شمس المحبه [الأرشيف] - منتديات الرمس

اماراتي وافتخر 40

13 - 7 - 2012, 01:20 AM

مرفوق قلبي من العنا مرفوقي
ما يسكنه غير الحبيب الراقي
ي اللي حديثه بالمحبه ذوقي
كل من تبسم انورت الآفاقي
يا عين ي اللي تحملين الشوقي
اتمتعي في خلقة الخلاقي
غالي معاي مخلصن و صدوقي
عساه دايم في حياتي باقي

شمس المحبة ساطعه من فوقي
اللي ف وجوده خاطري ما ضاقي
يلوق لي و انا عليه ألوقي
ويش الذي عقب السعادة باقي
كلن بصدره قلب فيه عروقي
حدن مريح و حد قلبه شاقي
لكن مثلك ما خلق مخلوقي
تفداك روحي و العمر اللي باقي

يا حب منه مابغيت افوقي
احساس قلبه تشعله الاشواقي
ياللي عطاني طيبات وفوقي
الشكر لله قاسم الارزاقي
مرفوق قلبي من العنا مرفوقي
ما يسكنه غير الحبيب الراقي
:coool::coool:

نبض انسان

13 - 7 - 2012, 09:06 AM

هى والله صادقه بكل كلمه مكتوبه ..
تسلمين عنونى

اماراتي وافتخر 40

14 - 7 - 2012, 12:59 AM

الله يسلمج يا قلبي

:sm167:

صدام

14 - 7 - 2012, 09:30 AM

تسلمين على الشعر الراقي

يعطيج العافيه

اماراتي وافتخر 40

14 - 7 - 2012, 01:23 PM

الله يسلمك يا صدام