قصيدة ملح الخليج - خالد المريخي

[رذاذ عبدالله]

قصيدة ملح الخليج

خالد المريخي



http://www.iraqup.com/up/20110216/6IA2y-wkJ7_515177439.gif (http://www.iraqup.com/)




جيتك يا ملح الخليج و مصدر الطيبه
قلبي تركني و جبت الشوق بيديني

أثره مشى لك بلهفه قبل لأمشي به
و من كثر نبضه سبق خطوات رجليني

جيت أحضن ترابك الطاهر و أغني به
جيتك يا بحرينهم مدري يا بحريني

من كثر مالك بقلبي منزل و هيبه
شافتك عيني و لا صدّقت أنا عيني

و صار الحكي صعب مدري صعب تركيبه
مدري عجزت أظهره من كثر ما فيني

من يوم أنا صغير و انتي منّي قريبه
كل شي عنّك أعرفه لو ما تعرفيني

و به شي ما تعرفينه بس أنا أدري به
و بقول ذا الشي لكن بينك و بيني

الحب ويّا الوفا و الصدق و الطيبه
هالأربعه ذولا فيهم عرق بحريني