أبي اعرف ليييش ؟؟؟؟

[admire]

السلااام عليكم ورحمته الله وبركاته


شخباركم أعضاء المنتدى ؟؟

بدون مقدمااااات حبيت اناقش معاكم في موضوع والله صرااحة قهرني والله قسم بالله أبي اعرف ليييش .. والله أبي اعرف ليش شباب بذات يرقمون شو يحصولن من ترقييييييم ؟؟ .. يعني مثل بقول لكم موقف صاار لي فالسوق كنت دااش محل وكاان في واحد مع أهله عااد أنا ما انتبهت له المهم كنت ما أهلي متغشية ومستورة ولا فيي شيئ للفت الانتباه المهم دخلت محل وصلني رسالة من ربيعتي قلت لنفسي يلا اشوف رسالة يمكن تبي شيئ فتحت قريت الرسالة قلت يلا بطرش لهاا رد وقاعده ادق زر الخياارات وصلني حد من البلوثوث يطلب مني الاستقبال و أنا بالغلط دقت على زر نعم المهم وصلني رسالة كنت محتاره افتحه ولا المهم فتحت تتوقعون شو شفت (( مكن السموحة ولا ورقم موبايله )) أنا أبي اعرف شو يبي يوصل يطرش لي رقم موبايله المهم مسحت الرساله وطنشته وطلعت من المحل .. وفي واايد موااقف صاار لي أنا أبي اعرف ليش أغلبهم يكتبون بالبلوثوثهم رقم موبايلهم شو يبون يوصلون أف والقهر
..اعتقد قبل سنة كنت مسافرة بالحملة وكان ويان بعض الشباب ومنهم شباب الرمس المهم بنت خالتي قالتني ممكن اطرشين لي بالبلوتوث شيئ نشيده قلتها انزين فتحت البلوثوث تتوقعون شو لقيت نصف بالبلوثوث أرقاام موبايلات آآخ والقهر شو يبون يوصلون ما أدري ؟؟؟ ... والمشكلة العوده في نااس من أهلي وأقرب ولد خالتي ولد عمي و وأخوي بروحهم يرقمون البنات ويوم أسألهم أنتواا ليش اتسون جي اتحسون بنات مال مقصة بصدقونكم وبتصلون فيك يعني تتوقعون شو رد لي سكتي ومالج خص انزين من حقي أسألك :sm11::sm11::sm11:... آآخ فسؤالي للشباب : ليش أنتواا تترقمون يعني شو تبون توصلون ؟؟؟ إذا كان في رد من قبل البناات عااادي لكم حرية الكتاابة ويلاا نبي تفاااعل

والسموحة

[أبو عبادي]

شر البلية ما يضحك
الي بيته من زجاج ما يحذف الناس بطوب
اذا كان رب البيت ضاربا بالدف فشيمت اهل البيت الرقص
المفروض البنت تتحذر من الكلام بالهاتف الجوال في الاماكن العامة وخاصة الاسواق لان الشباب للاسف يفسر ذلك نوع من لفت النظر له من البنت (آسف هذا الكلام للبنات التي تحب حفظ نفسها فقط)

[شـحيه و افتخر]

همممممم.. انا بقول لج راي

ترا الشباب فاضيين ما عندهم سالفه ..يرضونه لبنات الناس و ما يرضونه لخواتهم .. ما عندهم شي غيير المسابر و الحواطه بالسووق ما عندهم هدف بالحياه غير انهم يخربون سمعه البنات.. و يحليلهم البنات ما صدقوا بعض البنات ما يفكرون زين و عادي عندهم يستقبلون البلوتوث .. يعني الغلط مش للاولاد بس للبنات بعد .. الله المستعان


و السموحهـِ

[admire]

شر البلية ما يضحك
الي بيته من زجاج ما يحذف الناس بطوب
اذا كان رب البيت ضاربا بالدف فشيمت اهل البيت الرقص
المفروض البنت تتحذر من الكلام بالهاتف الجوال في الاماكن العامة وخاصة الاسواق لان الشباب للاسف يفسر ذلك نوع من لفت النظر له من البنت (آسف هذا الكلام للبنات التي تحب حفظ نفسها فقط)

صح كلامك وما قصرت بس حلووو لو نعرف من شباب إلي يرقمون ..~:sm115:

[admire]

همممممم.. انا بقول لج راي

ترا الشباب فاضيين ما عندهم سالفه .((.يرضونه لبنات الناس و ما يرضونه لخواتهم)) .. ما عندهم شي غيير المسابر و الحواطه بالسووق ما عندهم هدف بالحياه غير انهم يخربون سمعه البنات.. و يحليلهم البنات ما صدقوا بعض البنات ما يفكرون زين و عادي عندهم يستقبلون البلوتوث .. يعني الغلط مش للاولاد بس للبنات بعد .. الله المستعان


و السموحهـِ

معاااج حق
وخااصة يوم قلتي ...بس بداية يكون من شباب هم إلي بديين بالبلوتوث و شيطان ما يقصر يوسوس على بنت ويتصلووون بس أنا ما ألووم في بنات يحبون هالسواالف والله يستر عليهم تسلميين أختي على توضيح ونتريااا بااقي شباب

همسة : عاادي إذا كان وااحد يسجل بنك يديد ويرد على الموضوع إذا حاب يرد على سؤال لوول

[فديت دبا الحصن]

ضعف الوازع الديني اخــتي ..!!

انا بعــيني شفت بنتيــن يرقمــو واحد وهوو لابسنهم ....!! وشفت وشفت وشفتـ ...

اختــي سؤاء كانـو شبابـ اوو بنــاتـ كل حسب تربيتـه وخلقـه ..

[التـٍواديع ‘]

في الوقت الحالي انا اشوف ان البنات هم اللي يتحرشوون بالشباب ، يعني هب بس الشباب اللي يتحرشون بالبنات ، يعني اذا كانت البنت تبغى هالشئ فالولد اكييييد ما بيرفض واما اذا كانت البنت حاشمة عمرها وفكرت شوي انه حرااااااااااام والمسألة فيها سمعة فما بتتجرأ انها تسوي هالشئ ...

واعتقد ان الشباب يعرفون البنت اللي حاشمة عمرها والبنت ........................................ !!!!!


وهذا رايي ...!!

والسمووحــــه ....!

[admire]

تسلميين أختي على المرور ...~

[Her Highness]

الصراحه نادر ماان حد يتجرأ ويرقم الا اذا لقى مبادره من الطرف الثاني

مثلا الشكل النظره الضحكه الحركات هلاشياء اللي تشجع الشباب يبدون

ولا الاغلب لو مايتجرأ يكتفي بالنظر وااعتقد انه بيرقم وحده سايره مكان جله ملحه ومب حاطه شي فويها

وماتعبر لان فهالوقت البنات يركضون ورا الشباب مب مجبور يركض ورا وحده في مجال كبييييييييييييير تحرجه

وشي غيرها مليوووووووووووووووووون بترمسه وبتركض وراه وهي تضحك ومستانسه

واكبر غلط ان البنات يطلعون ويا ربيعاتهم وهم بفتره المراهقه يمكن تشوف ربيعتها تتقبل هالشي واكيد بتغار وبتقول

ربيعتي من احس مني ولا احلا مني ترمس وعندها حد يسأل ويهتم فيها وانا لا

وبعد مااعتقد ان في داعي بلوتوث اي وحده يكون مفتوح 24 ساعه لان ماله داعي ومااشوف له اهميه وخصوصا

فالاماكن العامه او حتى تشل تيلفونها بيدها وادقق فيه اللي تخق فبلاك بيري واللي ماعرف شو

ترا كلنا عندنا موبايلات و نقدر ناخذ اغلا الموبايلات وايددها

والله قبل كنت استغرب من الوالده الله يطول بعمرها اذا حد متصل بي وارد تحرج وتقولي بندي ولا ترمسين فمكان عام

بس لما كبرت فهمت معنى تصرف الوالده

وعرفت انت اذا ماله داعي ومافي شي ضروري ماارمس فالتيلفون

والسموووووووووووووووووووووووووحه طوووووولت


يسلمووووووووووو ع الموضوع

[:: ماجد ::]

ترا الشباب فاضيين ما عندهم سالفه
موب كل الشباب .. اقترح اضافة كلمة بعض قبل الشباب


ما عندهم شي غيير المسابر و الحواطه بالسووق ما عندهم هدف بالحياه غير انهم يخربون سمعه البنات
مستحيل في هذي الدنيا يكون فيه شخص نفس شخص ثاني بالضبط ..
بالعكس معظم العلماء كانو من الذكور ..
يعني معظم الشباب عندهم أهداف ..
انا ماقول بان كل الشباب عندهم أهداف لكن
انتي خليتي هدف واحد لكل الشباب .. وهو ان يخربون سمعة البنت !!


ثانيا .. انا مااعرف ليش الناس تشغل البلوتوث وهم موب محتاجينة . . اللي اعرفهـ ان البلوتوث خدمة للإرسال القريب .. وطبعا مع جعلها مفتوحة بدون هدف ( في مراكز التسوق مثلا ) بيخلص الشحن بسرعة ..
ومع التكرار المستمر بتضعف البطارية


تقبلي مروري ..\

ولو خليتي الرسالة اللي فيها الرقم وبلغتي أحسن لج ..

[الظـــي]

السلام عليكم ورحمه الله وبركاته..

انا برد عليج اتمنى صراحتي ما تزعلكم...
المهم..
الحين صاير العكس صدق والله كم مره يوم اسير اماكن سواء مراكز او شي..
اشوف البنات يبدووون بالغلط اللي حاشمه عمرها..وتعرف تقدر عمرها قبل لا الغير يقدرها
هاي محد يقدر يتجرا عليها...
وبعد البلوتوث شلكم فيه..؟
احس ماله داااعي نحن فاماكن عامه نفتح البلوتوث..
لو قام احد الشباب بترقيم البنات صدقووني شي بناات يبتسمووون ويشجعوون الشبااب
نحن يعني موافقين ع هالشي...من هالابتسامه ما تدروون شو يصير..
والللي متربي ع ادب واصوول بيتم مثل ماهو اذا حافظ ع عمره طنشي بالاخر هم الخسرانين..

يالله السمووووحه ع الاطاله والله يهدي الجميع..
اختج الظــــــــــي..

[admire]

الصراحه نادر ماان حد يتجرأ ويرقم الا اذا لقى مبادره من الطرف الثاني

مثلا الشكل النظره الضحكه الحركات هلاشياء اللي تشجع الشباب يبدون

معااج حق بس هذي يكون لمغازليين وأنا موضوعي يتكلم ليش شباب يحطون أرقامهم بالبلوثوت
كل شخص وله موبايل وله بلوثوت خاصة فيه بس شو عرفه طرف الثاني أنه هالبلوثوت لصاحب هالشخص

ولا الاغلب لو مايتجرأ يكتفي بالنظر وااعتقد انه بيرقم وحده سايره مكان جله ملحه ومب حاطه شي فويها

وماتعبر لان فهالوقت البنات يركضون ورا الشباب مب مجبور يركض ورا وحده في مجال كبييييييييييييير تحرجه

وشي غيرها مليوووووووووووووووووون بترمسه وبتركض وراه وهي تضحك ومستانسه

واكبر غلط ان البنات يطلعون ويا ربيعاتهم وهم بفتره المراهقه يمكن تشوف ربيعتها تتقبل هالشي واكيد بتغار وبتقول
صح صح هذي يحتااج لموضوع طووويل

ربيعتي من احس مني ولا احلا مني ترمس وعندها حد يسأل ويهتم فيها وانا لا

وبعد مااعتقد ان في داعي بلوتوث اي وحده يكون مفتوح 24 ساعه لان ماله داعي ومااشوف له اهميه وخصوصا

فالاماكن العامه او حتى تشل تيلفونها بيدها وادقق فيه اللي تخق فبلاك بيري واللي ماعرف شو

ترا كلنا عندنا موبايلات و نقدر ناخذ اغلا الموبايلات وايددها

بس أختي البلوثوت له سلبيات وإيجابيات يعني أحس البلوثوت واايد ساعدني يعني استخدمهاا يوم انقل الصور أو شيئ من موبايلي لين لابي بدون ما استخدم الوصلة
والله قبل كنت استغرب من الوالده الله يطول بعمرها اذا حد متصل بي وارد تحرج وتقولي بندي ولا ترمسين فمكان عام
أويد كلامج لأني أنا بعد كنت استغرب يوم الوالده تقول لي لا ترمسين فمكان عاام بس بعد ما كبر فهمت لأن أول شيئ يلفت النظر ثاني شيئ صوت المرأه عورهـ
بس لما كبرت فهمت معنى تصرف الوالده

وعرفت انت اذا ماله داعي ومافي شي ضروري ماارمس فالتيلفون

والسموووووووووووووووووووووووووحه طوووووولت


يسلمووووووووووو ع الموضوع

تسلميين على المرور ..~

[%غمـــازة%]

تسلمين الغاليـة عالموضوع المهــم....

خاطـــري حد من الشباب يجاوب على هالســؤال...


بقول موقف صارلي من كم يوم

بعدني راجعة من النـادي و واحد عنده كروزر فاتح الفل ليـــت، ما أعرف ليش ما اعرف كيف انتبه على و رجع لـف عندي

ما توقعته بهالجــــــرأة..

يوم بركنت و وقاعدة اخذ اغراضي حصلته واقف جدامـــي،، وقف سيارته جدام سيارتي و فتح الجامــة و يرقـــم

والله العظيم كان الأذان يقيم و هو يرقم،، خفت أهزبه و يتجرأ أكثـــــــر....

قلت بنفسي الله يهديك و إن شاء الله ما حد من إخوانـي يشوف الموقف لأنه ساعتهـا بتصير جريمـة...


الله يهديهــــــم إن شاء الله....

[إمـرأه لا تُنسـى]

السلام عليكم ورحمة الله وبركاته




عزيزتي /



الرجال والشباب جميعهم لديهم دوافع غريزية نحو المرأة .. وهذا طبيعي..

ولهذا امر الله تعالى الحجاب على المرأة والتستر.. حماية لها من الاذية ..


ولكن للأسف. تجدين بعض البنات .. لا يلتزم بالحاجب الشرعي بالشكل الصحيح ..

وبالاخير تقول لم يتحرش بي بعض الشباب ؟!!!


ولربما بعض الاوقات تظهر عليها بعض الحركات

التي تجذب اهتمام هؤلاء الفئة من الشباب ..

وعفوا ان اقول لك كما فعلتي انتي للتو :


بان تلعبي بالهاتف.. وانتي بالسوق..



انتي على نواياك والله يعلم بذلك..


ولكن


الناس من حولك .. هل يعرفون بنواياك ؟!!


قد تجدين في بعض الردود هنا ..

واول رد من الاخ ابو عبادي يوضح لك هذه النقطه ايضا بكل وضوح ..


لهذا حاولي ان تبتعدي من نفسك عن هذه الشبهات ..


التي تجعلك نقطة جذب انتباه لمن حولك..



ثاني امر


ما يدفع بعض فئة من الشباب الى هذا الفعل هو :


1/ قلة الوازع الديني .

2/ التربية .

3/ التقليد .

4/ تسلية وتقضية فراغ.

5/... الخ من الامور التي لا مردود لها صحيح ...لا لصاحبها ولا لغيره..

سوى السوء لنفسه ولغيره والاثم .





حفظك الرحمن

[غواص جديد]

الحسنة تخص والسيئة تعم
والتفاحة الفاسدة تفسد الصندوق كلة

[سماري]

الله يهدينا ويهدي اخوانا واخواتنا ويحفظهم ويستر عليهم
الصراحة اللي صاير اليوم شي غريب تحصل البنت طالعة للسوق تقول رايحة عرس بكامل زينتها والعياذ بالله والمصيبة الكبيرة اذا كان وياها ابوها ولا اخوها ولا زوجها طبعا البعض ,,,,
وهذا كله ما يبرأ الشباب طبعا مب الكل

[ملكة الزهور]

عزيزتي مومجال سؤال ليش لانه لو واحد اعطى رقمه لوحده يعني ليش مثلا راح يسأل عن عطرها
ياحياتي اعتقد تسائلك ليس في مكانه

[admire]

بالفعل هذاا ما يحدث ولكن ما نقدر نقول غير الله يهدي يميع
يسلموو على المرور ...~

[الغــزالة الشمالية]

الســـــــلام عليكم و رحمة الله و بركاته ....

صدق انا بنية و مب لازم ادافع عن البنات .... لازم ادافع عن الحق

جان حطيتي موضوع .... ليش نحط ارقامنا بالبلوتوث .. بدون لا

نقول شباب و لا بنات >>>>> لانه الحاصل الحين البنات يرقمون

و يسوون نفس الشباب .... سيم سيم

و يوم انا اروح السوق ابنده البلوتوث ما اخليه شغال

الا اذا كنت ابا اطرش لي شي ..... و السـموووووحه



الغزالة