تسجيل الدخول

مشاهدة النسخة كاملة : موقف محرج صار لي...


أنيــــــــن الــــــــروح
27 - 5 - 2009, 01:11 AM
مووووقف محرج صار لي...

اليوم يايتنك بموضوع حلو واتمنى انكم تتفاعلون وياي فيه...


ابغي من كل عضو يدخل ويكتب أحلى موقف محرج صار له...

وأنا ببتدي وياكم بموقفي...

الصراحه كل ما أتذكر هالموقف أضحك على عمري لليوم...

كنت اتمشى بالمنار ويا ربيعتي وكنت قريبه من الكوفي إللي حدال المسرح, كنت لابسه كعب اول مره البسه, جان انزلق وأطيح على ظهري كأني راقده بالنص, فضيحه وعاد تخيلو كثر الشباب هناك,
استحيت ومتت على عمري من الضحك...

يالله ابغي تفاعلكم ومشاركاتكم وياي ولا تستحون...
بو عبود101
27 - 5 - 2009, 01:04 PM
ههههههههههههههههههههه

يمكن الكعب ما يوز لج
Her Highness
27 - 5 - 2009, 05:19 PM
انا البارحه استوا بي موقف


كنت رايحه اجدد بطاقات صحيه


وانا ادوام فنفس المكان وكنت مستعيله عطيت الريال البطاقات والبيزات بيدي مشيت ونسيت اعطيه البيزات


زقني وقالي ليش ببلاش شوووو ؟؟


ضحكت ع عمري وعطيته البيزات ورحت
patchena
29 - 5 - 2009, 03:48 PM
امممممممم صراحه وايد مواقف محرجه

بس بذكر احلى موقف ولي عوده خخخ
فضائي
29 - 5 - 2009, 06:02 PM
موقف صارلي

كنت مع ربيعي نتمشى بجمعية الشهامة .. فمريت على محل تيلفونات

فشفت رقم دو فعجبني فقلت بغيت هالرقم قال اوكي

سألت بكم

قال بـ كذا

قلت اوكي

فعطيته الليسن عشان يسجل الرقم باسمي

فشاف الاسم فقال : فلان يقرب لك

استغربت من سؤاله

فسالت من وين تعرفه

فقال دوم يمر من هنا

فتذكرت أنه ساكن قريب من المكان

فسولفت معاه

و جا صاحبي ووقف قدام المحل

و صاحب المحل عطاني البطاقة و روحت وما قال شي

وصلت عند مخرج الجمعية .. و جمدت

اتفقت على السعر و ما أعطيه بيزاته

فرجعت و عطيته البيزات و قلت له ما ذكريتني

و فضحكت على عمري ذاك الوقت و بس
الشحييه
29 - 5 - 2009, 06:38 PM
هلا شخباااركم انا صااااارتلي مواقف وااايد اتضحك بس اهم شى

مره كنت سايره البر وياه لاهل طلعت اتمش وياه بنت عمتي وجان يلحقني جلب فسخت نعالي وتميت اركض وركض لين ماوصلت بمرتف وطحت من فوق التله لين تحت توقعو منو كان موجود هناك:sm273:
شله حريم ضحكولي هم كانو اصحاب الجلب كانو يايين من قطر
wild alrams
31 - 5 - 2009, 12:16 AM
ـههههههههههههههههههـ
مغرورة بكيفي
31 - 5 - 2009, 01:15 AM
انا صارتلي واااااااااااايد مواقف

اممممممممم بس ماعرف اي موقف اكتبلكم....

بس هاي المره مابكتب عني بكتب عن رفيجتي ......

في مره انا واهلي رايحين مركز المنار ورفيجتي رايحه مع اهلها.......

طبعا انا ورفيجتي تلاقينا وتمشينا مع بعض وفجأه........


الكعب مالها انكسر يعني ماتروووم تمشي فيه وكنا نحن قريبين من الحمام طبعا رفيجتي ركضت الحمام وانا وراها

قعدت تفكر كيف تمشي الحين انا يتني فكره حلووووه ههههههههه ....

قلتلها امشي حافيه لين مانوصل محل شعيشع عسب تشتريلها وسبحان الله فكرتي نفعت ههههههه..

ومشت حافيه لين ماوصلنا المحل بس ريلها ماتبين عسب عبايتها طوووويله ,,,,, وحليلها والله مستحيل انسى هالشي......

وانتوا شوووو رايكم بالفكرتي ......خخخ
أنيــــــــن الــــــــروح
11 - 9 - 2009, 05:12 AM
مشكوووووووووووووورين...
admire
11 - 9 - 2009, 05:16 PM
هههههه يضحك


المهم أنا بقول لكم موقف صار لي من أسبوع في إمارات مول

المهم أنا وبنت خالتي كنا نتمشى في إمارات مول صوب اللعاب

فقالتني بنت خالتي شورأيج انسير الحمام ونتعدل شوي قلتهاا اوكي

كان مكاان واايد مزدحهم وبنت خالتي كويتيه هب إماراتية يعني ما تعرف المكان زين

وانا مشكلتي ما لابسه النظارة المهم مشينا صوب الحمام جان اشوف مكتوب عليها w

عبالي حمام النساء ف دخلت وأنا دااشه اشوف ظل بس ضخم شوي جنا

ظل ريال ف قلت لبنت خالتي اصبري بنتاكد أول شيئ إذا كان ريال ولا حرمة جان اشوف ايي صوب

والمفاجاه طلع لي ريال شيئ بالعشرينات ويها على ويهي جان استحي واطلع وويهي أحمر جان يقول لي شو

تبين من الحمام ؟؟ ما تشوفين حمام الرجال ؟؟ جان يضحك وكلما يمر صوبنااا يتم يضحك وبس ..~
RAKBOY783
11 - 9 - 2009, 06:04 PM
والله انكم سوالف


الحمدالله اني مأذكر شي

تسلمين اختي ع الموضوع

ربي يحفظج
فريجاك
11 - 9 - 2009, 07:23 PM
//.. ـهههههههههههههههههـ ..//
&&البارونهـ الخيماويهـ&&
12 - 9 - 2009, 05:11 PM
يسلمو أختي بنوته بس لو أنا اللي طحت بقعد أصيح كل يوم خخخخخخخ...


بقولكم موقفين واحد ضحكني والثاني قعدت أصيح بسببه

الموقف الأول:من جم يوم رحت الأكسبو أنا وخواتي والوالده وطبعا كان في زحمه وايد والشباب رايحين رادين ماعندهم شغله وخواتي متضايجات وقالو بنسير الصوب الثاني قتلهم بنلحق وراكم انا والوالده قتلهم خذوا أحمد وياكم هذا ولدي الصغير حاطته فعربانه المهم طاف واحد ويا هله من حذالنا وراحت أختي دزت العربانه فوقه جان يطيح فالأرض وقام وقف وروح ولا جنه شي صار قعدنا نضحك عالموقف وأختي قعدت تصيح وتقول شكله قاعد يدعي علي الحين ....وبس:sm167:


الموقف الثاني المحرج والحزين :::اتصلت ربيعتي فيني ماكلمتها من 3شهور يمكن وقتلها سمحيلي فلانه شغل البيت والعيال ومدري شو هاي دايما تكون حجتي...المهم امها شلت السماعه وقالتلي أنتي آخر وحده توقعت أنها ماتيي وأنتي مافيج خير وانتي؟؟؟؟وانتي؟؟؟المهم صخيت وخليت ام ربيعتي ترمس جان تقولي كل أهل فريجكم يو وأنتي ماتيين؟؟؟أنتي مافيج خير والكلام اللي منه...فجأة قعدت تصيح وأنا فبالي متحرقصه وابا اعرف شو السالفه؟؟؟جان أقولها خالوه خير ليش هالكلام كله جان تقولي فلانه ماتت هاي أصغر بناتها وكانت متعلقه فيني وايد وتستانس يوم اروح عندهم البيت ...تيبست مكاني وقعدت اصيح تصدقون أنه البنت صارلها متوفيه شهر ونص وانا مادري ...وبس
ولد راك والعالم وراك
12 - 9 - 2009, 05:36 PM
خخخخخخخخخخخخ
ويوم مب قد الكعب لا تلبسونه
انتو عندكم مشكله وحده تعرفون شوه
انكم تبغون سون كل شي
والسموحه منكم