رمضان والسوق وخبرونا عن استعداداتكم !!

[فرعون الفريج]

السلام عليكم


:sm115: أكثر حد متحمس يقرى الموضوع بعض الناس أكيد

اما

اللي راح يدفع يا حرام :sm78: (حاس بشعورك ياخي)


تمر الايام الجميلة سريعا ويأتي موسم السوق ...(لتنشف) الجيوب !! فبعد أن قضى البعض وقتهم في :aa_bedjump: والآخر في العبادة

نعم .. لقد جاء موسم السوق ...

فرحة العيد بالصرعات الجديدة والقديمة ...طبعا الشلق والمفرقعات (راحوا الطيبين) والصاروخ والفراشة ومالت الدخان (زمان)

وحديثا الوان متعددة للعبي حتى صارت احلى عن المخور والتلي (قلنا لكم راحو الطيبين) وبعض العبي سبحان الله اشكالها تخوف تقول (سبايدر مان) أو الأسد الملك راح يلبسها وطبعا الناس اذواق ...:sm115:

:67c532f844: زحمة السيارات وانت رايح تشل ثيابك من الخياط او توصل اهلك السوق تخليك تنسى وين رايح احيانا وتتـطر تسألك امك مره اخرى ..الوالدة وين اوديج ...ويتكرر السؤال مرات عديده !!

بابوه أو شنكر أو مسعود مهما أختلفت الأسماء ..يزيد نسبة البضائع بـ 50 % ...العيد :sm159: والجماعة يريدون عيديتهم

الحلاق اتطرش له مسج تحجز موعد ...واذا كنت من (المــبهــنسون ) فأمورك في الروب عزيزي

وما ننسى بعض البشكارات ممن (يهفــن) :sm115: الملابس القديمة قبل العيد بيوم

العيد ...هل انت مستعد ....:sm136:

1- هل خردت (ربابي) 300 درهم للزبائن الغير متوقعون يوم العيد ؟
2- هل تملك خموس وعشور كافية لتعييد المعارف من الدرجة العاشرة؟
3- هل تملك فئة 500 درهم أو 1000 لأخوانك العاطلين عن العمل او على مقاعد الدراسة؟
4- هل لمعت الموتر وبدلت المخفي ؟

ونرجع لأهم سؤال في الموضوع ..

شو استعداداتكم للعيد اعزائي ؟ :sm136: انتظر مشاركاتكم

:sm115: واذا فاتني شيء خبروني:sm115: !!

[وفوي المطاف]

طرحك وايد حلو خيوو خخخخخ

هاي اول مره اشارك بهذا القسم

بسم الله الرحمن الرحيم هههههه

لازم قبل العيد بيوم تحصل الصالونات فل

الكل يبا يتحنى ويستشور شعره = ) ......

عاد من الحين انا فكيت عمري %%%

حجزنا حنايه شغلها وايد حلو

بتحنينا من الساعه 12 لين الساعه 2 $$

وسوالف الصالون اللي هي البدي كير وما ادري شو ‘‘

هم حاجزين وحده سوريه بتعدلنا واسعارها وايد زينه !

وشو بعد ؟

امممممم

الشباصات و الاكسسوارات اشتريناها من اكسبو

و الملابس من الجعيدي و المنار مول # |

و النعل و السوع و المكياج من راك مول

وجي يعني

عاد هاي الاشياء كلها خلصناها ورتبناها

وافتكينا من الزحمه و لله الحمد ،،،،،،،،،

[إنسان ثاني]

وعليكم السلام و رحمة الله و بركاته

طرح مميز و اسلوب رائع و ما طوفت ولا كلمه منهـ


فرحه انقضيها مع الاهل و انشوف اللي ما ينشاف

آطفال مبتسمين دائما ( عطونا عيديه ) و اذا ما عطيتهم تروح الابتسامه



يعني ماشي مجال تعطيني و لا بزعل





شخصيا



فصلت لي كندورتين ـ 2
عزكم الله ( نعال )

و فصلت اعقال ههه بس لليوم الاول

و عطور





و عقب بكمل الخفايف ــ




و هذا كله ما خذ مني اكثر من 1500




لكن في ناس يالله شقى يصرف يعني شوفوني شوفوني





انا ناوي ها العيد اوزع بقعد شوي و بصور الصغاريه و بنشاركم الاجواء





ــ ضحكتي الاخت وفي المطاف لما قالت السوريه بتعدلنا
هههه


البنات يفكرون يعدلون شي و الشباب يفكرون يعدلون شي ثاني ــ







جميييل جداآآ طرحكـ








دمتم بود

احترامي لروحكـ الطيبه


/


إماراتي جنتل

[فرعون الفريج]

أشكر الاخت وفوي والأخ اماراتي جنتل على مشاركاتهم


ونواصــــل الاستعدادت لأستقبال العيد :

بعد ما اتطرقنا للشباب و :aa_car: من تلميع وتشميع والمحلات وغلاء الأسعار ..نتطرق الى


العيـــدية

هل تعرضتم لمواقف محرجة وكيف كان ردة فعلكم؟


:sm78: راح أعترف لكم بموقف صعب !!

اخوي في الابتدائي :brows: عيدته قبل سنتين بـ 100 درهم

:aa_Sanson: قال لي هذي ما تسد اشتراك بلاد بيري

:shy:

فأنا ومن هذا الموقف المحرج أن يراعي الأباء والأخوان فروقات الزمان القديم والحديث ، :sm165: حتى لا تتعرضون لنفس الموقف !!

[اماراتي وافتخر 40]

هلا هلا بو زايد

الله يعطيك العافيه

انا متصدعه اوي اغراض العيد...الملابس مخلصتنهن بس تدري عندي يهال وما احب اطلع الا اوي ابوهم وهو يشتغل بابوظبي فطلعتنا بس بالويك اند..وخذ عاد الزحمه....

انا فصلت عبي قبل رمضان وفكيت عمري..وشي خذت لي ملابس من دبي اللي هي الجنزات والفساتين.......

وكان خاطري صباح العيد البس مخوووووره...فنتكت لي وحده عجيبه هههههههههههه....لاني منقهره من بنات هالوقت 24 ساعه جينز وتي شيرت لا تقول حفله ولا تقول عروس كله واحد عندهن
اول العروس تطلع من الصاله بتركب اوي ريلها وهي تجنن بالمغربيه والعباه مب الحين تطلع له بجينز تكرهه حياته ولفلوس اللي دفعها عليها ههههههههههههههه:aa_kashra::sm125:

ما اسير اتحنا بالصالون زحمه واليهال محد عندهم...بخذ معصار حنا واستكرات وبمشي الحال...مكياج وهالسوالف بروحي اعرف اسوي

بس ساعدوني انتوا الشباب..الاولاد مفصله لهم كنادير رماديه فاتحه شوه اخذ لهم لون الغتر؟؟؟؟؟؟؟

وحق الخراويش تراه محلاه التقليد تارسه شارع لكويتي......واذا تذكرت شي برد تعيبني هالسوالف:aa_Popcorn:

[وفوي المطاف]

انا عن نفسي ما تعرضت لموقف محرج ولله الحمد

الكل عارف ان عيديتي 500 وفوق خخخخخخخخخ

بس فشيله يوم جيرانا ولا حد من اهلنا يعطوني 200 و 100

ما اردهم الصراحه

عسب ما يزعلون !

200 احسن عن ماشي

[اماراتي وافتخر 40]

راهيه وفوي

[فرعون الفريج]

السلام عليكم
أشكر وفوي المطاف واماراتي وافتخر على مشاركاتهم

وطــبعا لا تزال الإستعدادات للعيد قائـمة
وننــتقل لـفلاش باك لسـنة 1994 حيث كانت الكندورة الزرقاء أو ما يعرف بـ "الجويت" موضة يعرفها "الطيبون اللي راحوا"
فكلما اشتدت زرقة كندورة الرجل أو الطفل في العيد زادت كشــخته !!

موقف
أتذكر أبوي الله يحفظة فصـل لي كندورة في هالفترة لكنها بيضاء للأسف:sm78: ...سرت الجمعية التعاونية واشتريت "نيلة" على قولة اخوانا المصرين
والتي تسبب زرقة لون الكندورة ...واتبعت الخطوات السليمه حتى اصبحت زرقاء كالبحر "ماهذا يا للحماقة :sm161:!!" وطبعا كشخت فيها مع الكشيخة الزرق:sm115: !!!
:sm115: منو عنده مواقف مع ملابس العيد يخبرنا

[غلا العشاق]

السلام عليكم ورحمةالله وبركاتة

أممم جهزت حق العيد فصلت مخور لي ثنتين حق أول أيام العيد أما حق الأيام كنادير مخورة بس شغله خفيف

طبعا أشتريت شيله لون أخضر على لون الكنادير طبعا جأنه مو عيد الفطر عيد الخضر :sm115: ماشاء كله أخضر

بعدني ما اشتريت لي نعال ولا اكسسورات حق العيد بسير هاليومين وبشتري والحمدالله

عيدكم مبارك وأشوفكم على خير

[نور الدنيا 2011]

سوالفك حلوه يا بو زايد ،بس وفوي المطاف وين بيتكم عشان إي عندكم يوم عيد الاضحى حق العيدية