقلبي وانا سويت اللي علي والسموحه من الكل اللي ما فهم شو معنى كلامي نحن عايشين بزمن مو لازم نقول ان الغلط غلط لان الكل يرضي بالغلط ويبي يسويه ولا يجوز لنا انقول ان هالشي غلط

الله يهدكم ويهدينا جمعيا

سبحانك اللهم وبحمدك اشهد ان لا اله الا انت استغفرك واتوب اليك

اتمنى غلق الموضوع فقط...


قد الحب

عاد مو جنج زودينها شوي في .......................
ووشوفي دام انج حاطه موضوع للنقاش
غصبنج عنج تحترمين اراء الجمبع
شو كانت هاي الاراء ضدج او معج

وانا ها راي وما بغيره عشانج انتي
بقولج انا رحت المسيره هيه
بس مو معناته ان كل بنت راحت المسيره معناته انها مب متربيه
وانا المسيره رحتها من اولها لاخرها
والله باني ما شفت بنت وحده نازله من السياره

وعاد انتي مشكلتج انتي شفتي منو في المسيره .............

[~{ليش آناآ}~]

اللي عنده مداخلات فالموضوع يتفظل
وليش الموضوع ينغلق يعني المواضيع الهادفه واللي ماعيبتكم تبون تغلقونها
القلم الساخر وضح لنـــا واضاف لكن النقاط
اتمنى ان تعم لكم الفائده
ويزاج الله خير اختي قد الحب وفقتي في كتابة الموضوع
وماعليج لو ان شاء الله الكل كان ضدج هذا دليل على حسن اختيار الموضوع
واللي رد على الموضوع تراهم في سن 12 __ 17 تقريبـــا .. الله يهديهم ..

ههههه

والله انتو حاله

ليش اتفكرون اللي يردون ع الموضوع في السن 12-17

والا بس عشان ضد الموضوع قلتوا اصغار ف السن؟؟؟؟؟؟؟؟؟؟؟؟؟؟؟؟؟

والله اغلبيه اللي ردوا ع الموضوع اكبار وعاقلين وفاهمين بعد

[ملكه الحب]

كل الي ردو ع الموضوع صدق في سن ال 12 بعد الله يهديكم

[الأميره الناعسه]

أولا أنا كنت ما برد ع المووضووع بس الشي إذا زااد عن حده ينقلب ضده ..

شنوو ذي الألفاظ غضبن عنج وما عرف شنوو !!؟؟.

هذي مش ألفاظ نستخدمهاا بالنقااش و الأسلووب لازم يكوون أرقى عن جييه ..


و بعديين خلاااص يعني فهمناا ما يحتاي اتزييدوون بالرمسه ..

خلااص وضحت لكم الصالحه الطلعه وياا الأهل غير فكووناا عااد ,,


و بعديين صدقت أخوويه عاشق سمعته عن ما تعوودناا ع هييك شغلااات ..

و بعديين ما يحتااي ينغلق الموضووع الي يبي يرد بأسلوب راقي ومحترم يرد و إلي ما عنده قدره يتجنب هالشي و ما فيه دااعي للمشااكل و اتسوون من الحبه قبه .؟؟ ويين قاعديين ؟؟

و أختي القلم السااخر اعتقد وضحت القصد من الموضووع و ما يحتااي الوااحد يصغر عقله ع شي مفهووم ..

و السمووحه ع المدااخلهـ؟..

[ساحرة القلوب]

قد الحب

عاد مو جنج زودينها شوي في .......................
ووشوفي دام انج حاطه موضوع للنقاش
غصبنج عنج تحترمين اراء الجمبع
شو كانت هاي الاراء ضدج او معج

وانا ها راي وما بغيره عشانج انتي
بقولج انا رحت المسيره هيه
بس مو معناته ان كل بنت راحت المسيره معناته انها مب متربيه
وانا المسيره رحتها من اولها لاخرها
والله باني ما شفت بنت وحده نازله من السياره

وعاد انتي مشكلتج انتي شفتي منو في المسيره .............
صح كلامج
صرااااااح قد الحب زودتهاااا تقهرين
قد الحب أنتي لخبتطي موضوع من فوق لتحت أول شيء قلتي اونج شفتي بنات طلعين برع بالشارع وبعدين قلتي إلي يروحون بروحهم و أحين عمر بين 12 -17 ما لهاااا خص أصلا شو هاااااا موضوع مب مفهوم أنتي شو تبين بالضبط

[L A W Y E R]

السلآم عليكم و رحمـة اللـه و بركآتـه . .


آنـآ عن نفسـي أقول ،،


انـه عـآدي ، مـآ فيهـآ شي البنت اتروح المسيرهـ ،،


دآمهـآ مرتزعـه دآخل السيـآرهـ و السيـآرهـ فيهـآ مخفــي ،،


و يـآ ولي أمرهـآآ ،، و سآترهـ عمرهـآ و محتشمـه ،،


و لآ اتسوي هالحركـآت و هالسوآلف !


مـآ أشوف فيهـآ شـي ،،

و ع فكرهـ ،، ثرني مربـآيـه زين و حشيمـه و للـه الحمـد ،،

أشوف من ردود المعآرضين انـه كل بنت رآحت المسيرهـ أو تؤيد هالفكرهـ هي هب مربآيـه أو " بمـآ معنآهـ يعني "

فلآآآآآآآآآآآآآآآ تجـمـعـــــــــــــــــــون لو سمحتـوآ ،،


هذآ رآيي ،،


و السموحـه ^^

[قد الحب]

تسلمون ع المرور الطيب

اخت ليش انا شوفي انتي اللي بديتي بالرمسه يوم قلتي اذا مو قد الموضوع واذا مو قد الكلام يعني الحين هاي رمسه ترى اذا مو قد الموضوع ليش ما طرحته لكم وكنت حابه اشوف ارائكم

يعني الحين انا ما اعترضت على راي البنات بس اعقب عليهم بالعكس اعرف ان كل شخص له رايه وانا احترم وجهه النظر بس بعد من حقي اني اعرض وجهه نظري يعني الحين ليش تبون انتو تكونون صح برمستكم يعني وتبون تبينوني اني غلطانه والله شوفو كلامكم ليش اللوم كله علي يعني الحين يوم ابى اوضح لكم الموضوع واشرحه لكم شو كنت اقصد يعني البنات كلهم ضدي وابى اغير كلامي لا حبيبتي حتى لو تشوفين وتقرين عدل اني كاتبه البنات اللي مزينين بس نسيت اكتب سيايرهم

وبعدين رديت قلت لكم البنات شو قلتو والله قد الحب شافت الكل ضدها قامت تغير الموضوع ليش يعني هالافكار وتقولون ابى اضارب وحاله

والله اني احترم كل راي وعلى العين والراس اصلا محطيه الموضوع عشان اشوف اختلاف الاراء مو عشان اضارب واجبركم تحترمون راي بس اختي ليش انا انا ارمس معاج بالاسلوب اللي انتي قاعده ترمسين فيه وياي

انا احترم الكل وراى كل بنت على العين والراس ولكل شخص وجهه نظر

اخت ساحره القلوب>>> زودتها في شو يوم انا قاعده افهمكم لا تزودين انتي بالموضوع

لو سمحتو اللي عنده راي يبيده وبيكون على العين والراس مانبي كلام زياده
ملاحظه: لا ادخلوني بسالفه البنت مربايه وها مو مربايه انا قلت راي الدين والشرع والعادات والتقاليد ما قلت اللي حضرت المسيره انسانه مو مربايه... لاتقولوني كلام ما قلته

تسلموون وما ابى احط عقلي بعقل اليهااال

اتمنى من الاداره فعلا غلق الموضوع

[ملكه الحب]

اخت (ليش انا) اعتقد ان اخت قد الحب تحترم ارااء الغير انزين وبعدين هاي مو رمسه تقولينها غصبن عنج خلي اسلوبج شوي اوك يوم ترمسين ويا الغير وبعدين انتي اتايدين هالشي خلاص قولي انج تايدينه ماله داعي للظرابه وهالرمسه الي مالها معني ..بس خلاص ماله داعي تردين ع الموضوع انتي عطيتنا رايج ونحن احترمنااه ماله داعي ها كله بس خلااص شو تستفيدين يوم تردين الحين وتظاربين ..والله حاله

[إدارة 4]

بطلب من صاحبة الموضوع
تم غلق الموضوع

إدارة 4