مبني مكتب الكهرباء الجديد بالرمس لماذا هذا المكان!!

[لولا الامل]

تم افتتاح المبني الجديد للهيئه الاتحاديه للكهرباء والمياه بالرمس وتحديدا بشعبيه راشد ولكن الملاحظ انه تم وضع المبني بمنطقه سكنيه بدون ان نعرف الاسباب
نرجوا من الجهات المعنيه ايضاح اسباب وضع المبني الجديد بهذا المكان

[m3o0od]

I don't no

[رمساوي وافتخر]

ماأدري شو السالفة والله

[Bo 3@bdallah]

احس انه ماشي فايده للعتب الحين
لانه المبنى انفتح وثانيا اشوف مكانه زين
لانه على الشارع ... مجرد رأي

ومبروك عليكم الافتتاح

[alrams]

ممكن صوره للموقع ... @@ وشكرا على الخبر

[فتى الرمس]

المكان الصراحه مب مناسب الافضل لو كان عند البريد بيكون سهل للكل انه يوصل له لاكن في الشعبيه بيكون الموقع شوي صعب .

[الغلا كله]

لا تعليق

[&أحلى pŕĭňČěšŝღ]

ابصراحة توني عرفت عنه.......

[موناني]

لا اعرف

[مزووحي]

لان ما شي مكان بالرمس

واحسن مكان المكان المبني فيه يجي على الشارع العام

[JetaimeO]

مكانه أوكي ..

شو هالهيازة بعد

[iAbdulla]

الصراحه صدق مكانه مب اوكي

بس المبنى حلو ومحترم ما يستاهل ها المكان يعني
والصراحه اللي اجوفه برأس الخيمة كله تخطيط غلط والله

مرة تقنية بالسيح ومرة معهد بالدقداقه ومره مستشفى آخر راكـ والحين جامعه على شارع الامارات

والسموحه

[Bo 3@bdallah]

انتو ليش زعلانين
يعني تبون المراكز والمكاتب كلها حذالكم .. يعني بديتوا عماركم قبل كل حد
يكون في علمكم
هذا المكتب مب خاص لاهل الرمس فقط
عندكم شعبية الرحبة وشعبية المهابيب وشعبية البخيتي وشعبية القيشه مافكرتوا فيهم يعني .. ومثل ما قال الاخ جتيمو عن الهيازه .. يعني الحين ماترومون تتحركون كيلو ..

ولا خبروني وين تبون المركز يكون يعني ..
حذال عيادة الرمس ولا باي مكان بالضبط
ترى كلها مناطق سكنيه
ومحد بيرضى انه يبنون حذال بيتهم مكتب
يعني سيارات ومراجعين وناس طالعه وداخله
انا واحد ما ارضاها ومكان المكتب الجديد صحيح 100%
ولاتنسون بيستوي شارع جدامه بعد >> يعني لاتحاتون مواتركم ..

وشكرا

[بو جسوم]

خطه مستقبليه هع هع

[patchena]

ما اعرف والله وين مكانه ؟ اي صوب

[Bo 3@bdallah]

ما اعرف والله وين مكانه ؟ اي صوب

هو مب في شعبية راشد بالضبط
في منطقة اليزيمة أو:aa_Doh: اللزيمة
مكانه بالضبط >> مقابل مسجد كليب اللي بالشارع العام (فالشارع الثاني)

ان شاء الله باجر اذا تذكرت راح احط لكم صورة المكتب ..

والسموحه

[مدريدي]

من قبل ماشيء تخطيط فى راس الخيمة

[ذيب القبايل]

والله اشوف مكانه مناسب واضم صوتي قايد الغزلان لان شرح عن المكان وهو مناسب للرمس وجيرانه الشعبيات وتسلم على الموضوع

[patchena]

الشكر موصول لك اخوي قايد الغزلان

[البركان]

مجرد ملاحظة //// الموقع له إيجابيات وله سلبيات ..
بس في مبنى للكهرباء في إمارة دبي موقعه بين البيوت
وهذا بتحصلونه في منطقة الجميرا .. يعني الجماعة أعتقد
أتبعوا ذلك النظام ...
فنتمنى ذلك الأجراء أن يكون إيجابي لأهالي المنطقة ..

[شرباك]

المفروض يكون بوسط الرمس مثل الجديم
بس يالله لو فاتك الفوت ما ينفع الصوت

[amaane.ae]

السلام عليكم...

انا الي اعرفه ان حتى موضفي المكتب مب عايبنهم المكان مب لانه بعيد ..لكن لانه داخل وي الشعبيات..يعني لو كان في نس الموقع لكن على الشارع كان بيكون أفضل..لكن لااحد له يد في الموقع لان هاذا هو المكان اللي حصلوه للبناء ولا تنسون ان جميع الاراضي ملك للناس ..فالحمدالله حصلو مكان..وفالمستقبل بيترتب الشارع وبيكون كل شي تمام وعال العال ..والمكتب الجديم بيكون موجود وبيتم شغله كالمعتاد للفتره المسائيه ..يعني حلو ،، اللي ما يقدر يدفع الصبح ..يقدر يدفع المسا ,،،وهاذا ما وصل الي من كلام...

وشكرا

[بو غايه]

احتمال انه قريب من الجميع وبرايي انه مكانه اوكيه من البيوت الجديده والسموحه

[كاسين]

مبروك عليكم الافتتاح

[حورية متدينة]

لاتعليق

[التاجر]

أنا اشوف مكانه عادي و مايضايج حد

((وجهة نظر))

[lito]

حد يعطينا احداثيات الموقع

[بو غايه]

يمكن مناسب ويمكن غير مناسب ويمكن علشان يكون قريب للمناطق المجاوره للرمس وانشاء لله في المستقبل القريب بيتعدل له الطريق

[حروف ونقاط]

السلام عليكم



بالنسبه لموقع مبنى هيئة الكهرباء



أنا أشوف إنه المكان مناسب لأنه يقع في منطقه وسطيه بين المناطق السكنيه المجاوره للرمس والتي ستستفيد من خدمات هذا المبنى
الموقع القديم كان داخل الرمس.. مما يعني أن المستهلك من المناطق المجاوره سيضطر إلى دخول الرمس لمراجعة المركز...


أما الموقع الجديد...فهو على الشارع العام مباشرة.....
والمنطقه الكائن بها مبنى الكهرباء لا تزال قيد التطوير والانشاء...لذلك قد يرى البعض صعوبه في الوصول إلى المبنى.. الأمر الذي يجعل البعض مستاء من وجود المبنى في ذلك المكان..


إليكم بعض الصور التوضيحيه لموقع المبنى ومركزيته من بين المناطق السكنيه المجاوره للرمس... عسى أن أكون قد وفقت في توضيح الأمور المبهمه عن البعض...





http://files.mothhelah.com/upfiles/kS790637.jpg (http://files.mothhelah.com/)





http://files.mothhelah.com/upfiles/Y5C89415.jpg (http://files.mothhelah.com/)








http://files.mothhelah.com/upfiles/5im37065.jpg (http://files.mothhelah.com/)






تحياتي للجميع

[غلا الرمس]

يالله يا هيااازتكم ..صج مال الرمس \\

لو شو ماكان والله بطلعون فيه ألف عله هههههههه

بو طبيييع مايوز عن طبعه



ع العموم مبروك ع المبنى اليديد وين ماكان اهم شي الناس اداوم وتقبض راتب هههه