نادي فتنس تايم للسيدات - رأس الخيمة

[faroosi]

للمره الأولى تشهد اماراة راس الخيمة افتتاح اول مركز صحي متخصص يضم أحدث الأجهزة الرياضية على مساحة واسعة تحت إسم فتنس تايم
والذي يقدم أيضاً مجموعة من الخدمات من بينها الآيروبك ,الساونا,غرفة البخار
بالإضافة إلى كافيه مستقل بذاته والذي يختص بتقديم المشروبات الساخنة والباردة ووجبات صحية مخصصة للرياضيين وذلك في منطقة الظيت الجنوبي مقابل مركز زايد.



http://www.ma7room.ws/uploads/images/ma7room-5c55bfa037.jpg




سيتم الإفتتاح يوم الجمعة الموافق 11/3/2011


هناك هدايا رمزيه لأول 100 مشتركة
لا تتردي في زيارتنا .. فصحتكِ هي الأهم
فتنس تايم .... عندما تلتقي المتعة بالرشاقة

[RAKBOY783]

بالتوفيق للجميع السيدات وشكرا ع الخبر

[ساري]

اتمنى في البداية مراعاه الصور النسائية على الواجهة وخاصة في مكان عام وطريق يستخدم من قبل الكل ومثل ماخبرتني زوجتى ان سعر الاشتراك مرتفع اعتقد 800 درهم بعطيها راتب حق الشغاله احسن اتمنى يكون الاشتراك الاشتراك 300 درهم لان حريمنا يوم يسيرون النادي وعشر ايام مايسيرون

[بنت راك 80]

ان شاء الله بنشترك

[السامعيه]

شي حلووو

[ام نوار]

بعيييييد وايد مركز زايد انا بتريا النادي الي بيفتحونه في منطقة خزام اقربلي :sm164:واذا كان الاشتراك ب 800 بشتري جهاز مشي وجهاز ثاني كل شي فيه وبتمرن بروحي :headphonedance:

[رذاذ عبدالله]

خبر جميل لفتيات وسيدات رأس الخيمة،،
الجميع كان ينتظـر وجود مثل هذه الانديـة،،
ليس بالضروري للأشخاص البدناء،،
إنما ممارسة الرياضة بحد ذاتها تعتبر صحة للجسم،،
أتمنى لكم التوفيق ،،
دمتم بخير وسعادة معا،،

[Public Relations Girl]

صحيح اللياقة البدنية مهمة للصحه ..
شكرا ع الطرح :)

[ام زيزو]

وايد مبالغين بالاسعار

[بلادي]

السعر ب 790 درهم

[faroosi]

أشكر الجميع على الردود
وبالنسبة للأخ ساري بخصوص الإشتراك ، طبعا سعر الإشتراك لشهر واحد هو 790 درهم
وهو يشمل الأيروبك + الأجهزة + الساونا + غرفة البخار مع بعض بدون تقسيم
وتقدر المشتركة تدخل الجيم اكثر عن مرة في اليوم الواحد وتاخذ الساعات اللي تباها ( ساعات التمرين غير محدودة) هذا بحد ذاته امتياز
بإلاضافة ان المكان كبير ويشمل عدد كبير من المشتركات
والإسعار هي
يوم واحد - 80 درهم
شهر - 790 درهم
3 شهور 2070 درهم
6 شهور - 3950 درهم
سنة - 7110 درهم

كل ما زادت مدة الإشتراك صار في تخفيض


وشكرا

[شوفي شموخي]

السلام عليكم جميع..

أنا سرت النادي و ما شاء الله المكان وايد حلوو و راقي ..
و نحن برأس الخيمه ما عندنا مثل هالنوادي ..

و بالنسبه لأسعار ما أحس أنه مبالغ فيها نحن نصرف ع أشياء وايد بايخه مبالغ أكبر من جيي ..
يعني بنستغمض نصرفها ع صحتنا ..

الله يوفقهم يا رب ..

[ام نوار]

بصراحة مبالغين بالاسعار انا كنت العب في نادي تابع لاحدى فنادق دبي العام وكل الاشياء فيه والعب كل وقت واسوي سونا وبخار ب 400 درهم وهذا في دبي ولكن اتمنى مراعاه الاسعار تراها مافرقت بين 790 و800 عشر دراهم بس ...... اتمنى مراعاة الاسعار حسب الامارة واحنا ترانا مب مستمرين شهر نلعب وشهرين مشغولين ...والي يقدر يفيدني عن الصاله الي بتفتح في خزام لانها اقربلي لانى اشوف المبنى مالها يالسين يسوونه وشكله حسب اللوحة روعه

[موزوه22]

شيء حلو

[شباصة منقصة]

شـــــــــــــي حـــلو الصــرآآحه

مع انهـ بعيــد بالنسبه لنـــآ

بس آن شآء الله انسير

^^*

[كروووزة]

الصرااااحه روووعه هذا المركز
سمعت عنه الكل يمدحه والله قمه
أنا عن نفسى دخلته وجفته نظااااااافه و خصوصيات وممنوع دخول الهواتف المتحركة في صالة التدريب
وفيه ادراج خاصه لوضع الأغراض الشخصيه ومدربات يجلسون على راس الوحدة
انصح فيه مركز فتنس روعه ربي يوفقك الجميع

[reeman]

انا اشترك بـ النادي بس واايد اوكيه اتمنى انكم تروحون

[حياتي و محلاها]

والله نوادي بوظبي ارخص من ناديكم
اشتريلي اجهزه فالبيت اتم معاي سنه او اكثر بعد
مب ادفع 800 كل شهر

[غسق]

الاشتراك في الاجهزة فقط بـ 350 درهم
أما الاجهزة + الايروبيك 550 درهم
الاجهزة + الايروبيك+ الساونا = 800 درهم

[تناهيـــد]

الحلو ف النادي مش محدد الوقت يعني الواحد يظهر وهو مرتاح

كنا محتاجين مثل هالنادي

بالتوفيق ان شاءالله



تناهيــد

[karkaba]

الصراحة الأسعار وايد وايد مبالغين فيها حتى لو كان اجهزه وساونا وايروبك لو تروحون عين خت الفندق بالتحديد الصاله للحريم عندهم المسبح والأجهزة والساونا وحمام مغربي وغرفة فيها ثلج وشاور بالنعناع والفندق ما عليه كلام خمس نجوم هذا كله 300 درهم فسعركم فالظيت وايد أمبالغ فيه