"شورايك" في "هوامير الباركينغ" !!!!!!! ( صور )

[RAKBOY783]

"شورايك" في "هوامير الباركينغ"

http://www.alrams.net/up2/uploads/images/alrams.net-1b042c9363.jpg

الامارات اليوم

مارأيك في السائق الذي يوقف سيارته في موقف مخصص لمركبتين ما يحرم قائد مركبة أخرى من حقه في إيقاف سيارته

http://www.alrams.net/up2/uploads/images/alrams.net-7a3e807563.jpg

http://www.alrams.net/up2/uploads/images/alrams.net-a0ab25ff2a.jpg

http://www.alrams.net/up2/uploads/images/alrams.net-a1f0157feb.jpg

http://www.alrams.net/up2/uploads/images/alrams.net-65ebc033a3.jpg

http://www.alrams.net/up2/uploads/images/alrams.net-6034d389a8.jpg

[رذاذ عبدالله]

اعتقد بأنه صعب عليهم توقيف السيارة بالشكل الصحيح
شكرا للنقل
كن بخير

[الأميرة الحسناء]

الانانيه والاستهتار وراء ذلك الاسلوب
وهذا الشيء يعتبر غير حضاري ...

[محمد سليمان]

الله المستعان

[حلو الاطباعي]

لافن ولا ذوق ولا أخلاق الصراحة
اللهم لاتبلينا بهالناس

[ملاك المشاعر@]

http://www.dl3r.com/vb/images/smilies/wrd.gif
كل واحد المفروض يلتزم بالقوانين وياخذ باركن واحد فقط ومايتعدى ع حدود الاخرين
ويترك مجال للناس الثانيه وبس من هالانانيه
شكرا بوحمدان ع نقل الخبر
في وداعة الله
http://www.dl3r.com/vb/images/smilies/wrd.gif

[dewdrops]

حلييلهم ما يعرفون كيف يبركنون
لاتلومونهم ..

هذا يسموونه قمة الاستهبال .. وياكثرهم الي يستهبلون
مب بس فيي باركنات حتى في الشارع .. اليوم جايفه وااحد
يشخط ويلات بسيارته بعز الزحمة

[فضائي]

كنت اتصل 999 إذا كنت بوظبي .. زحمة

برأس الخيمة ما مشكلة بتطوف

اللي يبا موقف خصوصي ياخد موقف vip عند منار

[الواضح]

يوم تسير المولات والسناتر تحصل المواقف تصلح حق سيارة يارس وتيدا وكورولا فقط

أما سيارات استيشن (سيارتي) ونيسان و ارمادا فصعب جداً جداً جداً توقف في

مثل هذه المواقف ،،قبل ماتلومون السائق ،،، ألقوا اللوم على المواقف اللي تشبه

سكن العمال 20 سرير في غرفة ضيقة ،، أتوقع اللي يقيس المواقف ،، واحد هندي

عنده لانسر أو يارس أو يمكن دراجة نارية ،، هذا اللي وقّف بالغلط لاقصده يكون من

هوامير (الباركينات ) ولا قصده يكون أسد المواقف ،، فقط يبا موقف على قياس

سيارته ،، عسب مايرجع بعدين ويحصل سيارته ( مشحوفه) ،، و دمتم سالمين ،،

[أبو حميد]

بطرانين وشايفين عمارهم
ولاتمشي فالارض مرحا
الحمد لله على نعمة البساطه

[البزي]

الصوره الاولى ما الومه الصراحه احيانن الواحد يطر اذا كان الي بجانبه موقف بطريقه غلط بياخذ مساحه اكبر شوي بسبب الي جنبه الي

اما هذا كله لانه ما فيه وعي ولا احترام ولا تقدير للوائح والانظمه والله المستعان بس

[ياسي بن جباره]

عادي مافيها شي الارض ارض الله والدنيا متروسه باركنات
واللي مايحصل يجحت نفسه ولا يبركن ع الرصيف مافي اي مشكله الدنيا بخير وسهاله
والحكومه حكومة الله هدوا هدوا لاتكبرون السالفه

الله!!

[ياسي بن جباره]

بطرانين وشايفين عمارهم
ولاتمشي فالارض مرحا
الحمد لله على نعمة البساطه

لا لا لا ماسمح لك تقول بطرانين مب جيفين خير
بليز بوحميد سيارتي طالعه فالصور رجاءً من فضلك

[الناقد]

مع احترامي :

اكيد بوقف بالطريقه هذي يوم عندي سياره سعرها 580 الف ويوقف عدالي واحد وافد عنده سياره ب 2000 ويفج الباب ويكفخ السياره من الحسد والحقد على المواطنين اخوي ما يسوي الشي هذا الا اللي ملدوغ مره ولا يوم يمر واحد من الوافدين على سيارتك ويشخطها بالمفتاح وتشوف الخط من اول السياره لين اخرها وهي مديل 2011 هذا طبع الوافدين وجرب سوي استفتاء وشوف ردود الناس اللي عندها سيارات غاليه وبتعرف الشي هذا .

طبعا انا ما اقول الكل ؟؟؟

[ع الدرمكي]

لافن ولا ذوق ولا أخلاق الصراحة ..

[ام محمد 9119]

الله المستعان

[بوحارب الفلاسي]

الا مظاليم الباركنات اي هوامير !!

الباركنات ضيقه جدا الواحد يبركن صح ويدخل يخلص شغله ويظهر يحصل خبطه محترمه لان ماشي مسافه كافيه بينه
وبين اللي عداله ..!!
بيبركن عند اقرب رصيف بطلع بيحصل راشينه بمخالفة محترمه
بياخذ مكانين بالباجر بيحصل صورة سيارته فالجرايد و تعليق بالخط لاحمر لا ذوق ولا فن ولا اخلاق !!

يا عمي يسنعون باركناتهم عسب الواحد يقدر يسفط مثل العالم
خصوصا باركنات المستشفياات !! حدّث ولاحرج

[فضائي]

مع احترامي :

اكيد بوقف بالطريقه هذي يوم عندي سياره سعرها 580 الف ويوقف عدالي واحد وافد عنده سياره ب 2000 ويفج الباب ويكفخ السياره من الحسد والحقد على المواطنين اخوي ما يسوي الشي هذا الا اللي ملدوغ مره ولا يوم يمر واحد من الوافدين على سيارتك ويشخطها بالمفتاح وتشوف الخط من اول السياره لين اخرها وهي مديل 2011 هذا طبع الوافدين وجرب سوي استفتاء وشوف ردود الناس اللي عندها سيارات غاليه وبتعرف الشي هذا .

طبعا انا ما اقول الكل ؟؟؟


زين شو بتقول للي سيارته كورولا موديلها ما موجود أصلاً 1900 و ما بخذه بركنين , و سيارة أرمادا ماخذه بركن واحد

["وحش الرميله"]

بطرانين الناس
مشكور ع الصور

[الكابتن]

على المراكز التجارية تخصيص مواقف واسعة للسيارات العائلية وذوات الدفع الرباعي بنسبة 30% للسيارات الكبيرة و 70% للسيارات الصغيرة على الأقل، وتكون اماكن تلك السيارات العائلية بعد مواقف المعاقين لسهولة حركة الاطفال من والى سياراتهم
السيارات الفارهة يمكنها استخدام نظم المواقف المدفوعة "Valet Parking" اذا اراد أصحابها حماية سياراتهم من العبث والتشخيط!

عموما يجيلي توتر وانا اشوف واحد مبركن سيارته من دون مراعاة الآخرين في مواقف مزدحمة ومن دون ان تتخذ ادارة المركز بعمل اي اجراء اداري، ولو بوضع رسالة تنبيه على جامة السيارة حتى يمتثل السائق للواقع المعاش والذي يقول كل سيارة لها موقف واحد فقط

ودمتم

[أبو حميد]

رد لياسي بن جباره
انا ماخصيت حد بس في ناس يتعمدون يوقفون بهاي الطريقه
وفي ناس مضطرين يوقفون جي والسموحه منك

[مسك الريم]

صح كلام الاخ الواضح لأنه بعض الباركنات ضيقة جدا جدا وتكون المسافات مابين السيارات ضيقة ويمكن فيه ناس شحفت سيارات غيرهم بسبب هالضيق وعشان جي تعقدوا ووقفوا بالوسط علشان تكون المسافات مابين السيارات كبيرة

بس هذا لايعني انه يوقف سيارته بهالطريقة لأنه ذلك دليل على الدفاشة والاستهتار وأخذ حقوق غيرهم

[ياسي بن جباره]

رد لياسي بن جباره
انا ماخصيت حد بس في ناس يتعمدون يوقفون بهاي الطريقه
وفي ناس مضطرين يوقفون جي والسموحه منك

حبيب حبيب يابوحميد والله كنت امزح بس شكلك مافهمت

[ياسي بن جباره]

على المراكز التجارية تخصيص مواقف واسعة للسيارات العائلية وذوات الدفع الرباعي بنسبة 30% للسيارات الكبيرة و 70% للسيارات الصغيرة على الأقل، وتكون اماكن تلك السيارات العائلية بعد مواقف المعاقين لسهولة حركة الاطفال من والى سياراتهم
السيارات الفارهة يمكنها استخدام نظم المواقف المدفوعة "valet parking" اذا اراد أصحابها حماية سياراتهم من العبث والتشخيط!

عموما يجيلي توتر وانا اشوف واحد مبركن سيارته من دون مراعاة الآخرين في مواقف مزدحمة ومن دون ان تتخذ ادارة المركز بعمل اي اجراء اداري، ولو بوضع رسالة تنبيه على جامة السيارة حتى يمتثل السائق للواقع المعاش والذي يقول كل سيارة لها موقف واحد فقط

ودمتم




مب كل مكان فيه باركنات مدفوعه هذا مب عذر

[القيواني]

هذا ان دل يدل على اخلاق الشخص

في ناس مايملكون سياره بس افضل منهم اخلاقيا


تحياتي للجميع

[نبع الإيمان]

كل واحد وحسب نيته

واحد يمكن ما يعرف يبركن صح
واحد يمكن يكون مغرور او إناني واحد شايف نفسه
واحد مثل ما قال اخونا يكون الباركن صغير وسيارته كبيره

الناس أجناس ومحب يعرف نية الثاني

[عاصفة الحب]

الله المستعان

[Fake news]

المشكلة قد تضطر للوقوف غلط بحسب الي واقف قبلك في الباركن ويقع اللوم عليك اذا شافوك معترض وانته على نياتك


الله يهديهم

[LoOonely_Girl]

الله كــشخــــــــه وشويه خقــــــــــه وعشان السيــآرة رآهــــــــيه مانبا حد يشمخهــــــــآ


هاللي يبووونه هههههههههههه ..


.. ميرسي ع الطرح رآكًـــــــــــو ..