اسباغيتى صينى عجيب^^

[نبض انسان]

السلام عليكم ورحمه الله وبركاته

الحمد لله والصلاه والسلام على سيدنا محمد وعلى آله وصحبه أجمعين الى يوم الدين..

المقادير ..

واحد كيس اسباغيتى
دجاج مفور ومقطع مربعات بدون عظم طبعا.
1 جزر مبشور
1 فلفل أخضر بارد مقطع طولى
2 بصل مقطع اصغار
صوص صويا
4 ملاعق نشاء الذره البودر مخلوطه مع 2 كوب من الماى
فلفل أسود
مكعب ماجى
ملح


أول شى نسلق الاسباغيتى فى الماى مع قليل من الملح والزيت ..

ثانى شى انيب الجدر الى سلقنا فيه الاسباغيتى ونحمس فيه البصل لين يحمر عندكم. ظيفو الدجاج ,والفلفل البارد ,والجزر ,وخلوهم على نار هاديه .. لين يذبلون عندكم.. وبعدين ظيفو صوص صويا الحلو تقريبا استكانه شاى , وبعد ظيفو الفلفل الاسود , والماجى , والملح ولازم تتذوقونه أتشوفون ملحه زين ولا لا , بعدين ظيفو الكوبين من الماى الى مخلوط فيهم نشاء الذره البودر. وخلوه يسخن اشوى ,اخر شى ضيفو الاسباغيتى .. وقلبوهم زين مع بعض..

http://www.alrams.net/up2/uploads/images/alrams.net-1ed7435563.jpg

http://www.alrams.net/up2/uploads/images/alrams.net-eb2e63e740.jpg


:i like it:

[ابو نهيان]

ماااا شااااء الله ع الطبخه
الغااااويه مشكووووره اختي

[نبض انسان]

العفو أخوى ابو نهيان ..

[نبض انسان]

سبحان الله وبحمده سبحان الله العظيم..

[رذاذ عبدالله]

طبق شهي،،
شكرا للمقادير والطريقة،
في انتظار جديدك دائما،
دمت بود،

[المها11]

يم يم ...
مشكورة على هذي الطبخة....

[نبض انسان]

العفو خواتى على المرور الطيب..

[MiNoOo 87]

و عليكم السلام و الرحمه . .

له له يا نبضوه . . خطيره هـا :p

شكل السباغيتي يشهي من الخاطر . .

http://alshohooh.ws/vb/images/s_ae/ax.gif

سلمت يمنـاج . . بانتظار يديدج دوم . .

ربي يحفظــج . .

[الـمـهـا]

عليكم السلام ورحمه الله وبركاته

تسلميين

والله يعطيج العافية

[نبض انسان]

تسلمون خو أتى على المرور الطيب

[دموع أنثى]

وعليكم السلام
هلاا وغلاا بنبوضتنا الغاليه
يمي يمي يمي شكل السباغيتي يشهي
وأكيييد طعمه لذيييييذ
تسلم إيدج ياقلبي ع الطبق الخطييير
ننتظر يديج من الأكلات

[نبض انسان]

وعليكم السلام
هلاا وغلاا بنبوضتنا الغاليه
يمي يمي يمي شكل السباغيتي يشهي
وأكيييد طعمه لذيييييذ
تسلم إيدج ياقلبي ع الطبق الخطييير
ننتظر يديج من الأكلات

خخخخخخخخ
أول مره حد يدلعنى حلو نبوضتنا وايد..
يختى عندى وايد وصفات بس تعب انزل خخخ من عقب سيدات الامارات خلاص ماقمت انزل شى ..

تسلمين لمرورج فديتج ..
شوفى انا وانتى وحرم على راح انسمى نفسنا بثولاثى المرح شو رايج..

[نبض انسان]

لرفع لعيونكم

[حرم علي]

خكاكه بعد ! عندج صحن ماركة بربري منو قدج ؟!
باجر بسوي هالطريقة عالغدا ملينا من العيش كل يوم كل يوم

[المروي 1]

مشكورة اختي نبض على الطبق الشهي

تحياتي انا واليران لج


هههههههههههههههههه

[نبض انسان]

ههههههههه
حرومتى ها صحن الوالده معطتنى 3 حبات بس ولا تم واحد والباجين انسرقو خخخ
المروى منو الجيران ليكون الايرانيه خخ

[اماراتي وافتخر 40]

نبض حبيبتي شايفه موضوعج قبل ودورته

طلعت طريقه المعكرونه من النت بس ابا اتأكد قبل لا اسويها دامج تسوينها ..تحطين بهارات مال البيت اوياها ولا بس الفلفل الاسود والصويا صوص...


والعيش الصيني شوه احسن الصويا صوص نحطيها عالخضره قبل العيش ولا فوق العيش احسن؟؟؟؟

ما عليه بتعبج اوياي:sm75:

[عذبه الشحوح]

يسلموااااااا على الوصفه ........ راح اجربها

[نبض انسان]

هلا اختى اماراتيه لا بس الفلفل الاسود والصوص صويا
والعيش الصينى حطى الصوص صويا مع الخظره احسن

[عنيدة]

تسلمي ع الوصفة تراااني اموت بالسباغيتي
ثانكس حبي

[آلجريح .،]

سويلي :(

[نبض انسان]

ياهى بلشه بها الجريح سير عرس والحرمه بتسويلك خخخ

[صمت_المشاعر]

تسلم اناملج غناتي ع الطبخه....

[نبض انسان]

الله يسلمج عزيزتى صموته