ماليـ غنى عن بحر الرمسـ ^^

[خيماويه 1]

سلام الله عليكم ورحمته وبركاته




شحالكم عرب راس الخيمه؟
عساكم بخير وسهاله؟




طال عمركم الله سبحانه وتعالى من علينا بطلعه فنانه لبحر الرمس لي مالي غنى عنه بالمره ولو أني هب من أهل الرمس ^^ ولكن سبحانه عز وجل أمحبب هالبحر بالذات لنفسي ومطمئن لروحي



وللأسف ما صورت ذيج الصور الغاويه ولكن الحمدلله على كل حال


بس صورتلكم شي فنان وايد كلنا تعاونا عليه من كبيرنا لصغيرنا ^^ وفعلا الكل استانس وارتاح ذاك اليوم ولنا نيه انرد قريب وهاي بعض الصور والسموحه ^^



هني الله ايسلمكم ع طول ماصدقوا وصلنا بعده الوالد طول الله بعمره مابند الموتر الا كلهم تعافدوا ع بعض فـ الموتر واحدروا يترابعون للبحر ^^


http://im25.gulfup.com/2012-06-11/1339426639641.jpg (http://www.gulfup.com/show/X23x97rkoqz6ss)



وهذي صوره ثانيه والسموحه ع التصوير لأنه من فونيـ ^^ وع السريع


http://im25.gulfup.com/2012-06-11/1339426639912.jpg (http://www.gulfup.com/show/X23x9rer9sj7og)



تموا لين المغرب فالبحر يسبحون ويلعبون ومايظهرون الا لي بغوا ماي أو عصاير وما أيوزلهم شرب الماي أو العصير الا فالبحر ^^ ههههههه
(وبصراحه في شغله وايد عيبتني فالصغاريه لي خلصوا من الماي ولا العصير شلوا الغرش الفاضيه وفروهن فالسله لي كنت يايبتنها ويايه صدق استانست منهم لأنهم حافظوا
على نظافة المكان وان حد منهم فر وصخ انفتوا عليه عسب ايشله ^^ فديتهم)



هني طال عمركم أذن المغرب تيمعوا الكبار وصلوا بس ولد اختيه أتأخر شويه عنهم وصلى بروحه ^^ فديته الله يهديه ويصلح باله وايثبت قلبه على الدين والطاعه والعباده


http://im25.gulfup.com/2012-06-11/1339426640976.jpg (http://www.gulfup.com/show/X23x9uteea03ok)



وبعد ماخلص صلاه ربع صوبي وقال لي يلا الحين صوريني ويـــــاااا ^^


http://im25.gulfup.com/2012-06-11/1339426640843.jpg (http://www.gulfup.com/show/X23x9s6zgir9cs)


عرفتوا شو هو صح ^^ ؟؟؟


الحمدلله سبحانه الله أكرمنا وحصلنا كميه كبيره من ((الدوج)) عيال نواخذه فـ هالشي كان اختصاصنا ونسابق لي ايحصل اكبر كميه ^^ واختيه اتحدد عدد معين ولي ايحصل هالعدد له جايزه بمبلغ مالي بسيط ^^ واستانسوا اليهال وكل واحد ايسابق الثاني عسب ايحصل قبله


وهاي صوره ثانيه ^^


http://im25.gulfup.com/2012-06-11/1339426640634.jpg (http://www.gulfup.com/show/Xpb39ia6fk408k)



وهني الوالده الله يعطيها الصحه والعافيه وايحفظها لي وايحفظلكم امهاتكم وايطول بعمارهم (قولوا آمين)
ماقصرت نظفت الدوج وودنته فالماي وخلته لليوم الثاني عسب الغدا وللأسف ماصورت سار عن بالي عسب الكل تيمع فبيتنا خواني وخواتي كلهم عسب الدوج وكانت أحلى عزيمه والوالد ذبح من المزرعه ماقصر


هني بعد مانظفوه ^^


http://im25.gulfup.com/2012-06-11/1339426640125.jpg (http://www.gulfup.com/show/X8fp39idma144w4)



والسموحه منكم ان طولت عليكم ^^


والله يجعل أيامنا وأيامكم كلها سعاده وهنا وراحه بذكره وطاعته


اللهم آمين

[صمت_المشاعر]

ما شااء اللـه رووعه البحر ؤقت الغروب
ماشاء اللـه ما شاء اللـه خاطير اي صوبكم ^^
تسلمين اختي الخيماويه ما شاء اللـه عليج ‏​‏​•• ‏​‏​ۆعلـْيكــم بالعافيه
تسلمين غناتي ع الدعاء الطيب ولج المثل
يعطيج الـعافيه خيتوو

[أم عبادي]

ماشاءالله تسلمييييييييييييييييييييين ع التصوير المميز


دمتي في حفظ الرحماااااااااااااان

[خيماويه 1]

مرحبابج ختيه صمت المشاعر ^^

أكرمتيني بمرورج وبردج الغاوي والله ايعافيج ويحميج من كل شر

جزاج الله خير

[خيماويه 1]

أم عبادي ^^ الله يحفظلج عبادي وايبشرج فيه كل خير وكل ماترضينه وترجينه فيه ومنه
وسلمج الرحمن من الشر وحفظج لكل مايحب ويرضاه

جزاج الله خير ع ردج ومرورج الغاوي ^^

[الشاعر..]

طلعه حلوه والاهم انكم استانستو فيها ولازم تعيدونها....

[خيماويه 1]

يزاك الله خير ع الرد أخويه الشاعر لاهنت ^^

ولنا نيه انرد لبحر الرمس مره ثانيه بأذن الله الواحد

[راوي جروح]

ما شاء الله اكيد سويتوه برياني بالعافيه عليكم...thanks

[الـمـهـا]

عليكم السلام ورحمة الله وبركاته

حلوووة الصور

تسلمين .... والله يعطيج العافية

[ولد المطر]

يعطيك العافيه ع الصور

[خيماويه 1]

ما شاء الله اكيد سويتوه برياني بالعافيه عليكم...thanks








الله أيعافيك ويبجيك ماقصرت ع الرد الغاوي

طال عمرك سويناه (فـ قاعه) ^^ يعني عيش ابيض وتحته حمسة الدوج تسلم ايد الوالده الكل تخبل عليه

[خيماويه 1]

المها

أذاقج الله من حلاوة الإيمان ^^ وسلمج الرحمن من كل شر غناتي




ولد المطر

والنعم بعايلة المطر ^^ والله ايسلمك ويبجيك لعين ترجيك



جزاكم الله خير على ردودكم ^^

[مسكينة يا انا]

روووووووووعه يا خيماويه

ياحيكم سرتوا البحر

هع هع عااااد العين مافيها البحر ولا شياته

رحلتكم كانت حلووه

ربي يحفظكم

[خيماويه 1]

ماشاء الله يا مسكينه من العين أنتي ^^

هي والله حلوه طلعة البحر ولو انه بعيد شوي عنا بس يستاهل السيره هههههه ^^

[9amt el8alb]

مااا شاااء الله ....
يمعة حلوة و طلعه احلى .....
ربي يسعدكم دايم الدوووم ....
و تسلمين لمشاركتج لنا طلعتكم ....
و ان شااء الله دام النية موجوده بزيارة ثانية للبحر ,... لا تنسينااا من الصور ....


تسلم اناملج ... وربي يحفظ غواليج ....و يحفظ الوالده ....


تحياتي لج عزيزتي ....

[MiNoOo 87]

وَ عليكُم السلام و الرحمَه . .

صبحجْ الله بالنورْ وَ الســرُور . .

http://www.alshohooh-upload.com/up/uploads/images/albarzah-77af23a246.gif

مـا شــاءْ الله مُشاركَه حلوه لـِـ : صُور بحر الرمس . .

الله يحفظكُم جميع و يديم لكُم ها اللّمــَــه الحلوه . .

بخصوص [ الدوج ] . . مول ما أحبّه :p

هني و عافيـَـه عليكُم . .

سلمتي عَ مُشاركتنا الصــور . .

رَبي يحفظـج . .

:)

[بنت محمد]

ما شاء الله حلوة الطلعة ^^

[خيماويه 1]

(http://forum.alrams.net/member.php?u=22668)9amt el8alb (http://forum.alrams.net/member.php?u=22668)

يزاج الله خير على المرور والرد الغاوي وسلمج الرحمن من كل شر ويحفظج من كل شر وسلمتي على الدعوه الطيبه للوالده وربي يحفظلج والدينج وأهلج ويحفظ الأمه الاسلاميه من الشر




(http://forum.alrams.net/member.php?u=22668)MiNoOo 87 (http://forum.alrams.net/member.php?u=5892)

سلمتي لاهنتي وتسلم أناملج ع الرد الغاوي

((وبيني وبينج أنا بعد ماحب آكل اي شي من البحر سوا سمج ولا ربيان ولا قباقيب بس الحمسه كانت اتشجع وكلت شويه عن خاطريه ^^ ))





(http://forum.alrams.net/member.php?u=22668)بنت محمد (http://forum.alrams.net/member.php?u=5424)

يزاج الله خير ع المرور والرد والله يحفظ الجميع ^^
(http://forum.alrams.net/member.php?u=22668)

[إمـرأه لا تُنسـى]

ماشاء الله جميل جدا

[غلا العشاق]

*_^حلوة الصور يسلمو على الطرح

[{stop}--]

يعطيج ـآلعآفيه عـآلصور الحلوة
وأرتقب اليديد من صوبج
تقبلي مروري

[متسلق الجبال]

أهلا وسهلا بأختنا خيماوية منور القسم http://forum.alrams.net/images/icons/icon7.gif

ماشاء الله تبارك الله

طلعة عائلية حلوة

عجبني سردك للرحلة .. تشكرين على المجهود الحلو

هذا الشاطئ أنا بعد يعجبني دائما آخذ الصغارية ونروح نسبح هناك http://forum.alrams.net/images/icons/icon7.gif

بالنسبة للدوج وين نحصله ؟ لأني لما أروح ما أشوف شي وما أعرف .. فكيف ممكن نشوفه ؟

أشوف بس أصداف خالية http://forum.alrams.net/images/icons/icon9.gif

في النهاية أشكرك على الرحلة الممتعة

عشنا الجو معكم

لك الشكر والتقدير أختي الطيبة

( ملاحظة صغيرة : الصور كبيرة جدا وتفتح ببطيء شديد أوبعضها لاتفتح
فنرجو تصغيرها في المرات القادمة لتسهيل رؤيتها بشكل مريحhttp://forum.alrams.net/images/icons/icon7.gif )