بنات الجيل الجديد

[مـزيـونـة رااكــ]

السلام عليكم ورحمة الله وبركاته


موضوعي ** بنات الجيل الجديد**


ارجوا انه محد يتحسس من الموضوع


الصراحه الشي تعدى الحدود وصار الشي ما ينطاق


بنات الجيل اليديد او بنات هالزمان لو بنرمس بينا .. الصراحه طلعوا عن الحد المطلوب


المكياج زياده عن اللزوم .. عبايات الاعراس ... الكعب العالي والبنطول الراص والمشكله تشل العباه بعد عشان اللي ما شاف يشوف



الجمال فعمره ما كان بها الاسلوب .. هذا ما اقول غير انه لفت نظر لا اكثر ولا اقل وهذا صادر عن قله ثقه في النفس والتقليد العمي للباقيات


ليش الوحده منكن ما يكون لها شخصيتها الخاصه ..


كله صوب والشيله الطراز اليديد اللي مادري ليش ملبوسه .. يوم انه نص الشعر والرقبه طالعين


يا بنات .. الوحده بهاي الطريقه تراها ما تعدت عاداتها وتقاليدها الا ضربت بها وبالدين الاسلامي عرض الحائط


نحن نسير مراكز نسير مولات نتمشى مع ربيعاتنا بس من غير هاي السوالف .. ليش عشان تلفتين نظر الشباب .. يعني للاسف كم مره سمعت تعليقات الشباب وانا استحي من الرمسه كيف انتي واقفه وتمشين ولا كانه شي صاير.


انا ما عرضت ها الموضوع الا من غيرتي عليكن .. وانا ابا راي الشباب بعد عشان نوقف وقفه صادقه مع اللي قاعد يصير


المخافه من الله لازم تكون جدام عين كل بني آدم


واللي قاعد يصير ترانا نشوف نتايجه .. البلاء، الامراض ، كل شي


اتمنى المشاركه من الكل .. ونشوف حل صدق في اللي قاعد يصير


اختكم


مـزيـونـة رااكــ

[عاشقة القمم]

هيه والله صدقج

عاد انا أكرهـ شي عندي هاي العبي اللي جنها فستان عرس >> وين قاعدين هاييلا وين يبون !!

أوكي الوحدهـ بتتعدل وبتلبس مس مش بأماكن فيها شباب ، يعني أنا صراحه أستغرب من البنات اللي يروحون السوق وهم متمكيجين ، يعني ماشي سالفه أطلع السوق وأنا مصبغه ويهي بمليون لون . نحن نحطي بالأعراس ونتبهدل يوم نطير المكياج وحالتنا حاله ، كيف هاييلا بشكل يومي .

لا وتعالي شوفيهم بدون مكياج >> والله بتتروعين من أشكالهن ، لأن بالأساس المكياج وااايد يخرب البشرهـ ، وتستوي البنت اللي متعودهـ عليه جنها أستغفر الله طالعه من المقبرهـ >>> أخييييج شو ها !!


بس شو بنقول
الله يهدينا ويهديهم

[ابن الإمارات]

هيييه يا مزيونه " هذا شيء من لا شيء

[patchena]

فعلا هذا الجيل توقعي منه مالا تتوقعين كل شي صار علني محد قام يستحي وكل وحده تقلد الثانيه
الله يهديهم ان شاء الله

تسلمين اختي على الموضوع

عسوله كوكتيل

[العتيبي]

إن وجدت في مجتمع معين أيا من العوامل التاليه تؤدي إلى هذا الشي :

1- قلة الحياء و الوازع الديني .
2- إختلاف الثقافات في المجتمع الواحد .
3- إنتشار القنوات الفضائية و الانترنت .
4- الرفقة السيئة .

فتأكد بأنك سوف ترا هذه النوعيات من البشر

العتيبي