معارض التوظيف كلام ضايع وخدعة للمواطنين!!!

[mona]

معارض التوظيف كلام ضايع وخدعة للمواطنين!!!



كنا ننتظر هذا المعرض من فتره وكثير من الشباب الخريجين ينتظرون هذا المعرض لكن للأسف المعرض مب للتوظيف للاذلال والاهانة والتقليل من قدراتنا
كله خرط بخرط والواسطه فوق القانون ..!

وحتى اللي مقدمين في محلية راس الخيمة يبون واحد توب بالانقلش كانه امه امريكيه يدش البنوك ..

وباقي الاماكن كلهم مساعد مبيعات وكاشير وتعبئة وتغليف .. شو وين يبون !!!

شباب وبنات توهم متخرجين بنسب حلوة وهاذي تكون شغلتهم ..؟

الحينه الفلبينيين يشتغلون في الكاشير لاشهاده لاجنسيه لاخبره
ونحن شهاده ومواطنين وتونا متخرجين وشغلتنا تكون نفسهم ..؟

انا ما اعييب ع الشغله نفسها .. وما الوم شيوخنا ألووم المسؤولين
الواحد كيف بيحصل ع شغل لين متى يلس يتريا؟؟؟

[ام محمد من راك]

لهذا السبب ما تعنيت للمعرض ..

غناتي كل شي فالدنيا نصيب

سواء رحتي قدمتي ولا ما قدمتي.. اعرفي وحطي فبالج شي واحد ..انه لو رب العالمين قدرلج الشغل وياهم تراج بتشتغلين ..

أهم شي انج ما اتحرين رووحج ولا تحرقين اعصابج..

[ولد راكـ]

انا رحت المعرض و اول يوم و كلي أمل ان هالسنة بكون غير بس للاسف اول قسم رحت الاتصالات ما عطاني سالفه و لا اخذ السيفي و لا حتى عطاني من هالاكياس اللي فيها هدية بس قالي زور هالموقع و سجل فيه ؟؟ ليش عيل فاتح و متعبين اعماركم هالفاضي و لاه كان ياكل بسكوته و طالعت من بعيد و اشوف الحبيب اي بنت تبا تسجل ياخذ منها السي في و يعطيها هدية بالرغم انه اول يوم ومخصص للطلاب و البنات ما ادري ليش يايين اول يوم ؟؟ الله كريم هالسنة مب شي ووايد دوائر غايبة و الجيش ما شاء , ماخذ المكان كله , الله كريم اختي و الله يرزقج بالوظيفة اللي خاطرج فيه

[الشاعر..]

الله كريم...

[TOY STORY]

أهم شي السيفي المقدم من طرف الطيبات مايكون فيه رقم تيلفون + الصوره .. لأنه ياخوفي تكون العواقب صعيبه ..

[النصوح-_-]

الله يرزقكم الوظيفة الحلال وبعيد عن الإختلاط

[نبض انسان]

انا لا سرت ولا قدمت ولا سويت شي ..
انا اتصلو فينى من فتره يبغونى كاشيره فى كارفور .. جان اقولهم لا والله يحلاتى وانا شتغل كاشيره آل

[أم حنان]

انا اشوف معارض التوظيف ما منها فايدة
بس يفتحونها عشان يسكتون الخريجين والخريجات

[مريم علي الكاس]

نعم غاليتـي منــــــى قد تكــوني أصبتي في رأيك جزء كبير من الصحة أغلب الأعمال مساعد مبيعات وكاشير وتعبئة وتغليف لمـاذا؟!!
فهمت من كلامك عن النسبة الجميلة أنك خريجة ثانوية عـامة أكملي دراستك الجامعية غاليتي

الإيمــان بالقضـاء والقدر شي لا بد منه

ولــكن يجب أن يفهم الخريجين أن يسعـوا للأسباب !

فمن الواقعية أن نعلم أن لـكل شي سبب فيجب أن نسعى للسبب

ليتحقق المطلوب..

نعـم نسعـى نحـضـر معـارض التوظيف و التدريب ، لانفــوت الدورات و نحــاول أن نكتسب الخبرات حتى و إن اضطرننا أن نعمل تطوعا لاكتساب تلك الخبرات .


اسعَ يا عبدي فلن تسعى إلا بإذني."
"اسعَ ياعبدي (http://www.se7r9.com/vb/showthread.php?t=43041)واسألني التوفيق"
"اسعَ يا عبدي واستعن بي أبارك سعيك"
"اسعَ يا عبدي ولا تنسَ ذكري"
"اسعَ يا عبدي وتوكل علي"
"اعقلها وتوكل"
"اسعَ يا عبدي وسلني أعطِك"
"اسعَ يا عبدي فإن خزائني لمن يسعى"



يجب أن تكوني مؤثرة لا متأثرة فالشكوى لغير الله مذلة .

بعـد اتباعك هذه التعليمات من خبرات ودورات وشهادة جــامعية بتخصص تحبينه لتبدعي فيه ستحتلين عمـل بمكان مرموق باذن الله


دمتم عـلى ربكم متوكلون

منتهى الكمال

[بحر الحنان]

(( الله كـــريم ))

[بحر الذكرى]

انا بعد ادريبهم ما بيسون سالفه فطنشت ولا رحت لهم

الله يرزقنا الوظيفه الزينه اللي نباها



في أمان الله

[خيماويه 1]

معارض التوظيف في الدوله = خرط ميمع تعال وإسمع

[ولد البحر]

الله كريم
حتى انا زوجتي قدمت وقالو لها بنتصل فيج واحنا نباج وإن شاء الله خير
ولين الحين محد اتصل لها ولا شي ومشكورة اختي ع الطرح ....

[حلم مكسور]

الله يعينكم الصراحه ... والله شي يقهر انك تشوف السيفيات مرميه على الارض بعد ما يخلص المعرض

[أسير أحزاني]

الله كريم

[✖ۈهمـ✖]

خسهم الله

لا يتعبون عمارهم ويسوون معارض

وانتو لا اتعبون عماركم واتسيرون لهم

خلوهم يفتحون المعارض ويسكرونهـآ وفي النهايه ما بيفتحون لأنه ماشي اقبال

[محمد اليتيم]

الواحد مايقطع الامل ويواضب ويسعى بالتي هي احسن



""تفائلوا بالخير تجدوه""



وكذلك على الجهات المختصه اخذ بعين الاعتبار الذي مقبل على وظيفه يريد ينفع نفسه ويخدم مجتمعه ووطنه




وطني عطاء مستمر

[الجوهر الصافي]

لازم بنروح ونتعنى ملينا من اليلسه فالبيت

نسعي وبنشوف لعلى وعسى

[حياتي و محلاها]

امسات شايفه وحده مواطنه اظن
كاشير فكارفور

[نور الدنيا 2011]

بس أريد أسمع حد إشتغل من وراء هذي المعارض الوهمية