๑●||★ ذكريـ☺ــات الطفـ☺ــوله ✿||●๑

[نبض انسان]

๑●||★ ذكريـ☺ــات الطفـ☺ــوله ✿||●๑



السلام عليكم ورحمه الله وبركااااته

والحمد لله والصلاه والسلام على سيدنا ونبينا محمد صلى الله عليه وسلم وعلى آله واصحابه أجمعين ..




مساكم الله بالنور اخوانى ..^^

كان فى موضوع حابه اطرحه, واتمنى انه ينال اعجابكم , الموضوع هو عباره عن ذكرياتنا الماضيه التى عشناها واحنا اطفال , كل واحد يكتب او تكتب شو الى تذكروه من لعب او رسوم تابعتوها أى شى اتحبون اكتبوه لكم حريه فى الاشياء الى تذكرونها,
شو رايكم فى موضوعى , لانى اذكر اشياء حلوه كنال انسويها لمن كنا اصغاريه ..

بسم الله ببدأ انا أول شى ^^



كنت انا واااايد أحب اطالع برنامج المناهل


http://www.alhsa.org/forums/imgcache2/273947.gif


وكنت أحب أطالع وااااااااايد رسوم منها :: سالى - فلونه - توم سوير - جونقر - الشجعان الثلاثه - نبيه وعم صالح - الفايكنج - هيبوزا سياره - سبانك - كابتن ماجد بكل أجزائه - وبعد فى ثانين بس نسيت الاسامى ..

وبعد كنت أحب العب مع الصبان الغميضه , وكنا وايد انحب نركض ورا سياره الدخان اذا اتعرفونها , وانا من صغرى متخبله كله اطلع الجبل من الفير بدون ماحد يدرى فينى خخخ

وبعد كنى نشترى سندويك فلافل من الهندى الى يمر الابيوت وناسه والله

وكله امطيحين فى الدكان نشترى كاكاو واسكريم

اذا تذكرت شى ثانى بكتبه
ان شاء الله عيبكم الموضوع ^^


:i like it:



ـــــــــــــــــــــــــــــــــ


تنويه للجميع . . !

اتمنى التزام الجميع بقوانين القسم
وعدم تحويل الموضوع إلى دردشه او اي مخالفه

مشرف مجلس المنوع

مستر وي

[غصن الورد]

لى عوده للكتابة

ولى حكايات وذكريات والبعض فيها ضحك


هذا الموضوع أفضل من المواضيع والأخبار اللى تسم البدن من جرايم وبلاوى على مدار الوقت

[نبض انسان]

فدييييييييييييتج والله اختى غصن الورد لى الشرف
انج اتمرين على صفحتى ويعيبج موضوعى
لج منى كل الشكر والتقدير

[نبض انسان]

مساء الخير
لقد عدت لكم مره ثانيه برسوماتى التى احبها واااااايد


http://www.youtube.com/watch?v=NnC626xbSIw


تاوتاو كان من اروع الرسوم عندى
وياليتهم لو يعرضونها مره ثانيه



http://www.youtube.com/watch?v=6qYlxjWSF0c


وهذا عشقى خخخ كله يضارب عشان هاى
الى عنده ما ادرى شو اسمها نسيته اضنتى اسنيزى


http://www.youtube.com/watch?v=AbEa8URtTZU


رحله كانت حلوه مع ببيرو
http://www.youtube.com/watch?v=_BtpJop1IVg


جونقر زمن الرجال ياربى
غمضنى لانه مات اخر شى

http://www.youtube.com/watch?v=Ywt_CD5Sx2I

هقوتى كلكم اتحبون الرجل الحديدى



http://www.youtube.com/watch?v=BBt98pI7MDs


شو رايكم فيه بكل صراحه

http://www.youtube.com/watch?v=oxD8D4KssMc


وكنت هاى احب اطالعه مع الوالده وانا
مخزنتنها وكل يوم اسمعها
:i like it:

[▌║ℳř Ŏบị ~♛]

๑●||★ ذكريـ☺ــات الطفـ☺ــوله ✿||●๑



|| بسم الله الرحمن الرحيم .,~

موضوع راإئع دافئ ببراءته الطفوليه ..

فيه حنييين للماضي طفوله رقيقه بريئه **

بعد ان طوى الزماإن على تلك الاياإأم البراقه ..

الآن نتمنى ان تعود بجمالها ومرحها وبراءتها **

يعطيج العافيه على الموضوع المميز ..

دمتم بحفظ الرحمن ورعايته **

مشرف مجلس المنوع ..

مستر وي

=)

[نبض انسان]

مشكور على المرور الطيب اخوى
فعلا بأن الماضى أجمل من الحاظر
وأنا أحن كثيرا لايام طفولتنا البريئه
كان كل شغلنا الشاغل الرسوم والعب
وانا للأن أحتفظ بهاى الذكريات

[نبض انسان]

لمن كنا اصغاااااار كان أحلا شى ناكله
بطاطس عمان مع لبن أب
او كنا انسوى سندويج بطاطس...

http://www.roo7oman.com/up/files/197383.jpg

وبعد تذكرت لعبه كنا وايد انحب لعبها مع الاصبيان اسمها المقصه بكسر الميم خخ
كنت امطفرتنهم كله رازه ويهى معاهم خخ

وكنت بعد احب انطط فوق الابيوت ,
وزخنى الوالد وهزبنى ديج الهزبه الحلوه خخ


http://www.youtube.com/watch?v=gP6mbPMj2gg

ها الفيديو خاص للبنات أن شاء الله يتذكرونها بيرين

دمتم بحفظ الرحمن

[ابو نهيان]

http://www.roo7oman.com/up/files/197383.jpg

احلا شي البطااطس وياا اللبن خخخخخ
اياااام حلوووه
نفس الالعااااب اللي تلعبينه اناااا العبه
سبحاااان الله

[وفوي المطاف]

يم يم ^^ يم يم

بطاطس عمان ولبن اب

الصراااحة خطيييييييير

[غصن الورد]

يا سلام الله على أيام وطفولة

مضت بعنفوان وبراء سأطوف بكم برحلة شيقة من طفولتنا في بداياتنا شي أسمه طفوله والعاب مسلية بمعنى هذه الكلمة مختلفة لها طعم ومذاق

لا فيها أكترونيات ولا رسوم متحركة نحن فى زمانا على بعضنا البعض كأننا رسوم متحركه على مدار الوقت مافى قعدة نطه منى ونطه مناك حركة مستمرة

البداية يعنى تقريبا كان عمرى تقريبا فى الأربع سنوات شقاوة غير أدور وين أعلى مكان مرتفع من الجدار وأدور وأتلفت محد يشوفنى وأصرخ نزلونى نزلونى الكل اللى في البيت يركض أماية ويدتى

كانو وايد يخافون علية يركضون ينزلوني وكل يوم على هذى الحال ومرة جان أعيد وأصرخ يطالعونى وهم ساكتين ويخلونى متعلقة الين تعبت وأهد بعمرى من فوق لتحت وأنكسرت أيدى ويركضون اللى يجبر والحالة حاله وبعدها ما سويت شى تسنعت

وكانت عندى ربيعه فى نفس عمرى ولا نتفارق الباب بالباب نلعب ونتسلى على مدار الوقت ولما أمرض بالسخونة ما أرد البيت أتوسد على الرمل جدام باب بيتهم مب بيتنا بعد وأرقد لما تطلع أمها من البيت تشوفنى راقدة بالحمى تشلنى على كتفها وتركض عند أماية بنتكم راقدة بالسكة ومحمومه وأنتوا ما تدرون قالت أماية توها بخير وكانت ما فيها شى

الدنيا أمان وراحة ولا فى خوف واليران أسر مترابطه ومن تروح السخونه ركضت أدور ربيعاتي

ولما كبرنا فى السبع سنوات كان اللعب فى الساحات الواسعه والركض مابين السكيك بألعابنا الشعبية

أتذكر لما كنا نبغى نتسلى نحضر الكرتون ونعمل عرايس من القماش ونزينها ونعمل البيت لها وإذا ملينا من الجلوس نركض ما بين السكيك

ولما كان عمرى خمس سنين كانت يدتى تأخذنى وياها عند مطوعه

وأغافلها وأشرد أزوغ وأخاف من العصا وعقب أستمريت وكنت أسوى فى المطوعه مقالب مرة أدس عنها العصا ومرات أطلع وأخذ ربيعاتى ويايه بره وأغنى حق لمطوعه

هدونا هدت غدا.. سمك ورويد مزهبا

أكل العيوز مايوز.. وأكل البنات سكر نبات

ومن نشوفها قامت نعرف وراها ضربة عصا كل وحده ماتشوف إلا غبرة وراها

واليوم الثانى ما نسير لمطوع بس نوقف عند الباب ونغنى حق لمطوعه

سمبوسه يا سمبوسه .. وين كنتي محبوسه
محبوسه فالمغاره.. نطت عليج الفاره

والفاره هندي هندي.. والليله عرسج عندي

ومن تسمع هذى النغمة تنادى على الموجودين , هاتوهم يالله , على التكفيخ , والضرب , بعصا الخيزران , وكل واحد يحك الضربه

على سيف البحر ذكريات جميله نشاهد البقاره سحبت على السيف نوع من السفن القديمة تبع الأسفار ونلعب من فوقها ونصعد على سطحها بفرحة الطفوله

ونردد أهزوجة

بقارتنا يا العودة

يا أم شراع اليديد

ربى عطاج الدانه

توفى حمد وتزيد

وبنقص من دكانه

ثوب دويحى يديد

وبنفصله وبنخيطه

غمن على الحسيد

ونركض

على البحر ونرمى أنفسنا ونتدحرج مع الموج وجمع الأصداف ونتسابق من يجمع أكبر كمية ونجمعه لنلعب به بعد العصارى لعبة تسمى الليفره يعنى تعمل حفرة دائرية توضع بداخل الحفرة الأصداف ويجلس من حولها بشكل دائرى ونتنافس ونخطط مربعات ونلعب لعبة الجحيف وهذى اللعبتين البنيات مول ما يستغنون عنها كل يوم ونعمل بيوت وقلاع من رمل البحر واليوم الثانى نشوف الموج خرب البيت ونرجع نعمل من يديد بدون ملل

وفى منتصف الستينات تورد التلفزيون

أبيض وأسود مرة تطلع القنوات ومرة تختفى وكانت قليلة والبيت اللى فيه تليفزيون تتجمع الجيران وكان على إريل كل ما أختربت القناة أركضوا يفرون الحديدة وفى بعض الأحيان من قوة العمود يفترون وياه يسحبهم وياه حد يحيس واللى يالسين يقولون خلاص صفا ويرجع يخترب على حسب الجو لكن وناسة حيل والرسوم المتحركه باباي

وميكى ما وس وعقب سندباد ونقار الخشب وكانت روعه

وفعلا مسلية ومن الساعه أثنى عشر خلاص السلام الوطنى وقرآن وبند التلفزيون من يرقدون لكبار لازم لصغار كلها مرقده

وحلوياتنا من دكان الفريج من عند تفاحه
مصاص

ولبان مدور ونخى لبان بو قطو ا

وحظ يا نصيب

فعلا كانت طفوله روعه

والحكايات والسوالف كثيره فلو نحكى فلن تكفيها الصفحات

لج الشكر عزيزتى

نبض أنسان

على هذا الموضوع الذى أعاد لنا نبض الذكريات الحلوة

ودائما سنكون بأنتظارج في مواضيع متجددة في نفس هذا المكان

وفى القسم الأدبي كذلك لنرتشف حروف الأبداع




غصن الورد

[نبض انسان]

لك كل الشكر أختى غصن الورد , أنا سعيده بتواجدك فى صفحتى . ضحكنى بانج كنتى شيطانه بصغرج . اتناقزين فوق الايدار ..

ياربى ذكرايتج أختى كانت وايد حلوه وكانت بريئه بكل معنى الكلمه ,,
ذكرتينى بسالفه الاريل ,, انا كنت دومى افرفر فيه وساعات لمن ابا اصعد فوق السطح او البيت , كنت اصعد عن طريق الاريل خخخ..

ومره كنت راكبه فوق الكراج مالنا جان اطيح وتنكسر اريولى اثنيناتهم ...
وتميت 3 شهور ما امشى ,, كنت امجبره ,, وكان وقتها عيد , وانا متغصصه ,,

أسعدنى تواجدج اختى
واتمنى من كل الاعضاء المشاركه فى الموضوع
لسترجاع ذكرياتا الحلوه

[نبض انسان]

مساااااااااااء الخير عدت لكم بذاكرى جديده ^^

اتذكر من كنت انا اصغيره كنت أجمع البنات أونه بنسوى رحله للجبل , نتيمع عند العصر ونسير الدكان ونشترى أكل , وبعدين سيده الجبل , لانى انا الرئيسه خخخ , أذكر شفنا كهف اصغيرون وبغينا ندخله خخخ خدينا نصف ساعه بس عشان , نبا نعرف منو أول واحد بجازف وبدج خخخ كنت أنا اتخيلو ومعاى طبعا عدتى الى هى البوقلى (( مصباح ضوئى ) للى مايعرف ها السم ..
ودخلنا وما نشوف غير سحليه اتحريناها حيه ويبسنا مكاناااااااااااا هههه..


وأذكر مره ما ادرى كم كان عمرى وقتها بأنه واحد بكستانى شافنى قاعده عند باب بيتنا بروحى , فشلنى ودانى الدكان , بس كان الدكان بعيد شوى , والمصيبه الاهل اتحرونى ضعت خخخ قاعدين يدوروووونى ماخلو مكان مادورونى فيه , أخر شى وحليله يابنى البكستانى البيت ومستغرب ليش الناس متيمعه مايدرى انه هو السبب, وحليله هو كان وايد زين وطيب , على أيامنا مافى أغتصاب ما اغتصاب مافى هاى الاشياء كانت ايامنا بريئه عن جد ... وسكين ها البكستانى مات طاح بطوى ..

أذكر بعد لمن كنا اصغار ماتحلا لنا القعده الا تحت التلفزيون والريول عند الشاشه خخخ يضحك شكلنا والله والمساده تحت راسنا , نتريا بس متى راح تفتح القناه أول شى يبدون بالسلام الوطنى بعدين حديث أخر شى رسوم والله أياااااااااااااااااااااام حلوه ياليتها لو ترجع ...

[نبض انسان]

كنت أحب واااااااااااااااااااااايد أطالع أفتح ياسمسم .
وكنت أحب اسمع اغنيه أحبابنا سيرو سيرو


http://www.youtube.com/watch?v=rDhnuTBviP4

للأن أحب هذه الاغنيه ...

تعلما اللغه العربيه من برنامج أفتح ياسمسم وبرنامج المناهل ..
اتمنى أنهم يعرضونها عشان الاطفال يستفيدون منها ..

http://www.youtube.com/watch?v=VZ40nQvUP8A

[نبض انسان]

أتمنى المشااركه يا الاعضاااااااء

[طَلة آلقمرْ »~]

آلسلآم عليكم ورحمة آلله وبركآته
يسعدلي صبآحج / مسآج بطآعة آلرحمن
شحآلج عسسآج بخيرَ


مآ شآء آلله صرآحه آلموضوع روعه روَعه
آلطفوله آحلى شي وآلله ..
>< بعدني طفـله بحركآتي وعنآدي مآدري متى بعقَل ههه
آنـآ آممم من صغريَ هآديه مآكنت آلعب وآييد كله آقعد فآلبيت
ومآرمسسَ حَد




كنت آحب كآرتون سندريلآ وزورو وفتيآت آلخآرقآت وكآرتون كنت آجوفه ع قنآه هنديه ولد آلغآبه آسمه موقلي ><
كنت آكره كآرتون كآبتن مآجد هههه
بدييت آلعب وآطلع ف عمر 7 آو 6 وتعرفت ع بنـآت
دآيمآ كناا نلعب كووك و شرطه حرآمي و عرآيس ههه
>< كنت بريئه وهآديه وآيييد لين آلحيين مآتغيرت



تسلميين آلغآليه َ ع موضَوع رآيع
يعطييج آلعآفيه

[نبض انسان]

أسعدنى تواجدج أختى طله القمر

طلعتى هاذيه يعنى مب شراتنا ...
ذكرياتج حلوه , أتمنى أنج اتمين تتحتفظين فيها ..
دمتى بحفظ الرحمن

[احساس طفلة]

حركااااااااااااااااااااات
يا نبض انسان http://www.sh11sh.com/sh11sh1/mixaster.gif

موضوعج مميز وجلب فيني الاحزان بس حبيته وايد موضوعج
http://www.ibtesama.com/vb/imgcache2/31287.gif
هذيل لج لانج مميزه في مواضيعج احيج الغاليه
http://www.godiva.com/assets/images/prodimg/1352-z.jpg

http://www.ommahat.net/forum/imgcache/13155.jpg

http://upload.rashed-elmajed.com/up/uploads/images/rashed-17f755b07a.bmp
لي رجعه تسلمين الغاليه حزنت وايد ذكرتيني بجروح احول انساها في طفولتي
انا يتيمه وعشت قهر الاهل والاقارب وحمدالله

http://www.atnfsk.com/up/uploads/13266758554.gif
شكراااا لج نبض انسانه الغاليه بس الحين انتم اهلي وناسي !!

[نبض انسان]

لاحول ولاقوه الا بالله

أختى اعتبرينى أختج ترانا متشابهين من ناحيه اليتم ,
بس الحمد لله عايشه حياتى , صح ننجرح ونتعذب بس الله كريم اختى وبعوضنا خير صدقينى...
ها أختبار من ربنااااااا ..
أختى لاتتشائمين خليج قويه الايمان بربج ,,,

مشكوره على الهديه بس بقبضنى سكر اذا كليت كل هذا خخخخ
مشكوره بتواجدج , وخليج عايشه حياتج بدون حزن ولا ألم انزين ...
دمتى بحفظ الرحمن

[نبض انسان]

السلام عليكم ورحمه الله وبركاته

مبروكين أمطار الرحمه أخوانى ....

أن شاء الله يكون بدايه نهاركم بدايه خير وتفائل بالحياه ...

وردينا لموضوعنا .. تميت أدور حلويات مالة أول من النت وحصلت واااايد ...
ترا حلوياتنا قبل لها طعم مب شرات الحين ماله طعم وماينبلع ...
المهم راح أخليككم مع مجموعه من الصور ..لاعااااده الذكرات الجميله ...


http://www.alrams.net/up2/uploads/images/alrams.net-11b49e3a09.jpg

http://www.alrams.net/up2/uploads/images/alrams.net-ea77b319cb.jpg

http://www.alrams.net/up2/uploads/images/alrams.net-058df18670.jpg

http://www.alrams.net/up2/uploads/images/alrams.net-0df36e09ab.jpg

http://www.alrams.net/up2/uploads/images/alrams.net-647eb4b525.jpg

http://www.alrams.net/up2/uploads/images/alrams.net-ee032e0d38.jpg

http://www.alrams.net/up2/uploads/images/alrams.net-f593550ea8.jpg

http://www.alrams.net/up2/uploads/images/alrams.net-7aaa91031e.jpg

http://www.alrams.net/up2/uploads/images/alrams.net-d862a21aee.jpg

http://www.alrams.net/up2/uploads/images/alrams.net-dca33b9d5b.jpg

هاى مجموعه من الحلويات القديمه ...
واذا حصلت شى ثانى بعد بظيفه

[نبض انسان]

كنت قبل اشترى من بيت عمتى ومن الدكان بالخش عشان ما تزعل ...

كانت بس تبانا نشترى عنا وحليلها ... اشتقدت لكاكاو الجديم وايد بنسبالى كان أحلا من نوتيلا...

كانت بياعه عمتى حلوه , كان كل شى فيها حتى أثياب وأذكر بعد مرطب مال الشفايف الاولى ..

كان أزقرت ..


http://www.alrams.net/up2/uploads/images/alrams.net-31dd084808.jpg

هاى بس صوره توضيحيه لدكان عمتى بس دكانها كان اعرض وأرتب

http://www.alrams.net/up2/uploads/images/alrams.net-41ba26d20a.jpg

http://www.alrams.net/up2/uploads/images/alrams.net-0a855e21f5.jpg

http://www.alrams.net/up2/uploads/images/alrams.net-acc223bd3a.jpg

http://www.alrams.net/up2/uploads/images/alrams.net-8b444d9771.jpg

http://www.alrams.net/up2/uploads/images/alrams.net-cc6e706085.jpg

http://www.alrams.net/up2/uploads/images/alrams.net-b752cbe82f.jpg


ان شاء الله أتكون مواضيعى أتنال على رضاكم ..

[غصن الورد]

http://up.qatarw.com/get-10-2008-qatarw_com_tkggt4h5.jpg (http://up.qatarw.com/get-10-2008-qatarw_com_tkggt4h5.jpg)








سأستعيد ومثل ما قلت سابقا الذكريات الحلوة كثيره


وبرمس باللهجه العاميه تراها حلوة ولها مذاق خاص


يوم كنت صغيرة مره من كثر الشردات من عند لمطوعه


جان تقول هاتوها وكنت وايد صغيره وجان تزخنى وعندها


خشبة كبيرة وعليها عارض من الحديد والخشب له فتحات حق لريول على طول لخشبه أسمها الفلقه تحطي لريول الثنتين وتقفل عليهم حق التأديب ومن قايل لها عاد يدتى حتى يخوفونى ما أشرد وأدرس القرآن وجزء عمّ


وطلعت وقت الغداء كل ربيعاتي وخلتني متمغطه وسارت تتغداء داخل الخيمه أنا يوم إني شفتها يالسه تتغداء جان عاد يالله دوروني أفتر راسى وأنا يوعانه وكانت أريولي صغيرونه وكنت أحركها وجان أطلعها من داخل لحطبة وسيده ركض على الباب وبطل الزلى الخشب من الباب من دون حاسية وركيض مسوى غبره ورايه الين وصلت البيت وشفتهم يتغدون لما شافتنى أماية ويدتى وهم ياليسن يحطون الغدا على السفرة جان يضحكون قالوا شقا طلعتى إلا شوية وصلت مطوعه ما في عينها القطرة تدورنى بعصاها جان أندس ورا يدتى


لا بعد أقول لها لو تموتين ما يت عندج ولا بتحصلين الخميسى


من عندي كل خميس أربع آنات ولا بشترى من عندج لبان ونخي

جان تضحك ضحك قالت تعالى وما بقول لج شي

قلت ما بيى وبسير المدرسه عنج الحول جان تقول حق يدتى صدق بتخلينها هذى تسير اللى يسمونها مدرسه وبتكتب قالت لها هيه ترى بتخلص الست سنين وسووا مدارس يتعلمون فيها


لو في هذا الوقت جان قامت القيامه

من الأهل والشكاوي مالها حد على لمطوعه


والسنه الثانية دخلت المدرسة وكل يوم يزقرون على الطالبات الموجودات فى الصف ويقولون الموجود يقول نعم واللى ما موجود

يسجلونه غياب أول ما سمعت فلانه غايبه جان أصرخ وأتمغط على الأرض


والمدرسات فلسطينيات


تدرون شو السبب تعلمنا من لكبار يوم يتوفى حد ما يقولون فلان أوفلانه توفى يقولون غاب فلان وإلا غابت فلانه أنا يوم إنى سمعت كلمة غايبه قلت ماتت

وجان يرشون عليه ماي قلت متى غابت ولدموع أربع أربع قالت لى الأبله مين اللى مات قلت اللى زقرتى عليها وجان تضحك ضحك وربيعاتى قالو لها أبله ترى اللى يموت نقول عنه غاب

قالت بعيد الشر اليوم ما حضرت وبكرة بتيجى وجان أيلس والأبله تبغى تخوز عنى الروعه كانت هاذيك الأيام الدراسة والمناهج على دولة لكويت وكانوا صناديق من الوجبات تحضر وكل واحد ياخذ اللى يبغيه من الكمية قالت لى الأبله ولك روحى خدى لك سندويشات انا ما صدقت كان عمرى سبع سنين وجان أركض سريع

وخبر الفراشه قلت تقول لج الأبله عطينى سندويشات اللى أبغيها

وكانت طيبه جان تقول تعالى وفتحت الصندوق وشليت خمس من الرغابه والهلاعه

جبن ومربى ومربى وزبده و ما سرت الصف جان البس الباب وأركض أبين السكيك والفرجان إلين وصلت البيت


ودخلت جان تقول يدتى شو رادنج من الضحى قلت لها ربيعتى غايبه بعد اليوم مايت

جان تقول وحليلها متى صارت هذى السالفه تفكر ماتت

قلت يدوه ما ماتت يعنى أبله تقول الغايب يعنى اللى ماييى المدرسه

جانه تقول هيه وحليلها الله يخليها



والذكريات كثيرة

وبقول كل مرة شي

[نبض انسان]

يااااااااااااااااربى حلوه سالفت المطوعه هاى ,,
اسميج مأديتنها خخخ ,,

حلوه سوالفج . وذكرياتج بعد .. انا ماعشت ايام الامطوعه احنا عشنا أيام المدارس
وكانو المدرسات كلهم من الجنسيات الثانيه..
وأسميهم كانو يضربونا ضرب خلونا نكره المدرسه بسبتهم ..

أسعدنى كثيرا تواجدك فى صفحتى , أنتضر باقى الذكريات الجميله ...

[دموع أنثى]

الله
ذكريااات واااايد حلوة وممتعه
كل شي فيها بسيط حتى المسلسلات الكارتونيّه والرسوم المتحركه كلها روووووعه
ومنها ( سيّده مِلعقه ~ أبطال الملاعِب >> حميدو ~ فلونه ~ جريندايزر ~ وووو )
رجعتينا للماضى الجميل ...
تسلمين فديتج ع الطرح المميّز والجونااااااان ربي يحفظج من كل شي
دمتي بستر من الله ورضاااااااا

[الصمت عنواني]

مافي أحلى من ذكـــريات الطفوله .. بحلوها ومــرها ..تسلمين على الطرح اللي أكثر من جميل بتذكيرنااا

بالــماآآضي وأيا م الـطفوله..دمتي بحفظ الرحمن^^:heart:

[نبض انسان]

دموع أنثى ^^

أسعدنى تواجدك , مافى أحلا من الماضى ,
وحلو أنه انعيد ذكرياتنا مع بعض عشان أنعرف كل واحد , شو كان يسوى لمن كان أصغير ..
خلينا نبتعد أشوى عن أخبار ها الايام , الى أتيب المرض للواحد ..

دمتى بحفظ الرحمن

[نبض انسان]

الصمت عنوانى ^^

صحيح كلامج مافى أحلا من ذكريات الطفوله بحلوها ومرها ...
دمتى بحفظ الرحمن..

[رذاذ عبدالله]

&& نبض انسان &&

لقد سرقتنا خلسة إلى بوابـة الماضي الجميل،،
لي عودة مع كوكتيل الكرتون والمدرسة والأهل،،
وردة بيضاء لقلبك الطاهر،

[المها11]

اصراحة اشكرج كل الشكر على هذا الموضوع
الى ردنا الى الماضي وياليت صج يرد
بس مستحيل بترد هاذيج الايام

[MiNoOo 87]

صبحج الله بالنور و السرور . .

ما شاء الله . .

استانست في قراية ردودكم و ذكرياتكم الجميلــه . .

لي عوده جريب ان شاء الله . .

تسلم يمنـاج نبضــوه ع الطرح المميــز . .

http://msn.ta7a.com/smilies/japan_monkey/h%20%2819%29.gif

[نبض انسان]

السلام عليكم ورحمه الله وبركاته
صبحكم الله بالخير والسرور ..

هلا هلا أختى رذاذ عبدالله . انتى الورده البيضاء , تسلمين على مرورج , انتضر اضافاتج
من المقاطع بفارغ الصبر..

وأختى المها تسلم أيدج على المرور الطيب. هذه ذكريات لاتنتسى .
دمتى بحفظ الرحمن..

MinoOo 87 .. هلا والله بأختى الاصغيره . هاى ذكرياتنا ونبا نسمع ذكرياتكم بعد انزين .
كوذى من ذكراتكم خخ..

[احساس طفلة]

حبابه


صلوا على النبي"اللهم اصلي واسلم عليه"


خير لفانا ولفاكم.........وشر تعدانا وتعداكم ......زور بن زرزور اللي ذبح بقه


وترس سبعة جدووووووور وخلا اللحوم والشحوووم على الصوناي تدووور
http://m002.maktoob.com/alfrasha/up/15500071381668532122.jpg

http://m002.maktoob.com/alfrasha/up/881263941011717153.jpg
الروج السحرررررررررررررررري


http://m002.maktoob.com/alfrasha/up/8972896341595163711.jpg

اموت واعرف شلون ينقلب وردي
http://m002.maktoob.com/alfrasha/up/2005860628609486022.jpg

عدنان ولينا وعبسي هو اللي محلى الكرتون

http://m002.maktoob.com/alfrasha/up/1333948365739604864.jpg
http://m002.maktoob.com/alfrasha/up/4381666051850327146.jpg

سوسن اللي كانت كنت وايد احبها
http://m002.maktoob.com/alfrasha/up/18187048291731410463.jpg


http://m002.maktoob.com/alfrasha/up/9878032211794034965.jpg
http://m002.maktoob.com/alfrasha/up/16835872591422112224.jpg


يتابع

[احساس طفلة]

اول كمبيوتر استخدمته جمعته من مصروفي واشتريته بس تصدر مني الله يسامحهم
http://m002.maktoob.com/alfrasha/up/519683343555296827.jpg

هي الاتاري حيست لي صبوعي ويابتلي حاله نفسيه
http://m002.maktoob.com/alfrasha/up/1472526792764004840.jpg


مجلة ماجد كل اربعاء كنت اخذها


http://m002.maktoob.com/alfrasha/up/3273355481269848915.jpg




وهي الشنط مال اول هههههههههههه
http://m002.maktoob.com/alfrasha/up/13803897871936098651.bmp


لولو الصغيره واخوها رشود

http://m002.maktoob.com/alfrasha/up/1536660247869875988.jpg

http://m002.maktoob.com/alfrasha/up/1090148671860329398.jpg


قرنديزر كنت عاشقتنه واحبه ههههههههه حليلي طفوله

[نبض انسان]

أسعدنى تواجدج أختى أحساس طفله ..
مأروع العوده بالذكرياااااااااات الى الخلف .
لانها تجعل قلوبنا تنبض وتسعد لمجرد رؤيه شى يذكرنا بالماضى . من رسوم وأغراض وحلويات والخ ..
انا لولو ماكنت أحبها مول ..
بس الباجين أمبلا كنت أحبهم واااايد..
خخ عدنان ها خبل ...تصرفاته اضحكنى عن جد . وهو حاليا ينعرض بالتلفزيون وبعد رعدالعملاق ينعرض على قناه عيون جده .. وانا أتابع ...
..
مشكوره على الاهداء أختى .. ماتقصرين ..
دمتى بحفظ الرحمن ..

[نبض انسان]

صبااااااااااااااااح الخير لكم جميعا

نرجع لمحور موضوعنا ...

http://www.arabic-cartoon.com/images/ferdy_2.gif

فيردى ومغامراته الى ماتخلص ..

http://www.arabic-cartoon.com/images/bashar_4.gif

بشار وحبه للخير دائما
كانت أغنيه النهايه أتبكينى عن جد ..

http://www.iraqup.com/uploadsnew/iraqup.com_20090214_Rj8AY-b4i6_178686028.jpg

أحبها وايد . فيها حزن وايد .. وضحك بعد ..

http://www.kaizuland.com/vb/attachment.php?attachmentid=14775&stc=1&d=1258584143

مسلسل رائع بكل معنى الكلمه ..

http://maxtoons.com/indeax.7.jpg

ها عاد له عندى حكايه عشق للحين ..فن الكوقاااااااااا..

http://www.mexat.com/vb/images-cache/f/b/6/1/f/c/f/fb61fcfbf721ca611282bdfdaf528a46.png

ما ادرى ليش ما يحب المدرسه ..

http://www.alrams.net/up2/uploads/images/alrams.net-64261ec599.jpg

وهذا الهداف . للى نساه هو خلانى أحب الكره ..

http://www.alrams.net/up2/uploads/images/alrams.net-91a2e7a529.jpg

مسلسل كوكى وايد يبجى ..

http://www.alrams.net/up2/uploads/images/alrams.net-bd34d322ed.jpg

أحلا المغامرات مع السندباد ..

:shy:

[احساس طفلة]

النسر الذهبي كنت احبه وايد




http://i.imagehost.org/0897/1-1_1.jpg





http://i.imagehost.org/0100/2_1_2.jpg




http://i.imagehost.org/0484/0_17.jpg




http://www.arjwan.com/vb/imgcache/7372.imgcache

كرتون ساندي بل
http://www.arjwan.com/vb/imgcache/7368.imgcache




صور كارتون الاحلام الذهبية

http://www.arjwan.com/vb/imgcache/7387.imgcache
http://www.arjwan.com/vb/imgcache/7389.imgcache





http://www.arjwan.com/vb/imgcache/7390.imgcache

[احساس طفلة]

http://www.waraqat.net/2008/04/swar_zman8.jpg



http://www.alhsa.com/forum/imgcache/247975.imgcache


http://www.alhsa.com/forum/imgcache/247976.imgcache




ايام الطفوله وحلوياتها
وكان لها طعم الذ من الحين ههههه


http://members.abunawaf.com/g/2008/04/1/mt7f/image006.jpg



هذي بقــــــاله قديمه يالله اللي يبي يروح معي للبقاله بنحصل البياع غلام حليله




(http://www.waraqat.net/2008/04/swar_zman8.jpg)

[نبض انسان]

أسعدنى تواجج الدائم بصفحااااااااااتى أختى أحساس طفله ..
ذكرتينى كنا نشبه أحنا لمن كنا يهال ..
مانرضى نظهر من الدكان , وكل شى نباه ,,
أذكرت الياناصيب الى كنا نشتريه, ماشاء الله كنا نستانس فيه لانه يحتوى على اشياء وايد حلوه ..

وبعد كنا نشترى كتب الرسوم الى نحط فيها صور الرسوم , كان منها أنواع بس نسيت شو كانت هاى الرسوم .. بس اذكر بأنه كنا نشترى بسكوت وناخد الصور منه ونلصقه بالدفتر والى يخلص , يسير الدكان وياخد جائزه , أذكر كل المنطقه كانت تتسلف من بعض الصور , وأذكر عمى كان يشارك معاى بهاى السوالف خخ.. ما أدرى تذكرون ها الشى ولا لا ..

للأسف دورته فى النت بس ماحصلته ..
عشان اضيفها للى مايعرف الى أقصده ..

أسعدنى تواجدج أختى عن جد ..

[نبض انسان]

السلام عليكم ورحمه الله وبركاته ...

حبيت اليوم أظيف مقاطع للشباب عن الرسوم الى كانو يحبونها ومنهم انا بعد ..
هيابوزا سياره .. كان ها الرسوم الوحيد الى أحب اطالعه عن الباجين ..

http://www.youtube.com/watch?v=ilqEE4yefwY

وبعد عندكم سنشيرو بطل مغوار ..^^

http://www.youtube.com/watch?v=uJLFzlE0iQ4

جونقر . ياربى اسمينى صحت لمن مات أخر حلقه وراح أضيفها للى يبا يشوفها ..
الاغنيه حلوه وايد ..

http://www.youtube.com/watch?v=_BtpJop1IVg

http://www.youtube.com/watch?v=lR4BPf4bkNU

خماسى كلنا حبيناه منو مايحبهم ها الخمسه ..

http://www.youtube.com/watch?v=fspYktOjgJ0

على على بطل فليت هيام قم يا غرندايزر ^^

http://www.youtube.com/watch?v=05JrpS0DpGo

مازنقرد .. ماكنت أحب هاى الرسوم وايد مع انه عندى الشريط خخ

http://www.youtube.com/watch?v=6SMe5hfE6Xk

فولترون . ياربى يخبل فينى ها الرسوم عن جد . واااااااااااايد حلو حتى الاغنيه حلوه ..

http://www.youtube.com/watch?v=1O6PramJMvU

الرجل الحديدى كنا أنخاف من الديناصورات , أمى اتحب ها الرسوم وايد , ولمن يبت لها الشريط استانست عن جد ..

http://www.youtube.com/watch?v=rRDn4Z4lchM

أيهم فتى عام 2020

http://www.youtube.com/watch?v=7IIspwdZMPM

داليا والعم وحيد أخوى كان وايد يحب ها الرسوم ..

http://www.youtube.com/watch?feature=endscreen&v=21cSgGKpsIU&NR=1


اتمنى تستانسون بالمقاطع ..

[رذاذ عبدالله]

موضوع فتح نوافذا لماضي الجميل،

كنت أحب متابعة العديد من الكرتون:

ميمي الصغيرة

أسألوا لبيبة

http://im16.gulfup.com/2012-01-25/1327503515645.jpg (http://www.gulfup.com/show/Xbhqh02s28cw)

حكيم الأقزام

http://im16.gulfup.com/2012-01-25/1327503515124.png (http://www.gulfup.com/show/X8v8ncn2ob18go)

المناهل

http://im11.gulfup.com/2012-01-25/132750417781.gif (http://www.gulfup.com/show/X36wu0rj00jct)

إفتح يا سمسم

http://im11.gulfup.com/2012-01-25/132750418232.gif (http://www.gulfup.com/show/Xvx4ckv44gmly)

ومن المسلسلات:

خالتي قماشة

http://im16.gulfup.com/2012-01-25/1327503515367.jpg (http://www.gulfup.com/show/Xvx9jq0780gw9)

ومحظوظة ومبروكة في على الدنيا السلام،،

http://im16.gulfup.com/2012-01-25/1327503515946.jpg (http://www.gulfup.com/show/Xvx9jnr2q9e8y)

وأغنية كوكو واوا ،،!!


وكنت أتابع مسلسلات العصر على قناة قطر ،،

بواسطة الأريل طبعا،،،!!

وأتذكر شعار قناة قطر القديم،،!!

لي عودة مع الزمن الجميل،،!!
http://im16.gulfup.com/2012-01-25/1327503514841.jpg (http://www.gulfup.com/show/X36xcthl0xtq9)

[حرم علي]

نبض انسان . شو فيج راده ريوس شراتي ,, تنبشين في الماضي ؟؟؟
انا امووووت في هالرسوم .. ظهرت سنة 1979 سنة مواليدي

http://http://www.youtube.com/watch?v=--BpVEYKykg&feature=related

[نبض انسان]

هلا والله بأختى رذاذ عبدالله وأختى حرم على ..

يا الله ذكرتينى بالمسلسلات الحلوه والفوازير ايظا لاتنسين .. وهذه اغنيه كوكو واوا كنت اتخبل عليها بصغرى حلوه واااايد..
وقناه قطر كنا كلنا نشوفها من العصر لزقه بالتلفزيون ..

أختى حرم على ترانى راده رييوس , لانى صدق اشتقت لتلك الايام الحلوه , هقوتى من كثر البلاوى الى أنشوفها ها الايام صرنا نحن لايام اول , ترا كنا اصغار ومب شايلين مسوؤليه يهال ولاغيره..فهمتى على ..
انا عيل من مواليد 1982..

اذا عندج شى ثانى حطيه اختى حرم على ..
والصراحه اسعدتنى مشاركتج ..

[qla]

http://www.hawahome.info/uploaded/31032/1163406932.jpg
::::نبض انسان::::

رسينا معك على شاطئ الطفولة ـ ..

وتوقفنا في مواني البراءه..

فهوناً علينا أيتها المبدعه..

فبحر إبداعك يغمرنا أخيه ..



::::نبض انسان::::

سلمت أناملك غاليتي

وفي نهاية المطاف أقول:


وين أيامنا وين ...


وين قضينها...


راحت في غمضت عين ..


يامحلا ذكرها...

[نبض انسان]

تسلمين أختى على غلا على المروووووووووور..
دمتى بحفظ الرحمن ..

[حرم علي]

هالروج بتحصلين الشدّه ب 5
ليومج ماقدر استغنى عنه


http://im17.gulfup.com/2012-01-26/1327587429502.bmp (http://www.gulfup.com/show/Xw152l04secxd)


وهالبسكوت حصلتة في اسواق الامارت , وقلت بشتريه عن خاطري
و عكر علي الشقة بريحة الموز


http://im17.gulfup.com/2012-01-26/1327587429301.bmp (http://www.gulfup.com/show/X37bb174e5abr)

[رذاذ عبدالله]

http://www.youtube.com/watch?v=O_b_X1L-Kg0

[نبض انسان]

هالروج بتحصلين الشدّه ب 5
ليومج ماقدر استغنى عنه


http://im17.gulfup.com/2012-01-26/1327587429502.bmp (http://www.gulfup.com/show/xw152l04secxd)


وهالبسكوت حصلتة في اسواق الامارت , وقلت بشتريه عن خاطري
و عكر علي الشقة بريحة الموز


http://im17.gulfup.com/2012-01-26/1327587429301.bmp (http://www.gulfup.com/show/x37bb174e5abr)


حرم على انتى بالشارجه تقدرين اتحصلين الى تبينه من عند الايرانين ..
يختى اشتقنا لحلويات اول . كان لها طعم وريحه احلا من الحين ..

وها البسكوت ما كليته لانى ما أحب نكهه الموز مووووول ..

أسعدنى مرورج الغاليه..

[نبض انسان]

http://www.youtube.com/watch?v=o_b_x1l-kg0


سبحان الله أختى رذاذ عبد الله اليوم استمعت لهاى الاغنيه مع أغانى اخرى ايظا..
راح اظيفها الحين ..
اسعدنى مرورج الثانى بصفحتى ..

[نبض انسان]

حبيت اضيف لكم خوانى أغانى قديمه مالت الاطفال على ايامنا . عشنا معاها أحلا الايام


http://www.youtube.com/watch?v=oiQ6_jJeFm4

http://www.youtube.com/watch?v=-CYq5XXMjqc


http://www.youtube.com/watch?v=yRrUiW9pK1k

http://www.youtube.com/watch?v=UkjZiQaLens

ان شاء الله اتنال اعجابكم ..

[9amt el8alb]

والله ايام ما تنسى ابد باقيه بالذاكره

:heart:

ايام حلوه عشناها و بحلاتها للحيين في بالنا و الحنين لها يخليج و يكون بودج انج اتردين اتسوينها



ههههههههه


والله ما اعرف شو اقول **

الرسومات اللي عرضتيها كنا شو ما انسوي للكبار و شو نشتغل لهم عسب بس حزت ما تستوي ايخلونا انطالع و راعي الفلافل اللي ايمر علنا البيت عسب ناخذ من عنده سندويش فلافل و العصير الطويل و البسكوت ها العصر ، و الصبح فالدكان يلا محمد ابا واحد صمون بالبطاطس و الدقوس و الجبن ..



و حلاته يوم اتسير النخل نقعد انتف بهالوورود و نسوي بوكيه ورد و لا نقعد انمثل ناخذ ادوار هالممثلين و نقعد انمثل و نلعب و انغني و نتراكض و نتسبح بالحوووض .....


و ما ننسى البر لما انروحه و اليلسه عالعراقيب و الاكل متروس رمل من كثر المرافس و الحركه الوايده و نحن ياسين عسب ناكل و اهم شي اغنية ميحد حمد
^^ احب البر و المزيون ^^


و للبحر قصه احلى لما انسير و الكل يقعد ايمع من هالقواقع و يلاحق هالسرطانات و نتناقز لما اي المووج و نغطص روووؤسنا بالماي




ايام اترد الروح و الله و اتونس

** للعلم انا هالاشيا اسويها احيانا الحيين

^^



اشكرج فديتج عالموضوع الروووووعه فديتج

[9amt el8alb]

ما شاء الله عليكم هابين علينا باحلى الذكريات فديتكم


تدرون كل اللي تكتبونه كنت اعيشه ف اعجز اني اكتب بس اكتفي بالقرايه


و اللله سلمت اياديكم ع الذكريات الحلوة
,.,.,,.,.,

[نبض انسان]

والله فرحنى وايد ردك لموضوعى اختى .. وها الايام بظل فى بالنا اختى ما نقدر ننساها لانه الى ماله مضى ماله حاظر..

[نبض انسان]

السلام عليكم ورحمه الله وبركاته..

عوده الى موضوعى السابق عذرا لتأخرى بسب عطل فى الكمبيوتر ..وسبب مرض الم بى ..

بسبه ها الايام والبروده الحلوه والهواء القوى ها المنظر ذكرنى بسالفتنا لمن كنا اصغار .. سوينا الى مايستوى ؟؟
يبنا تواير سيارات وسيده البحر , وحطينا التواير بالبحر واحنا قعدنا بالنص متمسكين بتواير , ياربى روعه كان الموج قوى وكنا نترنح بها التواير يمين يسار جنا فى ملاهى .. صدقونى كانت تجربه حلوه وااايد..


وبعد كنا انسوى بيت من الطابوق بشكل حلو ومرتب وكنا انغطيه بالكنابل ..
انا كنت وايد احب اسوى ابيوت حتى فوق بيتنا سويت واحد كنا انحب نقعد داخل الابيوت,
الى نسويها بأيدنا ونشترى اكل واايد ونقعد ناكل داخل بيتنا المتواضع ..
وكنت ايامها احب اسمع اغانى مصطفى قمر خخخ متخبله ..
وبعد اغنيه عواليا اذا تذكرونها .. صدق كانت ايام حلوه...

اما المدرسه حدث ولا حرج ما كنت اذانيها مول وكل مره ايب لى عذر عشان ,
ما أروح للمدرسه وعمى وحليله مصدق انى مريضه وما يخلينى اسير المدرسه ..
بس امى لا اتقول هاى جدابه وتقعد اتسبنى خخخ بس الى براسى اسويه يعنى اسويه...


وبعد اذكر بأنى كنت احب اشوف أفلام من صغرى وحتى مسلسلات شفت مع يدتى الله يحفظها ,
عاد تدرون العيايز لمن يشوفون المسلسلات وجدا لازم يسبون اشوى متأثرين يعنى ..
عندكم يدتى مثلا كله اتقول الله يغربلهم , ها الجلب وها المفسخه ومن ها الكلام ..
والله انى احن لديج الايام خاصه بحظن يدتى الله يطول بعمرها..
ماخلينا مسلسل بدوى ولا مسلسل مدبلج خخخ ولا فلم ..
حتى فديتها لمن اتنش الفير عشان اتصلى اتشوفنى واعيه ما ضاربنى لا تقعد اطالع معاى خخخ

http://www.elcinema.com/photolist/5/f3e55426c0977adfda1c288761721667_123478082_101.jpg


http://www.elcinema.com/photolist/17/6e1fb381bcb421aeaa95b398f1bba706_123537661_101.jpg
ها شو ررايكم ^^

[نبض انسان]

http://www.bh-30.com/up1/uploads/images/bh30.comdf8785208d.jpg

كان ها مسلسل من ضمن المسلسلات الى كنت احب اشوفها بصغيرى ...

http://www.bh-30.com/up1/uploads/images/bh30.com4a5483ed9a.jpg

مسلسل هرقل يعنى ادمان كنت احبه عن جد ...

http://www.bh-30.com/up1/uploads/images/bh30.comf2c4e1cbaa.jpg

وها بعد كنت اتابعه على قناه السعوديه الانجليزيه..

http://www.bh-30.com/up1/uploads/images/bh30.coma6fcfef85d.jpg

هذا بعد كان يموتنا ضحك كنت احب اشوفه مع اخوى الله يحفظه ..

http://www.mishref-united.com/media/819904_l.jpg

عبدالله البرى وعبدالله البحرى ..

http://mtgry.com/fgopsx/amasi_dd08f4ec1a7562918e9d7529227df10f.jpg

وبعد فى أشياء ثانيه بس ما حصليتها .
وكنت أحب اتابع الافلام المصريه القديمه بالابيض والاسود..

http://www2.0zz0.com/2011/05/11/00/767373212.jpg

فلم العفاريت اول فلم شفته ..

حتى افلام هنديه شفت ماخليت شى ماشفته ..لانه أيامنا حلوه ومستحيل ترجع واتمنى انعود لديج الايام ...

[زماني كسرني]

أتذكر الكرة الملتهبة وسنان وإيكو سان ووادي الامان وكابتن الرابح وماجد وليدي وبومبا أبطال الديجتال و أناوأخي....
أيآآآآم بعد.....

:i like it: الموضوع يستحق المشاهدة....

[نبض انسان]

تسلمين أختى الدلع من شراااااااااااتى أفرحنى مروركم بصفحاتى المتواضعه...
والذى يفرحنى أكثر استمتاعكم بالمشاهده..

[نبض انسان]

السلام عليكم ورحمه الله وبركاته...

حبيت اراويكم اليوم المسلسلات الجديمه الى تابعناها وعشناها معاها كانت هادفه . وتعلمنا منها أشياء وايده...

http://www.youtube.com/watch?v=ci28xWUqQt8

مسلسل بدر الزمان..

http://www.youtube.com/watch?v=Ij2t32dSDxI

مسلسل المغامرون الثلاثه...

http://www.youtube.com/watch?v=DXKZglVQJcg

مسلسل خد وخل ..

http://www.youtube.com/watch?v=cb-xq27G2j8

مسلسل مدينه الرياح..

http://www.youtube.com/watch?v=PXN_QWo9Jg0

مسلسل أسوار ..

http://www.youtube.com/watch?v=MwqUFtaNcGA

مسلسل على الدنيا السلام..

http://www.youtube.com/watch?v=84oRaZHgOA4

مسلسل فايز التوش..

http://www.youtube.com/watch?v=j-eUWYJkQbQ

مسلسل الى امى وابى مع التحيه..

اتمنى انكم تستانسون معاى .. ومعى المزيد..

[سكتون]

السلام عليكم ورحمه الله موضوع حلو الصراحه منج اختي نبض نسترجع فيه احلى ايام الطفوله وهاي بعض البرامج اللي كنت اتابعها باستمرار

وحد ينسى هاي الرسوم كابتن راابح كنا نتريا العصر ونيلس حذال التلفزيون عشان تطلع
http://t0.gstatic.com/images?q=tbn:ANd9GcQ6XmthCVU-0TQ7_ZG_s8F9xYwaLz0qe5-VVF5Ot3iysomO96VpHg

برنامج الحصن

http://t2.gstatic.com/images?q=tbn:ANd9GcRub3lPLF8xyXpUY77NtwIod85Vm8t6yiXBGDCzYVf LSwSBaBrc




نحول
http://t3.gstatic.com/images?q=tbn:ANd9GcT7Ri4G_uaHD1E1GE5Q4DoZTBR8n91r5XIXzSxh-BcpoAIjAM_DKbcf684



http://t3.gstatic.com/images?q=tbn:ANd9GcRJZX0f3dRhk8dnYMSG4agF8idbmfHyvXKdzMSaqXX BW-i_k2Z9SA


(http://www.google.ae/imgres?q=%D8%B5%D9%88%D8%B1+%D8%B1%D8%B3%D9%88%D9%85+%D8%A8% D9%88%D9%85%D8%A8%D9%88&hl=ar&sa=X&gbv=2&biw=1024&bih=466&tbm=isch&tbnid=pxMrrRlkwbBVaM:&imgrefurl=http://www.saawa.com/vb/saawa108878&docid=-eh3E0vSf2i7QM&imgurl=http://www.saawa.com/vb/saawa/up/38894.bmp&w=270&h=262&ei=UQJBT46MIIfL0QXInaSPDw&zoom=1&iact=hc&vpx=357&vpy=136&dur=805&hovh=209&hovw=216&tx=53&ty=237&sig=115500664135639065790&page=1&tbnh=136&tbnw=138&start=0&ndsp=11&ved=0CEcQrQMwAg)
ايام حلوة صراحه ونشكرج نبض على طرح الموضوع

[نبض انسان]

تسلمييييييييييين اختى سكتون على المرووور الطيب...
ذكرتينى ببرنامج الحصن كان روعه واااااااااااااايد..
لمن كنا أنطالعه ودنا نلعب معاهم خخخخ..
العابهم حلوه واااااااااايد...

أسعدنى مرورك الطيب أختى ...

[غلا العشاق]

ياربي ذكرتني بأيام قبل
أنا أتذكرت كنت هادية
اممم
كنا نركب فوق يدار البيت ونشوف البنات وصبيان
فوق يدار المطبخ يوم نشوف أبوية نشرد عشان ما يهزبنا
امم تذكرت موقف كنت أنا و خواتي راكبين فوق اليدار عشان بنزل في بيت يارتنا
ونزلنا وسوبنا حفلة يوم ميلاد رجعنا ركبنا فوق اليدار وحليلني المسكينه ما أعرف أنزل من على نخله
جان أطيح واتعلق في الباب
اممم كنت أسير الدكان ويا بنات وصبيان الفريج
نشتري كاكاو وإيسكريم
امم كنا فليل نجتمع في الخيمة في بيتنا
ونربط الخيمة بحبال من داخل على شكل شبكة العنكبوت ونركب فوق الحبال يلي يطيح هو يخسر
يوم بتذكر برد أكتب
شكرا نبض أنسان أنج ذكرتينا بأيام الطفولة

[نبض انسان]

ماشاااااااااااء الله عليج شكلج كنتى اتحبين اتنطنيط فوق اليدار وايد بصغرج ...

حلوه ذكرياتج واااااااااااايد ... واذا ذكرتى شى أكتبيه اختى ..

أسعدنى مرورج الكريم...

[نبض انسان]

السلام عليكم ورحمه الله وبركاته..

تذكرت انه فى صغرنا كنا انحب نلعب لعبه غريبه اشوى ..
اذكر انه فى بيتنا جمن مدرجه اعتقد ست مدرجات وانا كنت ايب طش عود واقعد فيه ونتزحلط فى ها الطش من بدايه المدرجه من فوق لين تحت والله حلو وايد ..
واذكر بعد كنت اركب السيكل وانزل فيه من المدرجات خخخخ وايد كنت خبله ..

بس أكثر شى كنت أحبه روحه الجبل بروحى من الصبح بس قبل لا أروح الجبل كنت اسير الدكان واشترى لى بطاطس عمان وعصير أريج مال الفراوله ..
وبعدين سيده الجبل .. كان هدوء الصراحه فوق بروحى شرات الاقطاوه , وماكنت أخاف مووول قويه كنت..
وياما انضربت ضرب بسبه ها الاشياء الى كنت أسويها ..


ذكرياتنا حلوه وأنا أحب دوم اتذكرها , لانه لها طعم أحلا بوايد من الحين , أتمنى ارد صغيره اتمنى وايد,
بس المدرسه ماحد يطريها لى خخخخ كل مره ادور لى حجه عشان اغيب وريل أمى وحليله دوم يقولى غيبى عادى بس أمى لا كله اتقولى انتى جدابه مافيج شي خخخ كاشفتنى يعنى ..

وعلى فكره رسوم جونقر تطلع كل يوم فى قناه 7ستار الاردنيه الى يحب يشوفها ..
وبس ان شاء الله لى عوده..

http://www.youtube.com/watch?v=7pITf3-yFGQ&feature=related

http://www.youtube.com/watch?v=47QV1dkXl44&feature=related

[عقد لولو]

ذكرتيني و أنا بعد كنت مثلج خبلة ما خليت شي ما جربته من مغامرات وألعاب وحتى الجبل أتسلقه لين القمة ، وأحصل ضرب من أبوي بس ما شي فايدة بو طبيع ما يود عن طبعه ههههههههههههههه :sm148::صدق وناسة أيامنا مب شرات الحين ، بس إختي أبا أنصحج لا تحطين أغاني رسوم يمكن تأثمين منها

[وفوي المطاف]

ياسلام والله ايام حلوة

ماشي تلوث ولا قتل واغتصاب

كل الناس اهل واخوان

اتذكر اني كنت هادية وخجوله

وكنت اسير عند جارتنا انا وبيت جيرانا

تقريبا 4 اشخاص

اسير اشتريلي ذاك الشربت المثلج و لبن اب

واحلى شي ماروكو و ساندي بل وسالي وفوبلس الصغير

اممممم صبروني بذكر خخخخخخ

وبعد فلونه و شواسمها هاي اممم

فتاة المراعي و تيلي تابيز خخخخخ

كنت اسوي مناحه يوم يخلص

اتذكرهم كلهم

تنكي ونكي ودبسي ولا لا وبوه خخخخ

وكرندايزر وكابتن ماجد و لولو الصغيرة و مخمخ ومشمش

و النمر الوردي وامم

وايد اشياء بس مبعثرة بمخي خخخخ

صيروني برتبها وبرد لكم خخخخخخخخ

[صدام]

تسلمين يا نبض انسان على اهدائج الرائع والمتميز
ذكرتينا بأيام أول
أيام ما تنسا
نتمنى نشوف مواضيع مثل هالموضوع
وأحلا مسلسل عندي عيال بو جاسم
http://www.youtube.com/watch?v=s0EubqyMSm4 (http://www.youtube.com/watch?v=s0EubqyMSm4)

[صدام]

احسن رسوم قديمة



http://www.youtube.com/watch?v=tpTcNZNEzeU

[نبض انسان]

هى والله ايام ماتنسى مول ..
اختى ما اعتقد اغانى الرسوم فيها شي ..

[ماروكو]

هى والله ايام ماتنسى مول ..
اختى ما اعتقد اغانى الرسوم فيها شي ..

:rolleyes: امممم اعتقد انه حرام لان فيها موسيقى و الله أعلم

[انفاف]

والله العظيم اني بكيت وانا اقرا ردودكم
ذكر تينا بأيام الخوالي يا اختي نبض انسان
ما خليتو شئ كله قلتوه حتى عن الجبل وحنا عندنا قصر الذبا ء كل يوم طالعين ونازلين فيه يوم كنا صغار .......
نسيتوا رسوم متحركه وهي طم طم انا
اللهم اني اسالك حسن الخاتمه

[نبض انسان]

هى والله ماراح ننسى هاى الايام البرئه الى عشناها بدون هم ولا غم ولا فيها اى شى يكذرنا ..
تسلمون لى على المرور..

[انفاف]

لا تنسون رسوم متحركه كاليمرو وطم طم

[نبض انسان]

هى ماراح ننساها اختى راح اذرجها ان شاء الله..

[صمت_المشاعر]

اللـــــه يوم قريت موضوعج حسيت عمري رديت للورئ أيام. والله أهم شيء البراء
كنت اتخبل على كرتون سيده ملعقه وسالي وصاحب الظل الطويل
أحيد گُلَ عصر أترياا مال السبوسبا ?لليـ? ويا الدراجه ويقول " سبوسي سبوسي " أنا واخواتي نشتري ونحط دقووس وناكل واتذكر دوم. ألعب فالسكه ويا ربيعاتي " لعب العروس. واعدلهم وأمكيهم واخرب ويوهم أهم شيء كانوو يستأنسون ’’’ تذكرت قبل الوحده تقص شعرها يقصون رأسها وآنا قصيت شعر ربيعتي وثاني يوم أشوف الحرمه شاله بنتها وياي تشتكي عندي. أمي واشكره تقول حق أمي خذوها خلاص ما بيها هههههه وأمي جدامها ضربتني ضرب أاخ أيام ’’’ وتذكرت كنا دوم نشتري وقت المغرب لبن أب مثلج ونيلس فوق التله وناكل. صـح صـح تذكرت أيام كانوو يبون غطاء البيبسي ويعطون بيبسي فري گُلَ 100 غطاء بيبسي وكل وحده شاله جيس وندور فالأوسااخ يعي بس سبحان ?لِلـّھ ماكنا نمرض خخخخ.والله أيام صـح يوم ناس كانوو يون بيتنا يزوروناا بس يروحون كنت الحقهم إلا أروح وياهم خخخ. شكلي وآنا اركض ورئ سيارتهم خخخخخخ. أياااااام )؛

[نبض انسان]

خخخخخخخخخخخخ
وحليلج والله ذكرياتج حلوه , صدقج كنا انحب نتمشى مع الحريم ونسمع سوالفهم خخخ

[صمت_المشاعر]

هالمسلسل كنت انا واختي نتخبل عليه.. و نسووي المستحيل عشان نشوفه الله على زمن اول ياريته يعود :(




ماما نور


http://www.youtube.com/watch?v=2T7rf-AmkGM

[نبض انسان]

هلا والله اختى صمت ..

هى صح كان يطلع العصر بقناه قطر اعتقد وكنا وايد انحب انشوفه بشكل هب طبيعى ..

وها من ضمن المسلسلات الى كنا بعد نحبها



http://www.youtube.com/watch?v=PUNb5CH04Rk

http://www.youtube.com/watch?v=e_2EzPWg20w&feature=fvwrel

http://www.youtube.com/watch?v=hVpS-yFpgRo&feature=related

http://www.youtube.com/watch?v=QKB3yopJFgQ

اتمنى انهم يعرضونها الحين لانه هاى المسلسلات كانت حلوه وهادفه وايد..

[اماراتي وافتخر 40]

يوم اقول لج يا نبض دومي اخر الناس

ياالله....يا هي ذكريات....بيرين استانست انا كنت احبه وايد واليوم شكلي بنزله وبسهر عليه:sm142:

انا مالي وايد مغامرات بالطفوله....بس سوالف الكرتون والمسلسلات والحلويات كلها ماره علي

اتذكر مسلسل البخيل وانا مال فريد شوقي كان يعيبني

والشهد والدموع....احب رقيه وسبيجه ومحظوظه ومبروكه

سنان وفلونا وجنغر وجورجي وسالي وليدي ليدي وووو وكم وكم

كانت دنيا خفيفه وحلووووووووووه ولنفوس طيبه...واهم شي البساطه اللي كانت فيها...وكانوا كلهم موجودين محد خلانا

الله يرحم موتانا وموتاكم

[نبض انسان]

الله يرحمهم جميع مشكوره لمرورج عزيزتى ..

[هامور صـ غ ـير]

ياليت الزمان يعود يوماً ...

مضت سنوات طويلة على تلك الأيام

عشتها ببراءة الطفولة الجميلة

ذكريات ما زالت خالدة في الأذهان ولن تنسى أبداً


أتذكر دائماً تلك الأيام ونتحدث عنها أمام من كنا نلهو ونعلب معهم في تلك الفترة


مواقف رائعة .. مواقف طريفة .. مواقف محزنة لكنها جميلة عندما نتذكرها

نخترع .. نلهو ,, نمرح ’’ نكتشف


ياااه يا زمن ... يااااه يا أيام مضت في وقتها لكن لا تمضي من حياتنا فهي مسجلة وخالدة في أذهاننا


زمن جمــيل .. زمن تعلمنا منه الكثير ..

لقد كنا في ذلك الزمن أطفال الأمس .. وفي هذا الزمن نحن رجال اليوم


ستبقى خالداً في أذهاننا يا زمن .. ولن ننساك


خويكم هامور صـ غ ـير نقش بعض من حروفة هنا

أتمنى أن يروق لكم

وفي نهاية حديثي

شكراً لك يا نبض إنسان على موضوع كان أجمل من الرائع


لكم كل أحترامي وتقديري

[نبض انسان]

ومرورك كان الاروع أخى الكريم كم يسعدنى بأن يشاركنى مواضيعى المشرفين لأنه يسعدنى وايد بارك الله فيك..