المساعد الشخصي الرقمي

مشاهدة النسخة كاملة : الحر إذا ما أرتفع مايقبل نزوله


بوسالم
1 - 1 - 2009, 02:15 AM
ماكل عكف الشوارب طيب مفتوله
كل شارب له مقص اليا قصر طاله
والناس للناس شياله ومحموله
ولا كل حمل يبي يقواه شياله
بعض الحواجب على الطولات مفلوله
وبعض الحواجب على العثرات نزاله
والحر إذا ما أرتفع مايقبل نزوله
والبوم لو يرتفع بالقاع منزاله
نفس من الوقت والايام معلوله
ونفس عليله من الرجال وافعاله
من يرتجي من سحاب الصيف هملوله
يموت ضامي قبل يذوق هماله
والرجل لا صار شيخ وابن حموله
يضفي على الربع والمحتاج بجلاله
لاصار شفق على الناموس والطوله
مفروض ماتنزل افعاله عن اقواله
والمهبد اللي يرد القوم في قوله
مسرد حكي في مجالس ناس حثاله
حمامة الوجه من يمناه مقتوله
ما للحيا فيه دم يشربه فاله
وعز الله إن الحميا فيه مشلوله
رخو نهار العزاوي تقصر حباله
الشيخه الزايده وابليس وطبوله
خلن عمى القلب يمشي شايف حاله
ليته عطى صغر عقله من كبر زوله
او ليت زوله نفع من لاذ بظلاله
خبل يدربي سلوم البدو بنعوله
يطيح قدره تحت رجليه ماشاله
أبواب كل المراجل عنه مقفوله
والنعم كايد عليه ولا يتهيا له
ياوسع بيته وياعرضه وياطوله
ويا قل جود العفين وياكثر ماله
مثله إذا ما استحى من هالبشر حوله
على الأقل يستحي من ميلة عقاله
ودام يتذرى عن ضيوفه اليا جوله
حلال وسط المجالس دفق فنجاله
لكن نصيحه لوجه الله قولوا له
لو يلبس ثياب اخته يمكن أشواله
للشاعرفيصل بن طوالة
ان شاء الله تعجبكم

دارين
2 - 1 - 2009, 11:42 PM
موفق بإذن الله ... لك مني أجمل تحية .

الأغين
3 - 1 - 2009, 12:44 AM
فيصل بن طوالة شاعر رائع

اختيار موفق

قلپ حسآس
24 - 1 - 2009, 08:51 PM
يسلموووو

الزعابي77
8 - 2 - 2009, 10:23 AM
شـكــ وبارك الله فيك ـــرا لك ... لك مني أجمل تحية .