تسجيل الدخول

مشاهدة النسخة كاملة : رَمْسَـآويّه وَكِلّيْ فَخَـْر فِـي سُـورْيَـآ . .


رمساوية وكلي فخر
15 - 8 - 2009, 12:55 AM
السلاآم عـليكم ورحمة الله . .


،


من متـى وانـآ اقول بنزل لكم صـور عن سفرتي لسوريـآ هالسنـة . .


الحين تقريبـآ من 3 اسـآبيع يـآيين وانـآ للحين مـآ نزلت شـي . .


مرتبـه الصـور ومعدلتنهـآ لكن مـب طـآيعه انزلهـآ الا لمـآ يشوفونهـآ اهلي اللي مـآ سـآروا ويـآنا . .


قلت يمكن انزلهـآ قبل مـآ اراويهم ويشوفونهـآ من المنتدى . . لكن انـآ مسويه مفـاجأه ومحطيه الصـور في الموفي ميـكر . . واليوم اتفيجت ورآويته لهم . .




تـاريخ الرحله : من 4 - 7 - 2009 م إلى 25 - 7 - 2009 م



http://www.deemuae.com/vb/uploaded/1165_01250279721.jpg
هذي الصـوره بنت خالي مصورتنهـآ مـآخذه الكـآم عني . . وهي يـآلسه عند الجنـآح وعند الجـآمه امـآ انـآ فـ في النص ><


http://www.deemuae.com/vb/uploaded/1165_01250279166.jpg
اول طلعه لنـآ على جبل قـآسيون . . تقدرون تشوفون دمشق كلهـآ


http://www.deemuae.com/vb/uploaded/1165_11250279166.jpg
هذا المكـآن يسمونه الجندي المجهول . . قبل كانت معركة او ثورة شي جي فـ الجنود اللي ماتوا وما عرفوا هويتهم دفنوهم هنـي . وكل سنة تمر مناسبه ويوون الكبـآر يزورون هالمكان . .
للعلم : صـآله كبيره موجوده تحت . .


http://www.deemuae.com/vb/uploaded/1165_01250279318.jpg
نهر البردى . لكن للأسف محد مهتم فـيه ><


السموحه الصـوره مهتزه لانه كنـآ في السيـآره -.-


http://www.deemuae.com/vb/uploaded/1165_11250279318.jpg
هذا القصـر بشـآر الاسد يستقبل فيه كبـآر المسؤولين . .


http://www.deemuae.com/vb/uploaded/1165_01250279505.jpg
مطعم أوبـاولين . صـرآحه رووعه حجزنـآ لنـآ صـآله كـآمله عسب ناخذ راحتنـآ =]


http://www.deemuae.com/vb/uploaded/1165_11250279505.jpg
السوريين اكثر شي مناسباتهم تكون يوم الخميس او الجمعه . . فهاليوم كـآن عرس وآحد < الله يهنيهم =]
في البنـآيه اللي حذالنـآ . . انـآ مـآسكه الكـآم واصـور وخالتي مـآسكه كاميرا الفيديو تصورهم خخ . .


اعراسهم بسيطه وما يكلفون لاعمـآرهم . . مرتاحين مـآِشالله . . يعني بس هـآجي يزفون المعـرس . . ويدخلون دآخل البنـآيه يتعشوون . .


> المعرس اللي بالنص . لابس كرفته بيضـآ خخ


http://www.deemuae.com/vb/uploaded/1165_01250279863.jpg


http://www.deemuae.com/vb/uploaded/1165_11250279863.jpg


http://www.deemuae.com/vb/uploaded/1165_01250279902.jpg
هذا في المسـآحه اللي تحت البنـآيه . . مـاشالله كلهـآ خضـرآ . .


http://www.deemuae.com/vb/uploaded/1165_01250280019.jpg
عندنـآ لووز :sm125:


http://www.deemuae.com/vb/uploaded/1165_11250280019.jpg
بالعافيـه علينـآ :aa_kashra:


http://www.deemuae.com/vb/uploaded/1165_01250282795.jpg


http://www.deemuae.com/vb/uploaded/1165_11250282795.jpg
هني كنـآ معزومين عند نـآس نعرفهم في الزبداني . . وهذي الزرآعه . .


http://www.deemuae.com/vb/uploaded/1165_01250280098.jpg
تجهيزات للذهـآب لـ صلنفه وكسـب . . بيّتنـآ يومين . .
> بـآمبرز حق علآوي ولد خالي :aa_kashra:


http://www.deemuae.com/vb/uploaded/1165_11250280098.jpg
الله لآ راواكم المكـآن اللي يلسنـآ فيه >< يلوع بالجبد . .


استاجرنا شقه دورين . . الدور اللي تحت موول مـب شي لآ مرتب ولآ منظف .


امـآ اللي فوق احسن . . [ مـآ حصلنا شقق ثـآنيه ماشالله الكويتين تـآرسين المكـآن ] الله يحفظهم .



اللي فوق يلس فيها خالي ومرته وولده وخالتي وبنت خالي


والبـآجي نحن تحت . . الحمدلله مـآ صـآر فينـآ شي . . يـآ كثرهـآ العنـآكب ><


يـآيه برقد ع السرير يهتز . . وفوقه عنكبوته . اطـآع السقف عنـآكب اشكثرهـآ >< والصـآله الغنفـآت كل وحده اخـس عن الثـآنيه . بس الحمدلله مـرت الايـآم على خيـر . . =]


http://www.deemuae.com/vb/uploaded/1165_01250280876.jpg
اطـآعوا الـ TV هالكـبر -.-


http://www.deemuae.com/vb/uploaded/1165_01250281355.jpg
افتقدنـآ TV ألشقـه -.-
كنـآ دوم نشوف عهد الاصدقـآء . فاتتنـا الحلقات بـ هالـ 3 ايـآم ><


http://www.deemuae.com/vb/uploaded/1165_01250281660.jpg


http://www.deemuae.com/vb/uploaded/1165_11250281660.jpg


http://www.deemuae.com/vb/uploaded/1165_01250281710.jpg


http://www.deemuae.com/vb/uploaded/1165_11250281710.jpg


http://www.deemuae.com/vb/uploaded/1165_01250281754.jpg


http://www.deemuae.com/vb/uploaded/1165_11250281754.jpg


هذي الصـور من فوق اليبـآل في صلنفه وكسب . .
الصـوره اللي قبل هالصوره اللي فيها الغيوم نـآزله . هالمكـآن بـآااارد ثللج .. وهوواا . .
مـآقدرنـآ ننزل . . حتى بصعوبه وصلنا المكان . اظنيه هذي اعلى منطقه في كسب . الغيوم تتحرك بسرررعه وعندنـآ يعني . الحريم مـآ نزلن لكن الريـآييل نزلوا وراكبين السيـآره ثيابهم كلها مـآي . كله من الغيوم .


والجمس اللي نحن رآكبين فيها يهتز بكبره من الهوا . وفي وآحد ويـآنا الجـآمه اللي ع الجنب في سيارته طـآحت عنه . .
والريـآييل من اشكـآلهم مـآ رايمين يودون عمرهم . وصعب يمشون من الهوا . .
مـا طولنا لانه بدت الدنيـآ تغيم وما نشوف شي . . بس ونـآسه =)


http://www.deemuae.com/vb/uploaded/1165_01250282031.jpg


http://www.deemuae.com/vb/uploaded/1165_11250282031.jpg
عقب نزلنـآ . ورحنا هالبحيره . . مـآذكر شو اسمهـآ


http://www.deemuae.com/vb/uploaded/1165_01250282147.jpg


http://www.deemuae.com/vb/uploaded/1165_11250282147.jpg
حد يبـآ ثووم ؟. مفيييد جدا للصحـه ^^


هذا برع مطعم تغدينا فيه في كسب . . شكلهم مقطعين الثوم ومعلقينه . .


http://www.deemuae.com/vb/uploaded/1165_01250282454.jpg
اطـآعوا عبـآتي كيف صـآرت .. عقب مـآ رجعنـآ من فووق .. >< عـآد هناك مآشي غسالاآت عدله . .


فاضطرينا انه نغسلها يوم بنرجع الشقـه


http://www.deemuae.com/vb/uploaded/1165_11250282454.jpg
بنت خالي مـآشالله شـآده حيلها وتغسل ويـآنا العبي والوقي يوم رجعنا . .


صح عندنـآ غسالات وشغـآله . لكنها وحليلهـآ مشغوله .


ومـآ غسلنا العبي بالغساله عسب مـآ تخترب . احسن باليد . .


[ سمّوا بالرحمن على شويخ بنت خالي ]


http://www.deemuae.com/vb/uploaded/1165_01250282924.jpg


http://www.deemuae.com/vb/uploaded/1165_11250282924.jpg


http://www.deemuae.com/vb/uploaded/1165_01250282978.jpg
آخـر طلعه لنـآ . . سرنـآ تغدينـآ في مطعم جنة بلودان فوووق في منطقة بلودان . .


والصـرآحه رووعه المطعم . . تحسون كانكـم في بلاآد خليجيه . . اغلبهم خليجين . .


http://www.deemuae.com/vb/uploaded/1165_11250283109.jpg
قـولوا مـآشِالله . .سمّـوا بالرحمن ع الفـلوس :aa_kashra:
> انشوفهـآ وآيد لكن لـو تردونهـآ لحسـآب الامـآرات . اقـل بوااااايد


http://www.deemuae.com/vb/uploaded/1165_01250283109.jpg
شـو هذا ؟. خمنت مليـون احتمـآل احسهم مـآ ينفعون . .


من فـوق في الطيـآره اغلب الوقت وانـآ اشوف هذا المنظـر .؟ طبعاً اسيـر صوب خالتي اللي يـآلسه عند الجـآمه واصـور . . -.-


اللي يعرفـه يخبرنـي . ! مـآ عندي اي معلومـه عنـه !!.


http://www.deemuae.com/vb/uploaded/1165_01250283265.jpg
سمـآ الامـآرات :uae:


http://www.deemuae.com/vb/uploaded/1165_11250283265.jpg
الرمـس دآر للمحبـة والإيمـآن . نترابط بحب وعلاقات وطيـده . < مـآ حافظتنهـآ :aa_kashra:


ووصلنـآ الرمس بسلاآم . .


كنت ابي اصـور اللوحه اللي مكتوب عليهـآ الرمس . . بس السواق مال المطـآر يـآيبنا مـآ يصير اقوله وقّف بصـور :aa_kashra:




والحمـدلله ع سلامتنـآ . . انشـآلله استانستوا ويـآيه في هالرحـله .


سوريـآ مكـآن ولآ ارووع . . عـآملوا اهلهـآ باحترام بيردون لكم باحترآم . .




همووسـه : تعبت وآيد وانـآ اسوي الموضوع . . يعني باختصـآر مـآ ابي ردود سطحيه . ابي رآيكم في الموضوع والصـور . .
أدري اني مـآ اعرف اصـور . . لكن انـآ ابي اراويكم [ سوريـآ ] . . =] . . والسموحه من اللي يتابعون خلف الكواليس ابي اشوف ردودهم =)
UM HZA3
15 - 8 - 2009, 01:36 AM
،
،

السلام عليكم ورحمة الله وبركاته

يا حـيآ الله صديقـي العزيـزه ^^

نورتي قـسم التصـوير بمشاركتج الطيـبه . .

ياا سلاآآم انا اشوف صور واآآيد =)

آآول شـي " الحـمدلله ع سلامتكم "

احييم وين صوغتـي :)

/ / بالنـسبه للصور

احس جوهم حلو كله خضـرا
حتـى زراعتـهم . .

انزين ابآ انا لوز <<< ما خلت شي ما طلبته *.^

الله يحـفظهآ بنت خـالتج =)

عيبتني صور مطعم جنة بلودان ^^

وسمآ الامارات طـبعآ ^_^

تسلميين حبوبه ع التغطـية الحلوه
ويعطيج الرحمن الف صحه وعآفيه


ف انتظار يديدج . . مب بس يوم تسافرون :@

تقبلي مروري البسـيط ^^

،
،
رمساويهـ قمر
15 - 8 - 2009, 01:49 AM
مرحبـآبج رمسـآويـه ..

الحمدللـه على سلآمتج ,,, نورتـي دآرج ^.^

الصـور رووعـه مـآ عليهـآ كلآم ’ كل صـوره أغوى عن الثـآنيـه ..

مـآشـآللـه عليـج ’’ أبدعتـي ..

فديتهـآ شويـخ ’’ ربي يحفظهـآ يـآآآآآآرب ..

مشـكووووره الغـآليـه , وربـي يعطيـج ألـف عـآفيـه ..

نتريـآ يديدج ..
Bo 3@bdallah
15 - 8 - 2009, 02:53 AM
الحمدلله على السلامه اخت رمساويييييه
كيفهن أهل الشام
ان شاء الله انبسطتي ف السفره >> شفيك تخبط سوري هع

اهم شي انكم غيرتو جو وشردتوا من حرر الامارات ..

شكرا على الصور الجميله واللقطات الرائعه

>> بس انقهر يوم اشوف الصور صغار >> ابا اسرقهم ههه

بس نقصج شي فالتغطيه ..
كان المفروض تحطين لنا نبذه عن اهل الشام وعن بلدهم وحضارتهم

وما حطيتي لنا صور من الآثار اللي عندهم >>> ولا مارحتي ..

ولا رحتي القلاع و.. و .... و ....


وكنت اتابع الموضوع اتريا متى اوصل للصور الليليه لدمشق من فوووق ..

بس ان شاء الله المرات اليايه ماتخلين لنا شي ماتصورينه ..

يعطيج العافيه .. وووو الحمدلله على السلامه مره ثانيه
أصدآء
15 - 8 - 2009, 03:40 AM
السلام عليكم ورحمة الله وبركاته..
تقرير جميل يا رمساويه والصور جدا جميله والحلو أنج أضفتي تعليق على كل صورة..
باين أن الرحله كانت حلوه..أهم شي انكم شردتوا من الحر..:sm133:
بس كيف رقدتي والعناكب حواليج..؟:sm105: لو منج ما برقد لوووول..
alrams
15 - 8 - 2009, 02:55 PM
تقرير جميل .. تمنينا نشوف صور من الحضارات الي صارت عندهم ^^ .. في انتظار رحلات قادمه وصور يديده
رمساوية وكلي فخر
15 - 8 - 2009, 02:56 PM
أم هـزآع



،
،

السلام عليكم ورحمة الله وبركاته

يا حـيآ الله صديقـي العزيـزه ^^

نورتي قـسم التصـوير بمشاركتج الطيـبه . .

ياا سلاآآم انا اشوف صور واآآيد =)

آآول شـي " الحـمدلله ع سلامتكم "

احييم وين صوغتـي :)

/ / بالنـسبه للصور

احس جوهم حلو كله خضـرا
حتـى زراعتـهم . .

انزين ابآ انا لوز <<< ما خلت شي ما طلبته *.^

الله يحـفظهآ بنت خـالتج =)

عيبتني صور مطعم جنة بلودان ^^

وسمآ الامارات طـبعآ ^_^

تسلميين حبوبه ع التغطـية الحلوه
ويعطيج الرحمن الف صحه وعآفيه


ف انتظار يديدج . . مب بس يوم تسافرون :@

تقبلي مروري البسـيط ^^

،
،



الله يحيج ^^ . .

هههـ . . عندي صور غيرهـن لكن تعبت وانـآ اعدلهن ><

لكن حطيت لكم من كل مكـآن سرنـآه =]

الله يسلمج . . هذي صوغتج تزقرج باسمج لوول ^^

السـموحه مـآ اعطي حد هههـ . . > سوآلف ^.*

ويحفظ اليميع يـآرب =]

تسلميـن عزيزتي ع مرورج =]
رمساوية وكلي فخر
15 - 8 - 2009, 02:59 PM
رمساويه قمـر


مرحبـآبج رمسـآويـه ..

الحمدللـه على سلآمتج ,,, نورتـي دآرج ^.^

الصـور رووعـه مـآ عليهـآ كلآم ’ كل صـوره أغوى عن الثـآنيـه ..

مـآشـآللـه عليـج ’’ أبدعتـي ..

فديتهـآ شويـخ ’’ ربي يحفظهـآ يـآآآآآآرب ..

مشـكووووره الغـآليـه , وربـي يعطيـج ألـف عـآفيـه ..

نتريـآ يديدج ..


ربي يسلمج . . والنور نوركم =]

ويحفظكم ان شـآء الله . .

تسلمـين ع مرورج . . نورتي الموضـوع =] . .
رمساوية وكلي فخر
15 - 8 - 2009, 03:08 PM
الحمدلله على السلامه اخت رمساويييييه
كيفهن أهل الشام
ان شاء الله انبسطتي ف السفره >> شفيك تخبط سوري هع

اهم شي انكم غيرتو جو وشردتوا من حرر الامارات ..

شكرا على الصور الجميله واللقطات الرائعه

>> بس انقهر يوم اشوف الصور صغار >> ابا اسرقهم ههه

بس نقصج شي فالتغطيه ..
كان المفروض تحطين لنا نبذه عن اهل الشام وعن بلدهم وحضارتهم

وما حطيتي لنا صور من الآثار اللي عندهم >>> ولا مارحتي ..

ولا رحتي القلاع و.. و .... و ....


وكنت اتابع الموضوع اتريا متى اوصل للصور الليليه لدمشق من فوووق ..

بس ان شاء الله المرات اليايه ماتخلين لنا شي ماتصورينه ..

يعطيج العافيه .. وووو الحمدلله على السلامه مره ثانيه


الله يسلمك أخ آيـد < ههههـ يعني قـآيد . .

منيحين اهل الشـآم بيسلموو عليك . .

هي والله شـردنـآ من الحـر هنيه . . >< كل حد يقولنـآ تمـوا هنـآك -.-

ممم أي صـور صغـآر تقصد ؟ اللي ع الخلفيه السودآ . ! السرقـه حـرآم ههههـ . .

الحين انتبهت انـي مـآ حطيت شي عنهـآ -.- يلاآ مـآعليه انشـآلله في سفـرآت ثـآنيه . .

وبالنسـبه للآثـآر اللي عندهم . . مـآ سرنـآ ولآ مكـآن . >< كنـآ بنسير مسجد الامويين شي جي عند سوق الحميديه اظنـيه بس زحممه كله ايرانيين ><

وهالـ 3 اسـآبيع مـآ كفتنـآ -.-

الله يسلمك . . وتسلم ع المـرور =]
رمساوية وكلي فخر
15 - 8 - 2009, 03:10 PM
شمس الوداع




السلام عليكم ورحمة الله وبركاته..
تقرير جميل يا رمساويه والصور جدا جميله والحلو أنج أضفتي تعليق على كل صورة..
باين أن الرحله كانت حلوه..أهم شي انكم شردتوا من الحر..:sm133:
بس كيف رقدتي والعناكب حواليج..؟:sm105: لو منج ما برقد لوووول..



وعليكم السلاآم ورحمة الله . .

مـرورج الأجمـل =]

هي الحمدلله استانسنـآ فيهـآ . . والود ودنـآ نتم اكثـر -.-

مـآ خليت اذكـآر مـآ قلتهـآ ولآ سوره حافظتنهـآ مـآ قريتهـآ -.-

تسلمين عزيزتي ع المـرور . . =]
رمساوية وكلي فخر
15 - 8 - 2009, 03:12 PM
Alrams


تقرير جميل .. تمنينا نشوف صور من الحضارات الي صارت عندهم ^^ .. في انتظار رحلات قادمه وصور يديده

مـآ سرنـآ نشـوف حضـآراتهم وبعض الاثـآر . .

انشـآلله في رحلآت قـآدمه ^.^

تسلم الشـيخ ع المـرور . . =]
Just_me
15 - 8 - 2009, 04:48 PM
تقرير ولا اروع

وتصوير ولا احلى

مناظر وصور فنانة

رحلة فنتكية بانضمام عضوة افنتك

بسم الله الرحمن الرحيم على شويخ وعلى البيزات وعلى كامريتج وعلى كاميرتج ولا على كل شي

الكلام وايد بس صج عيبني الموضوع

وشكرا
ام خماس
15 - 8 - 2009, 05:34 PM
الحمدلله على سلامتج

وتسلمين ع التصوير الحلو

وتقبلي مروري : ام خماس
patchena
15 - 8 - 2009, 07:57 PM
اول شي الحمد لله على سلامتج ولو اني متأخره

ثانيا : وناسه الصراحه احس المناظر اللي مصورتنها ولو كثرتي من الصور بعد احلى

ثالثا: عزيزتي لا اتحكمين على نفسج انج ما تعرفين اتصورين بالعكس بدايه حلوه منج وعيبتني الصراحه خلج واثقه من عمرج

رابعا: تسلمين الغاليه على طرحج الرائع وما زلنا ننتظر كل ما هو جديد لكي وفقي الله دوما

كانت هنا ~~Patchena ~~:am girl:
رذاذ عبدالله
15 - 8 - 2009, 11:00 PM
الصراحة من الصور أحس إني سافرت وياج سوريا،،
الله يهنيكم،،
وشهيتينا باللوز،،
سلمي ع بنت خالج،،
مشكورة ع الصور الحلوة،،
حكومي
15 - 8 - 2009, 11:13 PM
الحمدلله عالسلامه

ماشاء الله التقرير ماعليه كلااااام والصور جميله لانها من تصوير اختي رمساويه وكلي فخر ^^

والصرااااحه المكااان يهبل

تسلمين اختي رمساويه عالتقرير الراااااااائع والمرتب

ربي يعطيج الف عافيه
miss cheerful
16 - 8 - 2009, 12:32 AM
السلام عليكم ورحمة الله وبركاته ..
الحمدلله ع السلامة >> ترا هاي ثاني مرة أقولها :sm133:>> بذلين البنيه وحليلها ما تسوى عليها هالسيره :sm114:
بصراحة عشت كل صورة جني أنا المصورة مب إنتي لوووولز :aa_kaaak:
أبدعتي صراحة ..ونترقب منج الزود :sm111:
وبالنسبة لصورة الوردة أدري إني أنا المقصودة :sm141:>>لا تصدقين نفسج وايد :sm142: :sm115::aa_kaaak:
و لا تحرمينا مرة ثانية من يديد تصويريج :coool:
رمساوية وكلي فخر
16 - 8 - 2009, 01:38 AM
Just_me



تقرير ولا اروع

وتصوير ولا احلى

مناظر وصور فنانة

رحلة فنتكية بانضمام عضوة افنتك

بسم الله الرحمن الرحيم على شويخ وعلى البيزات وعلى كامريتج وعلى كاميرتج ولا على كل شي

الكلام وايد بس صج عيبني الموضوع

وشكرا


مـرورك الأروع =]

تسلم ومـآ تقصر . .
رمساوية وكلي فخر
16 - 8 - 2009, 01:39 AM
أم خمـاس




الحمدلله على سلامتج

وتسلمين ع التصوير الحلو

وتقبلي مروري : ام خماس




ربي يسلمج وتسلمين ع المـرور =]
رمساوية وكلي فخر
16 - 8 - 2009, 01:42 AM
patchena



اول شي الحمد لله على سلامتج ولو اني متأخره

ثانيا : وناسه الصراحه احس المناظر اللي مصورتنها ولو كثرتي من الصور بعد احلى

ثالثا: عزيزتي لا اتحكمين على نفسج انج ما تعرفين اتصورين بالعكس بدايه حلوه منج وعيبتني الصراحه خلج واثقه من عمرج

رابعا: تسلمين الغاليه على طرحج الرائع وما زلنا ننتظر كل ما هو جديد لكي وفقي الله دوما

كانت هنا ~~Patchena ~~http://www.alrams.net/forum/images/alramsicon/am%20girl.gif


الله يسلمج =]

عندي صـور زيـآده . . بس تعبت وانـآ اسويهن ><

صح رمسـتج -.-

تسلمـين خيتـو ع المـرور نورتـي البقعـه . . =]
رمساوية وكلي فخر
16 - 8 - 2009, 01:43 AM
رذاذ عبد الله


الصراحة من الصور أحس إني سافرت وياج سوريا،،
الله يهنيكم،،
وشهيتينا باللوز،،
سلمي ع بنت خالج،،
مشكورة ع الصور الحلوة،،

افـآ عليج . تعالي عندي اللوز موجود . . ^^

يووصل انشـآلله . . مـآ بتعرفج عـآد خخ

تسلمـين ع المـرور . .نورتي الموضـوع . .
رمساوية وكلي فخر
16 - 8 - 2009, 01:44 AM
حكومـي


الحمدلله عالسلامه

ماشاء الله التقرير ماعليه كلااااام والصور جميله لانها من تصوير اختي رمساويه وكلي فخر ^^

والصرااااحه المكااان يهبل

تسلمين اختي رمساويه عالتقرير الراااااااائع والمرتب

ربي يعطيج الف عافيه

الله يسلمك . .

تسـلم الشـيخ ومـآ تقصر . .

وربي يعطيك العـآفيه =]
رمساوية وكلي فخر
16 - 8 - 2009, 01:46 AM
miss cheerful


السلام عليكم ورحمة الله وبركاته ..
الحمدلله ع السلامة >> ترا هاي ثاني مرة أقولها :sm133:>> بذلين البنيه وحليلها ما تسوى عليها هالسيره :sm114:
بصراحة عشت كل صورة جني أنا المصورة مب إنتي لوووولز :aa_kaaak:
أبدعتي صراحة ..ونترقب منج الزود :sm111:
وبالنسبة لصورة الوردة أدري إني أنا المقصودة :sm141:>>لا تصدقين نفسج وايد :sm142: :sm115::aa_kaaak:
و لا تحرمينا مرة ثانية من يديد تصويريج :coool:

وعليكم السلاآم ورحمة الله . .

الله يسلمج . هههـ مـآ عليه ^^

^^

ههههـ لآ هذي انـآ . . هـآع . . انتي انتي ولآ يهمـج . .

تسلمين عزيزتي ع المـرور =]
admire
16 - 8 - 2009, 01:48 AM
أول شيئ مبرووك على ترقية >> الأخت كلما يايه اتبارك ما تلقى له فرصة لوول
الحمدلله على سلامة
إن شاء الله استأنستوا هناااك
اشوف الأجوااء هناااك حلووو ورائع جدااا
ليش ما يبتي لي شيئ من هناك خلاص زعلت لووول >> السوالف
تسلمين فديتج على تصوير
رمساوية وكلي فخر
16 - 8 - 2009, 01:58 AM
لقيت روحـي




أول شيئ مبرووك على ترقية >> الأخت كلما يايه اتبارك ما تلقى له فرصة لوول
الحمدلله على سلامة
إن شاء الله استأنستوا هناااك
اشوف الأجوااء هناااك حلووو ورائع جدااا
ليش ما يبتي لي شيئ من هناك خلاص زعلت لووول >> السوالف
تسلمين فديتج على تصوير




الله يبـآرك فيج . .

الله يسلمج . .

الحمدلله استانسنـآ =]

وهذي صوغتـج . موجوده ^^

تسلمين ع المـرور . .
شجون الحبـ
23 - 8 - 2009, 05:14 AM
رووووووووووعه المكاان ,, اباااااااا لوز مال سوريا اكيد غير ,,هههههههههههه..
والعبايه حليلهااا كيف استوت وين سايره .. بس وناسه الصرااااحه ..
يبالي سيره ل سوريا كشخه
رمساوية وكلي فخر
23 - 8 - 2009, 06:16 PM
شجون الحـب


رووووووووووعه المكاان ,, اباااااااا لوز مال سوريا اكيد غير ,,هههههههههههه..
والعبايه حليلهااا كيف استوت وين سايره .. بس وناسه الصرااااحه ..
يبالي سيره ل سوريا كشخه

ههههـ . . اذا سـرت مـره ثـآنيه بييب لج انشـآلله ^^

هـي وحليلهـآ عبـآتي تشتكـي من الغبـآر عقب مـآ رجعنـآ من اليـبل في كسب . .


تسـلمين ع المـرور =]
RAKBOY783
20 - 10 - 2009, 05:39 AM
يسلمو ع التصوير