شاركونا فرحة العيد ...

[الأميرة الحسناء]

السلام عليكم ورحمة الله وبركاته

اخواني واخواتي حبيت اتناقش معاكم
واتمنى ان يكون نقاشي خفيف عليكم
وهو طبعاً يخص اموركم الذاتيه فاسمحوا بالتدخل والنقاش معاكم اذا تكرمتوا ,,,بمناسبة قدوم عيد الفطر المبارك ومشتريات العيد ..

اعزائي الغاليين ..العيد طبعاً قرب والكل قاعد يحضر ويحتفل ويجهز نفسه بهذه المناسبه السعيدة ..
وانا الحين بتغلس عليكم وبتناقش معاكم عن التجهيزه لهذه المناسبه ...وبدون احراج ..

للاولاد والبنات طبعاً السؤال ..
يا الله خلونا ندخل عالم الازياء هههههههه ..
شو جهزتوا للعيد وشو اشتريتوا
ومن وين اشتريتوا ملتزمات او اغراض العيد ؟؟ ..انا الحين اتكلم معاكم طبعاً بالعامية هع
خلونا نسولف اشوي عن هذه المناسبة السعيدة
وكل عام وأنتم بألف بخير ان شاء الله وعساكم من عواده ..

اعزائي الغالين والله اني اكن لكم جميعاً محبه مايعلمها الا الله تعالى ,,
انتم عزيزين وغالين على قلبي واااايد .. وعشان جيه حبيت اشاركم فرحتكم ونتناقش مع بعض عن هذة الفرحه والمناسبه الرائعه ..

يا الله نبدأ واذا حبيتوا
تسألوني انا حاضرة ..بعد راح اجاوبكم ..



اختكم الأميرة الحسناء

[الأميرة الحسناء]

اخواني واخواتي الاعزاء
انتظركم بفارغ الصبر هنا لنتشارك الفرحه معاً لاستعدادات العيد
لنشارك الفرحه معاً...
انا في الانتظار...

[ماروكو]

وعليكم السلام ورحمة الله وبركاته
اول شي مشكوووورة ع الموضوع الراااااائع الصراحة :sm288:
انا اشتريت اغراض العيد من السعودية يوم
سرت العمرة هاي السنة يعني اشتريت ثياب و اكسسواراتواشتريت بعد الثياب من راس الخيمة وبس ^^
وانتي من وين اشتريتو اغراض العيد ؟ :sm167:
وكل عام وانتم بخير :sm136:

[متفــآآئـل]

انـــــا فصــــــلت كنـدورة:i like it: فـى اســواق :sm142:الكويـــــــتى وكــــــل شــئ من هنـــــــاك:sm84:

[سفير الغلا]

وعليكم السلام ورحمة الله وبركاته..
الصراحة فكرة حلوة وموضوع عجيب..
يعطيج العافية..
حلو الواحد يقول شو سوا..
انا عن نفسي فصلت كندورة من العربي الممتاز..
وخذيت نعال من المندوس..
وفصلت العقال من الديوان..
وخذيت الفوانيل والوزره والغتر من الوااحة..
وخذيت حلويات حق البيت طبعا..
وبس..
مشكورة ع الموضوع الرائع..
ويعطيج الف عافية..
وأرجوا أن أكون آخر من هنأج بعيد الفطر المبارك..هههه..
لاني أعرف اني مب أول واحد..
يعطيج العافية..
والسموحة.

[طاغيتهم]

اممممم

عيبني السؤال وحبيت أشاركم
اول يوم العيد لي هوو اليوم كل عام وانتو بخير
مخور القطعه وكل شي من راس الخيمه
النعال من تشارلز اند كيث من بوظبي
والذهب من صوب الوالده
اليوم الثاني مخوره بعد
أما الثالث درس خذيته من كان كان فبوظبي
العبااااه من راس الخيمه بعد
الاكسسوارات من ٢١ فورايفر فبوظبي
الشنطه من البوادي مول العين
وبسس
أختكم
طاغيتهم*

[الأميرة الحسناء]

عيدكم مبارك وكل عام وانتوا بألف خير ..
انا بخبركم عن نفسي كل تجهيزاتي من راك الحبيبه
انا من النوع اللي ما احب اماكن الزحمه اشتري اغراضي على راحتي
اشتري اغراضي من الجعيدي والمنار وفي بعض الاماكن مثل شارع الكويتي والحمره مول وبس
الا اذا رحت بوظبي لزيارة اهلي طبعاً اروح ويا بنات خالي ..
واشتري من هناك اذا عيبني شيء ,,
وتسلمون اخواني واخواتي على زيارة الموضوع ,,,

[خجل أنثى]

أنا عن نفسي فصلت لي ثوب من محل فيونكة فعجمان
والنعال من شومارت
والشنطة من ميلانو
والعباة من الشارجة
والمخاوير من رااك
والاكسسوارات من forever 21
من كل إمارة شريت شي ههههههه

كل عاام وانتو بخير
موضوع راائع