ابغي اتزوج من خارج الامارات

[مشاعر إنسان]

السلام عليكم

انا ماعرفت وين انزل موضوعي بس حبيت استفسر جاد حد يهرف عن الطريقة ابغياتزوج من خارج الدولة

انا ريال عمري 40 سنة منفصل مع زوجتي لظروف خاصة اداوم في العسكرية
قالوا لي امس انه ممكن الواحد يعرس من برع بموافقة امنيه
لظروف خاص انا ما اقدر اتزوج مواطنة عشان جية بتزوج من السعودية
شبابحد منكم عنده خبره في الطريقة
وين املج عليها وكيف اوثق الزواج والاجراءات الثانية
انا مضطر لازم اعرس زوجتي مب عايشة ويايه
ما اقدر اتزوج من الامارات تعرفون شروط المهر والزهاب والعرس
وما ابغي اتدين والربا حرام والمرابي عليه لعنه واشياء وايد في الدين
اللي يعرف طريقة الزولاج يكلمني الله لاهانكم ياشباب
واعتذر من بنات بلادي لاني ما اقدر اتزوج منهم لظروف غلاء المهور
لاحد يقولي شي بنات انا خطبت اكثر من مرة مايبون شي بس 200 الف عرس وذهب وزهبه و و و توصل 200

انا الحين ناوي اخذ سعودية واللي يعرف شباب يعلمني الطريقة



اشكركم

[*مسك الإمارات*]

الله يهديك

[ام سعيد المهيري]

الله يوفقك للخير

[نبض انسان]

ماعندى خلفيه
بس الله يوفقك يارب وانا ما الومك بارك الله فيك

[غلا العشاق]

الله يوفقك

[حرم علي]

الله ييسر امورك .. توكل على الله , وربي يسهلها عليك
بنات الامارات خكاكات وبطرانات
لكن كيف تخطب من برع ما عندي خلفيه عن هالموضوع

[عذبه الشحوح]

الله يوفقك ........... بس البنات ماكلهم نفس الشيء ........... اقلهن مهرا اكثرهم بركه ..............

[بنتـ DxB]

عسى ربى يوفقكـ و يسعدكـ إن شآء الله

[*مسك الإمارات*]

حرم علي الله يسامحج مش كل البنات باجر بيونج ينات اوعندج بنات لاتقولين جدي الله يهديج تراج انتي منهم ووالله يهدي بناتنا جميعا يارب

[بو جابر]

عندي حل .... إنتحر <<<<ترا أتغشمر لا تخذوها جد ......ههههههه

[إنسان ثاني]

الله يوفقكـ ياخوي ــ

بس انت تقول انك عسكري و صح موافقه آمنيه لكن مب آي حد

و انت فكر لعقب يعني تبا تزوج من السعوديه بعدك رايح راد السعوديه

انا اقول اصبر و استخير و بنت البلاد مافي منها دامك ولد البلاد

و مب الكل مهره 200 انت اسأل بالاول عنهم و شوف كيف مهورهم قبل لا ادق الباب


بكل الحلال بتصرف ــ



الله يوفقك و اتمنى لك التوفيج ــ

[عذبه الشحوح]

صح مو كل بنات مهورهم 200 الف ........
بعضهم يراعون في المهر ......... الله يوفقك

[SARAH]

حركات والله الحين وين إللي مهرهن 200 ألف ؟ من يوم ما حددوا المهر ب 20 ألف والأغلب ماشي
على هالدرب غير انه صندوق الزواج موجود ويساعد الشباب لكن الرياييل هم البطرانيين مب الحريم
يوم يبغي ينوع قال المهر غالي يا حبكم يا الشباب تلقطون من هني وهناك ومخلين بنت البلاد تخيس في
بيت ابوها أونه المهر 200 ألف حشى هاذي مب حرمة سيارة
خل عنك هالكلام ودور ستين وحده بتلاقيها مهرها ما يزيد عن 20 ألف بس انت متعايز وتبغي تاخذ
من برع

[مزروعية غير]

الله يوفقك

[راوي جروح]

والله حركات.... اقولك اذا انته عسكري انسى لان هذي سياسه ما اعرف ليش بس انصحك حلات اتكون ام اعيالك منك وفيك واذا ما حصلت ما انصحك من الزواج .والله يكتبلك الي فيه الخير.

[حرم علي]

حرم علي الله يسامحج مش كل البنات باجر بيونج ينات اوعندج بنات لاتقولين جدي الله يهديج تراج انتي منهم ووالله يهدي بناتنا جميعا يارب

عجبا لهم !!


يرفضون تزويج ابنتهم من الفقير الصالح ,, مبررين كثرة فقرة !
ويزوجونها من الغني الفاسق ,, مبررين بأن الله سوف يهديه !
أليس الهادي هو أيضا الرزاق ؟؟؟


وانا صادقة عند ربي . ما قلت شي فديتج
هالواقع اللي مب راضين تعترفون فيه
والا شو خلا الريال يفكر ياخذ من برع البلاد ؟؟؟؟
لكن بنات هالزمن اعوذ بالله منهن , 200 الف مهر ما تكفيهن
خليني ساكته احسن . مابا العلع وايد في هالموضوع , ضغطي يرتفع

[خيماويه 1]

أولا: الله أيوفقك والخير في ما أختاره الله لك

ثانيا: اسمحلي عذر اقبح من ذنب

ثالثا: لاتعمم على جميع البنات لانه سالفة المهر أستوت نكته قديمه للحين يتداولها معشر الرجال
(( أنا ما أنكر أنه للحين في فئه بطرانه وجايفه عمرها من البنات لكن قلوا بشكل كبيير
جدا))

عموما لاتسأل أهل النت عن هالأمور تراك مابترسي ع بر

[خيماويه 1]

والسموحه بس شغله ثانيه

مافي بنت فالدنيا مستعده تاخذ واحد فقير ومنتف وحالته لله

وحق لي بيعفدون بويهي وبيظهرولي ستين علثه ردي كالآتي:

(( اذا هو ع قولته ماعنده وع قد حالته ويالله ايعيش عمره دام جي حاله كيف بيعيش بنت الناس؟؟؟ كم بتتحمل الفقر؟؟؟ خلكم من بنت الناس خل اتولي ان شاء الله ماعاشت ... هو كيف بيتحمل هالمصاريف؟؟؟ باجر لي يوه يهال كيف بيصرف عليهم؟؟؟ خاصه عاد مجتمعنا الحلو الحرمه عندهم قطوه لازم نص درزن فما فوق والله مكثرهم لي جي حفاي منتفين يالله يالله يصرفون على عمارهم ويتشرط ون ع حريمهم والله نبا يهال !!!! ... انزين من وين بتصرف عليهم؟؟ بتسرق ولا بتدين ولا بتبيع كل يوم شي من اغراضك ولا اغراض البيت؟؟؟)))

[غلا بوظبي]

حتى انا ابي اتزوج واحد من خارج الامارات

[عشوقة]

سعودية >> ترها مسلمة بعد !!! شو المشكلة ؟!!!!
بعدين ليش معصبين عليه هوه بيعرس ولا انتو !!!!!!!!!!!!

ربي يوفقك .. ويوفق الجميع

[اماراتي وافتخر 40]

حد جذه وحد جذه

اللي عنده بيعطي واللي ما عنده المستورات واااااايد

مب كل البنات بو 200 الف

الله يكتب لك ما فيه صلاح امرك...بس حلاه الثوب رقعته منه وفيه.....

[راوي جروح]

الريال يقول تكاليفة العرس مع المهر 200 الف مب المهر بس يعني مايبغي عزايم ولا خرابيط وخساير.

[ms dfsha]

آلحيين هذا موضوع تتناقشون فيه ومثل ما قالو هو بيعرس ممو آنتو
آخووي اولا استخير الاستخارة قبل كل شي تيسسير وثانيا انت مجرب تجربة الزواج يعني عارف ان لكل شي مصروفه الخاص و إذا شايف نفسك قد المسئولية مرة ثانية بالتوفيق
وربي يوفقك ويسهل عليك

[فرعون الفريج]

السلام عليكم ورحمة الله وبركاتة


في البداية ابارك خطوة الزواج وتفكيرك السليم .

اما بالنسبة عن غلاء المهور وتكاليف الزواج فهي شائعة ولكن يوجد بعض الدرر الثمنية تستطيع اقتناصها ولن اطيل الحديث عليكم
وسأكتفي بسرد قصة زواج لمتدينة من عائلتنا السنة الماضية .
هل تعلم أن تكاليف زواجها لم تتعد حفلة صغيرة في المنزل ..بدون ذهب أو زهبة أو اي شيء من هذا القبيل
طبعا موقف العائلة كان قاسي والكل يلوم البنت ...النتيجة أنها مع زوجها الحين بدون ديون ..والسبب اصرارها على عدم الاسراف ولا حاجة لها
بالمجوهرات .

ربما عليك ان تستعين باهلك للبحث عن هذه المواصفات ...فاظفر بذات الدين تربت يداك ...صدق سيدي رسول الله صلى الله عليه وسلم


تحياتي

[همس23]

بالتوفيق يارب ...الزواج ولا لاسمح الله الزنا !!! انتبهوا صبايا وشباب!!! ( وأمرهم شورى بينهم)...حب يستفسر ويستشيركم ليس إلا !!ادعوله بالخير ...

[منتدى الرمس]

بالتوفيق يا خوي

[الوحيدة بالغربة]

ياخوي الله يوفقك للخير ويسعدك بزواجك وين ما يكون ويسهل دروبك لو كانت عندى بنت بالعشرينات أنا بزوجك بعشرين ألف بس لكن بنتي بعدها عمرها أربعة عشر سنه أهم شي الدين والأخلاق الحسنه والله الموفق

[مسك الريم]

الله يوفقك

بس انت روح السعودية وشوف لك بنت الحلال اللي تناسبك وتعرف على أهلها واتفق معاهم في المحكمة

لا تسوي الاجراءات وانت يالس في الامارات لأنه ياما صارت أمور مغشوشة واحتيال

[كتاب الحزن]

السلام عليكم والرحمه ..

وابوووي شفيكم ع الرياال ..
وبعديين اهوو اللي بيعرس ..
واهو يقصد تكاليف العررس كلها تقريبا 200 الف ..
والريال يمكن ماعنده هالمبلغ ويمكن مديوون اساسا فالبنك ..

المهم انا عندي اهل من السعووديه .. تررمس جد تبى سعوديه ..!!
ترى عاادي والله ..

[فيصل بن هاشل]

والله حركات.... اقولك اذا انته عسكري انسى لان هذي سياسه ما اعرف ليش بس انصحك حلات اتكون ام اعيالك منك وفيك واذا ما حصلت ما انصحك من الزواج .والله يكتبلك الي فيه الخير.

السلام عليكم

شحالكم !!

اخوي انت تقول انك دورة في الامارات وما حصلت كلامك جدا منطقي انك تروح ادور من السعوديه

الله يكتبلك الي فيه الخير

بس حبيت ارد على الريال هذا

اخوي شو اذا ما حصلت لا تتزوج انته صاحي ؟ كلامك هذا تمنع شي مهم

الحرمه مب تيلفزيون ولا كبت عسب ما ياخذه اذا هو يبا يتوكل على الله

اتمنى من كل قلبي انك تحصل بنت الحلال و البنات سواء في الامارات ولا غيره ترا يعرفون شي اسمه نصيب

والله ما قال تزوج بس من الامارات ^^

الله يوفقك وكلن له نصيبه

[uae_good_man]

خاف ربك قاعد تشوه سمعة بنت الامارات في كل منتديات وتحسس العالم ان مهرن غالي

[راوي جروح]

السلام عليكم

شحالكم !!

اخوي انت تقول انك دورة في الامارات وما حصلت كلامك جدا منطقي انك تروح ادور من السعوديه

الله يكتبلك الي فيه الخير

بس حبيت ارد على الريال هذا

اخوي شو اذا ما حصلت لا تتزوج انته صاحي ؟ كلامك هذا تمنع شي مهم

الحرمه مب تيلفزيون ولا كبت عسب ما ياخذه اذا هو يبا يتوكل على الله

اتمنى من كل قلبي انك تحصل بنت الحلال و البنات سواء في الامارات ولا غيره ترا يعرفون شي اسمه نصيب

والله ما قال تزوج بس من الامارات ^^

الله يوفقك وكلن له نصيبه

يا الطيب منو قاله لا يزوج خله يدور اذا انا اتزوجت سعوديه وانته ازوجت كوتيه وهذاك ازوج فلبينيه منو تبون ياخذ بنات البلاد هنود وبكستانين ....عرفت منو صاحي ؟؟؟

[دمرووكـ ياآ قلبي]

الله يوفقكـ بس بنت البلاد أولى و ان شاء الله بتحصل ألي مهرها رخيص .

[دمرووكـ ياآ قلبي]

عجبا لهم !!


يرفضون تزويج ابنتهم من الفقير الصالح ,, مبررين كثرة فقرة !
ويزوجونها من الغني الفاسق ,, مبررين بأن الله سوف يهديه !
أليس الهادي هو أيضا الرزاق ؟؟؟


وانا صادقة عند ربي . ما قلت شي فديتج
هالواقع اللي مب راضين تعترفون فيه
والا شو خلا الريال يفكر ياخذ من برع البلاد ؟؟؟؟
لكن بنات هالزمن اعوذ بالله منهن , 200 الف مهر ما تكفيهن
خليني ساكته احسن . مابا العلع وايد في هالموضوع , ضغطي يرتفع





الصراحة تعجبت من ردج الحين بنات قوم 200 الف استون اعوذ بالله منهن اظن انج يالسة تسبينهن؟؟!!! تعرفين ليش ما يكفيهن ؟؟!! ع شان الغلى كل شي مرتفع سعره تبين اقولج شو هن الأغراض؟؟.... اظن انج تعرفين فما يحتاي اقول و بعدين يا الله يا الله يسدهن و يضمن جم بيزة ألهن و لا حرام هع و بعدين مب كل الناس شرات بعض و مب الفقير اهو الصالح و الزين و ألي يخاف ربهـ و الغني اهو الفاسق و مب زبن وألي ما يخاف ربهــ الصراحة شي عجيب سبحان الله شو هاالتفكير.
ع فكرة في بيت شعر يقول:-

تَهُونُ عَلَيْنَا في المَعَالي نُفُوسُنَا، *** و منْ خطبَ الحسناءَ لمْ يغلها المهرُ

[كتاب الحزن]

الصراحة تعجبت من ردج الحين بنات قوم 200 الف استون اعوذ بالله منهن اظن انج يالسة تسبينهن؟؟!!! تعرفين ليش ما يكفيهن ؟؟!! ع شان الغلى كل شي مرتفع سعره تبين اقولج شو هن الأغراض؟؟.... اظن انج تعرفين فما يحتاي اقول و بعدين يا الله يا الله يسدهن و يضمن جم بيزة ألهن و لا حرام هع و بعدين مب كل الناس شرات بعض و مب الفقير اهو الصالح و الزين و ألي يخاف ربهـ و الغني اهو الفاسق و مب زبن وألي ما يخاف ربهــ الصراحة شي عجيب سبحان الله شو هاالتفكير.
ع فكرة في بيت شعر يقول:-

تَهُونُ عَلَيْنَا في المَعَالي نُفُوسُنَا، *** و منْ خطبَ الحسناءَ لمْ يغلها المهرُ



اسمحيلي اختي برد عليييج ..
اوكي تاخذين عن ريلج 200 الف مهر وزهبتج وغير الصالون والقاعه وسوالف العرس ومصاريفها ..
عقب تعيشين طوول عمرررج وياه بديوون لييش ..؟!
لييش تعيشين عمرج وتعيشينه بهالشي ..؟

وبعدين لا تنسين فديتج ان كل يوم والثاني تظهر ديزاينات وموديلات يديده من كل شي ..
وانتي كونج بنت اكييد تبين كل ززين ويديد لجج ..
يعني تاخذين زهبه ع قدج واغراض ع قدج ومادينيين ريلج احسن لجج بوايد ..
والريال بياخذج انتي مابياخذ زهبتج وملابستتج وبيطالعهم ..

والجمال جمال الرووح والجووهر هب جمال الشكل ..
والريال بأخلاقه وادبه ودينه هب بفلووسه وجماله ..!!

اسمحيييلي ع المدااخله مره ثانيه ..
وربي يحفظظج ..^.^

[*مسك الإمارات*]

ماشي سالفه بنات وبنات والريايل منزلين من السماء ترا في الزين والشين كلا الجنسين وما اقول إلا الله المستعان

[albertman]

حياك الأخ أو الأخت

[بوزايد 1973]

أنا رأي مغاير جدا عن باقي السادة الأعضاء والعضوات
وآتوقع من الاخ اللي حاط هذا الموضوع كان قمة في الدهاء والذكاء بنفس الوقت وكان هدفه التوصل لبنت ترغب بالزواج عن طريق الأخوات عضوات المنتدى بحيث يثير حفيظتهن على هذا الطرح ويجعلهن يفكرن ببعض البنات اللاتي لم يتزوجن حتى الآن سواء من عوائلهن أو صديقات وبالتالي ستقوم بعض العضوات بنقل الموضوع وخصوصا إذا وجد هناك وحده تأخرت عن الزواج راح يكون من المؤكد تفكيرها المادي في تكاليف العرس تلاشى وسينصب تفكيرها على الستر واللحاق بقطار الزواج
أهنئك على هذه الخطة أولا وأبارك لك إذا تزوجت ثانيا
ولا تنسى في النهاية هذه وجه نظر ولازم تقبلها في كل الأحوال طالما عرضت موضوعك للجميع
مع تقديري،،،،،

[راعي سوالف]

الله يوفقك كانت سعوديه او اماراتيه كل واحد ياخذع قياسه
ولي اتقول الاماراتيات خكاكات وبطرانات اقول لها ما تعممي عندنا بنات بعيد عن هذه سوالف الرخيصه و التافهه
وعلى فكره ترى كل وحده تتكلم عن نفسها و انتي تكلمتي عن نفسج

[عذبه الشحوح]

ياااربي ............ واذا هي مرتقده وتبي تشتري خراابيط وتلعب بفلوسها شي رااجع لها ........... الناس تشتري ع قدها والسوووق مفتووح محد بيسكره ...... يوم هم يترسون شنط فوق عشر شنط الزهبه ليش خقه يعني ؟؟ وهو اكيد مابيقصر معاها بيشتريلها وبيوديها السووق ............... بس في ناس ماتحس بالفلووس ......... الله يوفقك

[شمس البحرين]

شدني الموضوع وحبيت ابدي رايي فيه

اولا اسمحولي ياجماعة الاغلبية حسسني ان يا ياخذ بنت بلاده او لا

مافيها شي لو خذ اماراتيه سعوديه قطريه بحرينية كلنا بنات ادم اهم شي الدين والاخلاق وهالشي نصيب

ثانيا هو قالكم يبي رايكم ماقاال منكر بالعكس ادعو له بالتوفيق

وثالثا الي قال ان كل يوم داق درب السعودية رايح راد ماضن من بعد السعوديه الخليج كله واحد ع بعضه ماياخذ غير ساعات بسيطه

وفالاخير والاهم استخير اخوي والي اعرفه لو تبي تخطب ولقيت بنت الحلال ماعليك الا انك تودي اوراق ثبوتيه وموافقة دوامك اضني للمحكمه هناك وتملج ومع نتايج الفحص هاي الي اعرفه

والله يكتب لك الي فيه الخير وبالنهاية الزواج قسمه ونصيب


موفق :)

[أبو عبادي]

اذهب الى القنصلية السعودية فهي جهه رسمية هناك ملحق ثقافي
الله يوفقك

[إمـرأه لا تُنسـى]

السلام عليكم ورحمة الله وبركاته



اخي الكريم



بعد قراءتي لأسطرك , احببت بعدها ان اقرأ جميع ردود الاعضاء , فوجدت ان هناك حقيقة يجهلها الاغلب وخاصة الفئة النسائية !



ان الرجل متى وضع نصب عينيه امر يريد ان يفعله , فسيفعله لا محال .


فلا احد يستطيع ان يغير رأيه الا بمحل إرادته ورغبته هو !


بمعنى

انت عندما بحثت عن زوجة في الامارات لم تجد واحده يكون مهرها او تكاليف عرسها أقل 200 الف درهم !

وهدا غير منطقي .

والمشكلة تكمن في انك : لم تبحث حقيقة ومررت بتجربة او تجربتين فقط !

او انك : قد سمعت من خبرات الغير من حولك وطبقته تلقائيا على فكرك !


فالبحث عن زوجة المستقبل كالبحث عن مواطن سكنك وراحتك !

ومن حقك ان تبحث عن مهر اقل مادامت مادياتك لا تسمح بدفع مبالغ كبيره .

وان بحثت جديا وبرغبة صادقة ستجد ما تبحث عنه دون شك !


اما انك تفكر بان تتزوج باخت فاضله من السعودية فهذا ايضا يرجع لقرار انت اتخذته لنفسك وانت من تقرر وانت من سيتحمل قراراته


وبما انك قد ذكرت انك شخص عسكري فقد تواجهك بعض الصعوبات مستقبليا بهذه المسالة وانت تعرف ماذا اقصد !

بالاخير انت من يجب ان يقرر وانت من يجب ان يرسم لنفسه ما هي ايجابيات هذا القرار وما هي سلبياته

ويجب ان تضع نصب عينيك ان هذه القرارات لسنا نحن من سنتحملها بل انت يا اخي الفاضل


وهنا يمكن لك حينها ان تقرر (فقط انت ) !



حفظك الرحمن

[توأم حمود]

والله عندنا في السعوديه وكذا مره سمعته يمنع زواج السعوديه من رجل يشتغل في المجال العسكري وكذالك الرجل السعودي العسكري من أي دوله ثانيه يعني ريح نفسك وتضرب الطريق للسعوديه وبعدين أغلب بنات السعوديه ترفض تتزوج واحد برا ديرتها
وتقعد طووووول عمرها بعيده عن أهلها إلا إذا تنازل المعرس وسكن في السعوديه في نفس حي أهلها بإختصار تزوج وحده من دولتك
ولا تفكر لبعيد وتنكب نفسك وبنت الناس معك والله يكتب لك الخير

[princessa]

ماعندي اي خلفيه الله ويوفقك وتلقى الزوجه الصالحه الى تسعدك

[sham]

الي حابب يتزوج من السعوديه او غيرها أسمعها مني كلمتين ياااأخي عنا مثل بسوريا الي مابياخود من ملته بيموت بعلته و وعلى قد لحافك مد أجريك عشان هيييك دور على بنت من بنات الامارات تستر عليه والله في بنات متل الورده بس بدوا ناس تشوف بس انت كأنك عم طبق المثل خيرنا لغيرنا عشان هييييك استهدي برحمن ونصيبك رااح تاخدوا مين كانت تكون ........
[ الله يوفقك شاااااااااااام[]

[sham]

السلام عليكم
الي بدك تتجوز ومابدك تكاليف عرس وذهب وحباشات العرس روح ع مكتب النسر الذهبي للزواج الشرعي والله بيسرلك بنت الحلال وبنات هالايام البنات بدون الستر مابدون المال وأسمعها مني لك أخي أستر على بنت بلدك أحسلك ولا تخلي خيرك لغيرك وبلا ماتروح على السعوديه وغير بنت بلادك اولالك واذا حاابب بنسااعدك والله يوفقك حطها حلقه بأذنك الي مابياخود من ملته بيموت بعلته وبعيد الشر عنك

[مجـــ90ـــروح]

سلام عليكم
الزواج قسمة و نصيب و الريال حاب ياخذ وحده من بنات الخليج اللى من بعد ترا مثل خواتنا ما تفرق شي غلاء المهور يا الغالي انا اشوفه في كل مكان بالاخس في دول الخليج
بس في ناس ما يعرف يبيعون كأنه يبيعون شرفهم بفلوس شنو يعني 200 الف مب مبلغ صغير

يا خوك الله يوفقك اسال ان شاء الله ما بيقصور اخونا معاك

[ريحانة الامارات]

عندي تعليق بسيط جدا وهو اني شفت كل واحد متحمس وكل رد اقوى من الثاني بس ما شفت راي صاحب الموضوع شو رايه بالردود
:)

[نوني. الرياض]

الخيره فيما اختاره الله وهاي رقمي اذا حاب ازوجك من السعوديه. فاعلة خير 0505527403

[أم فاطمه]

مساكم الله بالخير

مبروك عليكم الشهر

السموحه على السؤال الاخ مب مواطن؟؟؟ أذا مواطن الا اعرفه صندوق الزواج يساعد

ومثل ما قال الرسول الله عليه افضل الصلاة والسلام (اقلهن مهره اكثرهن بركه )

ومن فترة الشيوخ الله يحفظهم قرروأشياء كثيره عن الزواج حتى ما تصعب على المعرس ب طلبات

ما اعتقد في عذر الحين ...... صح كل شي قسمه ونصيب .... والله يرزقك

[uae_good_man]

يعني تبغي تشهر في المنتديات بأن المواطنات من الامارات مهورهن ملايين .خاف ربك اخوي عيب عليك هالكلام وتشهير بأن المواطنات ما يستحقن الزواج والسبب مهورهن . راجع حساباتك طال عمرك والله ان البنات موجودات بس وين ريال الى يقول نعم انا حاضر والموضوع موب مهر موضوع وين الريال الى يستاهل . اتمنى حذف الموضوع وهذا شخص انا اعرفه جيدا وله عدة مشاركات في معض المنتديات وهدفه بس تشويه سمعة بنات الامارات واتمنى حذف عضويه صاحب الموضوع
لان بصراحه لا يستحق اي مساعده منا . وقبل لا انهي كلامي شكرا جزيلا انك شوهت سمعة بنت بلادك في جميع المنتديات ويكفي العنوسه الى عندنا وانت بدل ما تكحلها في موضوعك عميتها مره وحده والله سبحانه وتعالى فوق واذا قدرت ترجع لزوجتك ارجع ولكن ارجوك لا تنفر شباب عن بنات البلاد بموضوع المهر .

[abdullahalemadi]

والله عندنا في السعوديه وكذا مره سمعته يمنع زواج السعوديه من رجل يشتغل في المجال العسكري وكذالك الرجل السعودي العسكري من أي دوله ثانيه يعني ريح نفسك وتضرب الطريق للسعوديه وبعدين أغلب بنات السعوديه ترفض تتزوج واحد برا ديرتها
وتقعد طووووول عمرها بعيده عن أهلها إلا إذا تنازل المعرس وسكن في السعوديه في نفس حي أهلها بإختصار تزوج وحده من دولتك
ولا تفكر لبعيد وتنكب نفسك وبنت الناس معك والله يكتب لك الخير


هذا الكلام مش صحيح

[abdullahalemadi]

السلام عليكم ورحمة الله وبركاته



الزواج من خارج البلاد فكرة للتهرب من بعض المعوقات (التكاليف), ولكنها من وجهة نظري القاصرة أنها فكرة ليست بالسديدة.



نرى من ينفي غلاء المهور والتكاليف الباهظة مطلقا ونرى الاخر يقره وبين مؤيد ومخالف ومحايد لهذا الغلاء. في حقيقة الأمر الذي ما له من دافع أن أغلب الأسر وليس الكل تصر على الشاب المتقدم مبالغ باهضة بحجة غلاء أسعار السلع والسوق وهذا ما قد يعيق بعض الشباب التي تبلغ رواتبهم ما بين 10000و 15000 من فكرة الزواج.


إذا فكر الشاب الذي يبلغ راتبه 15000 في الزواج , فكم سنة يحتاج للأدخار لكي يقوم بتوفير مبلغ متوسط الزواجات في الامارات وهي ما بين 200000 إلى 300000 ولنقل أنه يوفر شهريا 6000 الاف درهما , فكم سنة يحتاج للإدخار؟؟؟


- متوسط أسعار الزواج: 250000
- متوسط الأدخار الشهري : 6000 (إلا من وفقه الله في أستهلاك ماله)


يحتاج إلى قرابة ال 4 سنوات حتى يقوم بتوفير متوسط تكاليف الزواج , ناهيك عن العسل وما أدراك ما شهر العسل !!


إذًا, إذا كان عمر الشاب 23 سنة وفكر في الزواج فإنه سيتزوج بإذن الله في 27 من عمره !!!


ولا يقول عاقل أن : 15000 درهم لا يكفي لإعالة أسرة . (كما يحتج بعضهم : ما عندك اتسوي عرس , كيف بتصرف على حرمتك)


إذا, فالشاب بهذا الراتب يستطيع إعالة أسرة في الوقت الحالي فما الذي يعيقه ويؤخر عليه موضوع الزواج ؟ (تكاليف الزواج الباهضة)


هذا و أنا اتكلم عن اصحاب الرواتب 10000- 15000 .. فما حال من كانت رواتبهم دون ذلك ؟


وبعد هذا يتبين أن موضوع ارتفاع تكاليف الزواج عند أغلب الأسر يعيق الشاب (الذي لا يريد الإقتراض) من الزواج وهذا الكلام لا يتناطح عليه كبشان !!


ولكن هل هذا عذر للزواج من خارج البلاد؟ لا (من وجهة نظري).

قل أنك تفضل أو معجب أو في خاطرك نساء تلك الدولة أو أي عذر أخرفهذا لا بأس به وكلهن أخواتنا وعلى العين و الرأس.

أما الأحتجاج بالتكاليف فأقول أنك ستجد بعد الأسر الفاضلة من تشتري الرجل الخير الصالح ولا تلتفت للزينة و التباهي و إنما تريد الستر وتريد العفاف. وهناك أمثلة كثيرة مشرفة نرى فيها انخفاض تكاليف الزواج .

مثال ذلك :
- تزوج ابن عمي بمهر درهم
- وتزوج أخاه بمهر درهم
- وتزوجتُ بمهر 10000 والمؤخر 0, وقال لي العم (أبو الحرمة) خذ زوجتك وسافر وعند العودة قم بوليمة صغيرة , نعم هكذاا
- وتزوج أخي وكان المهر 1000 وكلفته الوليمة المنزلية 4000 درهم , المجموع 5000
- والكثير الكثير من أصدقائي


وفي النهاية أقول :
يجب على أولياء الأمور أن يتقوا الله في بناتهم و أن لا يبالغوا في مهورهن, و أن يعلموا أنهن أمانة عندهم وغدا بين يدي الله موقوفون وعنهن مسؤولون وقد قال صلى الله عليه وسلم :ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة . وقال عليه الصلاة والسلام : إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير. والله إن المؤمنات مكدسات في البيوت , ونسبة العنوسة مخيفة جدا وقد رفض المجتمع التعدد تشبها بالغرب علما بأن الشرع والحكومة وفقها الله تشجع عليه. فهالله هالله في بنات المسلمين


الخلاصة :
ارتفاع تكاليف الزواج : موجود وهو الأغلب
انخفاض تكاليف الزوج : موجود وهو الأقل
الزواج من خارج : (فانكحوا ما طاب لكم من النساء) انت حر, ولكن في رأيي أن بنت البلاد أفضل لعدة أمور أرى عدم ذكرها
التعذر بارتفاع التكاليف : لا ليس بعذر فهناك أسر لا تريد سوى المهر و الإشهار


هذا و بالله التوفيق


ملاحظة 1) أخي الأكبر متزوج من السعودية
2) كاتب الموضوع يبحث عن مواطنة واستخدم هذا الأسلوب ليوصل الرسالة (رأي)


أخوكم / عبدالله العمادي

[uae_good_man]

يا اخوي هذا لو في خير كان ما تكلم عن بنات الامارات بهالطريقه الحمقاء . ليش يكتب نفس الموضوع في اكثر من منتدى؟؟؟ شو الغرض؟؟ ارجو منك ومن الجميع ان تعطوني الجواب؟؟؟ شو الغرض ؟؟؟ لهدرجه بنت الامارات مافيها خير ولا في اهلها ؟؟؟ وعلى قولته خطب مليون مره يا سلام يعني ما ضبطت معك ولا مره ؟؟؟؟!!! عجبا عجبا وكلهم طلبو 200 الف درهم . انا اقوله يا اخوي ضاهر انت كنت في فريج واحد بس حاول تغير الفريج او منطقه يمكن التغطيه بتكون اقوى وارخص على قولتك . والى جاد ويبغي يتزوج ما يدخل المنتديات ويقول ابغي اتزوج . يدق باب ويطلب الزواج موب يقعد في المنتدى ويقول زوجوني ويشوه سمعة بنات بلاده بالهطريقه .40 سنه وتبغي تتزوج عن طريق المنتديات والله ما بقول غير الله يهديك والله يكون في عون زوجتك المسكينه .

[uae_good_man]

الى طلق زوجته و شوه سمعة بنات الامارات في المنتديات ما يستاهل حد يزوجه . الله يعينج بس لو اتصل فيج .



الخيره فيما اختاره الله وهاي رقمي اذا حاب ازوجك من السعوديه. فاعلة خير 0505527403

[خليفة بن محمد]

شلك بزواج وعوار الرأس وهم وغم ونكد وخسر .
خلك حر . يازينها هاي الكلمة , وين سرت ولا وين يت محد درابك ولاحد سأل عنك .
وبعدين تعال جان صار معاك خلاف معاها رزتك في الشرطة والمحاكم , وتعال طلق ولا شروط .
ولو طلقت عليك نفقات بتم تدفعها طول عمرك وحتى وانته ميت .
خلك عن العرس احسن لك .

[خليفة بن محمد]

السلام عليكم ورحمة الله وبركاته



الزواج من خارج البلاد فكرة للتهرب من بعض المعوقات (التكاليف), ولكنها من وجهة نظري القاصرة أنها فكرة ليست بالسديدة.



نرى من ينفي غلاء المهور والتكاليف الباهظة مطلقا ونرى الاخر يقره وبين مؤيد ومخالف ومحايد لهذا الغلاء. في حقيقة الأمر الذي ما له من دافع أن أغلب الأسر وليس الكل تصر على الشاب المتقدم مبالغ باهضة بحجة غلاء أسعار السلع والسوق وهذا ما قد يعيق بعض الشباب التي تبلغ رواتبهم ما بين 10000و 15000 من فكرة الزواج.


إذا فكر الشاب الذي يبلغ راتبه 15000 في الزواج , فكم سنة يحتاج للأدخار لكي يقوم بتوفير مبلغ متوسط الزواجات في الامارات وهي ما بين 200000 إلى 300000 ولنقل أنه يوفر شهريا 6000 الاف درهما , فكم سنة يحتاج للإدخار؟؟؟


- متوسط أسعار الزواج: 250000
- متوسط الأدخار الشهري : 6000 (إلا من وفقه الله في أستهلاك ماله)


يحتاج إلى قرابة ال 4 سنوات حتى يقوم بتوفير متوسط تكاليف الزواج , ناهيك عن العسل وما أدراك ما شهر العسل !!


إذًا, إذا كان عمر الشاب 23 سنة وفكر في الزواج فإنه سيتزوج بإذن الله في 27 من عمره !!!


ولا يقول عاقل أن : 15000 درهم لا يكفي لإعالة أسرة . (كما يحتج بعضهم : ما عندك اتسوي عرس , كيف بتصرف على حرمتك)


إذا, فالشاب بهذا الراتب يستطيع إعالة أسرة في الوقت الحالي فما الذي يعيقه ويؤخر عليه موضوع الزواج ؟ (تكاليف الزواج الباهضة)


هذا و أنا اتكلم عن اصحاب الرواتب 10000- 15000 .. فما حال من كانت رواتبهم دون ذلك ؟


وبعد هذا يتبين أن موضوع ارتفاع تكاليف الزواج عند أغلب الأسر يعيق الشاب (الذي لا يريد الإقتراض) من الزواج وهذا الكلام لا يتناطح عليه كبشان !!


ولكن هل هذا عذر للزواج من خارج البلاد؟ لا (من وجهة نظري).

قل أنك تفضل أو معجب أو في خاطرك نساء تلك الدولة أو أي عذر أخرفهذا لا بأس به وكلهن أخواتنا وعلى العين و الرأس.

أما الأحتجاج بالتكاليف فأقول أنك ستجد بعد الأسر الفاضلة من تشتري الرجل الخير الصالح ولا تلتفت للزينة و التباهي و إنما تريد الستر وتريد العفاف. وهناك أمثلة كثيرة مشرفة نرى فيها انخفاض تكاليف الزواج .

مثال ذلك :
- تزوج ابن عمي بمهر درهم
- وتزوج أخاه بمهر درهم
- وتزوجتُ بمهر 10000 والمؤخر 0, وقال لي العم (أبو الحرمة) خذ زوجتك وسافر وعند العودة قم بوليمة صغيرة , نعم هكذاا
- وتزوج أخي وكان المهر 1000 وكلفته الوليمة المنزلية 4000 درهم , المجموع 5000
- والكثير الكثير من أصدقائي


وفي النهاية أقول :
يجب على أولياء الأمور أن يتقوا الله في بناتهم و أن لا يبالغوا في مهورهن, و أن يعلموا أنهن أمانة عندهم وغدا بين يدي الله موقوفون وعنهن مسؤولون وقد قال صلى الله عليه وسلم :ما من عبد يسترعيه الله رعية يموت يوم يموت وهو غاش لرعيته إلا حرم الله عليه الجنة . وقال عليه الصلاة والسلام : إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير. والله إن المؤمنات مكدسات في البيوت , ونسبة العنوسة مخيفة جدا وقد رفض المجتمع التعدد تشبها بالغرب علما بأن الشرع والحكومة وفقها الله تشجع عليه. فهالله هالله في بنات المسلمين


الخلاصة :
ارتفاع تكاليف الزواج : موجود وهو الأغلب
انخفاض تكاليف الزوج : موجود وهو الأقل
الزواج من خارج : (فانكحوا ما طاب لكم من النساء) انت حر, ولكن في رأيي أن بنت البلاد أفضل لعدة أمور أرى عدم ذكرها
التعذر بارتفاع التكاليف : لا ليس بعذر فهناك أسر لا تريد سوى المهر و الإشهار


هذا و بالله التوفيق


ملاحظة 1) أخي الأكبر متزوج من السعودية
2) كاتب الموضوع يبحث عن مواطنة واستخدم هذا الأسلوب ليوصل الرسالة (رأي)


أخوكم / عبدالله العمادي

ارزاق يالغالي ارزاق , الله راضي عليك مب نحن كسر الظهر .
اللي يسمع انا بأخذ استيشن لكزس من الوكالة , والخيبة خلوها لاهلة شو نباها بعد الله يوفقها .