قصة مريم حبيبتي

[مسكينة يا انا]

السلام عليكم ورحمة الله وبركاته ......


اعزائي


سأكتب لكم قصة ألم صديقتي واختي الرائعة بطرحي



هي اخبرتني بما حصل لها واستأذنتها ان كان بأمكاني ان اسردها هنا فماكان منها الا ان لاترفض لي طلب




عذراً حبيبتي ((مريم)) .....

الى الأن لم يكفتي الدهر من تهميشك وتدميرك تارةً ومره يعيد بنيانك ليزيد عليك ألمك

عزيزتي أعلم بأن الذي بداخلك لا يقاسيه احد وانكِ انتي فقط التي تعاني و يتعصر قلبها

اهٍ يا اخيه كيف لهذا القدر بأن يكون عليك جبار لهذه الدرجه

اهٍ كم قلتيها دون ان يشعر بكِ احد ...

اكتب الآن وقلبي يتقطع عليك ..اقسم ان بأعماقي من سطوة القهر م يكفي فكيف انتي حبيبتي


عذراً حبيبتي ((مريم))

لا اعلم ما المسمى الذي يجب ان يُطلق على ذاك الشي اعلم انه عين الطأ ان قلت بأنه انسان
لم يستحق يوماً بأن يكون اب لكِ و ل اخوتك او حتى زوج ل ولدتك

فكيف لمثل ذاك بأن يكسر كل معنى للبراءة و الطفولة بقوله انتِ كاذبه !!


لا ادري هل هو من جنس بني البشر !! ولكن كيف لا وهو الذي لا يصلي ولا يزكي


لم تكوني يوما مثلنا كنتي دائما تضحكين معنا ولكنك كنتي ترين بأن مواضيعنا سخيفه و في مة السخافه

لازلتي طفلة يامريم ولكن طفلة تحمل ثقل و هم كبيرين

فماضيكِ مرتبط ب مستقبلك فضلا عن انه دُمر


قالت لي ماحصل لها فالمدرسه بكت بكاءًا هستيرياً لا اعلم ما سببه

تركت الحصه و الدرس وذهبت راكضتاً لها

وجدتها رامية بجسدها في الممر وهي تبكي اخذتها للمصلى

احتضنتها قرأت عليها بعضاً من آيات القرآن الكريم

وقالت لي المصيبه

اهٍ حبيبتي كل هذا ف اعماقك ظانتي تلك الصامته

تظلين صاحبت الشخصيه القويه و القياديه والجميله المرحه بأعين الجميع الا بعيني





ملاحظه: هذي قصة ربيعتي حقيقيه واتمنى محد ينقلها احتراما لرغبة صاحبة القصه وهي احد اعضاء منتدى الرمس يعني منكم وفيكم



سأكمل لكم القصة لاحقا احبتي

[رذاذ عبدالله]

شكـرا لسردك المميز للقصة،،
أسعدني الحضور بين مدادك،
دمتم بسعادة لا تنضب،

[نبض انسان]

شكرا اختى على القصه بس شو سالفتها بالضبظ

[مسكينة يا انا]

إليكم قصة مريم .....

سبب بكاءها :.فالحصه الأولى كانت عندنا حصة دين وكانت المعلمه تناقشنا حول الزنا و هذي الفواحش طالبة من الطالبات قالت واذا وحده اغتصبها واحد بس اكثر من مره وهي ماتبا هالشي يصير لها المعله قالت : مافي شي يصير غصبن عن الوحده
وهذي الي اكثر من مره يعتدي عليها برغبتها المره الثانيه والثالثه قاطعتها مريم وقالت :وان كانت طفله ماتفهم .قالت لها : مافي شي اسمه ماتفهم لو عمرها 3 سنين بتحس انه غلط وتتكلم

............................................
اهٍ يامعلمتي لم تكوني تعلمين اثر وقع هذه الكلمات على مسامع مريم كنتي جدا قاسيه معها .

تمالكت نفسها للحصه الرابعه و انفجعت بعدها وحدث الذي حدث



مريم يكفيكِ صمتاً


http://1.bp.blogspot.com/-VY2TVTyx9JA/TgSyeX_gbVI/AAAAAAAAAkI/REId8o83Ryo/s1600/247079_178784708846237_174125659312142_478212_3463376_n.jpg





ف المصلى

....قلت لها :مريم شفيج ! ليش تصيحين شصاير ؟؟

كانت تتكلم وهي تصيح و وجها كله دموع ما فهمت كلامها عدل

هديتها و عقب قالتلي

تخيلي لو عمج اعتدى عليج مره مرتين سبع ولا عشر مرات وانتي عمرج 4 سنين وكان يهددج اذا تكلمتي وقلتي ل اهلج شو ممكن تسوين

قاطعتها فكلامها وقلت لها تقصدين منو من هذي الي تتكلمين عنها

قالت : هذي انا يا ..... انا

وقتها حسيت بدوخه وفنفس الوقت بكيت

قالتلي متى كانت اول مرة الي مستحيل انها تنساها فيوم

قالت كنت ألعب مع بنات الحاره و الجيران و هو زقرني سرت له عطاني حلاوة وفرحت خذاني لحجرته و سوا الي سواه وانا والله اني ما اعرف شي وقتها ولا افهم فهذي المواضيع شفت دم خفت قلت من منو هالدم مني !! بطبيعتي كطفلة اول ماتشوف الدم تبكي و هو يكتم صوتي بأيدينه عمري مارح انسى

من بعد ما فعل فعلته المشينه سرت لقسمنا و قعدت لحالي ساكته ل اكثر من 6 ساعات افكر فالي حصل

مرت ايام و هو تعود خلاص بين فترة وفترة ينهش من جسمي الطاهر

قبل كنت خايفه من تهديداته بس يوم حسيت انه شي غلط و كبير قلت ل امي

امي بكت و انصدمت وقالت ل ابوي كذبني !! وماصدق

بعدها بكم من يوم امي خذتني للمستشفى ما اذكر شو الي صار بالضبط لكن الدكتورة كشفت علي هذا كل الي اذكره

ابوي خذاني عند عمي و رمسه ول اذكر الكلام الي قاله له بس من بعدها ماقرب صوبي ابدا

دمر حياتي

قلت لها :مريم لاتنسين ان ربج فوق والله بيجازيه لعى سواته
قالت :هو متزوج الحين احلى البنات وعنده ولد وعايش احى حياة وانا اتعذب واحترق

ماعرفت شو اقول بس قلت لها شغله وحده

يامريم الرسول عليه افضل الصلاة والسلاام قال : عجباً للأمر المؤمن امره كله خير .

ابتسمت
http://2.bp.blogspot.com/_LZX7qsb-vLQ/TS2gahX4zSI/AAAAAAAAARk/Ccp-WL5Po6U/s1600/9402.jpg

ابتسامة الجريحه ودمعت عيناها البراقتان وقالت :الحمدلله على كل حال نعم هي الكلمة التي تصف تعبريها

الحمدلله على كل حال .

قالت لي احب شخص وقلبي متعلق فيه وايد لكن ماعرف ليش احس اننا مستحيل نكون لبعض

قلت لها : انتي تعرفين ان مستحيل تاخذون بعض لاتكملين وياه يا مريم اتركيه وربج بيعوضج خير

قالت: ماقدر وقلت لج هو احساس وماتعرفين شو ممكن يصير تالي
قلت : على هواج لكن انتبهي يامريم
قالت : لاتخافين علي الأغراب اثق فيهم و مستحيل ايأذوني مثل ما اذوني الي من لحمي و دمي
وقتها سكت

طلعنا من المصلى بقدر كافي من البؤس سرنا للصف انطردنا طردة محترمة بس للإدارة

انتهى الدوام


مرت الشهور زادت قوة علاقتي ب مريم كأننا توأم على روح واحده

فيوم من الأيام

وقت الطابور شفتها وهي متضايقه ومبين عليها قلت لها شفيج قالت مافيني شي قلت اقولج خلينا ننخش ف الكبتات لا تينا الإدارايه وطلعنا لطابور

>>كنا انا ومريوم مانحب نطلع للطابور ودووم ننخش ف الكبتات ويوم تسير المشرفه عنا نظهر

المهم يوم أتأكدنا ان الدار امان قلت لها قوليلي شفيج
قالت امس يونا ناس يخطبوني
قلت لها ماعليج ان شاء الله بنلقى حل وربج يحلها بس انتي لاترفضين
قالت ما ادري شسوي

قلت لها تقدرين تسوين عملية وتردين مثل ماكنتي قالت كيف !! ومن بيسويها ممكن انفضح !!

قلت ماعليه يا مريم رح نلقى صرفه لهالموضوع

بعد مرور شهر وبداية الأمتحانات

قالت لي تعرفت على وحده من النت هي مغربيه و تعرف وحده ممكن تسويلي العمليه
قلت لها : كيف عرفتي
قالت تأكدت شفتها من الكام و قالت تقدر تساعدني بس بشرط
قلت وشو الشرط ان شاء الله
قالت للحين ماعرف هي تبا تلتقي وياي عشان نتفاهم على كل شي
قلت تلتقون وين
قالتلي مافي غير المدرسه تقدر اتيي وتدخل من باب السيارات وعاد نحن مدرستنا انتي ادرى مبطله من كل مكان كلن وعلى مزاجه يعني محد بيحس

قلت خلاص بس اكون وياج قالت صار

كلمتها وقالت لها اسم المدرسه وهي ضحكت ويوم بغت توصفها على مكان المدرسه قالت مايحتاج اعرفها

شفناها وسلمنا عليها قعدنا وهي اصرت على اننا نقعد فمكان بعيد عن البنات


طبعا كلامها بعضه مب مفهوم وصعب نفهمه لهجتها شوي تتكلم اماراتي و الباقي مغربي
غيرنا المكان ويسلنا ف زاويه بعيده عن تجمعات البنات استأذنت لأن يتها مكالمه

فجأه دخلوا اثنين من الشباب من الباب الخلفي الي الحارس و الإداره هاملينه وطالعونا نحن سرنا صوب البنات و هم طلعوا بسرعه
رجعت الحرمه وابتسمت قالت شفتوهم قلنا من قالت الشباب الي دخلوا قبل شوي ! قلنا هيه الله ياخذ بليسهم المهم
خلينا فموضوعنا قالت هم موضوعنا
انا ومريم استغربنا اطلع فيني وانا اطلعها
قالت شرطي هو يامريم انج تقضين ليله ويا واحد من هالأثنين الي شفتيهم وعقب بتسوين العمليه ولامن شاف ولا من درا وفوق كل هذا رح تكسبين فلوس بيغرقج فلوس فالليله الوحده رح يعطيج اكثر من 6000 درهم

انا و مريم انصدمنا منها عصبت وقلت اني ماتخافين ربج قالت : يعني هي مارح تخسر شي لأنها خسرت من زمان ولا انا غلطانه يا مريم

مريم : لا مو غلطانه فهالشي
قالت وانتي رح تكسبين فلوس فوق كل هذا يعني مارح تخسرين بالعكس بتكسبين
مريم : صحيح اني فقدت اغلى شي عندي بس مايعني اني ابيع نفسي واسترخصها
قالت: قلتلكم شرطي وانتوا بكيفكم
قلت لها تبين فلوس بنعطيج بس دلينا ع الحرمه
ضحكت ضحكه حقيره وقالت ههه انتي بتعطيني 100 ألف الشباب الي مو عاجبينكم هم بيعطوني هالمبلغ اذا انتوا ألتزمتوا بالشرط

قلنا لها الله غانينا عنج حسبي الله عليج وعلى امثالج وهي رايحه وانا ومريوم انطاعلها من بعيد

نشوف بنتين نعرفهم يو صوبها ويسلمون عليها !! انصدمنا وهي طالعتنا وضحكت

يالله كيف تخرب بنات الناس !!



روحنا ل دورة المياة وبكت مريم قالت مافي حل غير اني ارفض الريال واطلع اي عذروب

ماتكلمت لأن مافي غير هالحل


............................................................ ............................................................ .............


بأذن الله بكمل القصة فوقت ثاني
اكرر احبتي هذه القصه قصة عضوة من عضوات منتدى الرمس واتمنى محد ينقل القصه نظراً ل احترا رغبت صاحبتها
يتبع ...

[نبض انسان]

لا حول ولا قوه الا بالله نتريا التكمله والله يفرجها عليها ان شاء الله

[مسكينة يا انا]

لا حول ولا قوه الا بالله نتريا التكمله والله يفرجها عليها ان شاء الله


اشكرج اختي نبض انسان على متابعتج ل مواضيعي وبذن الله بكمل القصه باجر

ربي يحفظج من كل شر

[أسير أحزاني]

تسلمين على القصة الصراحة القصة وايد حلوةومؤثرة والله يعطيج العافية

[وفوي المطاف]

يا حرام

مسكينه

همتني

وين بتروح هاي المغربية من الله

[مسكينة يا انا]

تسلمين على القصة الصراحة القصة وايد حلوةومؤثرة والله يعطيج العافية

الله يسلمك ويعافيك اخووي

[مسكينة يا انا]

يا حرام

مسكينه

همتني

وين بتروح هاي المغربية من الله


الله كريم

وربج على الظالم

تابعي التكمله

تسلمينلي

[مسكينة يا انا]

فالبيت ع العصريه

مريم :يمه انا مابا الريال
الأم : ليش ان شاء الله
مريم : استخرت ومارتحت له
الأم : انتي الخسرانه و تتحسبين روحج ملكت جمال ألف واحد بييج بداله
مريم : يمه قلت لج اني مارتحت
الأم : على هواج بس الريال حليو و ولد ناس وادب و دين و وظيفة محترمه يعني كل بنت تتمناه
مريم : الله كثر من امثاله
الأم : الله يهديج
مريم : امين

روحت حجرتها وهي متضايقه قفلت على روحها مسكت الكتاب على امل انها تجمع كم معلومه تسعفها ليوم باجر

اليوم الثاني

ياهلا والله بالقمر
مريم : هلا فيج ((من دون نفس ))
خير مريم
مريم : بروحي مواصله من امس دخلج لا تزيديني
قلت لها خلاص على راحتج بس هاه قوليلي ذاكرتي عدل للأمتحان ؟
مريم والله من المغرب للحين وانا احاول احفظ بس ماعرف اذا شي دخل مخي
قلت لها ههههههههههه انتي زلمه ماشاء الله عليج ماينخاف عليج
مريم : الله يستر بس يلا مشينا ندخل القاعه تري المراقبه اليوم ابله عفراء
قلت : لااااااااااء ابله عفراء الأحياء ماغيرها
مريم : هههه هيه
انا : يعني مافي غش ول مساعده مني مناك

<<<<<<<<< صوت حااااد قاطعنا يلا انتي وياها عجلوا بنبدا الأمتحان وانتن هني تهذربن
انا : اللهم طولج يارووووح
دخلنا القاعه
انا ومريوم : السلام عليكم والرحمه
البنات و المعلمه : وعليكم السلام
ابله عفراء : تعالي انتي وياها ليش مخالفات
مخالفات فشو ابله ؟!!
انتي صابغتي اظافرج ليش ان شاء الله ماتمتحنين الا وانتي مخوزه هالصبغ
قلت : حاضر ان شاء الله
مريم : وهي تضحك << تستاهلين والله شوي فيج
قلت بهمس مابغيتي تضحكين
وانتي اشوف ليش يايه المدرسه بنعول
مريم : والله انا عندي عذري ورقة من الدكتور
المعلمه ابا هل ورقه باجر
مريم : ان شاء الله اذا راقبتي علينا باجر

كلنا ضحكنا

انا امتحنت ف لجن خاصه لأني كنت مخالفه

بعد الأمتحان
هاه بشروا بنات كيف الأمتحان

البنات فنفس الوقت
صصصصصصصصصصصعب
ومريوم كيف كان ؟
والله انه يعني بس صفحتين ماحليتهن !! وانتي

هههههه والله انا عندي مساعداتي فكل مكان ولله الحمد

مريوم :الله يغربل ابليسج .

المهم بنات بااجر اخر يووم خلونا نقلبها مخالفات ونرفع ضغط الإدارة
البنات : اكيد طبعا

انتهى الدوام ......

فبيت مريم

ناصر مريووووووووم بنسافر بعد بكره
مريم :شوه ! وين
ناصر : السعوديه بنعتمر وبنقعد طول الإجازة
مريم : والله جد
ناصر :هيه والله سألي امي

مريم بصوت عالي تزقر امها
يماااه يمااه
الأم هاه هاه انتي متى بتتعلمين وتغدين بنيه شرات بنات الناس

مريم : يما صج بنسافر للعمر
الأم هيه صج وزهبي سامانج
مريم : يالله شقد مشتاقه لبيت الله
الأم : الحمدلله

............
اليوم الثاني فالمدرسه

رح اسمي اسمي بأسم ((فاطمة))

مريم:فطوووووووووم
فطوم : هلااا
تعالي عندي خبر يسوا مليون
فطوم : شو
مريوم : بنسافر
فطوم : ياسلاام ياحظكم اكيد باريس
مريم :مالت عليج اي باريس بنسير السعوديه
فطوم : ياحيكم والله خااااااااااطري اروح
مريم : ههههه بس ماحصللج الشرف
فطوم : الله كريم بس متى العزم
مريم : والله باجر
فطوم : مستعيلين انتوا !!
مريم : هيه وايد بنقضي الإجازة كلها و بنروح وياقوم خالي مب ويا ابوي
فطوم : ونااسه اي خال فيهم
مريم : ههههه خالي الفله
فطوم : الله يسعدج دووم
مريم : وذ يو حبيبتي

انتهى الدوام ب دموع و احضان مع ان الإجازة مب طويله بس اسبوعين لكن اتياق الخوات


فالبيت مريم تزهب شنطتها وتتأكد انها خذت كل سامانها الي تحتاجها

روحوا المطار و وصلوا للسعوديه بسرعه من دون تعب

خذوا فندق ابراج مكة ف المول نفسه
والصدفه ان خالها شاف ربيعه واهله هناك ف حب ان يحجز حذال سويتهم

تعرفت مريم و اهلها على خوات الريال وكانوا يتزاورون

مر اسبوع على وجودهم ف مكه

فيوم من الأيام خالها حب انه هو وربيعه يتمشون و قررن خوات الريال انهن يعزمن مريم واهلها عندهم

وعل طول اول وحده مريم الي روحت عندهن لأنها حبت البنات وايد
دق الجرس مريم : نوره الباب
نوره هيه هيه بطلي هذي موزه سارت تييب حلاوة وهذي هي ردت

مريم : اووكي

روحت تبطل الباب اول ما فتحته انصدمت وتصنمت مثل ماتصنم اخو نوره

رد لها عقلها و سكرت الباب فويهه عصبت وزقرت نورة

نورة شفييج ؟ هذا اخوج شافني تقولين موزة !

نورة :ههههه والله شافج عاد اخوي يدور له على عروس

مريم : بلا خبال والله فضيحه بعدني سكرت الباب فويهه ويهي احترق

نورة لاعادي ماعليج انتي سيري داخل وانا اشوفه شو يبا

تبطل نوره الباب ل اخوها وهي تضحك

هاه علاوي شو بغيت ليش رديت وخليت الريال

علي : نسيت البوك سيري هاتيه

نوره دقيقه بس

روحت عطته البوك وهي تضحك قالها شو عندج تضحكين

قالت :والله ماعندي شي بس صج شرايك فالبنت

علي : ذلفي عن ويهي يلا قفلي الباب
نوره : زين زين يلا باي

......................
اكتملت اليمعه ويت ام مريم وحرمت خالها و موزه

مريم نبهت على نورة انها ماتخبر حد بالموقف الي صار

تموا يسولفون ويضحكون لين العصريه

قاطعتهم نوره : والله انا خاطري انزل ف الكوفي و اخذلي اسكريم

موزة : خبري اخوج وعقب طلعي

نورة :هيه اكيد بخبره بس ماريد اظهر روحي مريوم تعالي وياي

مريم اطالع امها وماعرف شو تقول

نورة تصر وتزن على راس ام مريم لين ما وافقت

ام مريم : بس هاه لا تبطون وتري خالج وحرمته روحوا يتسوقون وماعرف متى بيردون

مريم لا تحاتين يمه

نزلن البنات تحت تسوقن شوي

نوره: يلا خلينا الحين نروح الكوفي
مريم : مشينا

قعدوا ع الكراسي

نورة :اقولج انتي طلبيلي شوكليت ايس وانا بروح الحمام وبرد

مريم : اوك بس بسرعه لا تتأخرين

نورة : اوكي

مريم طلبت شوكليت ايس ل نورة وهي طلبت هوت كوفي كاراميل خذت الأثنين فيدها بنفس الوقت

وكانوا فيه شباب مسوين زحمه فالمكان عاد لقت مكان و طلعت كان همها انها ماتلامس حد من الشباب والحمدلله هذا الي صار بس اول ماطلعت من الزحمه ايدها الي كانت زاخه فيه الكوفي اندقت ف ريال و احترق الريال قالها شو انتي عميه ماتشوفين وين عيونج

مريم بكل خوف : اسفه مانتبهت

غبيه مره ثانيه طالعي عدل وانتي تمشين

بكت مريم و قعدت تتريا نورة

ردت نورة سألتها شفيج

وقالت لها السالفه

نورة : هههه الله يهديج يعني ماشفتي الريال

مريم : والله ماشفته انتي شوفي كيف الزحمه


نورة : والله معاج حق زين قولي وين طلبج

مريم مالي خاطر يلا انتي خلصي وخلينا نرد للفندق

نورة :اوك

ردوا للفندق و روحت مريم شقتهم

نوره دخلت شقتهم

السلام عليكم
الكل وعليكم السلام الا على

قلنا السلام عليكم

علي مب فاضيلج

نورة تسأل موزة شفيه هذا

موزة :هههه لو شفتي شكله اول مادش متوصخ تقولين ياهل

ايدينه و كتفه حمرن

نورة: هههه ليش شصارله

موزة : فيه وحده كبت عليه القوةوهي حاره من دون قصد

نورة :ههههههههههههههههه ههههههههههههههه ههههههههههههههههههههههه هههههههه

شهالصدفه

علي : تضحكين بعد

نورة تدرون من هذي البنت ؟

موزة منو؟

هذي مريم بنت اخت ربيعك يا فالح الي اليوم شفتها بالغلط

علي : لا والله كذااااااااااااااابه فذمتج

موزة : هههههههههه وشافها بعد

نورة : والله انها هي وقالتلي السالفه بعد خليتها تصيح حرام عليك

علي : والله ماكنت قاصد بس عصبت

نورة : ماعليه مب مشكله هي اصلن تلومت بعمرها

علي : اعتذريلها

نورة : ان شاء الله

نوة ماصدقت تروح حجرتها و تخبر الي صار ل مريم

مريم : فذمتج اخوج

نوره :هيه والله هو يعني انتي مانتبهتي ل شكله

مريم : لا والله كنت منزله راسي و خايفه

نوره : ع العمووم سامحيه

مريم : عاادي ماصار شي

نورة : اخليج الحين علي يزقرني
مريم : اوكي ربي يحفظج


علي شو تبا علي : هاه شو قلت \نورة : وانت شدراك اني ارمسها \ علي : مايبالها انتي ماتيودين شي \نورة : لا عادي سامحتك \ علي : زين زين \ نورة : في شي ؟ \ علي : البنت ماشاء الله عليها شكلها ملتزمه و خلوقه
نورة : هيه ماشاء الله عليها طيبه و مؤدبه و تخاف ربها اشوف يازتلك البنت \ علي : هيه والله عيبتني \ نورة يعني اقول كلوووووش \ علي : ههههه لا بدري قولي عقب بس الحين قضبي لسانج الفالت \ نورة :ههههه ولا يهمك ياخوي \علي : اقولج تقدرين تخلينها اتيي عندج هي بروحها و انتي وياها بس وتخلين موزوه و عواش يسيرن عند ام مريم \ نورة والله بحاول بس ليش \ علي : ابا اشوف اسلوبها ف الكلام \ نوره :بس اكيد مابتشوفها \ علي اكيد شو قلولج عني \ نورة تبتسم : انشاء الله مايصير الا الي فيه الخير


فعلن نورة سوت الي يباه اخوها وتمت تسولف ويا مريم و هو يسمعهم وفنفس الوقت حلل على روحه انه يشوفها نظره


.................................................. روحت مريم شقتها

وطلع علي نورة : هاه شرايك فيها \ علي :بصراحه على صغرها عقلها كبير \نورة : هيه شراتي \ علي اقول سكتي بس


يا وقت السفر مريم واهلها يودعون نورة و البنات

طبعا تبادلوا الأرقام و العناوين

ردت مريم البلاد بنفسيه ثانيه

دقت علي و وقالت لي كل الي صار فرحت و ضحكت لها

بدت الدوامات ..................................................

ومريوم كانت شعله من النشاط و الحيويه

خذنا الشهايد للفصل الثاني

مريم : لاااء درجاتي مب لين هناك فطوم اشوف شهادتج

فطوم : يعني في مواد مزفته فيها
مريم : لا والله بالعكس تشطرتي يا زلمه زمانج

فطوم : ههههههههه عدال تغيرت الوضاع وانا صرت الزلمه الحين

مريم : هيه بس بنشوف نهاية السنه منو نسبتها حلوه
فطوم : ان شاء الله انا وياج وكل البنات
مريم : امين يارب بسمع منج


............................................................ ...

بعد مرور شهر طبعا و مريم على تواصل ويا نورة بشكل مستمر


يوم الجمعه

الأم : مريم اليوم بيونا ناس

مريم : منو عاد
الأم : قوم نورة

مريم : والله جد غريبه ماقالتلي نوروه
الأم : تباها مفاجأه حليلها
مريم : براويها عقب
الأم بس تزهبي اليوم امها و الريايل بعد بيون حتى خالج بخليه ايينا اليوم

مريم : ليش يعني
الأم : ماشي بس عزمناهم ونبا نتعرف على امهم
مريم : هيه زين والله

.....................
طبعا هذي الزيارة ماكانت الا عسب ام علي تشوف مريم


ألتموا العرب و استانست نورة و مريم وايد بشوفت بعضهن

و مريم لاحظت على ام علي انها تمدح فيها بزوود

وسألت نورة شو السالفه اشوف خالتي تمدحني وايد

نورة وهي تمزح : ههههه اكيد تباج لولدها بعد شو

مريم : بايخه

نورة : ان شاء الله مايصير الا كل الخير

مريم شقصدج : نورة: اليوم يبنا امي عسب اتشوفج يامريم ترانا نباج ل اخوي علي

مريم : اتفاجأت فالبدايه وعقب قالت اقول شو ورا هاليمعه

نورة : يعني انتي وافقه سلف

مريم : ما ادري

نوره كيف ماتدرين ولاهذا دلع اونج

مريم تضايقت شوي : والله قلت لج مادري

نوره برايج خلااص

مريم لاحظت زعل نورة : استهبل عليج يا سخيفه

نورة وانا اقول ليش قلبتي نفسيه

مريم ونوره : هههههههه

خلص اليوم و ام مريم وايد مستانسه

يوم الأحد قالت لي مريوم الي صار فرحت لها قلت هلمره لاتردينه مب كل يوم بيونج خطاب وافقي والله بيكون وياج

فكرت فالموضوع واايد وصلت ودعت ربها

بعد اسبوعين يو الريايل وكانت الخطوبه الرسميه

والرد من مريم هو انها موافقه

فرحنا وايد حتى سوينالها حفله فالمدرسه

للحين اتذكر يوم الملجه كان يوم الخميس كان احلى يوم

قومنا مريم خليناها ترقص ويانا وكل بنات الكلاس حضرن الملجه

مريم كانت قمر ذيج الليله

من بعد الملجه طبعا صارت حرمتعلي رسمي وعلي كل يومين يدق عليها ودايماً يطرش لها مسجات حب و يصبح عليها و احيانا يفاجأها ويقولها انا فالميلس عندكم يلا نزلي تفرح و تعدل عمرها وتنلها بالعصير و اول ماتدخل يخوفها يقولها انتبهي مريووم عند ريولج صرصور تخاف وتصارخ واخر شي تهزبه

هذي احد المقالب الي كان يسويها علي ف مريم

حبته وايد و هو حبها اكثر من روحه

كنا نختار الموديلات و نصمم فساتين لها خلصنا زهبتها ومابقينا شي من مهرها اذكرها ايام حلوه ماتنعاد

كنا نصمم له العبي من خيالنا و لجلاليب و حتى اشتريلها تنانير من السوق على ذوقي


قرب موعد العرس

و يت امتحانات اخر السنه ف ثانوي ثانوي

مريم ماكانت شاطرة ف الأنقلش وايد كان ف فترة اجازته دووم يدرسها و يراجع لها امتحاناتها

خلصنا امتحانات و ظهرت النتايج

مريم روحت تاخذ شهادتها قالولها ان فيه حد من اهلها خذ شهادتها وهي على جمر

سألت اهلها ومحد فيهم يدري عن الموضوع اساسا

دقت على علي و قالها شهادتج عندي ليش مزفته خافت وايد

ياها لين البيت وعطاها الشهاده طارت من الفرحه من بعد ما بكت لأن على كذب عليها وقال انها راسبه ف الأنقلش

[وفوي المطاف]

زين يوم سافرت وغيرت نفسيتها شوي

اتريا التكمله

خخخخخخ

[مسكينة يا انا]

.........................................................

يبت لكم التكمله



خذت شهادتها و فرحت كلمتني واستانسنا سوا

مابقى على موعد العرس الا اسبوعين كنا متخوفين من الي بيصير قلت لها احسن تخبرينه قبل العرس

مريم كانت خايفه وماتبا تصدمه بس ماعندها اي حل

كلمتني واقتنعت بشوري وانا كنت على نار لأنها من بعد ماسكرت مني كلمته

.....
مريم : السلام عليكم
علي : وعليكم السلام ياهلا والله بعروستي
مريم : هلا فيك
علي : شحالج مريوم
مريم : بخير علي اباك اتيي البيت ابرمسك ف موضوع ضروري
علي : خير ان شاء الله شغلتي بالي
مريم : انت تعال البيت وبخبرك
علي وهو مرتبك :خلااص اخلص دوامي و اييج
مريم:خلااص اترياك


مريم تفكر كيف تقوله الموضوع ومن وين تبدي

وصل علي البيت واتأكدت مريم ان محد بيسمعهم

مريم :علي بقولك بشي صار لي غصبن عني وانا ياهل والله مابكذب عليك ف كلمة وحده وانت بعدها برايك تبا تعيش وياي او نفترق
علي : شو السالفه خوفتيني
مريم وهي تصيح : علي يوم كنت صغيرة فيه واحد اعتدا علي و افقدني عذريتي
علي وهو مصدوم : شو تقوولين !!
مريم : قلت لك
على : ليش الحين تتكلمين ليش خذيتيني قصيتي علي
مريم : الله الشاهد اني ماكذبت عليك واذا تبا اسأل امي هي تدري بالي صار

طلع علي من البيت مر اسبوع ماكلم مريم ومريم ماكلمته

طبعا مريم ماقالت ان الي اعتدا عليها هو عمها لأن هالشي كبير و وايد كبير ولا قالت ان الي صار اكثر من مرة

بعد مامر هالأسبوع من الجفا وانتظار مريم على نار

ام مريم : مريم علي يترياج فالميلس
مريم : علي !! وينه
ام مريم : بلاج جي اقولج الريال يترياج فالميلس سيريله
مريم : ان شاء الله


دخلت مريم الميلس وهي متوترة
سلمت ورد عليها السلام

علي : انا مصدق كلامج
مريم ابتسمتوهي مكسورة : الي صار لي يا علي وانا عمري 4 سنين ماكنت اعرف شي
علي : خلااص مريم لا تفتحين هالموضوع مره ثانيه
مريم : بس لازم تعرف
علي : قلتيلي اهم مافالموضوع وانا الحن ياي اقولج اباج بكل مافيج بخيرج و شرج
مريم : اوعدني ماتتغير علي
علي : اوعدج ما تغير على روحي

قالت لي مريم بالي صار وانا مو مصدقه لهدرجه شخص يثق بالثاني

فرحت لها وايد وايد بكيت و ضحكت وياها


يوم العرس

اذكر دقيت عليها الساعه 10 الصبح

مريم : هلاا فطوم
اييه انتي للحين راقده
مريم : هيه والله تعبانه
نشي يلا اليوم عرسج يا كسوله
مريم زين زين تو الناس برقد ساعتين وعقب بنش
خلااص انا بدق عليج و اوعيج
مريم : هههه شكلج متحمسه اكثر مني
هههه والله انتي روحي
مريم : زين لاتطيرين الرقاد
مالت عليج كملي سباتج
مريم : باي
باي


روحت مريم و اهلها الصالون وانا روحت نفس الصالون كان الوقت يمشي بسرعه

خلصت مكياج و شعر ولبست فستانها وطلعت ملكه تهبل

ومنها تعرفت على نورة انسااانه قمه عسل ماشاء الله عليها

افترقنا و وصلنا الصاله انا واهلي

وقت دخول العروس بس تأخرت

سرت اشوف شو الموضوع
سألت نورة ليش مريوم مادشت
نورة: تتصور ويا العريس
ليش الحين !! عيل متى ناوين ادخلونها
نورة سكتي نسيت سي دي الزفه فالصالون والحين اتريا اخوي ياخذني و ايبه

ذكيه في حد ينسا الزفه

نورة: والله من الربشه

يابت الزفه و دخلو العروس وكان احلى يووووووم

واخيرا يامريم عشتي من دون خوف وياج الي يحبج ويحميج

الحين صار ل مريم وهي معرسه 7 شهور و على قولتها احلى ايام حياتي معاه

ربي يسعدج يا مريوم ويعطيج على قد نيتج
............................................................ .

هذي كانت قصة ربيعتي مريوم ^-^ قصة احد عضوات المنتدى

[وفوي المطاف]

يحليلها مريومه

الله يسعدها =)

[نبض انسان]

ماشاء الله عليه على فهمها وبنظري انه ريال من ظهر ريال ،،
مريم أتمني لج الخير والسعاده

[مسكينة يا انا]

تسلمووووووون على المتابعه

وربي يسعدكم و يفرحكم لى الدعوة الحلوه

^-^

[ريموني]

انا لله وانا اليه لراجعون
الصراحة انا ماقدرت استمحل وتميت اصيح كيف هيه بتستحمل والله بس ايود هاي المغربية اما طحت فيها طيحة
زلمة وحدة
انشاء الله مشكلة مريم بتنحل ونحن وين خل المغربيات ايولون نحن بنساعدها ترانا اعيال ابلادها

[ريموني]

ككككللللللللللللللللللللللللللللللللللللللللللللللللللللويش
عاشوا شباب الامارات منوقدك منو قدك
مبروووووووووووووووك مريوم فديتج بعد قد ماصيحتينا فرحتينا ربي يسعدج وين ما كنتي

[مسكينة يا انا]

اهم شي فالأخير الفرحه ^^

عسا ترافقها لطوول حياتها يارب

يسلمو خيتووو