*** قٍهُرٍِ قْهٍرُـٍرً قٍهُرِ ***

[علوي مال راك]

اكبر قهر لاجيت تعشق لك انسان
واللي تحبه ساهي ٍ ما درى بك

وأكبر قهر تحلم وتحلم لك ازمان
ويطيح حلمك ميت ٍ عند بابك

وأكبر قهر تبني من سنين بنيان
وتشوف بنٌيك ما تعدى ترابك

وأكبر قهر تسقي من الورد بستان
وتموت بين يديك زهرة شبابك

وأكبر قهر تارد على البير ضميان
وتشوف بعض الطين حايس شرابك

وأكبر قهر لاحطوا الناس نيشان
كل ٍ يزٌهب وانت ضايع زهابك

وأكبر قهر ترهي على حصان خسران
يوم السبق لا طحت كل ٍ حكى بك

وأكبر قهر لاصرت ضايع وعطشان
ونفس الطريق اللي يوديك جابك

وأكبر قهر صاحبك لا جاك خوٌان
لابحت له بالسر راح ووشى بك

وأكبر قهر تعطي وتعطي علشان
تاخذ عقب كل العطايا حسابك

كل ما سبق ذكره على الشوف ما كان
حفنة حروف ٍ مع بعضها تشابك

ماهوب هرج ٍ يِعجَنْ بفم وللسان
ولاهوب عود ٍ يكسره حد نابك

إن كنت فيما قلت تحتاج برهان
ناظر وتلقى في قصيدي جوابك

وإن كنت فيما قلت مخطي وغلطان
أترك خطانا وأنت عطنا صوابك


م ن ق و ل

[سفاحة الرمس]

هييه والله يا علوووووي قهـــــــر قـــــــهر من الخااطر ..


وتـــسلــم الغاالي ع الطرح ..

[ثعلب الصحراء]

اكبر قهر
والله
تسلم ع الطرح

[الظـــي]

وأكبر قهر صاحبك لا جاك خوٌان
لابحت له بالسر راح ووشى بك

راق لي ما طرحته اخوووي.
تسلم يا حبوب..^^
تقبل مروووري

[*مسك الإمارات*]

ليش تنقهر كل شي مايتعب إلا المقهور ليش تعذب نفسك وغيرك فرحاني ومايدري عن قهرك بشي الله يعينك 0(قلت شعر صح ) يلله حيوني

[عاشقة القمم]

وأكبر قهر صاحبك لا جاك خوٌان
لابحت له بالسر راح ووشى بك


هيه والله
أكبر قهر

إلا الخيانة ؟!
الشي الوحيد اللي ما ينسكت عنها




~ْ|| تسلمـ علييييوي ع الطرح ||ْ~

[مرايم]

تســـلمـ اخـويـ عالطـــرح ...


وأكبر قهر لاصرت ضايع وعطشان
ونفس الطريق اللي يوديك جابك