سن التقاعد للمراة

[نور الشمس]

السلام عليكم انا حبيت اكتب عن موضوع التقاعد وارجو ان يصل للمسؤولين والله حرام الحرمة ماتقدر تتقاعد الا عقب ما تكمل بالخدمة عشرين سنه ويكن عمرها خمسين لازم يخلو الحرمة تتقاعد على الاقل عقب ماتخلص 15 سنه مثل قبل مع العلم ان في بوظبي النظام عندهم تقدر الوحده تتقاعد عقب عشر سنين من الخدمة اذا كانت متزوجه وعندها عيال اتمنى هذا النظام يكون بكل الوزارات عشان يعطون فرصه للجيل اليديد خدمة الوطن بافكار جديده وطموحات وعشان الحرمة تتفرغ لبيتها وزوجها كفاية 15 سنه شغل وعشان لاينظلمون اليهال مع البشاكير.

[أبو حميد]

15 سنة كفاية ويخلون المجال حق الغير
اكهم يالسين فبيوتهم من كم سنة حرام العمر يطوف

[نبض انسان]

كلام صحيح 100%
وان شاء الله توصل رسالتج اختى ...

[اماراتي وافتخر 40]

الله يكتب ما فيه صلاح الامر

[*مسك الإمارات*]

الله المستعان يخلون التقاعد اختيار ي بعد 15 سنه احسن شي بصراحة انا صار لي 25 سنة اشتغل لظروف خاصة

[رملاوية 70]

والله أنا أناشد المسؤولين يشوفون لنا حل بها الموضوع لان هالشرط شرط تعجيزي ومستحيل نقدر نطلع تقاعد يقولون اللي مكمله 20سنة لازم يكون عمرها 46 واذا كملنا 21لازم يكون عمرنا 47وهكذا حتى نوصل ل50 حتى بغيت اكبر عمري بس ما قدرت فمن عنده حيله فاليحتال لان الوحدة منا خلاص يقل عطاءها ًً.....تعطي فالدوام وبالبيت وخاصة في حريم أزواجهم يشتغلون في العاصمة الحبيبة فكل اعباء البيت عليهم مثلي أنا اليهال والبيت والدوام الله يعيني *

[راك1]

الرجاء إيصال هذا الموضوع إلى الجهات العليا

[روضة]

أتفق معاكم ايكون 15 سنة

[سلالة ملوك]

شوفوا لنا حل الله يخليكم

[ميثاء عيسي]

وانا اضم صوتي ل 15 سنه بس

[*مسك الإمارات*]

المشكلة لاتقاعد ولاترقيات ماادري شويبون منا نسوي الله كريم