غالي وقال ان المطر قبل ماياه ...

[الأميرة الحسناء]

غالي وقال ان المطر قبل ماياه
الا بشوفي هلت السحب ماها
كن المطر يجي على موعد وياه
وبجيتك الارض المحيله سقاها
كم انتظرته بالصبر واترياه
لكن بوجودك تغير سماها
يهمل علينا الغيث واتحاور وياه
وكل السعادة من شعوره هداها
اقبل بنوره والفرح في محياه
لي بسمته تسوى المدن مع ثراها
يدري بحبه في خفوقي ومغلاه
افدى عيونه يوم عيني فداها
قلبي بشوفه نال كل ماتمناه
ونجواه تحوي باللطافه هواها
غرام وتغرم بيه بنطقة شفاه
لي قالها في قصدها ومعناها



تحياتي الأميرة الحسناء