متى ! حد بيتفيج !! [الأرشيف]

مشاهدة النسخة كاملة : متى ! حد بيتفيج !!

إنسان ثاني

4 - 9 - 2012, 02:28 AM

السلام عليكم ورحمه الله وبركاتهـ

بدخل بصلب الموضوع

الحين صار لي اسبوع و شوي حاط لكمطلب تغيير النك نيم

وربي ما بياخذ دقيقه لو غيرتوه ’’

وبعد طرشت رساله للادراه يغيرون النك نيم ( الاسم المستعار )

و لا حد يدخل و يقول صبر و الصبر زين

معلوم الصبر زين

بس نحن اعضاء المنتدى وارجوا منكم شويه اهتمام

بدل ما تحطون مواضيع اخباريه لجذب الزوار و تنسون

اعضاءكم ^_^

غيروا النك نيم بارك الله فيكم و خلوه

إنسان ثاني

ما كان ودي احط الموضوع هني

او اكتب موضوع بها الاسلوب

طوله البال لها حدود

و اعذروني ــ و غيروا النك نيم !!غيروه

تمام ^_^

مختفي

4 - 9 - 2012, 02:43 AM

وعليكم السلام ورحمة الله وبركاته

يا هلا فيك أخوي/إماراتي جنتل

ما عليه يا أخوي، تراه أخونا قايد الغزلان هو المسئول عن تغيير الأسماء المستعارة
وأكيد هو مشغول وايد، ما نقدر نلومه

ما يصير خاطرك إلا طيب

إن شاء الله يلبي طلبك قريب

نادرة الوجود

4 - 9 - 2012, 03:05 AM

السلام عليكم ورحمة الله وبركاته ...

نعتذر أخي الكريم عن التأخير ،، لأن صلاحية تغيير الأسماء عند الأخ قايد الغزلان حاليا لديه ظروف وعودته قريبة للمنتدى ..

وسأتواصل مع الادارة بشان الموضوع

لك كل الاحترام

نادرة الوجود

إنسان ثاني

4 - 9 - 2012, 05:30 AM

آخوي مخفتي ــ

تسلم عالتواجد و الاهتمام

و فيــكـ الخير ,, و صدقني ما كان ودي اكتب المووضوع

لكن ,,,,,,,,,,,, قهر ياخوي قهر

شكرأ لكـ يالغالي ــ

آختي نادره الوجود

بدايه آشكرج عالتواجد و الاهتمام
و فيج الخير مشرفتنا

وآنا مطرش رساله لاخوي قايد الغزلان و كان متواجد ـ

وما حصلت رد و هو يحدر يوميا يكون من المتواجدين ـ

و صلاحيه تغيير النك نيم ما اعتقد تكون عند قايد الغزلان و بس
الصلاحيه عند اي اداري و رؤساء المجالس يقدرون يغيرونه

مش قصه صعبه انهم يغيرون النك نيم ,, !!

وانا قبل عن اكتب ها الموضوع حطيت الطلب في الموضوع المناسب

ماشي فايده

طرشت رساله لاخوي قايد الغزلان

ماشي فايده

قلت بكتب الموضوع هني عالاقل يشوفونه

الموضوع مش اقتراح ولا شكوى الموضوع

يغيرون النك نيم و السلام عليكم ,,

حسووا شوي هههههه ^_^

شكرا لج و يعطيج العافيه

نادرة الوجود

4 - 9 - 2012, 05:48 AM

أخي الكريم ليس كل المراقبين لديهم الصلاحية كل له مسؤوليته بمنتدى الرمس تواجد قايد الغزلان يكون عن طريق البلاك بيري لانه خارج الدولة حالياً ..

يمكنك أن تتواصل مع الأخ بن خلف المدير الفني للمنتدى ..

وإن شاء الله تكون الأمور طيبة ..

ونعتذر مرة أخرى عن التأخير

إنسان ثاني

4 - 9 - 2012, 06:04 AM

آختي الكريمه نادره الوجود

بدايه آختي انا مابي حد يعتذر و مش قاعد ادور اعتذار ,, و ما كانت غايتي من كتابه الموضوع ــ

حسب خبرتي البسيطه في المنتديات ,,

قايد الغزلان و الاداره عندهم الصلاحيه طبعا

يعني انا ما اتكلم عن آخونا قايد الغزلان و بس

و معذور و دام انه برع البلاد و الاداره اتعرف انه برع البلاد

خل يتابعون طلبات الاعضاء ــ

لوحه التحكم

الاعضاء

غير اماراتي جنتل ل إنسان ثاني

يعني ثواني بس

ما يحتاي اقعد اسبوع و شوي عسب تغيير بسيط

بس خل حد يكتب شي بقسم الاخبار او يحط صور ما تعجبهم بنفس اليوم يتم التعديل ــ

ياليت ها الروح تكون موجوده بقسم الشكاوي و الاقتراحات ــ

و اعتذر و لو بيتعبهم الموضوع وايد بنخليه اماراتي جنتل و مافي اشكال =)

نادرة الوجود

4 - 9 - 2012, 06:28 AM

سيتم النظر بالموضوع ...

تم نقله للادارة

وشكرا لك

إنسان ثاني

4 - 9 - 2012, 06:35 AM

شكرآآ لج

و يعطيج العافيه ــ،،

و احترامي لج

نبض انسان

4 - 9 - 2012, 08:32 AM

ان شاء الله بسويه لك قايد بس اصبر عليه
النك نيم اليديد حلو

وفوي المطاف

4 - 9 - 2012, 10:23 AM

عيل بنشتاق لإمارتي جنتل -

بن خلف

4 - 9 - 2012, 10:55 AM

السلام عليكم ورحمه الله

هديء اعصابك اخوي ولا تنقهر .
الموضوع ان صلاحيات تغير الاسماء عند قايد الغزلان ليس لشيء وانما للترتيب . و عدم تداخل الاسماء , و , غيرها

واعتقد في شروط للتغير وضعها قايد ..
بس ولا يهمك

تم تغير النك
وفالك طيب .. ومثل ماقاولا الاخوان و الاخوات قايد مسافر و يدخل من البلاك بيري . فصعب التغير

سامحني قايد الغزلان تعديت على صلاحياتك و غيرت الاسم بدون ماشوف الشروط ......

بن خلف

إنسان ثاني

4 - 9 - 2012, 02:05 PM

وعليكم السلام ورحمه الله و بركاتهـ ,,

تسلم آخوي عالتغيير

^_^

و السموحه من الجميع

مختفي

4 - 9 - 2012, 02:57 PM

الله يسلمك ويسلم غاليك

تم تغيير الاسم ما شاء الله

مبروك

مسموح أخوي

ربي يحفظك

نبض انسان

4 - 9 - 2012, 04:03 PM

ها مبرووووووووك انسان ثانى خخخ

إنسان ثاني

4 - 9 - 2012, 04:22 PM

تسلمي آخوي مختفي ــ ^_^

نبض انسان هههه والله استانست لما غيروه

تسلمين عالطله

و مره ثانيه مشكورين

اماراتي وافتخر 40

4 - 9 - 2012, 05:36 PM

زين دخلت بالصدفه ونا اقول منوه هذا انسان ثاني طلهعت انت

اسم مبروك انشاالله خخخخخخخخخخخخ

بس عاد خساره بدلت اسم اماراتي

إنسان ثاني

4 - 9 - 2012, 09:52 PM

صار لي موقف و قلت بغيره

يلا ياريت تتقبلوني مره ثانيه بها الاسم ^_^

غدق التميز

5 - 9 - 2012, 10:52 PM

لولا اني دخلت الموضوع ,, جان ما عرفت من هو ( انسان ثاني )

المهم , مبروك تغيير اسم العضوية

Bo 3@bdallah

6 - 9 - 2012, 05:03 AM

السلام عليكم ورحمة الله وبركاته اولا انا اعتذر لعدم الرد على الرساله الخاصه وعلى طلبك مثل ما قالو لك المشؤفين كنت خارج الدولة واتابع المنتدى من البلاك بيري فيصعب عليه مراسلة الاعضاء او التحكم بلوحة الادارة

بوخلف العين ماتعلى الحاجب وكفيت ووفيت والسموحه مره اخرى اخي ومبارك عليك الاسم اليديد

قايد الغزلان

غلا العشاق

6 - 9 - 2012, 11:23 AM

أنسان ثاني مبروك على النك
قايد الغزلان الحمدالله على سلامتك

إنسان ثاني

16 - 9 - 2012, 02:13 PM

السلام عليك و رحمة الله و بركاتهـ

غدق التميز , الله يبارك فيج و الله يعطيج العافيه آختي

غلا العشاق / تسلمييين آختي و الله يبارك فيج و يحميج

قايد الغزان بداية آخي الحمدالله ع السلامه و اعذرني عالازعاج اللي تسببته , و صدقني متلوم من كتابتي للموضوع بالاساس
بس كنت ابي اتخلص من النك الجديم باآي طريقه ـ ـ ـ ـ

فيكم الخير و اعتذر مره آخرى

احترامي للجميع