للي بدون ضمير

[ميمي فلاحيه]

السلام عليكم ورحمة الله وبركاته ,,,

هاي رساله هذا نداء ما اعرف شو اسميه ,,, شفتوا امس اخبار الامارات في قناة دبي ؟ شفتوا المواطن اللي يتريا بيته من 15 وهو ماشالله عنده عايله تتكون من تقريبا 15 شخص وعنده بيت يتكون من غرفتين ؟؟ وله حق من برنامج الاسكان الشيخ زايد شفتوه ؟ والجواب الميزانيه ما جهزت ,,!! (سمعوا المكر ميزانيه قال) والله حرام عليكم مواطن ومايحصل بيت ؟؟ ليش تدفعون من جيسكم؟؟ رحمة الله عليه زايد ما قال عطو حد وحد لا ما فرق بين اللي عندده واسطه واللي ما عنده واسطه وانتوا
تحطون الناس ع قائمة الانتظار ليش ؟ الشيوخ طول الله عمارهم بين وفتر وفتره نسمع يحطون ميزانيه للمواطن ما فرقوا بين اماره واماره والمنح وووو وينها حق منوه سارت يا مسؤولين ,, تراه الدنيا دين ما بدوم لكم ,, ولا تبون كل واحد احتاي يظهر في الاخبار هو وعياله عشان تتكرمون عليه .. القصه اللي شفناها مب الاولى ولا الاخيره بفضل جهودكم ,,

[رذاذ عبدالله]

أتمنــى وصول صـوت هذا المواطــن و وصول صرختك من هنا إلى كافة المسئولين،،
كوني بخيــر،،

[نبع الإيمان]

هيه والله حرام

[بلادي]

الله يكون في عون المواطن

[نقطة حبر]

بالنسبه لبرنامج الشيخ زايد للإسكان , الموضوع هذا عجزنا ونحن نتكلم فيه ويوم تراجعهم ما تاخذ منهم حق ولا باطل , يا بيقولون لك تدني بالنقاط وإذا كانت نقاطك مرتفعه بيقولون لك الميزانيه ما جهزت
ننتقد منو ؟؟؟؟ طبعا البيت احنا ما بناخذه ببلاش بيكون قرض وبندفع شهريا من راتبنا , هم بدل ما يساعدونا وينزلون البيوت للمواطنين , يجبرون المواطن يقترض من البنك عسب يسوي له بيت .
بالله عليكم المواطن شو بيسوي ؟ شو وضع المواطن ؟ غير إنه ساكن في بيت إيجار وإلا في بيت أهله واحنا مساعداتنا كلها للخارج ’, والمواطن غرقان بالديون ومتبهدل بالإيجار وحالته حاله ومحد ساءل عنه .
انتو ماشاء الله ما شفتو الكويت شو سوت عطت كل مواطن من مواطنيها ما يعادل 15 ألف درهم مع تموين غذائي لمدة عام , والقذافي سوى صندوق جمع 24 مليار دولار لتوفير السكن لمواطنيه , ونحنا ماشي ميزانيه أونه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

شونقول غير الله يرحمك يابــــــــــــــو خليــــــــــــــــــفة إللي رفضت إن المواطن يخصم من راتبه عشان بيت وكانت البيوت تقدم مجانا بدون مقابل .

آآآآآآآآآآآآآآآآآه يا والدي الغالي شو نقول خلي إللي بالقلب مدفووووووووون

[غصن الورد]

متى سيكون الحل الشافى لهذه المشكلة التى طالت

ولا من يسمع ولا من يجيب أين الأسماء التى نشرت من سنتين عبر وسائل الأعلام هل أصبحت فى خبر كان لا حياة لمن تنادى
متى ومتى ومتى ؟؟؟

[PAPAYA]

حسبي الله ونعم الوكيل في اللي كان السبب

[LoOonely_Girl]

...,,,’’’ مــآنقــول غــير حسبــــي الله ونعـــم الوكًـــيل ’’’,,...

[بنت آل علي]

وحليلك يالمواطن الله يكون في عونك و في عون اخوانك المواطنين..
وان شاء الله تنحل هالمشكله فأقرب وقت ..

[lolok_2008]

لا حول ولا قوة إلا بالله

[نقطة حبر]

أنا سألتهم أونه ما نعرف متى بتنزل الموافقه المبدأئيه من سنة 2008 ما نزلت موافقه مبدأئيه بس موافقه نهائيه

خيييييييييييييييييييييييبه يعني من 2008 ماشي نزلت أسامي للشباب يعني كم وكم بننتظر

نسأل الله العفـــــــــــو والعافيــــــــه

وين سارت 40000 بيت إللي وعدونا فيها , ماشفنا ولاطشه

إحنا نعاني ويا الإيجار ونعاني ويا هالأسعار إللي مب عارفين من خلالها كيف بنعيش؟؟؟؟؟؟؟؟؟؟؟؟؟

كل مرة وتيي وتزيد حتى البترول بيغلى أكثر وأكثر

لا لغلاااااااء الأســـــعااااااااااااااااااااار

[الوحداني المجروح]

الله يكون في العون

[غلاRAK]

الله مستعان

[ولد الغيل]

لا حول ولا قوة إلا بالله

[RAKBOY783]

الله يكون في عونه

ويزاج الله اخير اختي الكريمة

[الأمان]

الله يعين الجميع

[سوسو القيوانية]

حسبي الله ونعم الوكيل

[alshehhi-07]

عطوا البيوت حق الاجانب واللي عنده عايله صغيروونه . ببلاش
والمواطن اللي عنده 15 شخص ينذل ذل لين ماتنزل له الاسكان ومع قرووض
الله يكوون بالعوون.بس

[رفيق الاحزان]

هذا
اللي حاصل
والله يكون بعون المواطن اللي يتريا بيت الاسكان
والله يعيني انا الاسبوع القادم بقدم يعني 2050 يمكن يطلع لي

[غلا غياهيب]

الله يعينه

[TOY STORY]

الله يكون بعونكم .. واللي أنا أشوفه إذا لك حق بتاخذه

[ميمي فلاحيه]

شاكره لكل الردود ...... الحمدالله نحن ما انقول وقفوا المساعدات عن اي حد الحمدالله مانقص مال من صدقه ولكن اتمنى ما اشوف اي مواطن يقول ماعنديه بيت ,, كل حد له حق وهالريال ماشالله عنده 15 والانسان هو ثروة البلاد اتمنى ما انشوف مثل قضيته مستقبلا ,, والسموحه لاني وايد حز في خاطريه اشوف مواطن جذيه ,, والله يحفظ بلادنا يارب
اللهم ان اخطئت فمني ,, استغفر الله الذي لا اله الا هو الحي القيوم واتوب اليه

[spiderRAK]

ردي ليس دفاعا عن البرنامج .. ولكن من كلام الوآقع

برنـآمج زآيد للإسكـآن .. برنـآمج يسـآعد الموآطن على بناء منزل ليكون مسكن مريح ومناسب له ولأسرته

الأغلب يعرف كيف تكون النقاط والاحقية ..

مررت أمـآم الكثير من المنـآزل التي تحتاج إلى صيـآنة وبعضهـآ إلى إزالة وبناء الجديد . .

ولكن أقف لـ / اتأمل أنوآع السيـآرات التي تقف بالخـآرج . . فتجدهم يفضلون زينتهم على تعديل المنزل . .

وعندمـآ تصل الأمور إلى سقوط السقف .. طـآلبو البرنـآمج بالإسرآع في صرف لهم القروض والمنح

لآآ اتكلم عن الجميع .. ولكنهآ فئة ليست بالقليلة . .

واكـآد اجزم .. إنه لا توجد محاباه في البرنامج . . لأسباب اتركها لنفسي

أتمنى للجميع الحصول على منزل ومسكن فيه جميع متطلبـآت السلآمة . .

ودمتم بحفظ الرحمن

[الجوري الأسود]

امي من سنه 1994 مقدمة وحصلت في 2010 بس والله ليومك هذا بتاريخ 31/1/2011 نتريا لان الميزانية مب جاهزة

[شباصة منقصة]

الله المســتعآن

الشكــوى لغيــر الله مذلهـ