خبز الخمير على طريقة الوالدة

[حرم علي]

قبل الزواج كنت اكره ادخل المطبخ :sm11: وماعرف اسوي شي موول
بس متفرغة للدراسة والازياء والرقااد :aa_bedjump:
وبعد الزواج غصبا عني دخلت المطبخ:sm109: اعرف اطبخ والا ماعرف
لازم الاكل يكون من ايدي :aa_Popcorn: مره يطلع زين , ومره شين
واليوم دق في راسي وانا اصلي الفجر , اني اجرب اسوي خبز الخمير
وكنت متخوفة اني اخربه او يطلع مب زين ,:( واتصلت في الوالده الله يحفظها وسألتها عن الطريقة
وما قصرت :) جربت طريقتها واضبطت عندي :sm288: حتى بو الشباب اكل 4 خبزات قبل ما يسير الدوام :aa_cup: لانه مل من التوست والصمون
وقلت بعطيكم طريقتها تجربونها وتدعون لها :sm125:


http://im12.gulfup.com/2011-12-13/1323760746921.bmp (http://www.gulfup.com/show/X24ns1xkm39y8g)

المقادير :

جيلة طحين رقم 1 _ فنجان شكر _ فنجان زيت _ ذرة ملح
ملعقة صغيرة خميرة , و بكنغ باودر _ 4 ملاعق نيدو

للوجه : بيضة _ سمسم _ زعتر

الطريقة :

نعجن المقادير السابقة بماي دافي لمدة عشر دقايق , ونغطيها ونتركها تخمر لمده ساعة
ونرجع نعجنها مرة ثانية , وناخذ منها قطعة صغيرة ونكورها , ونفردها على سطح مرشوش بالطحين
عسب ما تلصق , ونحطها على الجهاز الخاص بالخمير ( نحط شوي طحين على سطح الجهاز من الداخل )
ونتركها نستوي , ونطلعها وندهن وجه الخبز بالبيض والسمسم او الزعتر , ونرجعها في الجهاز لمدة دقيقة .

طريقة خبيصة البيض , اللي تنأكل مع خبز الخمير
طحين نحطيه في المقلاة لين يستوي شوي اسمر
وننخله , ونحط عليه بيض ودبس ,, ونحطة على النار
ونستمر في تقليبه عسب ما يعقد , لين تستوي عندنا
الخلطة شبة سائلة .

وبسسسسس
يالله جربوها
وبالعافيه عليكم

[أم عبادي]

تسلمييييييييين فديتج ع الوصفه .

[دمعة الحرمان]

تسلمين على الوصفة وانشالله بجربها بس الجهاز كيف شكله تقدرين تحطين صورته او اسم الجهاز اللي تحطين فيه العجينة

[منتدى الرمس]

مشكوره على الوصفه وهني وعافيه

[ابو نهيان]

حشاااا مب خبز
كأنها القنبله الذريه اللي طااااحت باليااابان
خخخخخخخخخخخخخ

[حرم علي]

تسلمين على الوصفة وانشالله بجربها بس الجهاز كيف شكله تقدرين تحطين صورته او اسم الجهاز اللي تحطين فيه العجينة
تفضلي اختي , هذي صورة الجهاز
بتحصلينه عند محل بر وبحر في الشارجة
او عند ورودة دبي في منتدى سيدات الامارات
سعرة ب 150 درهم

http://im18.gulfup.com/2011-12-13/1323769180351.bmp (http://www.gulfup.com/show/X6g9w89jdllof)

[حرم علي]

حشاااا مب خبز
كأنها القنبله الذريه اللي طااااحت باليااابان
خخخخخخخخخخخخخ
ههههههه
حرام عليك نعمة الله

[أميرة الفرح]

بحاول اسويه

والجدر عندي

مشكورة وماقصرتي

[الكون كله]

يعطيج العافية ع الطريقة

[شذى العطور]

يعطيج العافية غناتي ع الوصفة

[بنوته السيح]

ما شاء الله ع الوالدة الله يخليها لكم ويحفظ جميع امهاتنا يا رب

ان شاء الله في يوم من الايم بطبقها ^^ وان شاء الله تضبط

[ـآ‘إِلہرٍمہہش آلہذبوحہيـﮱ]

ماشاء الله شكلها يشهي





من زمان مب مسوويه

باخذ مقاديرج وبسويها ..




تسلمين اختي ع الوصفه
والله يعطيج العافيه ..

[بنت الخاطرى]

يعطيج العافية على الطريقة
انت مشاركة فى منتدى سيدات الامارات

[حرم علي]

يعطيج العافية على الطريقة




انت مشاركة فى منتدى سيدات الامارات


هيه اختي
مشكورة على مرورج

[ملاك المشاعر@]

http://www.shy22.com/upfiles/RPf67282.gif
ياسلام شهيتيني بالخبز الخمير
امممممم دليشز
وتسلمين ع الطريقه
ربي يحفظج
http://www.shy22.com/upfiles/RPf67282.gif

[صمتي ألمي]

يسلااااااام ببالنا نسويها. بس يوم باخذ الجهااااز. ويالله ياااابنااات المدارس والجامعات فرصتكم دشو المطبخ. وتفننننانوووو *

[LoOonely_Girl]

تسلم إيـــــــــــدج غ ـــــــــــناتي

والله يحفظ الواااالده ويخليها تـــــــــآج فوق رووووسكم إن شــآءالله

بس انا مره جربت خبز الخمير بالجبن وااااااااايد عيبنــــــــــي


نتريا طريقته منــــــــــج

^^


ربي يحفظــج

[ام محمد من راك]

ممم انا اسويه بطحين رقم 2

واسويها عالطريقة الجديمة ^^بدون حليب ولا بيكنج باودر

اللهم طحين وماي وخميرة وملح وشوية شكر ^^

بخصوص الجدر انا ابيعه للي ما اتعرفه و120

[حورية متدينة]

انا خبز الخميره قاعده ادور والف بالمنتديات عسب هالخبزه
زين عيل حطيتين لينا الطريقه
مشكوووووووووره

[بنتـ DxB]

تسلم ايدج ع الوصفه

[نبع الإيمان]

تسلمين على الطريقة

مشكورة

[الريون]

مشكوره عالوصفة بس هالكثر أحط مآي ؟؟

[حلم مكسور]

ما شاء الله .. تسلم ايدج

وبالنسبه للجهاز كنت ناويه اشتريه بس خفت انه يطلع مش اوكي

[الصمت عنواني]

تسلمــينْ على الوصفه
ويعطيج ألف عآآفيه
دمتي بحفظ الرحمن^^

[أم حنان]

تسلمين اختي عالوصفة :)

[حرم علي]

مشكوره عالوصفة بس هالكثر أحط مآي ؟؟

تقريبا دبة ماي صغيرة ( اصغر حجم )

[حرم علي]

تسلمين حياتي انا ما تضبط عندي

عادي بتخترب في البداية وبدين بتتعودين

[نبض انسان]

تسلم ايدج وايد امج عاد انا ما عندى الجهاز وين تنصحينى اشتريه..

[المروي 1]

تسلم ايدج والله

[الأميرة الحسناء]

تسلمين الغاليه بس بغيت انبه على الطحين عادي ترا رقم 2 الطحين العادي بس ينخلط معاه رقم 1 اذا حبينا كانت الوالده تسويه وتعلمت وقمت اسويه لكن مش على الجهاز على الفرن لكن اشوف الجهاز افضل بغينا نشتري منه اذا في فمحلات راك اللي تحصله اتخبرنا ..
ومشكورين ...

[أمـ حمنـــي]

مشكوووورة على الوصفه
http://www.rjeem.com/forum/mwaextraedit4/extra/97.gif

[أم الأطفال]

تسلم ايدج اختي

[البثيثة الملكية]

أحلى شي ان العجينة مافيها بيض..

انزين الجيلة مال السميد؟؟

[غروب 77]

ما شاء الله

[حرم علي]

تسلمين الغاليه بس بغيت انبه على الطحين عادي ترا رقم 2 الطحين العادي بس ينخلط معاه رقم 1 اذا حبينا كانت الوالده تسويه وتعلمت وقمت اسويه لكن مش على الجهاز على الفرن لكن اشوف الجهاز افضل بغينا نشتري منه اذا في فمحلات راك اللي تحصله اتخبرنا ..
ومشكورين ...

يمكن اتحصلين في محلات بر وبحر اذا عندكم ... بس انا اشتريته من سيدات الامارات
واستخدمته مره وحده , وانفجر في ويهي , وطلع شرار
ما انصح فيه لانه خطر و كهربه
استعملي علبة الماكنتوش الفاضية ... واخرميها , واستخدمي الطابي مال الخمير

اظمن وأأمن

[حرم علي]

أحلى شي ان العجينة مافيها بيض..

انزين الجيلة مال السميد؟؟


البيض اتحطينه عالوجه ,,, مالج مفر منه
الجيلة هي علبة السميد الحمرا