تحليق المحبه

[الوطن موال اخضر]

شعر: قمرة

صوتِك وقَلْبِك والله إنه تغَيّر

اللي عَرفْتِه غَيْر واللي معي غَيْر

واشيا كثيره عن فراقك تشيّر

وِتْلوعني وتْحِطّ في القلب تكسير

فدْوَه يا عمري جيت كلّي مسيّر

أبَا أعْتِذِرْ لك لو حصَلْ شَيّ تقصير

أنت الكبير.. وانا وذَنْبي صغيّر

خِذْني وحِطْ لْزلّتي أيّ تبرير

لا تسمَعْ عْلوم الحقود الحقَيّر

اللي تزيده كل ما زاد تحقير

هَوَّنْ على القَلْب العطيب المحيّر

اللى يْخَلْق لك الفرَصْ والمعاذير

شِفْ جِفْن عيني من غيابك سهيّر

يسهر مَعَ حلْو الصوَرْ والتصاوير

أخاف لا يصبح هوانا مذَيّر

وِنْكابد أوجاع الجفا والمخاسير

والعمر مهما طال حَدّه قصَيِّر

وِبْحِبّ (قمره) أنت أجدَرْ من الغير

وانا وَلو عندي مجال آتخيّر

آخِذْك واخْلِق لي جناحين واطير

[راعية الفتكS]

وانا وَلو عندي مجال آتخيّر

آخِذْك واخْلِق لي جناحين واطير




روووووووووعه هالبيييت حبييييييييته من كل قلبي ] ~

تسلم خيووو على هيييك كلااام بيجنن ربي يعطيك العاافيه ] ~

نتريا كل يديد و مميز من صووبك النآآآيس ] ~

\
\
\
راعية الفتك خمست اهنييييييييه ^ـــــ*