كلمة تقال في المسنجر تغضب الرب عزوجل ..

[فاقد انسان]

http://www.kingxrap.com/vb/images/icons/alain26.gif كلمة تقال في المسنجر تغضب الرب عزوجل ..

كلمة تقال في المسنجر تغضب الرب عزوجل ..



انتشرت كلمة في الماسنجر خطيره ومؤذيه
في حق الاسلام وبالخصوص في حق القرآن الكريم الا وهي كلمة((( بـــــرب )))
الكل قام يقولها وهي بمعنى دقايق او لحظه او عندي شغل .
وكل من قالها ماعرف معناها ولو سألتم اي شخص عن معناها
قال لك والله كلمة وتنقال ونقول زيهم !!!!!!!!!!!!!!!!
لكن هل فكرتم في يوم من الايام معنى هذي الكلمة.!!!!!
(((بـــرب))) كلمة استغلها الغرب بواسطة أبناء الاسلام لإغاضة الله تعالى والاستهزاء بدينه وكلامه ,وكمال قال الله في كتابه الحكيم ومن أصدق من الله قيلا {وَدَّ كَثِيرٌ مِّنْ أَهْلِ الْكِتَابِ لَوْ يَرُدُّونَكُم مِّن بَعْدِ إِيمَانِكُمْ كُفَّاراً حَسَداً مِّنْ عِندِ أَنفُسِهِم مِّن بَعْدِ مَا تَبَيَّنَ لَهُمُ الْحَقُّ فَاعْفُواْ وَاصْفَحُواْ حَتَّى يَأْتِيَ اللّهُ بِأَمْرِهِ إِنَّ اللّهَ عَلَى كُلِّ شَيْءٍ قَدِيرٌ }البقرة109فبأبسط الكلمات والعبارات تستطيع الاستهزاء بأعظم ما نزل على الارض.

(((بــرب))) كلمة مذكوره في قوله تعالى {قل أعوذ (برب) الفلق},
ومذكوره في قوله تعالى {قل أعوذ (برب)الناس}
فاستغل الغرب كلمة (برب) لاستخدامها في اتفه الامور من الكلام
للتنزيل من عظمة الله جل جلاله تعالى الله عما يقولون الظالمون علوا كبيرا.

اخـــــــــــوتــــــــــــي
وكل من مر على الموضوع
وكل من لديه نخوه على الامه الاسلاميه وحب لدينه
وكل من اقشعر بدنه لهذا الموضوع

رجـــــــــــــائــــــــــــــــي منكم
نشر هذا الموضوع لكل من تعرفون والتحذيـــــر من استخدام هذه الكلمه
اتمنى ان تنشروا ماقرئتم '''
لعل هذه الكلمات تكون شفيعة لنا عند رب الارض والسماواااات ..

[الصقر الاماراتي]

أصلا ربايعي أغلبهم يقولونها وأنا وحليلني أقولهم شو معناها بس الحمدلله ما اقولها ..إن شاء الله .. الله يكون راضي عنا جميعا ..

وشكرا ع الموضوع .

[Bn-menthr]

تسلم على المعلومه الطيبه
وربي يعطيك كل الخبر

[سفاحة الرمس]

ثاانكس ع الموووضووع..

[المشااكس]

تسلم اخوويه فاقد انسان ع التنبيه

[حورية متدينة]

مشكور على التنبيه

[راشد]

فاستغل الغرب كلمة (برب) لاستخدامها في اتفه الامور من الكلام


ابدا ما يخصه ...

لان برب brb اختصار لـ Be Right Back

[عشِـِـِقـِـِـۓ الرمـِـِس]

.. مشكور اخوي ع الموضوع ..

.. ولـآ تحرمنا من يديدك ..

[فضائي]

الحمد لله ما استخدمتها

أنا كنت اظنها أنها مستمدمة من صوت التحرك . . الحمد لله عرفنا هالمعلومة

شـكــ وبارك الله فيك ـــرا لك ... لك مني أجمل تحية .

[loogin]

ابدا ما يخصه ...

لان برب brb اختصار لـ Be Right Back


استغفرك ربي و اتوب إليك


ياجماعة الخير


يا جماااعة الخير


مو لهذي الدرجه عاااد




برب بالانجليزي =Be Right Back>>> شعرفهم الاجانب بالقرآن يعني ؟؟

و العربي = بروح و بـرجع


اختصارات يا جماعة


اختصااارات



حضرو عقلكم شوي


لا تضحكون علينا الاجانب

[فاقد انسان]

[quote=loogin;166419]استغفرك ربي و اتوب إليك


ياجماعة الخير


يا جماااعة الخير


مو لهذي الدرجه عاااد




برب بالانجليزي =Be Right Back>>> شعرفهم الاجانب بالقرآن يعني ؟؟


و العربي = بروح و بـرجع


اختصارات يا جماعة


اختصااارات



حضرو عقلكم شوي


لا تضحكون علينا الاجانب







عزيزي الأخ ( Loogin)

الخطيئة والإنسان اسمان بينهما من التلازم مثل الذي بين الشمس والظل،
وليش نستخدم هاي الكلمة بالأساس مادام فيها شك
يعني الواحد منا ما يقدر يكتب كلمة (بروح وبرجع)



(تنبيه )
(و بعدين معاكم يا أعضااااء:sm145:؟؟!! لوين تبون توصلون بالضبط!)

ما تعتقد أنه توقيعك فيه شي من النقد الجارح للأعضاء ولا تنسى يا أخي العزيز أنك عضو من أعضاء المنتدى

وإي عضو من أعضاء المنتدى يبي يوووصل لشي بيوصل بمجهوده الشخصي....؟

مب بتوقيع ينتقد فيه غيره عسب أهو يوصل بطريقه غير مباشره.....؟

وتسلم على ردك وممكن أكون أنا غلط أو أنت غلط

بس حبيت أطرح الموضوع لتنويه لا أكثر...؟

[loogin]

عزيزي الأخ ( loogin)


الخطيئة والإنسان اسمان بينهما من التلازم مثل الذي بين الشمس والظل،
وليش نستخدم هاي الكلمة بالأساس مادام فيها شك
يعني الواحد منا ما يقدر يكتب كلمة (بروح وبرجع)




(تنبيه )
(و بعدين معاكم يا أعضااااء:sm145:؟؟!! لوين تبون توصلون بالضبط!)


ما تعتقد أنه توقيعك فيه شي من النقد الجارح للأعضاء ولا تنسى يا أخي العزيز أنك عضو من أعضاء المنتدى


وإي عضو من أعضاء المنتدى يبي يوووصل لشي بيوصل بمجهوده الشخصي....؟


مب بتوقيع ينتقد فيه غيره عسب أهو يوصل بطريقه غير مباشره.....؟


وتسلم على ردك وممكن أكون أنا غلط أو أنت غلط



بس حبيت أطرح الموضوع لتنويه لا أكثر...؟




أخوي بارك الله فيك أنا ما لمتك إنت الذات على هالموضوع


لا يا اخوي

انتي غيرتك على دينك خلتك تنقل هالموضوع للمنتدى
و أنا اذا بلوم ، فملوم أول وااحد نزل هالموضوع و ألفه في المنتديات


و بعدين أنا ليش قلت إلي قلته



تعرف ليش؟؟


تذكر الصور الي كانت تنزل في المنتديات و الي طلعت في الآخر كلها لعبه على المسلمين بالدرجه الأولى و الأخيره ؟؟

تذكرها


إذا ما مرت عليك يا أخوي أو ما تذكرها أنا أُحيلك لرابطها :

تم حذف الراط من قبل صاحبة الرد لانه المعلومه وصلت لصاحب الموضوع





و ليش الناس قامت تتلاعب فينا


ليش يا اخوي


تسمح لي أنا أجاوبك :


لأنا غيبنا عقلنا



و صرنا نصدق أي شي بدون حتى ما نفكر فيه



استفتي قلبك و لو أفتاك الناس >> ما أدري إذا ينفع أقولها في هالموقف و الا لا بس تذكرها و بقوه !



و بعدين إذا نحن بنشوف الشغلات الي فيها شك تراها وااااايد يا اخوي


واااااااااااااااااااااااااااااااااااااايد


و ثانيا يا أخوي :

فهمني س شو دخل توقيعي في السالفه ؟؟!!


أنا قاعده اصمم توقيع لي جريب و بعده ما خلص


قلت بحط آخر و أجدد مواضيعي >> يضرك هالشي يا اخوي؟؟؟!!!!!!!!!!!!!!!!!!!!!!!!!!!!


و بعدين اي نعم ،، موضوعي نقد و نقد جاارح للأعضاء


و انت جذي قاعد تناقض عمرك


لأني في الدرجه الأولى انتقدت الأعضاء الي يحطون صور عاريه في المنتدى >> وين غيرتك على الدين الي قاعد تتحجى عنها من الصبح يا أخوي


و انتقدت بالدرجه الثانيه الاعضاء الي يغيبون أخلاقهم في ردودهم >> و الاسلام أخلاق طال عمرك ...تعارضني في هالشي ؟؟!!


و هيه نعم انتقدت ، و بنتقد الاعضاء الي من هذي الشاكله .... لأنه الاسلوب الطيب ما نفع معاهم






و السموحه يا اخوي جان إلا كلامي ما يا على هواك

[loogin]

تدري أنك فعلا ما تقرا الي تنقله



اسمح لي يا أخوي



و أكبر دليل أنك ناقل اسمي من غير ما تقراااه


و لو قريته جان عرفته انه لُجين بالعربي << يعني بنت

و حتى لو ما كنت تعرف ان لُجين اسم بنت تره مكتوب في بياناتي ( أُنثى )!!


يعني بالمختصر أنا مو أخ <<< أنا أخت


و السموحه بعد مره جان إلا كلامي ما عجببك


بس هذي هي الحقيقه




ملاحظة ::: كنت أقدر أعدل على ردي الأخير و أكتب هالكلام ،،، بس خفت الناس تحسب اني كتبت شي مو زين و رحت اعدله




دمتم بود

[الفارس الخيماوي]

مشكور ع المعلومة و نريا يديدك

[قلپ حسآس]

تسلم اخوي على الموضوع

[فاقد انسان]

أختي الكريمه ألف شكر لج لتفاعلج ( Loogin )
بالعكس أختى أنا مع النقد بس النقد اللي يفيد بمعنى اللي يطور الشخص مب النقد اللي يجرح؟

أذا أنتي قلتي أني أنا اناقض عمري بردج لي
( وين غيرتك على الدين الي قاعد تتحجى عنها من الصبح يا أخوي )

بس حبيت أقولج أنتي قلتي للأعضاء عن الموضوع اللي أنتي نزلتيه

(و بعدين معاكم يا أعضااااء:sm145:؟؟!! لوين تبون توصلون بالضبط! )

ضد الصور العاريه....................................................
بس يا أختي الكريمه الرااابط اللي نزلتيه يدل على أنج أنتي اللي قاعده أتناقضين نفسج...؟
ولا خبريني شو رايج بالصوره اللي عليها ( صدر )


وأختي الكريمه لو أحد من الأعضاء أضاااف صووره ممكن تكون عاريه أشويه أكيد يبي يوصل رساله نستفيد منها وما أعتقد أنه يبي يضر بالمنتدى أو الأعضاء

وتسليمن على كل حال.......؟

[loogin]

أختي الكريمه ألف شكر لج لتفاعلج ( loogin )
بالعكس أختى أنا مع النقد بس النقد اللي يفيد بمعنى اللي يطور الشخص مب النقد اللي يجرح؟

أذا أنتي قلتي أني أنا اناقض عمري بردج لي
( وين غيرتك على الدين الي قاعد تتحجى عنها من الصبح يا أخوي )

بس حبيت أقولج أنتي قلتي للأعضاء عن الموضوع اللي أنتي نزلتيه

(و بعدين معاكم يا أعضااااء:sm145:؟؟!! لوين تبون توصلون بالضبط! )

ضد الصور العاريه....................................................
بس يا أختي الكريمه الرااابط اللي نزلتيه يدل على أنج أنتي اللي قاعده أتناقضين نفسج...؟
ولا خبريني شو رايج بالصوره اللي عليها ( صدر )


وأختي الكريمه لو أحد من الأعضاء أضاااف صووره ممكن تكون عاريه أشويه أكيد يبي يوصل رساله نستفيد منها وما أعتقد أنه يبي يضر بالمنتدى أو الأعضاء

وتسليمن على كل حال.......؟



بتصدقني إذا قلت لك أني ناطرتك تقول هذا الي قلته :sm122:


صح كلامك


مو صح مره

الا صح مرتين


و تعرف اني تأخرت ليما رديت عليك علشان ما حصلت هالموضوع من غير هالصوره و انتي تبغيني أعاملك في نفس المنطق الي انت حاطه في راااسك


مو انت تشوف اني متحامله على الاعضاء بموضوعي

معناته انت تشجع الاعضاء الي ينشرون هذي الشغلات:sm105:


على جيه استقبل


ردي كان بنفس منطقك !:sm122:



و دامك شفت الرابط و الناس كلها عارفته اساسا


بحذفه


لانه المعلومه وصلتك خلاص


و الصورة الي محطايه مو صورة بنت عريانه ،، لا يا أخوي :sm166:

هذي صورة عمل فني لناس مستنسخين ( و يمكن يكونون رياايل )


و اذا بتقعد تحاسبني على هالشغله الي اسمحلي اقولك مو في محلها فأنا بحاسبك إنت و أي عضو يحط لنا صورة لاعبين كرة قدم ، المنطقة الي فوق ركبهم طالعه


و هذي عورة من عورات الرجال



و الا أنا غلطانه ؟؟؟:sm126:



و ياريت أخوي نفهم الموضوع قبل ما نعلق عليه ، و ما ندافع عن ناس غلطانيين !!!!!


و بعدين خلنا في موضوعك


ليش هامنك موضوعي أكثر من موضوعك ؟؟؟


أنا موضوعي يتناول فئة من الاعضاء

و دام أنك مو واحد منهم ( و هذا العشم فيك ) ما كو داعي تدافع عنهم

لانك جيه تكون قاعد تدافع عن الباطل






و يزاك الله خير على رحابة صدرك

[قلپ حسآس]

مشكووور اخوووي ع التنبيه في ميزان حسناتك

[فاقد انسان]

تسلمين على مروووورك أختي قلب حساس

[اول الملعب]

شكرا ع الموضوع

[فاقد انسان]

تسلم على المروووووور

( ولد راك )

[حياتي و محلاها]

المشكله كبيرة و الحل بسيط

[دموع الفراق#_*]

تسلم أخويه فاقد أنسان ع الملاحظه العظيمه فحق رب العباد وجزاك الله خير...

[patchena]

الحمد لله اني من يوم سويت ايميل ما اقول هالكلمه موول بحياتي ما قلتها كله اقول ويت يعني بروح وبرجع

[بن النوبي]

بسم الله الرحمن الرحيم


تسلم اخوي فاقد انسان على الموضوع بس ماعرفت شو الي تقصده

[بن النوبي]

[
بسم الله الرحمن الرحيم


تسلم اخوي فاقد انسان على الموضوع بس

ماعرفت شو الي تقصده :aa_fire::aa_Doh::sm141::sm165::i like it:
[/motr1][/quote]

[:: ماجد ::]

هذا الموضوع من تأليف بعض العلمانين ... (ابحث عنهم في قوقل .. )

[:: ماجد ::]

هذه فتوى ..




الرجاء من الذين متمسكين برأيهم بأن كلمة برب مخالفة للدين الأسلامي عدم الرد على الموضوع ..
وهذه فتوى صوتية للي حاب يتأكد بانها حلال
http://www.al-forquan.com/upload//uploads/b28d191ce0.mp3 (http://www.alrams.net/forum/redirector.php?url=http%3A%2F%2Fwww.al-forquan.com%2Fupload%2F%2Fuploads%2Fb28d191ce0.mp3)



فتوى أخرى لهواة عدم التصديق من إسلام ويب

السؤال
عند المحادثة بالمسنجر عادة إذا أراد أحد الخروج لحظات يقول لآخر ((برب)) وهي عبارة عن اختصار لكلمة انجليزي((بي رايت باك)) بالإنجيزي يكتب الإختصا(() وعند تعريبها أصبحت ((برب))
لكن بعض الإخوة قالوا إنها حرام لأنها تشبه اسم الله في قوله تعالى {قل أعوذ برب الفلق}، فهل التحريم هنا صحيح؟.


الفتوى
الحمد لله والصلاة والسلام على رسول الله وعلى آله وصحبه، أما بعـد:
فلا يظهر لنا أي وجه لتحريم ذلك، وليس في الاختصار المذكور علاقة بأسماء الله عز وجل إلا في شبه الحروف، ولو فرض أن المعنى يوحي باسم الله تعالى فليس في ذلك أيضا ما يفيد تحريما.
والله أعلم.

[Cute Cat]

السلام عليكم ورحمة الله وبركاته

اعزائي اعضاء المنتدى المحترمين ،، الموضوع بسيط ولا يمت لله عز وجل أبدا ،،،، وهو مكرر ايضا من الاخت غصون في قسم المسنجر ،،،

واليكم الرابط والردود عليه ،، ثااااااااانكيو
http://www.alrams.net/forum/showthread.php?t=23659

[الصقر الاماراتي]

الموضوع مغلق لأنه عرفنا أن الكلمة ليست حراما بل عادية وأوردنا ماجد بمعلومات قيمة .

والسموحة .