مفتونتي

[جامع القلوب]

السلام عليكم ورحمة الله وبركاته........
إليكم قصيدة جديدة من قصائدي و اتمنى ان تنال على رضاكم.

.....................
.....................
وشلون بكسب قلبها صدق محتار
ياكيف بوصل قمته و اعتليها

أحبها و اختارها بين لمهار
و القلب بإحساس الغلا مشتريها

مفتونتي لي ملفته كل لنظار
وقلوب خلق الله تسابق عليها

تعجز ترى بوصوفها كل لشعار
متسيده و اليوسفي مكتسيها

مزيون , حلوة , و خدها شعت انوار
عشقتها و الله يسهل إليها

لا من مشت مثل الفرس عزم و اصرار
متوثقة في كل خطوة تخطيها

شوقي لها شوق الصحاري للامطار
أحيا بها و اموت فيها و ابيها

ودي بها قربي و تطفي لي النار
نار الجفى لي في ضلوعي شويها

ياللي جمالك فارق(ن) بين لقطار
عنيدة(ن) و ادعيت ربي يهديها

اللي سلب قلبي , و فكري لها طار
قولوا لها ترجع و اقبل يديها

و سلامتكم.

الشاعر:أحمد عبيد شلشول (جامع القلوب)

[صمت_المشاعر]

صح لســــانك يا أخونا الشااعر

ربي يسلمك و يعطيك الصحه والعافيه

ودمت بحفظ الرحمن...

[نبض انسان]

صح السانك وبالتوفيق

[جامع القلوب]

أختي صمت المشاعر و اختي نبض انسان مشكورين على هذا الاطراء الطيب على قصيدتي و هذا الشي يشجعني للاستمرار في كتابة القصيدة النبطية في هذا المنتدى واقولكم مرة ثانية مشكورين و دمتوا بسعادة و خير.

[الأميرة الحسناء]

ماشاء الله ياجامع القلوب

ابيات في منهى الذوق لاهنت
بصراحه فن وابداع
اشكر وجودك ونثر كلماتك الراقيه ...

دمت بحفظ من الرحمن ....