150 وظيفة في رأس الخيمة

[RAKBOY783]

150 وظيفة في رأس الخيمة

وام

يطرح معرض «رأس الخيمة للتعليم والتدريب والتوظيف»، الذي تنظمه شركة رؤية لتنظيم المعارض والمؤتمرات خلال الفترة من 24 حتى 26 من أبريل المقبل، نحو 150 وظيفة للباحثين عن عمل. ويقام المعرض في صالة مركز المعارض في رأس الخيمة، وفق مدير عام رؤية لتنظيم المعارض والمؤتمرات، عبدالناصر الذهب، الذي أضاف أنه سيتم توفير الوظائف في المعرض للباحثين عن وظائف في القطاعات والمؤسسات الحكومية وشبه الحكومية والخاصة عبر شريك التوطين الرسمي (إرشاد) في مختلف التخصصات لحملة شهادة الثانوية العامة والشهادات الجامعية والعليا من مواطني ومواطنات الدولة.

[وادي الخليج]

بالتوفيق ان شاء الله

[نبض انسان]

بالتوفيــــــــــــــــــــق ان شاء الله

[9amt el8alb]

بالتوفييق ان شاء الله

[بنت محمد]

شكرا على الخبر

[الجوهر الصافي]

والله كل سنه نسمع هالرمسه ونحن مانصدق نروح ونقدم ولا سمعت حد ان توضف

كل هالوضايف وهيه احسها يعني اونه نحن ونحن انوظف ولا طششه

قمه القهر يقولون بنتصل اكيد فيكم وخلاص يسون المقابله فالمعرض بروحه ونباكم ولاااااااااااطشه

هالسنه انا متجهزه بقول حقهم لو شي وظايف اكيد مب وهميه بنقدم ولو ماشي خبرونا عسب ماتفرون الاوراق فالزباله

لازم تكون هناك رقابه بصراحه مب منه والدرب يشاركون فالمعرض ويقصون عالناس

تدرون نحن اكثر اماره مافيها وظايف الواحد يقبل بأي راتب عسب يتوظف

[!! الــعــنــيــد !!]

ههههههههههههههااااااي
برأس الخيمة عاااد

إذا معرض أبوظبي قدمت فيه بكل مكان

دبـÐ̖́✗̲̮̲̅͡Β̗̀ـي قدمت فيه بكل مكان

الشارجة قدمت بععععد


و لهاليوم محد اتصل
تتوقعون رأك بحصل فيها شغل ؟!

[فروحة]

بالتوفييق ان شاء الله

[بنتـ DxB]

بالتوفيق ان شآْء الله

[نور الدنيا 2011]

كلام الجوهر الصافي صحيح والعام إتصلت في التنمية وسرت وبعده بكم يوم دقوا علي التنمية قلت ليهم أنا قدمت في كل مكان بس محد إتصل فيني وهل إنتوا إتابعوا كم عدد إلي توظفوا في المعرض قالت لي لا قلت ليها منو يقيم المعرض قالت ما أعرف ،بس فالحين يعطونا قلم ومذكرة ومدالية وفلاش وحلاوة كنا طلاليب

[ŜΨeeŤ ànglë]

بالتوفيج..~

[*مسك الإمارات*]

والله كل سنه نسمع هالرمسه ونحن مانصدق نروح ونقدم ولا سمعت حد ان توضف

كل هالوضايف وهيه احسها يعني اونه نحن ونحن انوظف ولا طششه

قمه القهر يقولون بنتصل اكيد فيكم وخلاص يسون المقابله فالمعرض بروحه ونباكم ولاااااااااااطشه

هالسنه انا متجهزه بقول حقهم لو شي وظايف اكيد مب وهميه بنقدم ولو ماشي خبرونا عسب ماتفرون الاوراق فالزباله

لازم تكون هناك رقابه بصراحه مب منه والدرب يشاركون فالمعرض ويقصون عالناس

تدرون نحن اكثر اماره مافيها وظايف الواحد يقبل بأي راتب عسب يتوظف


صدق والله لاوظايف ولاشي عيزوا:uae: اخواني يقدمون مافي فايده

[سفير جلفار]

ههـ,

قالوا 150 وظيفة قالوا

البطالي اللي بسير بخسر

فلوس للبترول + بكسر موتره بالشوارع + فلوس طباعة الاوراق المطلوبة + بتعب ظهره وأيده يوم يعبي الطلبات + بخسر رصيد يوم يتصل بالجهات يسأل عن رقم طلبه ...

والنتيجه سالب 0

[عاصفة الحب]

بالتوفيــــــــــــــــــــق ان شاء الله

[طاغيتهم]

بالتوفيج

[!! الــعــنــيــد !!]

حد منكم داوم ؟!
هه.

[*مسك الإمارات*]

الله يوفق الجميع وهم اهم شي عندهم إجادة اللغة الأنجليزية

[الجوهر الصافي]

الكل توظف ها


وين المسوؤلين والله مانبا مععرض توظيف دامهم جذابين لاتسون خلاص

[دم الفهد]

150 وظيفة

ورواتب على بين 4000 و 8000 شو الفايدة

المفروض من الحكومة المحلية تزيد الرواتب لتواكب الغلى الي حاصل بالبلاد

[زهرة رااك]

للاسف كلام بدون فعل

سلمت يمناك بو حمدان

[شحوح الدار]

كم رواتب
هع

[ولد راكـ]

يسوون معرض هالفاضي لا وظايف و لا هم يحزنون ...

ثالث سنة و ما تعلموا من اخطاء السنتين اللي طافوا اول يوم مخصص للطلاب
و تشوف الطالبات يايين و عادي مسوين زحمة للشباب ؟؟
وين التنظيم؟؟
و اليوم المخصص للطالبات ممنوع اي طالب يدش و يسجل ؟؟؟ كيف يعني ابا افهم ؟؟

حتى اكياس الهدايا مبخلين عليك السنة اللي طافت هههههههه
بس يعطوا البنات خاصة الاتصالات الا هو فلاش ميموري و قلاص
و اخر شي ما حد يتصل فيك ..

[boss55]

خبر قديم