استفسار عن العسكرية

[mustafa8588]

السلام عليكم و رحمة الله اخواني الاعضاء

محتار يا جماعة الخير و ابا مشورتكم اخواني

قررت اداوم عسكري بس محتار بين :
1- شرطة دبي
2- مطافي دبي
3- الهجرة

فحبيت اشوب الشباب شو ينصحوني

لاني من 3 سنوات اداوم مدني بادارة مطار دبي لا تعدل وضعي ولا ترفعت ولا حصلت زيادة مع اني دشيت عندي ثانوية و الحين جامعي سنة ثانية ( بكالوريوس اعلام و علاقات عامة ) و كل ما اراجع الموارد البشرية يقولون ما شي شواغر اوماشي ترفيعات مع انه سبحان الله قسمنا كل يلي توضفو عقبي حصلو اعلى رتبة و راتب و الشهر الياي انا بكون اقدم واحد بالقسم يعني بالمختصر المفيد البس الباب الله معك
يعني اشوف انه مافي فايدة لا من الدوام لانه سنين من عمري يالسة تضيع عالفاضي
والراتب ما يكفي شي هدا و انا موب مديون ولا متزوج


و السموحة على الاطالة

[بو عبدالله النقبي]

والله يالغالي انا انصحك انك تبقى فالعمل لحد اتخلص الدراسة من الجامعة

وعقبها قدم في شرطة دبي وبوظبي سواء مدني او عسكري

والله يوفقك ان شاء الله

[ميثاء عيسي]

اللة يوفقك

لا تنسي صلاة الاستخارة

[The_Ghost]

كلامي مثل كلام اخوي { بو عبدالله النقبي }

[lolok_2008]

كلامي مثل كلام اخوي بو عبدالله النقبي و The_Ghost

لاتستعيل أخوي .. هذا مستقبلك

[الوحداني المجروح]

أخوي mustafa8588 (http://www.alrams.net/forum/member.php?u=7663) لا تستعيل فكر زين وبعدين قرر بدل أن تضيع مستقبلك
يمكن يرفعونك أو رقونك

[شباصة منقصة]

مآ عندي خلفيه بالموضوع

بس مثل مآ قآلت اختي ميثآء صلي استخآره

و الخيـرة فيمآ اختآرهآ الله

و الله يـوفقك لكل خير

[رفيق الاحزان]

السلم عليكم ورحمه الله وبركاته

انت موظف والحمد لله
في ناس جامعين وما لقين شغل
لنت حلص الجامعه وقدم قبل ما اتفنش
لان هناك شروط الخدمه العسكريه إذا بدش بتخرب الدراسه لان الدوره العسكريه ما بطلعونك تدرس
خلص الشهاده ونتمني لك التوفيق وبعدين الكليه نسمع بك ظابط إنشاء الله
اما الحين كمل شغلك والدراسه ولا تشتغل لاقبل ما تسأل مكان العمل
والله يسهل
كل الاماكن في خدمه الوطن يستاهل
ونت في خدمه وطنك ربي يوفقك

اللهم امين

[جمعه علاوي]

والله يا اخوي مجال الشرطة كله طيب بس اول استخير الله

[بواحمد الظهوري]

نصيحتي لك اتكمل دراستك عقب تحول عسكري وتنتقل القسم اللي يخدم تخصصك ...
الان في بالشرطة قسم الاعلام و العلاقات العامة وتقريبا بتحصل ع رتبة ملازم مع اقدمية وبالتوفيق ان شاء الله ....

[RAKBOY783]

اتمنى لك التوفيق اخي الكريم

[محمد سليمان]

الله يوفقك لما فيه خير
واصبر كل تاخيره فيها خيره

[friend1900]

نصيحتي لك اتكمل دراستك عقب تحول عسكري

[mustafa8588]

اسمحولي اخواني طولت لين ما دشيت المنتدى لظروف خاصة

و مشكووووووووووووووووووووووووووورين يا اخوان على تفاعلكم مع الموضوع ما قصرتو و الله
و ان شاء الله في ميزان حسناتكم

و سلامتكم